影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
食家推介
下午茶，海南雞湯河粉，俾咗雞胸好鞋🥲好彩有半隻髀好少少，有啲安慰，但肉都有啲實，湯底幾好味，凍奶茶+$3味道都唔錯星期六去唔洗等位，地方都大，幾多人食服務正常
繼續閱讀
呢間餐廳成個場有空位，成班侍應都要逼客人坐埋一邊，好似當d客係豬群，逼去豬籠屋甘，態度極差。堂食服務體驗非常之差，食物幾好，也無用如想坐得舒服食餐反，呢間餐廳絕對唔建議，因爲未食已經一肚氣難怪飲食業依家生意甘樣
繼續閱讀
今日叫外賣，諗住試吓將軍澳區嘅泰國嘢。總共叫咗兩個粉1.泰式炒金邊粉 其實佢嘅味道就係偏向有少少蕃茄醬味嘅炒粉 但係唔乾身亦都冇鑊氣 但係唔浪費食物嘅情況之下，勉強都係食到嘅2.泰式香茅豬扒扎肉湯粉:佢個豬扒簡直就係我食過咁耐豬扒而嚟最難食嘅一次。個豬扒又唔硬又唔淋 完全係冇味道㗎，冇香茅又冇炸過。完全就係好似食緊自己白烚嘅豬扒 個湯又唔濃呢個真係食咗幾啖都真係唔想食呢間嘢最犀利嘅係佢嘅筷子，佢嘅筷子質素真係差到一個點啊。食嘢之前正常都會磨擦吓再用筷子。點知食食吓佢都可以有倒刺飛出嚟。仲要插埋喺個豬扒入邊 。差啲就食咗落肚。
繼續閱讀
去到調景嶺附近找間普通餐廳食個下午茶, 街坊餐廳味道都算唔錯 食物 : 扎肉湯河粉 $37 ~ 下午茶價錢都幾平, 味道正正常常, 大大碗包飲品都算幾抵食 泰式滷水豬手湯河粉 $49 (凍飲+$3) ~ 滷水豬手好淋好入味, 大大碟, 湯河粉味道正常, 唔錯, 以這個價錢, 都無嘢投訴 環境 : 普通餐廳格局, 當天坐四人卡位, 都算幾好 服務 : 職員有禮貌 費用 : $86 (無10%服務費)
繼續閱讀
收工同男朋友去調景嶺搵野食，見到呢間全日餐價錢幾平，就入左去~馬拉盞通菜肉碎飯 ($55) (罐裝可樂加多$5)黎到以為叫左通菜「山」肉碎飯，對無飯家庭既我見到咁多菜好開心，不過好多菜莖，會咬到牙骹軟 (笑)、白飯偏硬唔係我Style、肉碎唔係真係碎，但無阻我食，因為我自己本身鐘意食菜多過肉 XD 通菜幾惹味，會想繼續食，所以呢個價錢我好OK!香草肉碎雞蛋飯 ($55) (熱檸水唔洗加錢)肉碎炒過更加香，都係惹味唔會點有問題既餸。不過會辣啲，份量一樣係好多、肉碎一樣唔係碎，但好味就得XD香茅雞翼 (3隻) (跟餐加$22)雞翼好熱好脆，係熱氣既味道 😊 冇話好出色，但正常可以食得落~記得要攤凍少少先食結論🫰食物味道OK，份量超多搭救🫰做街坊生意冇問題好味度：7/10回頭度：9/10 (街坊可以encore，因為平)🎡餐廳資料餐廳名稱：泰原味餐廳地址：將軍澳調景嶺彩明街1號彩明商場2樓249號舖營業時間：星期一至日 7:00-22:00
繼續閱讀