影片
電話號碼
37092023
66829435 (WhatsApp)
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
咁啱去開新蒲崗做嘢，見到依間外表好colorful好泰式嘅店舖奇心驅使下就行咗埋去睇吓咩嚟，原來係一間泰式食店，見係時候食飯時間，就決定去試吓。 冇諗過星期六唔係返工時間都會滿晒座☺️可見幾受歡迎。🐔 招牌海南雞飯（$60） ： 每次去泰國都一定會食嘅海南雞飯😍 今次我揀咗雞胸，因為貪佢蛋白質夠高。雞胸非常之滑嫩😍 食到停唔到口😚🤣 呢間提供嘅醬唔係傳統嘅薑蒜，而係特調嘅汁醬，食落更加香口😝 跟餐仲送椰子雞湯，係滿滿的湯渣！ 入口係超濃嘅椰子香味重點係一啲都唔會好油！🦐 泰式炸蝦餅（兩件） ： 餐可以以優惠價（$16）加配食品，仲要數量不限👀 泰菜，當然要選擇蝦餅。 蝦餅唔會似出面一啲買返嚟嘅貨咁乾爭爭， 食落去好彈牙，又唔會太熱氣。🐥 泰式酸辣鳳爪： 呢個都係跟餐加配。 份量合理鳳爪好咬口，再加上酸辣汁鍾意食辣嘢嘅朋友會好鍾意🤣🍡 泰式千層糕： 泰國最出名嘅甜品之一。 本身想嗌糯米飯，但咁啱佢要下午茶時間兩點打後先有，所以唯有留返下次食。 千層糕幾香，唔會好黐牙。🥤 泰式奶綠（$8） ：跟餐假$8可以嗌。相信係泰式奶茶入面比較出名的一款。飲落去比外間的泰茶店冇咁甜，同埋幾香奶味。 店員十分之有禮貌，而且好好服務。下次去開新蒲崗食嘢，或者同朋友可以嚟依度食。☺️
繼續閱讀
為左遷就家姐減肥特登揾左間食海南雞飯既餐廳真係又平又抵食ପ(੭◍ ´ᵕ`◍)੭ 招牌海南雞飯 $𝟞𝟘 減肥既家姐選擇左走翼 唔要油飯揀白飯海南雞飯會送個例湯個湯勁正 勁多料 勁甜╰(⸝⸝⸝`꒳`⸝⸝⸝)╯有椰子嘅香味同紅棗嘅甜味本人覺得個湯係重點 泰式黃咖哩蟹肉飯$𝟞𝟚超級多飯 本身個apps可以揀多飯定少飯我咩都無揀 竟然比左個山我 ૮₍ ˶' ᗜ '˶ ₎ა（雖然我係食曬）蟹肉好多好足料黃咖哩唔係太辣龍眼冰+$𝟠 甜甜地好解渴 又有龍眼肉食₊·*◟(˶╹̆ꇴ╹̆˵)◜‧*･泰式奶綠 +$𝟠第一次飲奶綠有甜甜既泰式奶茶味 再加少少苦澀嘅綠茶味出面真係飲唔到呢個味道૮₍´｡ᵔ ꈊ ᵔ｡`₎ა我覺得唔錯 下次都會叫返同樣既飲品泰式椰汁糕$𝟙𝟞平時嘅椰汁糕可能只會有芋頭同西米露但係佢入邊有好多粒粟米(ᐡ⸝⸝⸝ ᐧ ᐧ⸝⸝⸝ ᐡ)
繼續閱讀
🙆🏻♀️話說小妹今日去咗新蒲崗玩📖劇本殺，諗住食飽先去玩點知意外地比我搵到1間好好味既海南雞飯呀😍呢度裝修設計係以彩色🌈設計為主加上充滿泰國特色🇹🇭壁畫睇落令人覺得好精神💪另外環境同座位都好舒適就算坐滿人都唔會覺得好迫👍而且可以手機落單啱晒ℹ️人🔻食評時間🔻🐤正宗泰式海南雞飯🍚慢煮後既三黃雞食落超嫩滑😋雞肉鮮味十足➕配埋秘製辣醬同香濃既油飯整體唔會太油膩，好出色👍👍🍹清涼珍多冰🧊係用斑蘭汁整架~一入口就飲到濃濃既椰汁mix斑蘭味☺️而粉條係用班蘭葉同綠豆粉整~好煙韌好彈牙~令成個口感都好豐富🥰好飲又解渴😋
繼續閱讀
呢間係新蒲崗既泰亞萊係聲稱係海南雞嘅專門店，之前已經喺呢度食過佢嘅海南雞，雞味唔係特別突出，反而有少少食到係雪藏雞嘅味，但佢嘅份量都好多，不過今次就係食佢另一款泰式豬扒撈檬，因為佢個portion都好多，而且佢係用qr code落單，但落單嗰陣又冇得remark寫要少檬粉，所以每次落完單都要叫個侍應過嚟同佢講少檬粉， 同埋佢呢度嘅撈檬有蔥油同埋九層塔，個人唔係好鍾意九層塔嘅味道， 另外就係有啲蘿蔔絲炸蒜 一齊同埋魚露，底下仲有啲生菜墊底。佢哋冇下午茶menu 所以呢個撈檬 如果放喺下午茶食嘅話會好飽 晚餐都食少少嘢就夠
繼續閱讀
外賣買咗海南雞飯、泰式鳳爪、青木瓜沙律，D海南雞好滑，好好食，最正係送嗰碗椰子雞湯，好足料，好有驚喜！D食物性價比好高，店員服務態度良好，又有笑容，一定會再幫襯！
繼續閱讀