泰國人海南雞 (弼街) (已結業)

夜晚突然之間肚餓又唔想食街頭小食行開呢頭就落嚟呢度食海南雞呢度係海南雞飯會送埋例湯個例湯冇乜味有一個冬瓜係入邊但係飲落去就似水加油加小小鹽好一般個海南雞就偏乾可能因為佢係比雞胸肉而且唔係特別入味個油飯唔錯都幾香整體來講中規中矩但如果用海南雞來做招牌可以做好啲

見離上堂，還有時間，就行去太子附近覓食，很久沒食這間店，試試水準是否仍舊，點了招牌海南雞飯套餐，先來例湯，冬瓜湯，味道沒有太大驚喜，偏咸。。飲了幾啖就放棄了。招牌海南雞飯，就算是雞胸肉的部分，肉質仍然很滑，配上特製的醬汁，味道很夾。飯拌入了雞油，很香。。。入口滲出雞油香味。。值得一讚。唯獨，環境方面不得不說，地方細，但枱多的情況下，客人不難會出現背部撞背部，希望可以改善空間，令食客食得舒適。

嚮太子與旺角之間行行逛逛,飽與餓之間,又想坐一坐,暖一暖個身~見到有個彩色餐牌,係泰國餐黎,食泰國餐食上癮......(啱哂啱啱由泰國旅遊番黎既我)睇到佢下午茶餐有個冬蔭公豬頸肉湯金邊粉,好想食~入到去店員放低餐牌,海南雞飯個圖又好吸引我,我問店員冬蔭公湯底會唔會好辣,佢答我: 個個人唔同喎~如果辣得滯我應該食唔到,驚驚地👉🏻👈🏻同豬頸肉我一般般,又唔係最鍾意食......所以我都係點左個泰式海南雞配雞油香飯做下午茶,另外加$3 配熱檸檬茶,餐來到附上一個冬瓜湯,都幾清甜~雞雞既賣相一般般,我少食雞皮,所以唔介意佢無減啲雞皮~ 哈!但佢個飯就唔似係油飯嘞,無雞油香,麻麻地啫~

下午茶時段的海南雞飯都算大碟，不會話馬馬虎虎切啲雞頭雞尾比你，無骨雞胸或雞髀都會有少少肥膏，但尚可接受，一個女仔嘅份量都夠㗎啦。唔想加錢可以飲可樂，如果要飲凍檸茶凍奶茶就要加幾蚊，咁當然你都可以另外叫一個椰青啦，我見隔離枱個椰青都幾大個。除咗可樂之外佢其實仲有一個跟餐嘅雞湯都OK架，有冬瓜有雞，但係要趁熱飲先好味！依家後門封咗冇得借廁所，放咗幾個大嘅膠箱用嚟放用過嘅碗碟，同最尾一張枱嘅距離十分之近，即係話員工放碗碟嘅時候如果太大力嘅話就會彈到啲汁係客人到。

21:15的晚餐，目標是簡單+快。點了海南雞飯 $59雞:沒有雞味，份量不多，起初上枱時以為好多，後來發現原來底部用一塊厚青瓜墊底。飯:一半正常、一半濕腍(一次提供兩種口感)，而且沒有雞油味湯:內有一件冬瓜醬汁: 缺少了酸味、咸味、蒜頭味....食物質素差之餘，環境亦同樣不討好，近門口位太熱，好心店員已一早告知，勸告我坐最入面。中間位太窄，動作大少少都會踫到旁人。最入面好似好安全，但其實最驚嚇，因為放了大垃圾桶及膠箱，店員不時大力將碗筷掉入膠箱內。店內明明播放著泰國傳統音樂(平時做SPA令人輕鬆的那種)，但短短20分鐘吃飯過程中，有人係你旁邊或背後大大力掉碟碗，叫人如何輕鬆地用餐呢？其實店內面積已經不大，只要多行一兩步已經可以解決得到。P.S.希望下次再去時，店家會有所改善。係我記憶中，他的海南雞飯曾經是頗出名的。

