沸滷嗱喳麵 (已結業)

聽聞呢間店係西麵系鋪頭，熱愛車仔麵既我一於試埋佢。一去到見到條人龍認真嚇親，好彩係等外賣多人，堂食就剛剛好有位。**店鋪位置有限，所以堂食既朋友需要預留較多既時間。**車仔麵有既料都有。滷水蛋：用溏心蛋做法整的滷水蛋，蛋白嫩滑。（店鋪名俾埋提示，唔係唔係滷水嘢呀！？）牛柏葉：跟上辣汁食，變成麻辣牛柏葉，夠爽口夠惹味。韭菜餃：鍾意食韭菜既人唔會覺得差。麻辣係偏向四川辣？因為食到d辣椒籽。整體都非常好，下次仲可以試下麻辣撈。…查看更多

〖 屯門篇 -- 沸滷嗱喳麵 -- @bunaimee2020 〗⁣⁣⁣⁣⁣💛 出色嘅滷水湯底車仔麵 😋⁣⁣🍜 三餸麵 (配唐生菜 豬大腸 芝士腸) + 沙嗲汁(辣) 河粉 -- $39 (豬大腸要 +$5)⁣⁣🤤 新墟美食真係有太多了，不過街市附近唔少餐廳都好晏先開，於是行下行下就尼咗食嗱喳麵！真係超！多！人！👧🏻🧒🏻👦🏻 ⁣⁣😓 等咗好好好耐先有得坐，明明一早落咗單，都係等好耐先有得食😥 廚房好似勁唔夠人咁樣🤷🏻‍♀️🤷🏻‍♀️ 出菜慢自然令等位也耐了🤦🏻‍♀️ 見到廚房全部都係後生仔，希望佢地加油！⁣⁣🥢 一試個湯底就會明白點解咁多人食了~ 滷水湯底真係好正啊啊啊！🤤你會完全忍唔到口係咁食啖麵又飲啖湯🤣 至於河粉，唔好睇小後生仔，一樣啱啱好，感覺係最夾車仔麵嘅軟硬度~ ⁣⁣🥬 而生菜同芝士腸都正正常常，我至愛嘅豬大腸都幾出色，可能係襯咗個咁高質嘅湯底，乜都好味咗🤣 同埋睇相會見到，大大碗一啲都唔孤寒，沙嗲醬勁大pat，正！由頭食到尾都好惹味！😋 好夠飽！39蚊尼講係非常唔錯！唔怪之得咁多人排隊！⁣⁣💰 人均消費: $30-60⁣⁣~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ •⁣⁣⁣⁣⁣⁣⁣⁣📈 評分⁣⁣⁣⁣⁣⁣💗 幸福感: 8.5/10⁣⁣🤑 抵食程度: 8/10⁣⁣⁣👩🏻‍💼 員工服務: 7/10⁣⁣⁣🪑 餐廳環境: 7/10⁣⁣⁣⏳ 等候時間: 勁多人，兩個人都等成20分鐘，出菜也好慢，唔等得真係唔好尼😂⁣⁣✏️ 整體評分: 8/10⁣⁣⁣⁣⁣~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ •⁣⁣⁣⁣⁣⁣⁣⁣📌 地址: ⁣⁣⁣⁣⁣⁣⁣⁣📍 屯門屯門鄉市會路94-110號康利中心地下16號舖 (新墟Neway右邊嘅巷仔)⁣⁣~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ⁣⁣⁣⁣⁣⁣⁣⁣💛每次消費都係一次選擇，當你選了沒表態的店，就是放棄了一次懲罰黃店的機會。請盡能力餐餐食黃店。⁣⁣⁣⁣⁣⁣⁣⁣~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ⁣⁣⁣⁣⁣⁣⁣⁣✨👉🏻 為圍城人而設的黃色foodie page💛…查看更多

⠀呢間車仔麵檔係「西麵」同一班底主理🚲🚲⠀但因為位置偏僻 呢排生意唔係咁好🥺⠀我本身諗住過嚟試下我最鐘意嘅牛筋牛𦟌🐮⠀但老細話因為車仔麵賣得唔好 ⠀所以呢啲吃力不討好嘅嘢就冇再出 😣😣 ⠀其他餸嘅選擇亦都少咗好多⠀大家快啲多啲嚟懲罰 令牛筋牛𦟌早日重出江湖🔆🔆⠀三餸麵(韭菜餃 牛栢葉 滷水豆腐）🐒🐒⠀湯底：麻辣（大）🌶🌶🌶🌶🌶⠀🥟韭菜餃🥟皮薄餡多 幾有肉香 而且唔肥⠀但煮得比較耐 有啲爛 影響食用⠀牛栢葉好爽脆 證明幾新鮮⠀而且量多🤩🤩⠀滷水豆腐本身好嫩滑 好有豆香 ⠀每碗都有成3大大大嚿👻⠀但滷得唔夠入味🤔 唔係好食到滷汁嘅香味⠀⠀湯底方面 由於我嗜辣🌶🌶🤤 ⠀所以見到有麻辣決定挑下機⠀但又又又係失望嘅一次😕⠀雖然係大辣 但其實連三哥小辣都比唔上🤨⠀（唔知佢係咪見我一介女流 覺得我食唔到咁辣😤😤😤😤😤😤😤😤😤😤😤😤😤 ⠀加上冇乜「麻」嘅感覺 食得唔夠過癮😐😐⠀不過啲辣醬係香嘅 同埋有得另加 🤗🤗⠀同行frd子嗌左濃湯⠀飲落甜甜地 有陣螺頭香 唔錯👍🏻⠀⠀麵底方面店家真係超級大方 ⠀正常女仔應該可以兩個share一碗👯‍♀️⠀⠀Btw我覺得用即棄餐具唔係咁環保🌱🌱⠀認真覺得遲啲業務穩定咗之後可以轉做循環再用嘅餐具🥢🥄🍽🍴⠀…查看更多

