影片
以上資料只供參考, 請與餐廳確認詳情
灣仔有間食泰國嘢嘅餐廳，就係呢間叫做泰國簡單廚房嘅餐廳，因為佢兩點半先有下午茶，我同朋友嗰日兩點搭四左右，所以就揀左佢menu自選嘅lunch， 佢有唔同嘅醬可以揀, 其中有個係沙爹醬，青咖哩，同埋冬陰功湯，跟住自選粉麵揀餸咁樣囉，我覺得呢個港式茶餐廳嘅點菜配搭落去泰式餐廳都幾特別。最後我就揀咗呢個豬扒青咖哩撈檬，開頭以為個青咖哩會畀啲淥檬粉嘅水溝淡咗，但其實都冇喎，個咖哩都好濃，一啲都冇淡咗味，用青咖哩嚟撈檬粉我好似係第一次，覺得都幾食，同埋佢個咖哩都夠味，豬排都唔鞋，夾埋一齊食都幾好食，下次可以試埋佢哋個冬蔭功湯。
繼續閱讀
又又又要上堂啦，仲要上到10點，梗係要食埋飯先，係謝斐道都有好幾間野食，見到呢間食泰菜試下都好。好，坐低睇下有咩好食先。泰式香葉辣肉碎炒飯，個飯幾香，飯粒金香飽滿，每粒均勻上色有辣肉碎、豆角 、金不換，食落咸香辣，好惹味，而且份量都唔少。我自己一個食就夠晒有找，下次搵多個fd，一齊share，就可以試埋個海南雞飯，都好似好好味咁。飲品就叫咗菊花蜜，暖笠笠，飲埋呢個菊花蜜甜甜地，好清甜解燥，食完炒飯就啱晒啦！
繼續閱讀
泰國簡單㕑房😘😘😘吃得泰簡單灣仔謝斐道、隱藏一間泰國美食、吃一口飯就係咁簡單😃😃✨生牛肉湯麵餐$78船湯底⋯一種濃郁泰式風味湯底、特色配豬油渣和羅勒、提升味蕾口感、更能幫助消化！生牛肉🥩、清甜嫩滑金邊粉⋯幼細、爽滑兼彈牙+$18海南雞⋯黃皮夠油份、雞肉嫩滑+$12香茅雞中翼⋯濃香香茅、炸外皮金黃、外脆內嫩！+$4凍檸茶⋯地道泰式檸茶、泰式茶底可追加特色小食+$24鳳爪沙律⋯淋上甜甜酸酸醬汁、軟腍無骨鳳爪、開胃小食✨泰式鹹魚炒通菜$$78⋯通菜爽嫩翠綠、泰式鹹魚配搭、夠火喉、夠惹味✨凍奶茶25⋯泰式茶底、帶甜味、特色泰有味😃✨芒果糯米飯$58⋯熱燙燙、軟綿錦、煙韌有嚼口糯米、淋上濃香椰汁、芒果件伴食、creamy yummy 😉泰國簡單廚房蕃仔謝斐道110-116號美輝大廈地下1-2號舖港鐵灣仔站A1出口、步行約4分鐘
繼續閱讀
呢日夜晚揀咗呢度食飯，最近好想食芒果糯米飯，所以揀咗食泰國菜！😆😆青咖哩豬肉飯 $66青咖哩都幾大碗！豬肉份量都好足，而且唔會靭❤️+$22 串燒2串串燒係雞同豬各一串，兩串串燒都好有炭燒味，而且食落好Juicy😆點埋個醬真係好惹味👍👍凍奶茶 +$5跟餐加$5就有泰式凍奶茶，覺得呢度好正嘅可以叫少甜少冰，無傳統泰奶咁咁甜😆芒果糯米飯 $58糯米飯熱辣辣上枱，芒果好甜，加上椰漿，我比一百分💯😆
繼續閱讀
lunch諗唔到食咩，之前都有叫過外賣，感覺價錢係比較貴，但勝在湯底夠惹味，大約好似65 蚊一個粉麵~ 今次第一次試堂食，餐廳環境我覺得似茶餐廳，座位唔算太舒服，我叫佐個招牌串燒飯，份量 都幾多，串燒有雞，牛，豬同埋牛丸 ，每串都充滿濃香炭味肉汁，再配埋招牌沙嗲醬，但係叫野飲方面，除佐熱檸水之外，其他都要加錢，不論熱定凍，我最後叫佐杯凍檸茶，係泰國拉茶做底，的確唔太岩我，因為總覺得有陣香草味，呢個價錢如果包埋野飲先合理少少😢
繼續閱讀