上完堂好攰好肚餓，突然好想食海南雞，就諗住去泰國餐廳買外賣，但想食個間lunch set冇海南雞，甘就醒起泰國人就黎左買。要左個海南雞飯外賣，午餐價錢為$55，包冬瓜湯同飲品一杯，外賣加2蚊。海南雞超滑，冇咩骨又易咬😍油飯望落冇咩色水但食落勁香！同個汁撈埋食真心冇得輸☺️☺️☺️冬瓜湯唔會太咸，飲完唔會口渴，有一塊仔冬瓜，如果多d就好😟😟😟飲品要凍飲竟然唔洗加錢！呢度既凍咖啡好夠苦唔會太甜goodddddddd☺️☺️☺️

套餐包括: 飲料、餐湯、自選主食餐湯: 雞湯, 雞味不濃, 味道微咸, 感覺有味精吊味主食: 我選了海南雞飯. 飯是用雞油及米煮成, 香味濃及米香足主要吸引的是海南雞, 店家是隨機出雞的部位, 今次是雞脾及雞背, 雞脾肉嫩和皮薄、雞背肉質硬一些、肉味更濃配菜基本上每次也是青瓜, 但可能放在雞旁邊, 青瓜都油的, 感覺有點怪, 所以通常都不吃食物是不錯, 但坐位很不舒適。重點是鄰桌太貼近, 基本上每一次都被鄰桌的人踢到、踩到、就是一直用手撞你。唯一可取的地方就是 雞不錯, 而價錢又便宜, 否則還真的很難令人再回去光顧。

朋友約食生日飯，話想食泰國野，咁就試下尼間既泰菜啦~點解會知有尼間，事關每次放工都會經過，都會見到有人等位，今日終於有機會試啦~1)冬蔭公湯金邊粉（$54）:金邊粉比較硬身，唔會一夾就斷開，蝦有大約4-5隻，而且爽口好味；湯底我有啲驚喜味道會比較香辣👉中意濃味既朋友就岩哂 而且份量都算多~~尼個抵食!2)泰式海南雞飯+湯($59)雞係凍凍地，雞油結成jelly狀(有點扣分)，食起上黎有啲膠加上雞味無嘜，小妹自覺唔會再亂叫雞...飯啦湯就咸左啲，不過配飯食岩岩好，中和左咸既程度。3）青木瓜絲沙律($43)木瓜同配料都夠哂套爽口，而且辣味好夠，飯前菜好岩啊!!4)泰式炸蝦餅($48)蝦餅肉質較結實，脆口但無嘜味，食落都幾用力咬。不過都汁就酸酸地幾開胃 。5）串燒(雞肉)雞肉唔似平時食開既，燒完係似牛肉乾質感既肉乾，食落偏乾唔易吞，不過個醬唔錯。小妹有覆單既習慣，但都落錯兩樣，不過出單好快，一落完唔洗5分鐘就有單到枱，咁小妹先睇到落錯。仲有仲有，如果要慢慢傾下食下，小妹就覺得尼間唔多適合啦，事關小妹同朋友兩個人由坐低到走都唔唔夠一個鐘，就有職員同出面啲客仔講我地尼枱食左好耐，有排架唔使等尼個

一路已来覚得星加波海南雞不及廣東白切雞好食，一般做得比较嚡，唯一吸引只是油飯。至放泰式海南雞，很久之前試過一次，感觉不好，就再冇試過。今日行色怱怱，中午随便就地走进此家泰国海南雞專門店。雞飯的亮點不是雞，是伴雞的那個辣椒醬，即使沒雞，只要有辣椒醬，都可以把一整碟油飯全吃掉! 先上的是冬瓜湯，應該是雞骨蔜出嘅湯底，加了芫茜，带出香味，但油了一点！鷄肉出奇地鲜嫩軟滑，有鷄味，不肥（照片中的只是這件皮下带点肥，其它没有）。而配上的点醬的確好味送得飯。而跟上的油飯並不太油。

