泮利居

今天放假，去烏溪沙探朋友，順道試吓新酒樓（註：朋友話開業超過一年）。 它的裝修不過不失，並不堂皇，但也不失大體。枱與枱之間有合理空間，不會太逼。我們兩個女孩子，又不算肚餓，便叫了點心拼盤（$88），加一個春卷。拼盤先上，用木盒裝，別緻。先食鮑魚燒賣，燒賣是豬肉較多果款，咬落啖啖肉，味道唔錯。👍🏻之後食蝦餃，蝦很多，皮亦薄，雖然細細粒，充滿鮮蝦香味。潮州粉果就不過不失，皮亦都算薄，餡料有冬菇、粉葛及花生，不過花生有點偏淋。之後食齋粉果，內裏餡料多，食落爽口。以這個價錢有四款點心，款款好味，絕對超值。🤣最後，春卷上枱，甚有高級酒樓格局，擺盤靚。春卷表皮如圖所見，很薄，炸到卜卜脆。餡料豐富，有很多蝦，加有少少生菜，調味亦恰到好處，不會太咸或淡。這個春卷，絕對有驚喜。👍🏻🤣整體來講，以不到$200，便食到5款點心，超值！…查看更多

晚飯時段和家人試吓迎海商場嘅泮利居，比想像中好食。小菜款色多，味道好，推介！推介菜式：啫啫通菜煲 黃金風沙三寶 脆皮炸子雞 鮑魚白玉冬瓜環樓面職員主動有禮，服務態度好。…查看更多

今日11:15隔籬間酒樓要等三張枱，所以放棄，在reception問了姐姐有沒有位,他說有，於是便改變地點. 當時立即通知家人已有位,電話顯示時間為11:26，小姐告知午餐時間為1小時45分,這個當然沒有問題,已計算到13:11pm要埋單。當其時都相信完全足夠時間。一入到去本來安排601號枱叫埋茶，跟住佢哋將我轉去605號枱，本來都沒有問題，等緊家人期間有個男經理走過來說你啲人到齊未，午餐1小時45分快啲叫嘢食，當其時我還說冇問題，洗完杯碟，馬上落單，下單時間大約11:45 。家人陸續於11:50前到達，然後點心大約12:00陸續到齊，中途亦都有加單，到大約12:55本來打算走,還叫了兩個膠盒打包,因為都希望13:15前讓枱給其他客。怎料那個男經理再次走過嚟說：「你哋快啲埋單已經食了兩個鐘」。跟住我慢慢同佢講我11:30入嚟佢竟然說電腦顯示為準，我們吃了兩個鐘頭，我再查返張單入座時間為10:53，下單時間為11:45，好明顯係入座時間錯，有乜可能我坐一個鐘頭先落單？。我們根本就住喺樓上本來小事一宗，態度好啲，叫我讓位大家明白今天母親節大家開開心心，我哋經常飲茶，又住附近點會飲茶超過兩小時，我希望佢哋翻查閉路電視，還食客一個公道。而家經濟低迷，飲茶吃了1500百幾蚊，還要受氣，母親節怎樣快樂？咁嘅服務態度，唔怪得知食肆生意慘淡。人哋隔離酒樓排長龍，佢哋11:30我入座嘅時候還有大把枱，我現在當然知道是什麼原因。至於食物不過不失，但係咁嘅體驗又點會有下次？…查看更多

嚟過幾次，大家評價幾好～今次同公司嚟聚餐，食得比較豐富，嗌咗好多嘢，點心真係唔錯～ 小炒亦都推薦～個人覺得適合大家庭用餐，一齊share，提前訂咗位，所以都坐得比較舒適，下次都會選擇呢間今次初一過嚟，有同事食齋，所以試咗幾個齋菜，非常驚喜，特別是南乳粗齋煲，口感豐富，有粉絲，本身唔諗住食白飯，所以覺得有粉絲啱啱好，仲有炒素翅都唔錯，幾個齋菜都清盤。仲有荷葉蒸雞，雖然上得比較遲，但係味道唔錯，下次都會嗌，總之大家評價都唔錯…查看更多

之前聽屋企人同鄰居講話間酒樓食物好差，之後一直都無放入口袋list. 自己食野都算有要求，無謂嘥時間嘛。BUT, 但係。。。。有日鄰居group 話酒樓嘅廚師換咗，啲野好食咗好多，仲要唔只一個鄰居講，我梗係又蠢蠢欲動，想試吓！擇日不如撞日就今日（星期六），食咗半隻片皮鴨，蒸龍躉（1.4斤）&白灼蝦孖寶（$188), 海鮮炒飯，欖菜四季豆。欖菜肉鬆四季豆，炒得啱啱好，好脆，鹹淡都好適中，size 以$108嚟講，略嫌細碟 . 如果$88比較啱啲。炒海鮮飯係屬於濕炒飯，份量都足夠，入邊海鮮所有都係細細隻，味道唔錯見到隔籬枱枱都叫片皮鴨，我又叫返半隻，點知真係好細碟，得嗰幾舊，皮都唔脆明星級超值孖寶（星期六日$188)清蒸海沙巴龍躉1.4斤，白灼海鮮蝦10輛兩碟都唔錯。夥計數量係唔夠嘅，間間酒樓都咁上緊，但係態度係好好嘅，尤其是係部長。價錢基本係偏貴，$13.1個茶位，五個人埋單$701 ,唔係食得好飽，不過味道唔錯，會再嚟…查看更多