兩碗粗麵, 一碗濃湯、一碗蠔油撈, 再加沙嗲醬, 麵底尚有濃豉油, 鹹得過癮。一條生菜幾光鮮, 五花腩見到肥瘦有致, 還有軟骨, 有誠意, 至於勞魚丸、墨魚丸和菜肉餃雖然是超市貨, 但墨丸有馬蹄爽, 菜餃肉汁香, 選料有心, 豬皮亦爽口, 惟一抵彈的是滷豆腐有酸味店面青一色後生仔, 難怪剛開張不久已經很多污漬, 但煮車仔麵不論麵餅還是配料都沒有過腍, 而且份量足, 可以返尋味🙊搵食後記: 座位有限, 實行先門外點單後入座, 車仔麵選擇何其多, 記得唸定食咩…查看更多

其實行過好多次，次次因為條龍實在太跨張，所以走左好多次﹗黃金週再去，條龍少左好多，諗住排一陣，點知去到原來係劃左餸先，再安排入座；嘩，好彩今次食到……點左鹵豆腐、牛筋同豬耳；濃湯、麻辣等左8分鐘左右，一黎到見到已經知道係好嘢，點知真係好好味﹗牛筋同豬耳都係心機嘢，無捷徑，好入味……唯一要投訴係.....大家去食的時候可以自備餐具，店內用即棄餐具，唔係好環保…查看更多

去千島湖行完山，揾間野食晚餐，不嬲對車仔面好有要求，平時少入屯門，咪揾間食下。鋪位係一條巷仔入面不太易找，但好彩俾我發現到呢間隱世小店，個蘿白好林，好入味，食到有d花椒味！？唔肯定，但好好味，食車仔面好簡單，叫個蘿白就知佢係龍係蛇，其他餸如牛根豬大腸都出色,麵分量也比一般車仔麵店多，就算正常男仔都會夠飽。可惜平時少入屯門，唔係我可以成日黎食，如果大家經過，好推薦大家都黎試吓!依家呢個時勢，小店真係好需要大家支持…查看更多

問大家一句，船隻故障被困汪洋大海，炎陽高照，口渴萬分，只有海水，你敢飲嗎？沸滷之滷水湯底，有異曲同工之妙。你愛吃滷水，但明知飲後非常口渴，你還敢飲嗎？我會。 位置在後巷之內。只有三張枱，限聚令下只餘兩張八個座位，三名員工，估計每日要賣一百碗麵才可平手收場，經營困難。以滷水做賣點，更敢以滷水做湯底，立即捧場，車可泊Neways門外，十步距離。裝修燈光簡單，一半廚一半廳面，沒特別之處。餐牌以車仔麵形式選擇，先選麵底，再選配餸，乍眼看以為餸菜昂貴，實與坊間玩法不同。其他車仔麵檔會先收最低消費，例如$35包麵底及一餸，加餸則每款幾蚊幾蚊計算。這裡沒最底消費，故菜式略貴。沸滷菜式是普通車仔麵配料，未有特色。湯底可點濃湯淡湯，好奇究竟誰人會飲濃滷水呢。建議增做更多傳統滷水菜款，可參考新墟街市內馳名港九之兩記，加點滷墨魚片、滷鵝片、滷鴨翼、滷豆腐。想像點沸滷的麵，配兩記的餸，雙劍合壁，天下無敵，口水長流。牛根豬腸油麵配沙嗲醬先來喝一口滷水湯，香味不足。可能點了淡湯，灌了水溝稀了，只如淡淡啡水，嗅不到香氣。正常滷水應愈老味道愈濃郁，滲透陣陣陳年複雜肉香。菜式同樣味道不夠，大腸牛根估計是急凍加工貨，廚房應宜煮制時下更多香料及冰糖。豬皮鵝腸翼尖河粉配麻辣醬鵝腸考耐性清潔，少在車仔麵館出現。確實色水濃郁不夠，與潮州打冷店吃到的墨黑色滷水菜，還欠段距離。但見幾位年青人肯花心思做好賣相，有創意想到經營滷水車仔麵，確實值得鼓勵。只是我一廂情願，先入為主，以打冷店標準評核而已。淡淡滷水，可能是特意制成，難道真的要飲海水麼。…查看更多

