影片
以上資料只供參考, 請與餐廳確認詳情
今日朋友帶咗我哋嚟東港城食泰國菜，餐廳都幾大，位於商場轉角位置，以木色系為主。八點入座，已經差唔多坐滿九成。泰式四拼盤 $148拼盤有蝦餅、魚餅、春卷、雞翼。拼盤新鮮炸出，春卷炸得香口。蝦餅口感彈牙，配埋泰式甜酸醬，味道唔錯。魚餅加入香茅，每啖都充滿香茅味道。串燒拼盤(6串) $98拼盤有雞、牛、豬，每款有2串。串燒燒得剛剛好，食落仲有肉汁。肉質本身已醃得幾入味，亦可配上提供嘅沙嗲醬一齊食。咖喱麵包軟殼蟹 $88麵包內裝滿咖喱同軟殼蟹，賣相相當吸引。軟殼蟹炸得酥脆。咖喱好香，味道唔太辣。麵包鬆軟，吸汁一流，每口麵包都充滿咖喱。泰式肉碎生菜包 $88生菜新鮮，泰式肉碎加入蒜同指天椒，炒得幾香辣惹味，辣得幾過癮。飛天炒通菜 $78幼身通菜，食落唔算太辣。泰式船湯河 $78船河足料，有牛肉片、牛丸、蘿蔔、炸豬皮。湯底帶微甜。牛肉比較有咬口，炸豬皮放上面，食落仲好好香脆。芒果糯米飯 $68食泰國菜，必點芒果糯米飯。芒果超甜，仲配熱辣辣嘅黑糯米同白糯米，糯米軟糯有咬口，滿足。另外，餐廳仲會送上桂花糕作為甜品，味道都唔錯，唔太甜。
繼續閱讀
餐廳裝潢不俗，木色系搭配不少綠色植物，也有木造吊扇等細緻裝飾，頗有東南亞風味。食客人數不算少，看來是附近街坊喜愛的餐廳之一，相信味道亦有保證。一試，果不其然。【鹽燒烏頭】這魚真的值得一食，幾乎連骨都想吮吸。體積足夠3-4人食用。吃烏頭最怕有泥味，但這餐廳處理得很好，相信有賴於魚肚內塞入滿滿的香茅之類的香草，而魚皮表面的鹽巴也讓整條魚即使不用添加其他醬料也足夠的惹味了。【泰式鳳爪沙律】泰式鳳爪就是泰式鳳爪，涼涼的，酸辣雜陳，口感爽脆，很是開胃。既然是沙律，當然有些生菜墊底。看似普通，想不到沾到泰式鳳爪的酸辣味之後令生菜有種煥然一新的感覺。【泰式船湯河】很多泰式湯粉麵都會搭配炸豬皮，但往往炸豬皮都不夠新鮮，失去了爽脆口感，變得或硬或淋，簡言之疏風。不過，這碗的炸豬皮仍然嘎嘣脆。湯底的吵嗲味不濃烈卻突出，恰到好處。【馬拉盞炒通菜】炒菜不油不好吃的，所以這碟滿滿的油香溢於言表。相反，馬拉盞味稍微淡了一點，美中不足。【附送甜點-藍色立方體】不知名的東西，所以我自行據外表取名。味道清新，吃起來似大菜糕之類，又有淡淡的椰漿味。
繼續閱讀
1️⃣泰式乾炒豬肉片河粉🐷🇹🇭鑊氣十足，河粉炒得乾身爽滑，醬香濃郁而不膩。豬肉片嫩滑入味，搭配豆芽、韭菜與蛋絲，口感豐富✨2️⃣原個椰青焗飯🥥賣相非相吸引，以原個椰青盛載，焗飯浸潤著椰香，米粒飽滿。配料簡單，以雞肉、蘑菇為主✨3️⃣豬頸肉沙津🥗豬頸肉炭烤外脆內嫩，油脂分布均勻。沙津以青木瓜絲為底，酸辣醬汁醒胃，花生碎增添香氣✨4️⃣泰式街頭椰子粟米雪糕🥥🍨椰子雪糕濃郁綿密，搭配甜粟米粒與脆花生，冷熱甜鹹交織，底層仲有糯米飯添✨5️⃣炸蝦餅🍤外皮金黃酥脆，蝦膠彈牙鮮美，蘸甜辣醬更加正✨6️⃣千層糕💚甜而不膩，斑蘭與椰汁層次分明，口感軟糯👅✨7️⃣泰式紅咖喱牛肉片🍛咖喱汁香濃微辣，椰奶平衡辣度，牛肉片嫩滑配埋薄餅更加正✨8️⃣泰式椰子沙冰🍹奶茶茶香濃烈，甜度適中✨
繼續閱讀
泰國婆價錢: $58/ $78/ $88/ $128/ $38好味程度: 4/5服務🍴: 3.7/5環境🗾: 3.7/5性價比🥢: 4/5 (個包係5/5!!)回頭率😚: 4/5-終於喺將軍澳都搵到唔錯嘅泰國菜！呢間叫泰國婆的泰國菜同平時嘅Menu差唔多，經典泰國菜式都有。價錢上同市區例如尖沙咀嗰啲差不多，唯一係飲品比較平，沙冰都只係$38。-✅泰式炸蝦餅。正常泰國炸蝦餅，夠脆夠彈牙，食到有調過底味嘅蝦膠😆識食一定要點泰式雞醬！-✅泰式燒豬頸肉。竟然係燒到香噴噴😋豬頸肉肥美，邊邊位帶輕微燶邊！香脆肉嫩，厚度都切得啱啱好。-✅✅咖喱軟殼蟹農夫包。呢個包係咪傻咗，成個頭咁大先$88😱法包香脆，軟殼蟹亦都炸得夠脆，而份量夠多！軟殼蟹有膏的🤗最好食係個咖喱汁，係典型泰式黃咖喱汁，濃稠偏杰，味道甜甜而唔辣😌就算個包索晒汁都好好食。-✅新鮮菠蘿炒飯。炒得乾爽同有鑊氣的炒飯一定好食🤪黃薑粉味道濃，炒飯中有新鮮菠蘿🍍粒，加提子乾、肉鬆的配搭，鹹甜鹹甜！同埋有海鮮係入面的，蝦、🦑、青口。-✅✅泰式椰子沙冰。呢杯結合左椰子水+椰奶味道！唔會太甜太膩，但有椰奶的滑溜，又有椰子水的清甜🥥
繼續閱讀
晚餐嚟咗試一試呢間泰菜，叫咗黃咖喱牛腩配蒜蓉包同埋泰式金邊粉。泰式金邊粉酸甜適中，唔算油膩，但蝦就唔係有好多隻。黃咖喱牛腩係偏重椰奶味嗰種，牛腩都唔少，幾香濃惹味，配大大件嘅蒜蓉包食，幾唔錯。餐廳座位坐得比較迫，會播住泰文歌。總括嚟講價錢唔算貴，味道都唔差，但未必適合坐好耐同朋友聚餐嗰種。
繼續閱讀