泰嘟嘟

營業中

休息中

自從搬咗嚟利奧坊之後，附近多咗好多嘢食，泰嘟嘟平時日日都坐滿，於是今日就黎試下係咪咁好食。呢度裝修模仿左泰國tuk tuk 車，置身泰國🇹🇭感覺。食物方面都有好多選擇，我哋今次就散叫咗佢哋咖喱麵包軟殼蟹同，招牌月亮蝦餅，豬腩肉炒粉絲 仲有椰青。咖喱麵包軟殼蟹份量10分誇張，餐廳淘空左麵包既中心然後放咗不同既配料同軟殼蟹連咖喱一齊焗，非常惹味。招牌月亮蝦餅，本身以為月亮蝦餅係普通蝦餅，點知原來真係有個菜式叫月亮蝦餅。月亮蝦餅同普通蝦餅唔同，厚身嘅蝦滑煎熟後，再加上春卷皮包住外圍炸，口感非常實在，好有。豬腩肉炒粉絲，比起其他泰國舖炒得乾身唔會黐住一嚿嚿好有鑊氣。椰青亦係去到泰國餐廳必點嘅飲品。我哋食完之後仲見到有人喺度排隊，估唔到大角咀依間泰國餐廳咁有人氣，大家一定要黎試吓。

當日訂咗19:30我哋19:25到達，當時職員表示未有人交枱直至19:48，我哋再追問職員態度極差，表示：「最少要等多20分鐘」因為我們有一位80多歲老人家一同等候，所以決定離開餐廳根本沒有預留位置予已訂位客人，態度亦十分惡劣。

大角咀開左好多新餐廳 今日就去果邊覓食下離遠見到有一間大排長龍嘅泰國菜第一眼比門口嘅霓虹燈裝飾吸引咗餐廳唔算好大 但係充滿咗泰國特色嘅裝修好似真係去咗曼谷咁泰國菜點少得生蝦刺身呢一個Shot杯生蝦刺身真係超級驚喜！（同埋打卡一流）每一個杯入面都裝咗特調醬汁連埋辣椒同蒜片一口食下 酸辣味道非常開胃泰式肉碎生菜包份量好大 我哋叫咗小辣 口味啱啱好食到魚露同青檸汁碰撞出的香味加埋新鮮生菜 食到停唔到口冬陰功湯極度足料 有好多海鮮包括大蝦 青口 魷魚等等每一啖都充滿鮮味炭燒豬頸肉 竟然係連埋炭爐上直到最後豬頸肉都係熱辣辣 仲有啲焦脆感最後有蟹肉炒飯 味道比較清淡 但反而冇蓋過蟹肉嘅鮮味今日就以呢個啖啖蟹肉嘅煮食作結太抵食嘅關係 今次完全眼闊肚窄咗好彩可以打包拎走 下次決定帶多啲朋友再黎

今日搵朋友，佢想食泰國菜。呢間都幾多人排隊，而裡面裝修都好有泰國風味。menu都好多選擇，見好多人叫魚，不過得2個人唯有下次試。招牌焗黃咖喱麵包軟殼蟹份量大汁多好味，蟹肉新鮮。每一口咖喱麵包都散發著濃郁的香氣，麵包外層酥脆，內裡軟綿，搭配軟殼蟹的鮮美肉質。叫左印度薄餅配咖哩食。薄餅的皮薄而酥脆。生牛肉湯河粉的湯底鮮美，充滿了骨髓的濃郁滋味，搭配軟綿的河粉。份量足夠兩人享用。雖然佢唔係泰國野係越南野，不過質素又唔錯😂而甜品拼盤都好唔錯，d糕唔會太甜。有西米糕千層糕各三件，椰奶味重煙煙韌韌，做飯後甜品好滿足。儘管店面相對小巧，外面排隊嘅人龍唔少。整體味道、份量同埋食材嘅新鮮程度，呢個價錢都好合理。

