泰基隆

營業中

休息中

去完朋友屋企玩狗 就係深水埗行下街 欣賞下老區既風景咁就俾我地發現左呢間的的骰骰既泰國菜6點鐘未到食飯時候 所以客人唔多我地兩個人 點左4個菜 好快就上到枱最鍾意既係泰式黄咖哩雞 同埋 泰式炸蝦餅黄咖哩好有誠意咁 有個小火爐一直熱住 最鍾意泰式黄咖哩個種香味十足但椰奶味重過辣味既感覺 香香濃濃既咖哩 送飯一流! 我地係食到乾乾淨淨 一滴不留另一道係炸蝦餅上枱夠熱多脆 唔沾酸辣醬就咁食可以食到少少蝦膠既甜味 沾埋酸辣醬就停唔到口杯椰奶冰都幾好飲 不過冰可以少返啲 因為一融左就沖淡哂

好抵，宵夜時段有8折，平時泰國菜真係味試過有宵夜優惠,仲有佢地係吾收加一。依杯龍眼冰食極都仲有龍眼，真係抵”食”冬陰公湯好大碗之外，材料好豐富，好多蝦，仲有我最愛的秀珍菇，大大粒又新鮮。味道唔錯，鹹辣適中，香料充足，食開小辣的人吾成問題。生蝦刺身每次泰菜必叫生蝦夠哂冰凍，加埋泰式辣醬一起食配合得天衣無縫。冬陰公炸餃子，第一次食，同埋好少地方有，重點係依間整得好好食，再配個自家酸甜醫，豬頸肉炒芥蘭，豬頸肉肉質幾淋，加入咗乾蒜辣椒炒，好好味。蟹肉炒飯真係用咗真蟹肉，仲見到一兩粒蟹殻一絲絲蟹肉仲有鮮味青芒果配炸魚夠哂特別，魚身大條多肉，好新鮮，仲有係餐廳好體貼甘起好哂的肉，怕魚骨的人都可以放心食店員話最好提前打去預約定甘就吾會錯過的好野啦

食過返尋味，之前就已經食過一次，口痕又想食泰國野，即刻諗到食泰基隆！上次兩個人食叫得不太多，今次叫多左個朋友一齊去，多啲人試新野😎👍🏻環境各樣依然乾淨企理，去到全場滿座，好不容易搭枱坐落泥，即刻3 7 21望餐牌點野食😂首先點左生蝦，生蝦大大隻配以蒜頭食爽同鮮甜！咖啡蝦超大一碟呢，有4隻大蝦新鮮好味，咖哩超好食，係甜咖哩泥，我地仲點左芝士糙米法包點咖哩汁泥食，超配！蝦餅一如往常好食，熱辣辣配泰式辣醬，香口野真係無辦法抵擋！生菜包份量都幾多，生菜洗得好鬼乾淨，朋友話呢生菜好靚無爛又綠油油😂小小辣但多惹味！再泥係點左串燒，有豬有牛有雞，串燒熱辣辣上枱，有少少燒蕉先好食，剛巧做到了，配自製串燒汁很好配搭！另外仲有點左蝦醬炒飯，火喉夠，飯粒粒分明，味道剛好又有咸蝦既香而又不會過咸，入面有臘腸粒，豆乾粒再配菜增加口感同味道。今次真係非常滿足！食左好多款菜式，兼且係滿意。以前今泰國菜我只諗到九龍城，而家又多個地點！還會再食❤

一路都幾欣賞泰國菜香辣的味道，今日去開深水埗買電腦野，就見到附近有間泰國餐館，行到累累的我，就忍唔住行入去飲返杯凍飲，順便解決肚仔的呼叫。左邊呢杯係龍眼冰，又甜又凍正係我所需。另外，男朋友都叫左個凍冰冰的椰青。先叫左份泰式肉丸波波，一份有四粒。每粒肉丸波波都釀左泰式香料及肉碎係入面，之後炸到外皮金黃色，鍾意食熱氣野的你就一定不能錯過。另外我們仲叫左一份青芒鰂魚沙律，一上菜時，見到份量非常之大~~ 係鰂魚上放上滿滿的青芒泰式沙律！鰂魚先炸香再切件，上面再加上青芒果、果仁，並淋上泰式酸辣汁。魚皮脆脆，但魚肉唔乾，加上酸辣的汁及配料，非常開胃，難怪咁多枱的食客都被我枱上的鰂魚沙律吸引住。此外我們都叫左一份泰式青咖哩雞，好欣賞餐廳會用火Heat住咖哩，火喉剛好，就算食到尾都唔會凍左。雞肉無骨之餘，肉質都幾嫩滑tim！餐廳唯一不足係無薄餅，不過就有芝士糙米法包。為左唔想浪費咖哩的精華，所以都叫左一件。用糙米包一點，超好掛汁，加上法包上的芝士，味道變得更Rich更Creamy！係意料之外的好食！食得咁多濃味野，叫左碟菜去Balance下。呢碟馬拉盞炒通菜。菜炒完唔會太老，味道還可。食到尾，就叫左