返學之前，在旺角快食一餐。 最近小編都好喜歡吃泰國嘢，所以見到海南雞推介，就衝入去呢間小巴站旁邊嘅食店！ 叫咗一個海南雞飯，泰式豬手飯，另外加了一杯飲品。 個餐有餐湯，有啲鹹，飲到一半都冇飲...=.=" 泰式豬手飯首先來到。 其實如果單論豬手，豬手是很好吃的，又很膠質感！只可惜個汁有點問題，有點難入口...即使泰國食物香料重，也不應該是這個味道... 我不懂得形容...嗯...味道甘甘地，有點香茅味但又不是香茅味，似石油氣的味道=.="..... 招牌海南雞飯不錯。 雞肉很嫩滑，配醬汁吃是正常的。 這個海南雞飯的雞油飯也很好味，雞油味很重。果然是招牌菜！ 說到這裏，我不得不負評這一間店。 如果剛好坐在冷氣的位置是沒有問題的，但是如果坐在入面，就很大問題！因為小編到這一間店吃的時候，他們只開了近門口的冷氣。最入的客人就要承受很熱很熱很熱的感覺~~~~ 小編一邊吃，一邊流汗。旁邊的一枱客人也是！ 有點趕客的感覺...所以印像很差....急不及待地走....唉......

難得星期二，約咗個老友去旺角， 喺小巴站等咗陣， 行下行下見到泰國人海南雞 ，老友見肚餓就行入去食， 海南雞雞肉嫩滑有口感，雞油飯一吃再吃， 海南雞醬汁 酸酸辣辣十分開胃， 兩個人梗係一人一半啦 我就嗌咗個泰國豬手飯豬手肥而不利， 入口有好感 膠質彈性一流 食完好似置身於泰國之中，感受到當地嘅情懷， 令我再次懷念喺泰國嘅日子。一人一個飯加埋 杯特飲 青檸可樂， 最得人鍾意可樂係罐裝可樂 唔係一啲汽水機針出既，一句講曬正!!!!兩個男人啱啱好 食完晏啲再食過

今日提早收工，就同男朋友食個下午茶先再回家，我地就去左公司附近間泰國人·海南雞。一人一個下午餐茶，每個餐茶都送湯同可樂/雪碧。泰式海南雞飯-飯完全無雞油味，好似食緊白飯而海南雞就比左雞腿，正正正泰式海南撈金邊粉-金邊粉味道有d怪怪地同好油下個湯完全唔掂，味精湯飲左兩啖就停手好彩海南雞比左雞胸肉，啖啖肉，正總括而言，除左海南雞之外，其他食物真係麻麻地，服務員態度不太好，不過，一分錢一分貨啦兩個人埋單$77

幾個朋友黎食飯打打底。三個人都係嗌三個海南雞飯。晚飯時段，個個都係叫飯。同檯有人攞住團購 coupon 嗌左豬手飯同海南雞飯，佢地評話海南雞都係好味D！唔駛唸，我地又係海南雞飯啦。先黎醬汁同湯。湯係十分十分之熱，要攤一攤凍。朋友感覺味精甚多，所以我都飲左兩啖就冇飲。雞份量OK，全部都係雞胸，冇骨，唔太肥。黃油飯唔多似黃油飯，普普通通。總體份量我剛剛好，兩位男性朋友覺得唔夠。

今晚一行三人，七點幾去到。等位都唔緊要，執枱慢都算，由上一張枱走到入得去坐都等左10分鐘。D侍應態度差，三個人叫左3個餐，竟然有一個無落單，仲要話我無叫無落單，但之後個經理黎到先話幫返我落單，叧外果2個都食完，仲等咩！

一直都好鍾意食海南雞飯見到呢間餐廳所以入去試吓我想知道泰國人開嘅海南雞飯店有咩分別我叫左個午餐啲雞色澤睇落去唔錯唔會好乾咁味道食落去就偏淡而啲肉就偏瘦個湯個味真係好淡同埋有啲油個飯做得唔錯味道幾香唔會好乾食到飯香味