餐廳位於一條比較靜嘅街， 但平日晚飯時間嚟到，都全場爆滿。等坐一陣就有枱，仲係一張好趣緻嘅篤篤車卡位，so lucky 🍀 我哋四個人，店員建議我哋點四人餐，會比較抵食，所以我哋點咗個四人餐，再另加一個沙律同蒜蓉包泰式酸辣鳳爪沙律 *另點酸酸辣辣好開胃，唔會太辣。曼谷火山排骨🌋呢個近年好火紅嘅菜式，終於可以試到！佢嘅份量好大，真係成座山咁，鋪滿大量翠綠嘅青辣椒碎同葱花，仲有埋乾冰嘅煙霧效果，打卡一流！味道方面，都真係冇得彈，調味適中，雖然望落好多辣椒看似好嚇人，但其實個辣係可以接受嘅程度，半肥瘦嘅肉口感好正，一面食肉，一面選骨，非常滋味泰式肉碎生菜包肉碎有好豐富嘅香料味，充滿泰式風味。泰式串燒半打（雞豬各半）大大串，燒得幾香，沙嗲醬有濃郁花生香味。馬莎文咖喱牛腩煲個煲裏面除咗有牛腩，仲有牛筋薯仔等等，全部都煮得好腍好入味。香蔥蒜蓉包（6件）*另點食咖喱點可以冇蒜蓉包，所以即使個餐冇都要另點一份。蒜蓉包係厚切，要趁熱食，口感會更鬆軟。馬拉盞肉碎通菜煲呢個菜都值得一讚，味道好豐富，都有少少重口味，啱我口味🥭芒果芝士沙冰。🍍菠蘿芝士沙冰跟餐飲品半價，沙冰真材實料，消暑解渴

話說最近瘋狂迷上泰國菜，周圍去搵好食嘅泰國菜，朋友介紹大角咀呢一間隱世泰國餐廳，由正中泰廚主理，好多菜式都非常之有泰國菜正宗嘅味道。我哋叫咗四人餐，最給正嘅就係呢個曼谷火山排骨，上到枱視覺好震撼，廚師整得好細心，擺到好似一個盆景咁，其實排骨上面綠色嘅就係泰式香料，有少少似青醬入邊嘅香料，酸酸地辣辣地，加埋抆得好嫩滑嘅排骨肉，食得非常之滿足。 泰式肉碎生菜包，肉碎加埋香葉炒，好入味，而且好大浸泰國嘅香料味道，生菜好新鮮，包埋肉碎一齊食，開胃又惹味 。馬莎文咖喱牛筋腩煲，牛筋同牛腩都煮到好入味，又軟又彈牙，吸晒咖喱嘅香味。食呢個最好要叫埋蒜蓉包，因為佢個蒜蓉包烘到好鬆軟，蒜蓉好入味，淨係食包都覺得好好味，加埋咖喱係上面係絕配。馬拉盞肉碎通菜煲，通菜好新鮮爽口，配馬拉盞炒，永遠都冇得輸 。串燒雞同埋豬，非常有口感，唔會燒到乾柴柴，雞肉串燒好Juicy, 雞肉真係好嫩滑，豬肉串燒就醃得好入味，而且肉質好彈牙。

泰嘟嘟位於大角咀，非常易搵👍🏻當日叫左個$298二人套餐，就可以食到3道非常美味嘅菜式🥰泰式經典明爐烏頭條烏頭夠曬二人食👍🏻，配料嘅菇菇同粉絲亦夠多，而嗰泰式湯有香茅、青檸同輕微香辣味。當將魚肉掂啲酸辣醬，嗰味道更加level up⭐️!泰式經典明爐大蜆煲啲蜆大大粒，好新鮮，份量又夠多😋配料亦有菇同埋粉絲，啲粉絲索晒成個泰式酸辣湯啲味🤤招牌蟹肉炒飯每啖炒飯都啖啖蟹肉🦀啲飯炒到粒粒金黃色同夠乾身🤓吱左啲青檸汁配合埋啲蒽香，就更滋味🤤最後二人餐份量多到食唔曬，真係好抵食🤭🤭性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️⭐️⭐️建議：好多野食都好吸引😍叫埋fd子一齊去食！

大角咀一向都多特色小店，最近去左食間泰國菜——泰嘟嘟 🇹🇭餐廳唔大，但擺設都好地道，乾淨企理。店員仲好好，見有位建議我哋調去卡位坐添，服務好細心二人餐都係三百蚊左右，可以揀兩個主食/ 飯。泰式經典明爐烏頭 $138用料十足，湯汁酸辣開胃，魚肉新鮮結實。最驚喜係底下有好多粉絲，吸滿湯汁既精華海南雞半隻 $98雖然雞味一般，但雞肉嫩滑多肉唔洗點醬汁都夠味！越南生牛肉湯河 $68平時最怕見到未食都已經熟哂既牛肉，依到既生牛肉河做到仍然粉嫩紅色，入口軟腍又香加上湯底濃郁，值得一試！