今日有遠道來港嘅朋友，我做當導帶左佢地去深水埗呢個美食之都，正當在夏日炎炎之時，我們身旁有一間泰國菜，我們就決定食這一間，入到去時，環境舒適，服務員態度尚可，打開餐牌圖片吸引，最後我哋點左九個菜，包括咖喱蝦(咖喱味香濃，帶出泰國傳統黃咖哩嘅風味，配料充足，口味帶甜，用來送飯或配上蒜蓉包，令你非常開胃！沙嗲串燒(串燒的肉質有水準，嫩滑有口感，肉味香，傳出一陣陣燒烤嘅味道鎖住肉汁，再配搭埋沙嗲汁，味道夠香夠濃)，蝦醬炒飯(色香味俱全，飯香蝦醬味特出，由觀感到味都不令人失望！蝦餅(香口彈牙)，串燒茄子(燒烤鎖住茄子水份，上面報佈滿非常香口的辣醬蒜片，完全停不到口，一人都食了大半條)，肉碎生菜包(生菜新鮮爽脆，呢味菜靈魂就在於肉碎，果然不令我失望，鮮香肉汁香茅味全完帶出，肉碎口感一流，一啖啖入口令我非常滿足，*泰*味呈現......極俱泰國地度水準！沒令我地失望！遠度來港朋友大讚，香港真是美食天堂美食之都！回味不段，非常滿足抱住大肚腩........下站糖水...

深水埗古靈精怪嘢乜都有。行行下個肚饑lee 古lu。見到有間食泰國菜。二話不說走咗入去試試黑板上有廚師推介。相信叫e d 食物一定有保證。泰式明爐青🍋烏頭烏頭酸酸地幾開胃。泰式🐷頸肉生菜包～🐷肉碎生菜包就食得多。🐷頸肉生菜包真係第一次。平時包肉碎食。d肉碎成日跌出黎。包住一片片嘅🐷頸肉。唔會跌出黎之餘。口感仲豐富好多。泰式乾炒粉絲（可揀🐷/🐂/🐔肉）牛肉同菜嘅份量比例啱啱好。均衡飲食無難道。粉絲炒得幾乾身。唔會濕淋淋/乾爭爭。炒雜菜～雜菜唔un 又唔老。食落索索聲。下次食泰菜。唔洗專登走入九龍城啦。

是晚與媽媽到深水埗買電話卡，買完周圍逛逛。與北河街一街之隔的基隆街臥虎藏龍，佈滿著很多食肆，酷愛食泰國菜的媽媽當然選擇食泰菜。菜式選擇多元化，小食、咖喱、炒麵飯、蔬菜、燒烤、飲品及甜品，應有盡有。泰式蟹肉炒飯 - 炒飯炒得有鑊氣，粒粒分明有米香。飯粒伴有蕃茄仔及雜豆粒，富色彩之餘亦不失單調。馬拉盞炒通菜 - 通菜清綠爽脆，入口清甜。伴隨調味料更見美味！冬蔭功餃子 - 店員極力推介，就即管試一試。餃子表面炸得金黃酥脆，內裡材料豐富，食落亦帶有酸中帶甜的味道。珍多冰 - 椰味濃郁，飲落充滿椰香。綠色啫喱條入口Q彈，有咬口。椰青 - 大大個，椰肉雪白。椰青水順喉清甜！芒果糯米飯 - 芒果果肉軟硬適中，肉質滑溜鮮甜。糯米飯被滿滿的椰汁包到瀉，入口軟綿。

叫左魷魚沙律，好味，魷魚都幾多，夠惹味！辣辣地甘。生蝦夠大隻，幾新鮮！馬拉盞炒通菜，炒得唔夠味，好淡呀冬陰公海鮮湯 , 比較椰香味多D，我就麻麻啦。黃咖喱牛仲要有個爐係下面，一路滾，夠晒熱，味道都唔錯呀，叫埋芝士糙米法包，仲要烘過黎，好食！蝶豆花好難飲

本人都真係好鍾意食泰國菜，見到有好多新泰國餐廳都會食想試吓。今次去到深水埗呢間泰國菜，見人流都幾多，於是決定試試。同朋友兩個人食量唔算大，叫咗一條鱸魚，生菜包，同埋一個馬拉盞炒通菜。首先條魚真係非常值得一讚，份量好大，而且唔算好多骨，重點係魚皮好脆好香口，魚肉又滑又鮮嫩，一個字正！ 生菜包亦都好特別，餡料係豬頸肉，小小辣得來又非常香口。炒通菜都非常之入味，本身唔係好鍾意食菜嘅我都清晒。最近天氣非常乾燥，餐廳亦都有啲滋潤熱飲，我同朋友都叫咗兩杯滋潤嘅檸水，飲完成個人都舒服晒。

