泗益

營業中

休息中

泗益 呢個名細細個就聽啦，但點解無食呢因為眼大的我 一直睇唔到間舖原來係大街，以為好偏僻所以無特別去搵。今日放假，最岩都赤柱hea 下。今次，泗益係必食，為左佢入黎點都要叫返幾樣野滿足下個肚中午時間黎到已經坐滿，排左十分鐘左右入得，比想像中快呢。早餐都無食餓到不行了，本來叫多個魚柳包但咁岩今日無。最後叫左個鮮油菠蘿 $20 評分7/10包夠新鮮夾住一層牛油，份量適中岩岩好豬扒米 $23 評分8/10豬扒腌得入味，本來以會好乾 但一咬落去鬆軟有驚喜最後登場，咖咉西多士 $30 評分7/10 即叫即整，等大約十幾分鐘新鮮整好上面有半塊邪惡的牛油

星期六行山，順便到赤柱食lunch, D fd 介紹呢間茶記，由一對老夫婦打理，而當中做樓面嘅老太嘅吋嘴應該算係該店特色，我叫野食果陣都無可避免俾佢潤左幾句，不過D fd事前有提醒，我早已有晒心理準備，所以頂得住。食物方面，我叫左沙嗲牛肉米粉，蛋牛治同凍檸茶。唔知點解成碗沙嗲牛米都好淡味，完全要靠辣椒油先食得晒，蛋牛治凍檸茶就係一般茶記水準，可能我食嘅唔係咖央西多士果D .招牌菜，所以有少少失望。最後埋單57蚊，略貴。

天氣晴朗的星期6,當然入赤柱曬下條命.一早入去先食個早餐, 見到泗益冇咩人, 等了一陣子就入座. 同行3人各自叫了豬扒面, 沙嗲牛麵,豬扒包.我的豬扒麵講味道好一般, 湯淡, 面"林",豬扒"鞋"口.煮一丁面都已經冇咩技術可言, 煮得唔好絕對係師傅手勢問題.茶膽各樣都好一般,應該冇咩用心機研究過.本住幾十蚊埋單又飽肚的話都可以一食.   

🍞 咖央西多士 （$30）又到Happy Friday喇 😍! 放假有咩做？可以去赤柱行下，順便食下好西😎 今次就黎試下赤柱名物—西多士。兩點前黎到仲有得食😍 ，排左陣隊就入得，落單即叫即整，等左一陣，熱辣辣既西多士終於送到😍 西多士外表金黃鬆軟，老闆將方包四角切去先去做，所以形狀圓圓的，內裡搽左自家製咖央醬，甜度適中，唔洗落糖漿都好夠味，鬆軟既西多士入口即溶，唔錯👍🏻 但略嫌西多士過份油膩，唔係人人都受得住。每日數量有限，翻食指數爆登，唔嫌遠既朋友記得過黎試下。

之前去咁多次赤柱，都唔知赤柱出名食西多...好多謝男朋友專程帶我入赤柱揾絕世咖央西多...我地一坐落，唔洗諗就叫左2 件咖央西多，咁熱既天氣，出面都無見過有既凍鹹檸賓，咪叫來一試...咖央西多士： 唔會甜好流，又唔覺好熱氣，反而仲好軟綿綿凍鹹檸賓： 超解渴，好好飲配埋咖央西多士真係無得彈

.沙嗲牛麵 ($23)麵底係用出前一丁😍😍幾香麻油味沙嗲味唔係好重 但幾鐘意佢個牛肉 唔係茶記用開好爽好滑嗰啲 實一啲 偏重牛肉味.咖央西多士 ($30)呢度嘅招牌食品 就連報紙都有報導過 出名無糖漿西多事關個餡料用左咖央取代花生醬(其實即係椰醬)食落甜度已經好足夠 唔會因爲冇左糖漿而覺得單寡味道仲好似豐富左添😋😋見到老闆前面成枱雞蛋 逐塊逐塊麵包點蛋漿去炸認真製作❤️👍🏼👍🏼上網睇原來唔係成日食到例如假日未必供應 朝早又唔賣所以要留意時間去啊🤤🤤.鴛鴦 ($17)香港嘅特色飲品而且通常只有茶記先飲到🤤其實佢茶味同咖啡味都到位唯一就只係甜度甜左啲下次會叫佢少甜(PS 呢度嘅飲品係散叫 冇得跟餐