.超鍾意食泰國嘢🇹🇭😋啱啱先發現大角咀原來有間好有特色嘅泰國餐廳🧡有特色壁畫、colourful裝飾擺設之餘，仲有tuktuk車設計🛵 比客人坐住食飯，別有一番風味🤭.🔥二人餐 (可選三款菜式) 都只係$248！！😍▪️炭燒豬頸肉 • 9/10超聰明嘅設計🤣 有烤爐keep住燒熱豬頸肉👍🏼👍🏼邊邊輕微焦香，肉質嫩滑，有咬口😋最緊要點埋泰式酸辣汁！！係靈魂所在～😝.▪️去骨海南雞 • 9/10真係好surprise !!!!! 竟然有咁濃郁嘅雞味🐔仲要非常嫩滑🤭 去骨好方便，份量又多，推薦！🔥.▪️鮮蝦炒金邊粉 • 8/10金邊粉唔會太濕，texture剛剛好👍🏼酸酸哋十分開胃，啲蝦又大大隻，份量都幾多，好足料！！.▪️珍多冰 $26 • 9/10食泰國嘢必叫🥤 好好飲～～.總結一個字講晒： ENCORE !!! 🔊 （一定會再嚟🤩）

大角咀利得美食街上的一家有风格的泰餐店。店铺装修颇具足球运动风，不像寻常的泰式餐饮店。服务小姐姐酷酷的美，性格率直友好，也给我此次就餐留下了美好印象。被推荐下单二人套餐，因为我想点的几样，用二人套餐方式更为划算。用手来为大家展示下店里的招牌主菜：曼谷火山排骨的大个头颜值。摆盘确实很像火山🌋，比我手掌还要大，看到它就已经有了“大快朵颐”的满足感。酱汁是有些辣的，撕一块肉下来，蘸下盘子里的汁水，放入口中，入口即化的肉，加上丰富的料汁，惊艳了。发现他们家的酱料很特别，炭烤肉串本身肉质就很juicy，蘸下这款特色酱料，配搭得十分和谐，美味😋，十分推荐！说下这款招牌蟹肉炒饭，蟹肉是足料加入的，不过整体味道没有招牌的惊艳感，无功无过。饮品点了红豆冰，邻座有女孩在说好喝，我个人口味一般般吧。.总体来说，店里的氛围感很轻松，适合和朋友约会聊天，推荐。

今日約個friend放咗工响大角咀食晚飯，大家都想食泰菜，於是佢帶我去。個名幾特別🤔，入到店先明白，因為店內卡位設計有如泰國嘅嘟嘟車，四周裝飾好有泰國feel又色彩繽紛，好靚好特別😍。此店價錢實惠，如果叫2人或4人餐仲抵😍，可惜我哋比較細食，最後散咗幾款食物。香蔥蒜蓉包 $48.-一碟有6件，外形如磚頭，每個面都鋪上牛油及蒜蓉，烤個後好香脆惹味😋。沙嗲串燒 (半打)$88.-雞豬各3串，大大串燒得香口，肉質軟腍濕潤，配上自家調配嘅沙嗲醬，又另一番風味。炭燒豬頸肉 $78.-上枱時有一個小爐，微火熱住啲豬頸肉，呢點幾讚👍，豬頸肉外面焦香，肉質軟腍，點埋泰式酸辣汁一齊食，零舍惹味又醒胃。炒通菜 $68.-通菜加埋蒜蓉及馬拉盞一齊炒，既香口又惹味，十分好食。珍多冰 $26.-一杯有椰香味嘅凍飲，十分消暑解渴又解膩，就係呢餐完美嘅結束😊。

最近品嘗了一次泰國菜，分享一下感受～🇹🇭菜餐點：海南雞、火山骨🍗推薦：海南雞！特別嫩滑，驚喜有濃郁的雞味，竟然在香港品嘗到這樣的美食，真是匪夷所思～🍖火山骨就差了一點，肉比較乾，但是湯很不錯，幾鮮甜，而且份量都幾多。餐廳環境比較密集，平日晚市好多人，生意好好。——總體來說，這次泰國菜的體驗還是很不錯的。希望大家有機會也能嘗一嘗這道超級嫩滑的海南雞啊！👀 要在大角咀食肆林立，而生存的餐廳，必須要抵食又好食。今次人均百零蚊，抵！