今日去完高登同鴨記買野，就同女友喺附近搵野食。最後揀左食泰國菜，鋪頭唔大，見啲客都坐左大半間鋪，應該唔會難食得去邊。龍眼冰，好清甜，龍眼味都好夠。始終唔少鋪頭搞到杯野好甜，搞到飲糖水咁。青咖哩雞，有火喺下面keep住煲野熱，唔算好辣，雞肉係用雞脾肉，所以無骨。本人鐘意青咖哩係因為有椰香味，呢到當然都做到啦！馬拉盞炒通菜，炒到好有"獲"氣，熱辣辣出黎好惹味!芝士糙米法包，初頭以為係硬硬地嗰啲法包上面有芝士，黎到原來係軟熟既面包入面有芝士粒。再點咖哩汁黎食，味道幾特別，未食過芝士加咖哩呢個配搭(焗飯除外)。青芒鰂魚沙律，第一次食咁樣既炸魚，起哂一舊舊肉去炸，酸辣再加上青芒既清新，食落好好味！而且魚肉無骨，可以大大啖食落去。剩低既骨都有炸到，飲啤酒既人可以要黎送酒。

很想吃泰國菜，原本打算到九龍城，不過有點遠，唯有上網找找附近有沒有泰國菜吃吧。找到這間價錢平民，看似不錯的泰菜館，便到那邊吧。餐廳裝飾佈置帶泰國風，餐牌選擇蠻多，牆上也有圖片，讓食客更容易了解菜式。泰式炒椰菜苗：去泰國餐廳定會點這款菜，喜歡它夠爽口帶點清甜。新鮮即炒，加入蒜蓉加椒絲一併炒更加香口惹味。冬蔭功大蜆煲：看到牆上的圖好像挺吸引，就點了。冬陰公湯底十分入味，充足的香料令湯底更香濃，就如一人鍋火鍋般，滾著湯吃，入面有很多隻大蜆，算是肥美，值得一提是不會像平日出面吃的蜆般那麼起沙。冬蔭功湯不會很辣，內有蜆、蔬菜及吸盡湯汁的粉絲，惹味極了，一百元也不用，價錢算便宜。泰式炒金邊粉：有鑊氣的泰式炒粉，酸酸甜甜特別開胃，麵條入味有彈性，雞肉多又大，份量也很足夠。泰式醉貓炒河：被它的名字吸引著，原來像干炒河，味道也類同，不過用料有點不同，加入不同的蔬菜及嫩滑的雞肉一起炒，相對較健康及不會太油膩。性價比高的泰國餐廳店，下次再到訪！

今晚同fd行完鴨寮街，有d肚餓問吓佢食唔食飯，佢話好，一於尋食完先返屋企行到基隆街見到有間泰國菜就入去試吓睇見牆上和餐牌好多選擇我哋叫左個泰式拼盤、泰式蝦膠炸皮蛋、泰式海鮮炒飯，另外老闆推介我哋試冬蔭公餃子，就即管試吓先我就另外叫左杯洛神花茶。係未有得食既時候，侍應送上杯洛神花茶，入囗酸酸尾尾，甜甜哋幾醒胃等左大約二十分鐘左右，就送上老闆推介既冬蔭公餃子，感覺到係新鮮熱辣炸出來因入囗感覺到好熱，外皮脆咯咯，內裏好足料，好香香茅味，正宗冬蔭公感覺，幾辣幾嘢味點個醬汁又另一種味泰式拼盤（雞棗、扎肉、炸蝦餅和春卷）樣樣都熱辣辣，蝦餅又脆又彈牙，點左泰式酸甜醬和柚子蜜糖醬，錦上添花泰式蝦膠炸皮蛋，外層蝦膠香脆彈牙，內裏皮蛋軟滑甘香泰式海鮮炒飯，冇其他冬蔭公、蝦膏、馬拉盞炒飯噤香口嘢味比其他炒飯清淡d份量都幾大碟，海鮮有大蝦、魷魚和青口最後埋單$358，俾錢時問老闆大廚是否泰國人，佢話我哋知係正宗泰國人

