泰中意 (已搬遷) 新店位置

一間裝修好簡約但有風格既泰國野，本來都唔知佢係一間泰國菜 未知舖頭名既時候以為係韓國野 原來又有西餐又有泰國菜又有泰式fusion food 一見到餐牌有冬陰公鮮蝦忌廉意粉 就忍唔住要叫黎試下 醬汁好濃郁既冬陰公味 隻蝦既煮法好特別 似乎有煎過 但又有蛋煎既味道 其實都食唔出 但好特別意粉煮得剛剛好 好彈牙 生菜包係好正！佢既辣度剛剛好 肉碎加配菜（紫洋蔥、青紅辣椒、香草）配合同份量都好準 意思係配合埋生菜同肉碎既份量 廚師真係預得好準 同埋食材好新鮮 生菜塊塊都又脆又翠綠 比得上以前九龍城既質素明爐烏頭 超大條 又好新鮮 d肉好白 加上湯係唔錯 有4粒酸梅 味道唔算太濃 變左條魚既鮮味會食到 但未係太入味 都好好味 148蚊一碟都真係好抵 而且好有誠意 係即刻準備同煮 但由於即煮， 煮既時間會比較耐 對於一間村屋既小店 呢間舖既菜式同種類真係超出意料之外 雖然唔算太平 但都唔算太貴 下次仲有好多款式可以試😋

大水坑村屋群有不少美食。而這間泰國菜很多時也人頭湧湧。難得來探朋友，即管來個快食泰菜！是晚點了：串燒六串：三豬三雞,但完全分不出哪是豬哪是雞，比較燒得乾，而且等大半小時才上菜。但汁料ok的。泰式炒金邊粉：鋪滿花生和芽菜，好誇張！ 味道不錯的整體而言也不錯，但鋪頭比較細，很侷細，雖然人少但感覺也很嘈如果想靜靜吃飯或和朋友傾計比較難。快快吃完便走了。

搬左新舖之後終於搵到時間黎食！食物既水準、質素都冇變🤤🤤👍🏻所有野都好好食👏🏻👏🏻生蝦刺身價錢唔平，但食過之後係值既！聽人講海南雞好滑，果然冇介紹錯！超滑！青咖喱配埋薄餅一流❤️蒜蓉包亦焗得好香好脆👍🏻好食！燒烤類方面，不論係燒牛脷、燒鱔定燒豬頸肉，都燒得好香好野味！個個都話好食！馬鞍山黎講，應該係數一數二嘅泰國菜！環境方面，新舖既環境比以前更加舒適，坐落好舒服。而且服務員禮貌都唔錯。我地預早訂枱，位都唔使等！真心值得推介！👍🏻

食物味道應該是不錯，因為我只食咗一個菜。我跟朋友兩個人大約晚上8點10分點菜，點咗一個拼盤，柚子沙律，炸薯條同一個肉碎炒飯。坐咗30分鐘左右拼盤先到，其間問過服務員進度，但我見佢無跟進，只係跟另一個服務員講:等咗45分鐘先食咗個拼盤。我睇到其他客人比我哋遲入座都有菜上。到大約9點10分，我朋友叫埋單，之後都無一個人查有無漏單，入廚房問進度。我覺得好過份，態度好有問題。我覺得好奇怪，點解沙律都未到?觀察到佢哋上菜都係同一款，所以我覺得佢哋係處理同一類菜式，我哋點嘅菜式無其他客人點，所以未處理。因為有幾枱點咗拼盤，我哋先有得食，所以我哋坐咗餐廳大約一個鐘，只係食咗一個拼盤。如果貴餐廳廚房人手不夠，唔好開咁多枱；如果大家有時間等，大可試下。呢間餐廳我已經blacklist咗。

襯今日落雨呢度下午茶時間冇乜人同老公黎歎杯咖啡先新開左唔夠1個月呢間泰中意已經好好生意日日排隊等位，今日落雨竟然冇乜人感覺好休閒我地叫左個提子肉桂卷同兩杯Cuppuccino, 肉桂卷暖暖的同有少少脆口，幾好味好適合配咖啡 Cuppuccino 好好飲，咖啡豆味好香呢個環境可以歎杯好飲咖啡真係好舒服我地坐左outside, 附近環境寧靜舒服，村屋地方附近也不多人行......很適合傾計飲杯野另外，待應服務也很好很友善有笑容宜家已經好少餐廳既待應有服務，值得一讚

呢間泰中意之前係大圍已經試過幾次都覺得好有質素，樣樣食物都好味宜家搬到去馬鞍山加入左一些西餐元素，更多選擇，適合更多唔同類型嘅人首先新裝修環境唔錯，附近環境亦都很寧靜，有inside有outside坐得幾舒服我同朋友來食午餐，有餐湯、主菜和餐飲，價錢由六十幾至過百都有，雖然價錢有少少貴但食物有質素所以都係值得的今日嘅餐湯係雜菌忌廉湯，個湯好creamy,好有菌味，好香好好飲主菜叫一個蔥油豬扒飯同一個蛋沙律牛角包配薯條。首先一上枱已經wah一聲，好大份同埋放得好精緻，未食已經好開心個豬扒燒得好香，蔥油汁亦都好開胃，配飯食一流令一份蛋沙律牛角包亦都好好味，配左啲沙律菜，個沙律應該係用檸檬汁整的，亦都好開胃，薯條亦都好脆口熱辣辣果然所有食物都係即叫即製，新鮮熱辣辣的侍應介紹我哋飲即磨咖啡，果然咖啡味好香，相信喺馬鞍山好少有呢種質素嘅咖啡，值得推介另外叫左杯凍檸茶都可以，有茶味

時間飛逝, 跟太太的二人世界轉眼過去, 小動物又是時候放學了. 接放學時, 小動物吱吱喳喳的說過不停上學時的趣怪事情. 不到三五分鐘, 話鎽一轉, 就要求要去吃午飯了. 時間差不多中午, 還是快點走入餐廳, 以免人多. 進了這間泰國菜餐廳坐下後, 才剛鬆了一口氣, 已經有人要在門口等位了看看餐牌, 大部份都是泰菜, 但亦有小量西餐可供選擇. 最後決定要泰式海南雞配香茅油飯及泰式豬肉丸湯金邊粉跟餐飲凍檸茶及凍檸水, 另加泰式炸魚餅.  豬肉丸結實彈牙,  金邊粉爽滑. 海南雞很嫩滑, 不肥. 還配有三款醬汁, 有甜有辣有薑蓉, 各有千秋, 可隨自己喜好. 香茅油飯都可以, 夠香, 有咬口. 炸魚餅亦有咬口, 香草味濃. 凍檸茶及凍檸水都可以.  食完飯, 又是時候跟小動物放電了.