Hi 大家好啊，小妹最近去咗大角咀嘅泰嘟嘟餐廳同男朋友食晚餐，真係好開心啊！今晚我哋試咗柚子蝦沙律、椰子焗海鮮飯同泰式蠔餅，加埋一杯芝士芒果冰，真係好好味啊！第一道菜係柚子蝦沙律，啊！啲蝦子爽口嫩滑，柚子汁同花生碎令到味道更加豐富。啱啱一嚟就已經食到咁多新鮮嘅食材，真係令人好開心！接着嚟嘅係椰子焗海鮮飯，啊！啲海鮮料嘅分量好足，配埋椰汁味道好香濃。飯粒又軟又糯，真係好好味！男朋友話呢道菜係今晚最鍾意嘅一道。最後一道菜係泰式蠔餅，外皮薄脆，裏面嘅蠔肉又鮮又多汁，加上啲青檸汁同酸酸嘅魚露，味道好開胃！男朋友夸我今晚揀嘅菜好正，真係好開心啊！最後，我哋飲咗一杯芝士芒果冰，芒果味濃郁，加上芝士嘅鮮味，真係好開心！小妹同男朋友都好鍾意今晚嘅食物同服務，下次一定會再黎泰嘟嘟餐廳啦！

嘿！我剛才去了大角咀的一家餐廳叫做“泰嘟嘟”，我必須說這是一個令人驚喜的餐廳！我和我的朋友點了一些菜，包括麵包配咖喱蟹，串燒小食拼盤，還有兩杯飲品，椰汁紅豆冰和青檸梳打。首先，讓我談談麵包配咖喱蟹。這道菜是絕對不能錯過的！新鮮的蟹肉搭配著濃郁的咖喱汁，再加上麵包，簡直是一個完美的組合。麵包酥脆，內裡柔軟，吃起來非常好吃！咖喱汁夠濃郁，但不辣，剛剛好。接下來是串燒小食拼盤。這道菜色彩繽紛，非常吸引人。小食有豬肉、雞肉和蝦餅，春卷，炸雞翼，每一件都烤得恰到好處，肉質鮮嫩多汁。我最喜歡的是豬肉串，因為它去返沙嗲汁好正。至於飲品，椰汁紅豆冰和青檸梳打都很好喝。椰汁紅豆冰非常清涼解渴，紅豆也很香甜。青檸梳打則帶有微微的酸味和氣泡，非常爽口。整體來說，我對“泰嘟嘟”這家餐廳印象非常深刻。食物非常美味，價錢也很合理。他們的服務也非常好，總體來說，這是一個值得再次光顧的好地方！

話說是日去大角咀接朋友收工，順手向度食埋飯，朋友介紹下嚟咁呢間泰菜館，叫咗個二人餐，可以任選餐牌其中三道菜。🥬泰式肉碎生菜包正常生菜包，味道都唔錯。🐤去骨海南雞（半隻）呢個海南雞幾滑，去骨嘅雞嚟講份量都幾多，底下仲舖滿菜心，點埋個甜辣汁好好味😋😋🐷豬頸肉啫椰菜苗煲（馬拉盞）豬頸肉切絲炒到d油迫哂出嚟，加埋馬拉盞醬炒得勁香😋🔥椰菜苗都幾靚，不過可以再淋少少另外見佢推廣加$78有個冬蔭功湯就順手叫埋。🍲冬蔭功湯用料十足，有隻🦐大頭蝦、青口、細蝦同好多🦑魷魚。呢個冬蔭功湯偏甜，朋友仲話個辣唔係好夠，點知飲完之後個後勁就嚟料啦🤣🤣🤣🤣另外再加咗個🦀蟹肉炒粉絲 ($68)少向泰國菜館見到嘅一道菜，蟹肉都幾多幾足料，粉絲炒得乾身同入味，唔錯😋話說已經係平日夜晚去食，人流都唔少，走嗰陣都仲有幾檯人等🤣 呢個熱辣辣嘅天氣，大家去嗰陣記得book位la🤣