#girlsfoodies屯門#girlsfoodies粉麵 🉑：外賣自取⭐評分: 7.5/10——————————————————6月已經表態嘅西麵，係新墟neway隔離開咗間車仔麵！去到見到好大支光時旗，成個舖面都係文宣，驟眼望以為係香港國屯門辦事處🤪——————————————————
▪️車仔麵: 麵底 ($10) 滷豆腐 ($8) 滷水蛋 ($10) 滷牛筋 ($15) ..揀咗濃湯同沙嗲醬，個濃湯真係勁爆濃，飲第一啖係覺得有滷水汁香，第一次飲呢種車仔麵湯底，可以留翻嚟自己滷雞翼😂😂不過食到一半覺得重口味得滯血壓飆高，忍唔住加咗小小熱水溝稀佢～.滷豆腐好好食，有台灣感覺！有三大舊、外皮硬身，入面好嫩好滑，好似山水豆腐咁，仲好入味！下次會嗌double 份量 🤣 溏心蛋咬開勁流心，無因為外賣攤左咁耐而凝固，蛋白仲好香滷水味，蛋黃creamy😍牛筋份量算多，炆到勁稔，入口係軟身有膠質嘅感覺，啱我！.✨ 沸滷嗱喳麵 ✨📍 屯門康利中心地下16號舖 (neway隔離條巷）⏰1200-2100…查看更多

是咁的~今時今日香港疫情搞到咁，而香港相對都仲算唔係爆到好大鑊都係全靠香港人自己嘅功勞而我自己都好耐冇喺週末週日出街拍拖食飯...今日平日番工lunchtime同女朋友仔出左去食就遇到一間同路人嘅車仔麵小店而且味道上都好好就寫篇食評支持下佢啦:)政府嘅四人一枱成間店坐一半嘅規矩一出，打擊最大一定係黃店（試諗下好似敏華/美心集團呢d業務又廣鋪頭又大就算坐一半佢傷極一定冇黃色小店咁傷）所以有機會喺出面食都希望大家搵番啱自己嘅鋪頭呢間車仔麵好似係新開而且真係好細開頭都冇俾太大期望諗住是旦食個麵，點知有驚喜:)女朋友仔叫左牛根、牛柏葉同鴨胸米粉+沙嗲醬車仔麵個人覺得最緊要除左食材就一定係個湯底，呢到嘅湯底好正:)佢係直接用鹵水汁做湯底當然一定有校淡左啦，就咁飲鹵水汁真係腎虧都似不過呢個湯一飲你係好明顯知道自己飲緊鹵水汁：月桂葉、桂皮、八角、冰糖呢d味全部都出到黎而且校個咸淡味都好正常，有鹵水香但又唔會太咸飲完亦唔會好口乾啫係冇咩味精，好正講完湯底一定要講食材啦，牛柏葉好彈牙爽口，口感偏向未漂白前嘅黑柏葉相信佢嘅牛柏葉唔算浸左太耐化學野，幾好牛根炆得好淋好入味好有膠質但又未至於淋到一pat溶曬咁重點係鴨胸，好多食店用緊鴨胸都係講緊超市買到果種急凍煙燻鴨胸肉但呢到嘅鴨胸肉竟然唔係用煙燻果隻係用新鮮鴨胸肉！淨係呢點已經睇得出呢間小店嘅心思！:)新鮮鴨胸肉同煙燻鴨胸肉最大分別就係個肉質，完全冇得比，煙燻鴨胸肉個肉質似d火腿腸仔咁完全同新鮮肉嘅肉質冇得比較至於我就叫左魷魚、牛肚同枝竹魷魚就同一般嘅車仔麵店都一樣用水魷但口感爽脆都係冇比化學品浸淫太耐嘅口感黎至於牛肚就用上左草肚而唔係金錢肚，草肚口感比較爽，加上呢到嘅鹵水真係做得好出色所以d牛肚頭先嘅牛筋全部都好入味！枝竹就真係冇咩特別喇咁就冇咩好講都係平常嘅枝竹不過呢到車仔麵雖然好出色，但個人覺得份量真係唔太夠，三餸麵都四十幾五十蚊一碗但麵底嘅份量真係太少喇希望餐廳可以改善下:)總括黎講，呢間小店好有心，食材出色湯底好好:)份量上有待改善但新開嘅餐廳黎講都好值得期待加油…查看更多

疫情關係，堂食既細檯都有透明膠板隔開👍🏻我買外賣回家食，發現店員將湯同麵分開，好細心👍🏻👍🏻👍🏻滷水湯底出色， 餸的份量好夠，CP值高。推介：牛展…查看更多

區內良心店不吃不可外又一高質車仔麵店, 試左濃湯, 佢個滷水好味, 推薦滷水既餸, 一定要加沙嗲醬, 試左要辣, 辣得黎又夠惹味, 下次試埋其他餸最緊要間舖唔黑, 有良心, 支持!…查看更多