住喺烏溪沙，一直都好少食呢間，因為飲茶都係食隔籬嗰間，講真第一次食，真係覺得好麻麻哋，唔知點解呢間嘢可以留喺度咁耐。冇啊特別難食，但係只能說不值得這個價錢。同一個價錢可以食其他更好嘅嘢，服務態度都冇特別好，以為滷水係出名，但係滷水都唔係有特別好食，甚至會覺得其他滷水店會好食好多。燒賣蝦餃就一般，另外仲叫咗個炸蠔餅，油到爆炸，我哋三個人每人只可以食一啖，全部都要掉咗佢，真係食唔到。覺得好浪費，但係真係太油了。油到唔記得咗影，所以冇相。…查看更多

這間店, 雖然沒有隆重既裝修,  不過小菜式像家常便飯, 不過不失, 唔太差. 服務也不錯,  閒時到店食. 真係只有 7 枱生意 真替現在的飲食業可悲.   繼續這樣下去,  好快又被消失.   介紹番今日叫左什麼菜式. 揀選左一些優惠菜,  都幾抵食乾炒牛肉河 - 牛肉嫩 味道正常脆皮皇子鴿  -  忘了拍照,  味道幾好. 不過個人覺鴿不夠JUICY, 但都可以說不錯, 好吃的燒汁金薯安格斯牛柳粒 -  呢款幾野味,  薯仔味道很好, 最後都清碟滑蛋炒蝦仁 - 蛋炒得滑, 蝦也好吃果園走地雞 -  係真既走地雞, 還有內雞腎伴上, 相信是新鮮走地,  因為有了走地雞的特徵. 有咬口.  個人都係麻麻地走地雞. 太 UN, 但係有雞味既, 只是個人不喜歡潮式滷水拼盤 - 鵝肉軟, 唔UN, 正常不錯鳳梨拔線咕嚕肉 - 好吃 , 肉幾乾林, 老壇酸菜魚 - 魚夠厚滑, 味道當然不及內地水準. 但唔差,  不會覺唔好食, 都是用心煮豉汁帶子蒸豆付 - 呢個豆付夠滑,  面頭豆豉咸左D. 都要撥開唔食. 但可以的埋單 : 1588 八人用 事實出街吃. 唔係最抵食, 不過可以拍拍屁股食完起身,  唔駛自己煮, 唔駛洗唔駛切.  一家人坐埋吃餐飯, 都算抵食既.    雖然賣相就唔係話好靚好有設計咁. 可以說是一餐不錯吃的 家常便飯.…查看更多

聽說這間酒樓最近有新產品推出，所以跟同事中午來品嚐一吓。紫薯鹹水角外型精美: 外脆內軟餡料很夠味 ; 清騰銀絲海蝦煲 : 蝦很新鮮，用騰椒調味很野味，粉絲吸收了那些汁特別入味及好吃; 烈焰豬肝大蜆煲 : 是用酒來烹調的，豬肝很爽口，蜆肉很美味 ; 金沙銀絲娃娃菜，吃到很香的咸蛋黃味道，很正; 黃金風沙茄子: 茄子釀了蝦膠外皮炸得很脆，味道不錯 ; 牛油果鮮奶凍 : 淡淡的牛油果香味，吃起來口感清新，甜度適中，真的是不錯的甜品，還點很多其他點心，不能盡錄，吃了那麼多價錢不算貴。…查看更多

趁中午來泮利居喝個茶～我們6個人，點了十幾個點心和小龍蝦🦞真的好吃～小龍蝦🦞：這個造型一上桌我們都被吸引了😆太吸睛了，隔壁桌都在看這道菜，味道是香辣味的，很入味！！然後這個麻花也很喜歡，這個應該也是叫蛋散吧，反正沾了糖漿就很好吃山竹牛肉球也特別，居然有淡淡的檸檬的香味，值得一試！！排骨和鳳爪也比其他茶樓好吃，性價比也很好，孖寶很划算～推薦！…查看更多

入座時間是7點前，點了半隻特價片皮鴨 （$128），好快已經有一籠凍的餅皮上菜枱，然後籠底便冒煙加熱。數分鐘後，便有職員來告知他們數錯了，片皮鴨已售罄，那不要緊，便取消了order。又過了約10分鐘，部長又再走過來，說他們再確認了，還有半隻可以供應，失而復得當然高興，縱然已叫了代替菜式（食不下便打包吧），都是想試的！片皮鴨上菜時，有Gimmick地用煙燻了一下，但打開是另人非常失望的（見圖）。皮是很燶的，位置似從一些近腳/邊跟位割下，而不是從鴨身割下的！個‘甜’醬是乾涸了的又很咸，青瓜和大蒜片又不新鮮，像已放了很久！雖然是特價，但這半隻片皮鴨似從別人的鴨割下的頭頭尾尾砌成的吧！…查看更多

