泰串越盞

營業中

休息中

公司附近就係駿業街熟食市場，一直都冇去過，但今晚真係太肚餓，又唔想食飯盒，即管試吓啦。一上到去1樓就見到呢間「泰串越盞」，就睇吓有幾串先🤭。泰式同越式嘅餸菜都有，而且款式仲唔少。鍾意食東南亞風味嘅朋友真係有啲難揀。📍 #泰式生蝦 (💰$78) 泰式生蝦而家都唔係度度有得食，梗係即刻嗌返個啦。生蝦夠新鮮，肉質爽嫩，加埋個醬汁少少酸甜，清新，推介推介！📍 #泰式鳳爪 (💰$58) 無骨鳳爪夠入味，而且分量十足，唔會好似有啲舖頭沙律菜多個雞腳🤣📍 #炭燒墨魚頭 (💰$88) 先頭都有啲驚炭燒會搞到墨魚頭好乾身，點知食落又非常之juicy。本身話冇乜興趣嘅同事都食咗好多，好彩夠大碟，滿足。📍 #越南春卷 (💰$58) 一碟四件，切開一半變八件。包埋生菜，入口size 剛剛好。即叫即炸，夠熱而且唔會好油膩，感覺一流。📍 #越式牛柳沙律 (💰$68) 牛柳唔會煮得過熟，一口size，加埋沙律口感都好夾，大碟夾抵食！雖然熟食市場嘅餐廳裝修都唔可以同商場比較，但係呢度都非常企理乾淨，識得放心。而且店員亦都好有禮貌，好細心。蔗渣價錢，燒鵝味道，呢度嘅性價比十足。真係唔好睇小熟食市場入邊嘅餐廳。下次多啲人

📍 📍 📍 泰串越盞 (觀塘)觀塘駿業街67號駿業熟食市場1樓30號舖香港有好多間火鍋店，但都係港式同麻辣嘅多，越南火鍋好似冇乜幾多間。最近觀塘就有間打正旗號做正宗越式火鍋同泰式串燒嘅專門店開業，就連裝修格局都帶有越南風味呢🥰🤩👉🏻特式越南火鍋拼盤+冬陰功湯底💰$298😋😋😋😋.8/5越南火鍋同我哋平時打開嘅邊爐，最大分別就係佢哋啲配料會圍住晒個爐邊放，生熟都係。主要係海鮮、肉同埋菜。好似呢個越式火鍋咁，非常之豐盛，圍住爐邊就擺滿咗牛頸脊、廣島蠔、墨魚仔、手打牛丸、深海魚柳、青口、虎蝦、豬腩片、魚皮餃、越式牛肉、雞肉、扎肉、生菜，紹菜，一共14款。特別推介牛頸脊，好重牛味❣️；手打牛丸係爆汁的❣️；深海魚柳，好滑溜❣️；虎蝦，新鮮彈牙有膏的❣️中間湯底有三款可以揀，我哋揀咗冬蔭功味，啖啖濃香嘅酸辣冬蔭功味味同鮮味。忍唔住最尾加多個烏冬食($22)，烏冬仲要非常之掛湯，正😋👉🏻招牌會安雞飯💰$61😋😋😋😋.8/5招牌會安雞飯賣相好靚，估唔到有咁多蔬菜伴碟，蘿蔔絲、青瓜、洋蔥，加埋好香脆的蒜香飯，好好味！雞又滑又嫩，夾埋蒜香飯的蒜味，連薑蓉都唔駛加，津津有味！回頭: YesYes，越南火鍋真係好少

星期一晚同同事去觀塘駿業熟食市場揾食，揾到呢間新開既「泰串越盞」!❤️環境:地方乾淨，好光猛，坐得舒服。 我地兩個點咗一個「特式越南火鍋拼盤」，有三款湯底可供選擇，揀咗椰汁清雞湯底，仲點咗一份生菜$28、一份金邊粉$18、豬($15)、牛($18)、雞($15)串燒各一、兩個椰青$64。 🍲特式越南火鍋拼盤$+椰汁清雞湯底🐔火鍋配料新鮮豐盛，包括牛頸脊、廣島蠔、墨魚仔、手打牛丸、深海魚柳、青口、虎蝦、豬腩片、魚皮餃、越式牛肉、雞肉、扎肉、生菜，紹菜，一共14款。第一次食越南火鍋，佢地用心擺盤，令人食指大動。🤤 🧡大推以下火鍋配料:🦪廣島蠔:大大隻，啖啖肉，灼完都無縮水，鮮甜可口。👍🏻🦑墨魚仔:新鮮彈牙。👍🏻🦐虎蝦:新鮮Q彈。👍🏻🐮越式牛肉:質感柔嫩，有牛味。👍🏻🐷豬腩片:口感鬆軟又嫩滑。👍🏻 🍢串燒（豬、牛、雞）燒到外脆內軟，肉質Juicy。👍🏻 下次想品嚐下佢地其他菜式!😋