天啊! 係極級好食既隱世西多士！!!!!下午四點先開賣（openrice寫佢四點收係錯架!）門口貼住“賣完就收工” 要食到佢唔容易呀！即叫即整既西多新鮮熱辣辣到手 一咬!! 超級無敵鬆軟 而且充滿蛋香牛油香 !入面仲有咖央夾心 咖央醬多到漏出黎 椰香四溢~~ 真係同傳說中一樣 唔洗加糖漿都得既極級西多!!!!想食既話就最好四點準時到 如果唔係要排好耐隊又可能賣哂架~同埋係一對老人家做 大家要俾多D耐性等一等

食物唔錯，老闆自己煮。但個女侍應服務極差，唔想人地幫襯，就關門唔好做。落order 悔悔氣氣，碗面未食完就收，不知所謂。垃圾服務，咁既環境都唔期待你有d 咩服務，但唔好做到好似得罪你全家。

聽聞食呢度嘅咖央西多士要講緣份，很可惜...唯有食蛋牛治，餐蛋麵，飲杯茶走。唔洗驚，兩個人食嘅。等呀等，終於有位，不過好驚驚，坐咗喺樽石油氣隔離。啲阿哥阿姐全場唔洗寫單，落單、追單、埋單，全部口噏噏，勁！蛋牛治($17)：不過不失啦，同澳洲牛奶公司比就更係比下去。餐蛋麵($23)：都係咁啦，有咩期望？茶走($15)：我本身唔鍾意飲奶茶，心思思飲咗啖，我諗茶走就係為咗呢個味，有茶味而不苦澀，質感滑，順口順喉，好味！

在赤柱大街的-泗益從前未聽過，今日朋友介紹講到有超好食既鮮油多，特來一試。唔係朋友帶都留意唔到e間舖係一間椰青店裏面有兩檔大排檔，一間食牛腩面果類，另一間就係食多士，公仔面既泗益滿座，需於外邊排隊，算好運，等左五分鐘就有位坐店舖由一對夫婦經營，男既負責煮，女負責汁野落order我地坐底左一陣，一直想落order,但一直都唔見呀姐見到叫佢佢都聽唔到經過一輪後終於落到單la...叫鮮油多 賣晒叫左咖咉西多$30，腸旦面$23，蛋波蘿包17同檸茶$15 ( e, 而家計番原來$85,佢收左我$88)全部野都係即叫即整，所以唔知等左幾耐，西多終於到咖咉西多 $30賣相真心一般， 食落係好鬆軟但好油， 食到好少咖咉味，咖咉味係少少，少少透出，都好味蛋波蘿包 $17見到隔離枱叫所以叫又係賣相一般但食落又係超鬆軟面包冇西多咁油佢個包真係做得幾好， 唔係你自己出街買個波蘿包夾食蛋咁簡單e個佢漏左單，好彩催佢一次就出番比我腸旦面 $23普通一碗面，腸係黑色，蛋似油浸佢既食物係用勁多勁多油煮要keep fit既女仕食佢認要諗諗e度服務堅差， 地方亦唔太乾淨

聽講尼間野既西多士好出名，所以黎到就決定試下，因為差唔多關門，所以豬扒包已經冇哂。叫左西多士($30)，蛋牛治烘底($14)。蛋牛治既餡非常厚，牛既份量多，而且烘底好脆，外脆內熱，肉汁juicy，雖然烘左，但食落唔乾，又抵食。西多士我個人唔太鍾意，係符合西多士既做法，炸得夠。不過好油膩，好似食緊包浸油咁，自己接受唔到。但食開西多士既朋友，應該會鍾意。如果有得揀，食多份蛋牛治更岩我。西多士製作需時，要等。特別在於唔係正方形。總體，細細間，我見好多人都只叫1碟西多士，但老闆都冇黑面，一樣好好招呼。