終於食到開年飯啦👏🏻👏🏻👏🏻偶然睇到fb介紹，一於約幾個朋友去食餐廳喺深水埗基隆街，鋪面唔算好大，星期六晚嘅客人好多，book 咗位先有得食。前菜原本點炸蝦餅，聽老闆娘介紹最終試咗冬陰公餃子🥟冬陰公餃子泰好味指數：❤️❤️❤️❤️一碟有六隻，炸得好香脆，餡料豐富，有蔬菜蝦肉辣椒，辣味十足非常惹味，但就無咗冬陰公酸味泰式生蝦泰好味指數：❤️❤️❤️❤️生蝦好新鮮！上檯一刻仲見到一隻尾巴擺動爽口，配上辣汁食得夠過癮海南雞半隻泰好味指數：❤️❤️❤️雞肉唔算好滑，但個醬汁味道搭夠，不過不失冬陰公湯（細）泰好味指數：❤️❤️❤️❤️❤️好鍾意呢個湯酸辣度適中，材料好足，大蝦爽口新鮮，細碗份量足夠四個人飲海鮮拼盤泰好味指數：❤️❤️海鮮種類多，有蝦、青口、蜆、螺，配生蝦嘅辣汁好好味，唯獨是有部分螺肉和蝦不太新鮮，只好放棄青芒鰂魚沙律泰好味指數：❤️❤️❤️❤️❤️好惹味！十個讚！有青芒條、腰果，花生、辣椒，個汁夠晒香辣望落以為係原條炸鰂魚，實質係將大部份鰂魚拆肉起晒骨再炸，外皮香脆咬落去啖啖肉啱晒怕啃魚骨嘅朋友而有心機識食嘅可以起魚骨揀魚肉再食最後係芒果糯米飯泰好味指數：❤️❤️❤️芒果好甜，配上椰漿同咸咸地煙煙靭嘅糯米飯都唔錯飲品方面都多選擇～

<隱世深水埗泰菜>🔥😃呢間喺深水埗既泰菜泰基隆 一個字 好味！ 價錢抵 ! 😂 鍾意食泰菜既朋友要試 細細間鋪 見到好多街坊幫襯 !🍺泰象啤25 蚊比較啖味d泡身偏薄 幾啱配埋泰國前菜😃🍴泰式炒椰菜苗65 蚊🔥🌿用辣椒 咸豆 炒成 好夠鑊氣🔥 椰菜苗新鮮又夠爽口 😃好入味 正 !,🍴泰式乾炒粉絲 68 蚊🍜粉絲炒得好夠鑊氣 🔥 粉絲好夠乾身爽口 有蕃茄🍅 葱花 蛋絲🥚 菜絲 好入味 調味出色 一定要熱食 😃🍴泰式海南雞 88 蚊 🐥雖然話半隻 但都好多肉 雞肉係凍食 雞皮嫩滑 😃 雞肉都唔差 夠新鮮同雞味 點埋 自製既泰辣醬 辣後黎好過癮🌶 好味😍🍴泰式海鮮沙律88蚊 🥗凍食既餐前小食 有青口 . 蝦肉 🦐 魷魚🦑 等等 大件新鮮 最正係佢既泰式辣汁 好辣但好惹味 , 食完特別開胃😃🍴泰式燒茄子 30 蚊🔥🍆 大大條茄子 都幾厚肉 燒既火喉剛好 夠軟熟 上面d辣醬 好惹味好正Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性

雖然成日同朋友來深水埗，深水埗近年真係多左好多食肆，可能租金比較平啦，食物選擇都多左。位於基隆街近南昌街嘅呢間泰基隆，門面唔算好大，附近又有人氣馬拉菜，都唔難搵。小店大約三十個位置，週日六點鐘去到都差d冇位，因為大部分人都有預約啊，所以你地如果想試，都最好預約啦，又冇折扣，walkin要好似我地咁碰碰運氣。今次兩個人點左幾款野食。炸蝦餅、泰式鳳爪基本上我地唔少得，另外加左個椰菜苗、泰式鮮魷，加埋店員推介嘅泰式冬蔭公餃子，兩杯飲品。泰式炸蝦餅：一共三大件，切開一半，剛剛炸起，夠哂香口。蝦餅食落爽口彈牙，水準如常。泰式鳳爪：份量夠多，酸度較低，我最鐘意佢夠辣，幾過癮，開胃。而且其他伴菜都幾入味泰式椒鹽鮮魷：有少少似避風塘做法，面頭有大量炸蒜蓋住，幾有穫氣鮮魷都唔少，兩個人夾左好耐都仲有，大小適中，一口份量。不過略嫌炸粉硬左d。鹹魚椰菜苗：本身女朋友就唔食鹹魚，但我一個唔小心，就點左個鹹菜炒，差d要被鞭屍。錯有錯著，呢度嘅鹹魚味比較淡，鹹魚粒亦比較少，女朋友都食到，反而似蒜蓉炒。咁對我想食鹹魚嘅人，就梗係爭d。椰菜苗新鮮，唔老，亦都唔油，唔錯冬蔭公炸餃子：係店員推介，menu上仲未有架。用左