泰坊 (已結業)

6月1號開業，過左成個月先來試本來想book位，但佢要7以上先可以book。咁就為有walk-in la。。。去到淨返啲大的卡位，佢叫我地坐一邊，同人搭枱。但疫情下，唔想囉，又無野隔住最尾都俾我地坐左卡位又唔使搭枱個menu勁吸引，中西泰都有。如果有選揀困難的人，應該有排都揀唔到我都有好多款想試，但今日試左呢款先碗粉係正常size咁大碗，唔係平時常餐嗰啲咁少野。啲餸勁多有豬肉，肉丸，豬潤，唔知鴨血定豬血。又配丹麥方包，48蚊有咁多野食，真係抵到呢。。。我諗係其他餐廳食，可能要60以上但真係食唔曬，叫同事幫手食蛋同火腿再加8蚊叫左杯椰汁涼粉紅豆冰。真係飽到上心口紅豆唔夠淋但杯野唔會太甜，呢個抵讚又多一間要encore

泰坊依間嘢新開張午飯都試過幾次, 水準一般 , 西餐牛扒又食過海南雞飯都ok , 不過油飯唔熱有點凍 , 今次叫海南雞飯想轉白飯 , 問咗伙記話可以轉白飯 , 點知12:25分落單等到1點鐘 , 催咗四次都無跟進 , 點解一碟簡單嘅海南雞飯只是轉跟白飯 , 可以搞半個鍾都出唔到嚟 , 同行其他同事都食飽 , 激鬼氣唔等啦, 埋單走人 , 今時今日仲咁嘅服務態度好快摺 , 出面大把餐廳選擇 , 我唔會再幫襯泰坊

見到理間餐廳開了一陣子，再加上經常有人在派傳單，好奇想試新野的心態，中午就去食啦！午餐超多人地方算大， 除了大廳餐有房！被人安排到房間，人流太多，房間位不是長有店員，店員也忙不過來泰式餐廳，想試試招牌點了「遊船湯河」，忘記了轉其他粉（可轉米粉/金邊粉/麵等等」都幾多選擇！有炸豬皮 睇落幾香口！ 可惜我平時唔食肉丸幾彈牙！肥牛普通 ！牛味不重米河粉是粗米粉碎上！感覺太碎了 哈哈奶茶挺好喝的我幾喜歡！其實午餐還有很多炒飯及鐵板選餐擇，還多送一碗湯！ 想試不同選擇既你就可以黎試吓！

見公司對面新開咗間泰國嘢，即刻走去試吓。第一次食lunch但冇影相，叫咗個泰式雞肉炒飯同泰式濕炒海鮮河，份量好足好大碟，味道好好，每個lunch只係$52，仲要包埋冬蔭公湯。一向喺觀塘食泰國菜lunch，一般都要$70-80，所以呢度$50+真心便宜。第二次去食下午茶，叫咗個海南雞船河(我走咗豬紅轉米粉)，又係好好味，d雞肉好肥美好滑(見圖)，湯底好濃，配料好足。加$可以配小食，我點咗魚餅，魚肉好滑身，香料味適中，風味十足。食完第一次後，我介紹咗2個同層朋友叫外賣，佢哋都話好食。老實講，呢個舖位已經轉咗手好多次，希望呢間高質泰國菜可以屹立啦！真心推介！

今日再次光顧這間餐廳 , 抱著上次好好食的早餐下 , 是有一定的期望 Lunch 時間一定人多 , 難得有位 , 快快地坐下和叫食物 , 避免影響人做生意.要看一間餐廳的水準 , 香港就要看干炒牛河 , 泰國最好就看 Phad Thai .今日的午餐有 Phad Thai , 就等我試試這間餐廳的水準 . 呢到的午餐賣 $ 52 , 包括一杯飲品和湯. 在觀塘個地區 , 貴過一般茶餐廳.落單很快就上了一杯餐飲 , 這杯和我上次來的問題一樣 , 太甜了 . 我明白泰國的飲品是比較甜 , 但淡番一點會好少少.跟餐的湯 , 味道很淡 , 而且只有一個酸酸地的味道 , 應該是落了大量的味精 / 檸檬 去較味.之後 , 到了 Phad Thai . 一上檯我就知道出事 , 果D金邊粉完全無光澤 , 食上口無任何熱感 , 應該是一早炒定 , 跟手有人叫就上檯. 其實我也明白 , Lunch 個個也要快 , 好多時也準備定 , 但如果保溫方面做好一些就好.講番 Phad Thai , 同我之前在其他餐廳食的有很大分別 , 果d顏色好怪 , 似落了很多調味料 , 同埋果D粉全部痴埋一齊 , 果D花生

今日番工， 行過見到呢間餐廳第一日開門營業，樓下有個好似老細嘅人不停叫人上去食嘢 ，我望一望餐牌見到有泰式嘅早餐好不猶豫就上咗去。由於疫情嘅關係，枱與枱之間有發泡膠分隔，可能今日係第一日開張嘅關係，樓面同事都唔係好清楚餐牌嘅內容，我見到有一個泰式牛肉麵，咁我就叫咗呢一個。 上到枱其實我有少少愕然，因為份量都好多吓，味道有少少酸酸地，好有泰國嘅風味，一定好過沙嗲牛肉麵，而且面裏面仲有白蘿蔔，感覺健康好多。可能真係第一日嘅關係，我食完成碗面雞蛋仲未嚟，咁我就問樓面，之後就好快上台，我估係應該之前遺留左。講一講杯奶茶，並不是泰式奶茶而係普通港式的奶茶，味道正正常常但沒有驚喜。 如果下次嚟嘅話，我會試過一個鴨肉河粉，因為早餐食呢一類真係好特別

原本放工後和同事想食越南粉，但找不到我想去那間，又趕時間只好選擇其他。在工厦門口看見有人派傳單，把傳單接過就入去試下。侍應安排我們4人坐6人座位，所以坐位不會過迫，而且坐位也很舒服。坐下就先硏究餐牌，食物相片也非常吸引，我就先選了遊船海南雞湯河，因為趕時間即時提醒侍應我份先上，因為趕時間，侍應也很禮貌回應即時安排。遊船海南雞湯河：湯味特濃，就好像牛腩湯底。海南雞肉嫩滑，沾上海南雞醬汁更加惹味。豬頸肉湯河：清湯處理，豬頸肉爽口，味道也不錯，喜歡清湯選這個就沒錯。特價午餐泰式鹹魚炒飯配冬蔭湯及熱飲：同事喜歡吃辣所以選了這餐，但對她來說是不夠辣，但就很惹味，她很喜歡鹹魚香味。特價午餐鮮蝦炒金邊粉配冬蔭湯及熱飲：每條金邊粉被醬汁沾上，令每一口金邊粉都酸酸甜甜，很開胃，鮮蝦也很爽口，沒腥味，不錯。菠蘿沙冰：賣相非常吸引，同事order,不方便偷一口，下次自己order。