唔知幾耐無寫食評，而且我仲未食，食咗會仲唔開心，但真係忍唔住要寫出嚟，等大家唔好剩係睇人食評就盲從跟隨，話說去到排檔出面已經要等，都覺得誇張，但算喇都等陣，等咗20分鐘發覺食客唔係未食完未走，而係未有得食，煮唔切，咁都等咗咁耐就等多陣，再陣過20分鐘左右有得入，就座係坑渠同垃圾桶隔離，好大陣渠味同有烏蠅飛，已經無晒胃口，不過嘅然等咗咁耐先坐低，算喇，食完馬上走，咁就落 order, 個肥呀姐隔遠望一望就背住我哋話講喇，呢度無落單㗎，咁我就叫兩碗餐旦麵，一碗豬扒旦麵，佢話無豬扒，算，咁沙爹牛旦麵呀，無牛肉，都算，可能貴舖生意好，早賣晒，咁一件西多呀，個肥姐竟然話等到就等喇，我當場吓咗一聲，咩事？我嚟食嘢喎，已經唔肯定佢記唔記得先，但都唔係咁態度啩，同枱有位男仕見我咁反應就話"我件西多都等好耐都唔知有無落 order" 我再望吓其他食客，個個都呆等，我飲嘢都未叫即時起身走，費時同佢講取消 order ,都唔知有無落過，太無禮貌。同枱男仕見我起身走可能都覺得再等都唔知等到幾時，都起身走，另想提吓排檔外有個賣椰青嘅呀姐可能同一班人，排隊未入時問佢附近有無其他茶餐廳之類，小朋友肚餓唔想等，佢話無

黎到要排隊，因為9點附近冇咩選擇就試下先啦，叫左豬扒蛋麵同碎牛蛋麵，等左好耐，遲過我地黎既都已經黎齊，到左豬扒麵先，到屋企人就食完佢先到我碗碎牛蛋麵，中間都催左幾次，個呀婆就話係入面煮果個既錯，係度扯貓尾！😡😡😡😡😡😡😡😡😡😡😡碗麵黎到，啲牛好似牛肉乾咁乾同硬，煎蛋超多油，個麵都麻麻🤢豬扒亦韌到甩牙！！！講埋杯奶茶，都只係一般，咖啡仲要係難飲，簡直浪費左我星期六既早餐！唔會再幫襯👋🏻🖐🏻

因為openrice評分好高個個都讚好食所以我同男朋友期待好高點知去到無哂沙嗲牛肉同豬扒好唔開心咁我地就淨係叫左咖央西多士同餐蛋麵檸茶同朱古力因為放假所以人好多D野食都等左好耐咖央西多士係幾好食我地睇到個店員即場炸個西多係沾滿左蛋白泡沫再炸同出面茶餐廳果d唔同 好香口同唔會太甜值得推介而餐蛋麵就無咩特別 野飲太甜加上始終地方太細 又多人所以服務員都好忙唔得閒理我地催一催d姐姐都好燥底兩樣野都要追好耐先有🙈🙈🙈所以整體黎講 無想像中咁好

星期六日嘅赤柱會好多人，今次終於忙裡偷閒平日放一日假入左嚟赤柱hea！入到嚟已經15：45，見到openrice寫佢係4點收檔，即刻行快少少諗住試下呢度嘅名物，免糖漿西多士。見到老板清潔緊佢個爐心知不妙，於是問佢關門未，佢話「4點」。心諗即係未收鋪所以同老板落order，老板娘終於插嘴，原來「4點」係指4點後先開。明明佢貼出嚟嘅餐牌都係寫開到4點，於是我地抱住半信半疑嘅心態，4點半左右番到嚟，見到入面已經有一堆食客坐低左，原來有好多人都知佢4點後會開。今次終於可以落order，叫左凍檸樂同埋免糖漿西多士，埋單$49。鋪入面嘅環境好地道，無冷氣有風扇，有少少熱，不過為左食好西熱一陣係值得嘅！凍檸樂係成支大可樂上好夠氣，仲可以自己慢慢斟。老板娘知道我地係兩個人share 仲自動波俾左兩枝飲筒。等左一陣，今日嘅重點免糖漿西多士終於上枱。西多士賣相好吸引，牛油靠西多士嘅熱力慢慢溶化。西多士好厚身，老板亦都好細心已經切好左6件。呢個西多士唔單止免糖漿，仲免切。西多士其實有2塊麵包夾住咖央，所以甜味已經好夠，唔需要再加蜜糖，咖央仲做到流心嘅效果。西多士嘅面有少少鹹，裡面嘅咖央就有甜味，好特別。野食