今日跟朋友约在这家酒楼饮茶，给了很大的惊喜我，佢推出佐午市套餐，非常划算呢！跟朋友叫了很多吃的，大多数都系一些平时食开的点心，凤抓排骨、潮州粉粿等！但佢有一道菜式潮州糖醋面我第一次见，就叫来试下，原来这么好吃的，面炸到金黄色！一口咬落去超脆！本人也是一个榴莲控，见佢呢到有榴莲点心，就叫了一份，见图三，用一口榴莲来形容它不为过呢家餐厅的环境都很好，好干净，下次有机会会想试下佢的晚餐，听闻它家潮式卤水也很安利呢！！…查看更多

週末避世同朋友去烏溪沙海灘影相打卡🏖️坐地鐵透過車窗已經見到好靚嘅海面😍玩完一大輪之後直接就喺商場開餐，霖住回程都方便，沒霖到竟然如此驚喜😆🦆金牌片皮鴨（半只）用桂花煙薰過嘅鴨皮真嘅第一次試到，煙薰後嘅風味好特別，然後再用面皮包著配料，每一啖都系滿足，面皮十分貼心咁分開擺放，容易搦到並且下面有加熱，唔驚過快凍咗👍🏻🍍鳳梨拉絲咕嚕肉咕嚕肉口感唔會肥膩，醬汁酸甜可啖，搭配白飯十分開胃，簡直讓人欲罷不能😋上嚟煙霧瀰漫十分驚喜😆🍋香水檸檬椒鹽太子魚現場先撒檸檬碎，未食已經聞到檸檬香🤩椒鹽過嘅太子魚十分酥脆，上面點綴嘅蒜蓉同辣椒一定要一起入口感受咸香清新既味道😍喺傳統粵菜上再更加精美同創新😍喺入口前視覺已經享受咗一波🥰啱好去到仲沒開市見到我哋喺門口睇餐牌都好熱情邀請我哋先坐著等，唔用企著咁攰👍🏻臨走發現門口仲有奶茶嘅位置，一家酒樓竟然仲有奶茶飲🤣好符合年輕人既口味，先十幾塊，好鬼死便😍…查看更多

今天天氣好好，無落雨又唔曬，成班同事都決定唔叫外賣，出外走走，去泮利居飲茶。食物除了味道重要之外，外型設計都很重要，今日到泮利居飲茶，成班同事都很歡樂，因為我們試了新推出的點心，那些點心的設計很有趣，令到同事們都起哄，不停打咭。其中有一個點心好像叫做”大當家”，外型設計有氣派，是將麻將，雪茄，用酒杯盛着的洋酒，配以些財寶用盆奉上，酒杯下還有發光轉色杯托，令到杯內的酒不停發光轉色，但原來中，發，白的麻將是布丁，雪茄是春卷，洋酒其實是醒胃的酸梅湯。其中還有一個點心是3隻紅蘿蔔，但其實是大家都會經常食嘅咸水角，咸水角變身做紅蘿蔔，很有新鮮感，很有趣。…查看更多

朋友安利的粵菜酒樓 潮州菜也是主打從筲箕灣特地跑來烏溪沙繞了半個香港來赴宴！-環境菜品和服務都沒有缺點，適合一家老下家庭聚會，也很適合朋友一起聚會！-菜品豐富，推薦菜品：金牌片皮鴨屬於必點系列，經過桂花木煙燻香氣十足，皮脆肉嫩，價格還很親民-芥蘭煲味道非常正宗，爽脆可口搭配肉末和蝦米簡直絕配，排骨也超級下飯-酒樓裡面有茶水可以選擇，因為太渴了隨機點了兩杯飲料，自製的手打鴨屎香檸檬茶和奶茶都意外好喝！…查看更多

有朋自遠方來，一盡地主之誼，帶朋友來到區內這家《泮利居》，主打廣東粵菜，亦能食到大排檔小炒風味，款款用料新鮮酒家另設有獨立房間，可舉行不同類型嘅聚會，親朋好友過嚟聚餐就最適合不過🥢片皮鴨 (半隻) - 店員先以桂花煙燻入味，之後就能食出陣陣桂花香味！鴨皮酥脆不膩，滿口油香，肥瘦均勻，配以京蔥、青瓜和山楂條，可用薄餅卷著來食*如點選全隻片皮鴨可選擇二食，加$80就可享豉汁凉瓜炆鴨件🥢鳳梨拔絲咕嚕肉 - 脆口嘅冰糖皮，包裹著咕嚕肉，外脆內軟，夠Juicy，酸酸甜甜，份量亦夠豐富🥢啫啫蝦乾通菜煲 - 上枱時熱辣辣，鑊氣十足，通菜炒得夠爽脆，蝦乾、蒜頭加肉碎亦好惹味，送飯一流🥤鴨屎香檸檬茶 - 餐廳最新推出這款手搖飲品，香味獨特，回甘持久留香，爆打檸檬夠清爽，值得一試…查看更多