位於觀塘熟食市場的泰越餐廳，熟食市場裡面的食肆都不會太講究裝修，主要都很簡約、大排檔形式，環境一般，不過味道質素卻很有驚喜。這家由越南廚師主理，食物充滿越南風味，而且份量大份，價錢比出面餐廳便宜，性價比高。串燒：串燒鷄肉以逐串來點，雞肉外皮燒得油香，充滿濃香燒烤味。雞肉調過味鹹鹹香香，帶點肉汁。炒菜：泰式炒芥蘭苗 泰式炒菜，加入了蒜蓉及馬拉盞醬，味道鹹香惹味香口。芥蘭苗翠綠，脆爽，很有口感。湯麵：生牛肉河生牛肉湯河粉的精髓在於那湯底，這碗牛骨湯相當濃郁，濃而不膩。牛肉片薄塊又軟腍，浸進湯裡，很快便熟透。炒粉：泰式炒金邊粉大大碟炒粉，材料很多，配上彈牙蝦肉。不過味道較越式，泰式則是偏酸甜。金邊粉麵條煙韌，炒得乾身。飲品：椰青椰青冰涼，清甜解渴。飲品：凍越南滴滴咖啡濃濃的咖啡香氣，不過甜度較高。

🌟餐廳：泰串越盞📍地址：觀塘駿業街67號駿業熟食市場1樓30號舖💰價位： $51-100⏰營業時間：星期一至五 11:00 - 21:30📱電話：4645 6699好耐都冇去大排檔食飯，最近天氣涼涼地， 朋友就約埋我去左位於觀塘駿業熟食市場既「泰串越盞」，試下呢間正宗泰越風味菜先~呢個熟食市場好熱鬧，人氣旺盛，岩哂約埋成班朋友一齊食飯傾計~———————————————————🔹越式春卷呢度既春卷自家包制，餡料夠哂多，有齊豬肉、越式粉絲及木耳等材料~春卷外皮好香脆，食落一d都唔油膩，搭配埋酸辣汁，食起黎更惹味~———————————————————🔹生菜包(豬肉)生菜包係我既至愛，大大碟份量十足~生菜好新鮮爽脆，豬肉炒得夠乾身，混合泰式香料制成，酸酸辣辣好出色~———————————————————🔹泰式柚子蝦沙律賣相幾靚，材料好豐富~柚子肉清甜，蝦肉用上香料煎過，食落好爽彈入味，搭配青瓜絲、蘿蔔絲及洋蔥絲一齊食，口感及層次感一流~———————————————————🔹蕃茄蟹肉檬粉呢個蕃茄蟹肉檬粉味道超濃郁，好出色～湯頭飲落充滿香濃蕃茄味，檬粉又非常掛湯，味道夠濃厚~配料有蟹肉、豆卜

今日經開駿業熟食市場，見到間新店「泰串越盞」春卷，烏頭好食，雞腳，生菜包又正，個人最喜歡個湯河，平時啲舖頭整到好咸，食完好口渴，lee間對我黎講好適中，食唔到味精，更有點家嘅感覺，總結呢個價錢平靚正

誤打誤撞搵左間勁地道又抵食既泰菜😂仲要係觀塘旺區😆.✅食物定價超平，但份量唔馬虎，仲要好鬼好食✅必叫小食類，好似炭燒豬頸肉先$58，九龍城勁多賣緊$98，但份量差唔多，燒得惹味又爽口 ；越式春卷都好正，鍾意佢個餡撈得好好味。✅ 香葉肉碎炒飯勁香口，超多肉碎，仲要有粒粒辣椒🌶️好泰國味，飯炒到粒粒分明✅生菜包$58又係勁抵😂😂佢啲炒肉碎勁正，加埋勁多洋蔥🧅惹味✅餐牌選擇好多，老闆話師傅係正宗泰國人，所以野食整得好正.❌講明熟食市場，環境就當然係麻麻架啦❌位置係1樓，平時好少會行上黎，都係地下有個牌先知上面1樓有間咁既餐廳❌除左環境，真係無咩可挑剔😆..🍽️Order左既菜式：炭燒豬頸肉 $58越式春卷 $58香葉肉碎炒飯 $65生菜包（豬肉）$58香茅椒鹽雞中翼 $68菠蘿冰 $ 26象啤 $ 28.

平時都有去開呢間熟食市場食嘢，識開中菜打冷多，今日留意到呢間泰式越南嘢，見佢鋪面幾乾淨，菜單都多款式揀，同朋友一於入去試一試價錢都好相宜，所以兩個人叫咗好多款菜式試吓越南春卷🫔一入到去已經見到職員包好呢款春卷，放左好多係枱面，好吸引！好彩有叫，好好味！皮薄餡靚泰式蝦餅🍤食泰菜必要之物，呢間都冇令人失望，炸得好脆好香口！蝦肉彈牙！炭燒墨魚頭🍢呢碟餸絕對係最驚喜！好好食，墨魚頭非常之彈牙！又吾油膩，真心推介之選😍😍泰式炒金邊粉🍝份量非常之充足，大大碟蝦又多，非常之抵食泰式炒通菜🥗又係食泰菜必叫，炒得好香，好入味龍眼冰🥤叫咗少甜，好清甜好味！咸檸梳打🍺清涼好飲！另外呢間重可以打邊爐，有三款湯底選擇，下次再嚟，一於試吓叫佢嘅冬陰功湯底先