沙龍餐廳 (已結業)

去開吉之島－－沙龍首選、無論服務，食品都幾好，坐位都幾舒適，價錢都OK！不過好似冷氣吾夠再order埋個石頭飯就O my gosh！very hot，百佳咖啡No Way<<<br />

呢度供應日式洋食，其實都開左唔短日子，記憶所及都唔少得過15年，以前來這裡吃係幾貴同幾巴閉的，但時移勢易，日式食店開到周街都係，已經不再希罕了。行開UNY就來吃lunch，叫了廚師推介的燒牛肋骨餐，連沙律、湯、飲品都係七十零蚊唔算貴。粟米忌廉湯咸左D，但都有幾多粟米；Salad Bar普普通通，唔使錢都算係咁；燒牛肋骨份量不少，都幾好味，但D杰杰的濃汁有點兒嚇人，食落仲有D韓烤的味道；涷咖啡水準一般。其實仲有幾多其他的選擇，加上環境唔錯，起碼好坐過樓下及UNY果邊的Pokka Cafe，下午茶時間來兵計飲杯野都幾好。

位於太古吉之島之沙龍餐廳是本人經常到之食店原因近平快但成年無去啦食厭左等食品仲耐過等位激氣！最近行吉之島見到換左新餐牌走去試下啦舊員工走左好多、來左Ｄ年青侍應幾好感覺吾錯個個都好有禮貌好客氣同以前吾同，果然耳目一新其實配搭吾同左日式定食多左花多眼亂都吾知點好經理走埋尼切有禮介紹餐牌新order特色幫我order左天婦羅飯三隻細佃仔夠份量炸蕃薯一般炸薄何葉味道很持別炸蓮偶味甘又夠爽！我個仔order兒童餐見到有玩具送仲成藍玩具放上任揀吾嬲仔仔好high樣樣都想要、食完都未揀到靚女侍應走埋推介甜品黑白配(芝麻同豆付雪糕吾漏果然正、又幫仔仔揀玩具仲比左兩個添！仲話幫仔仔keep住個丁噹匙扣添下次call埋班太太同細路再試過！90分Good！Good！Good！

呢度曾經係名噪一時o既排長龍餐廳；依家已經冇咁多人，雖然peak hour可能都要等一陣。呢度主要食日式西餐，好似Pokka咁；D扒類食物雖然都要七、八十蚊，但好大份，次次食親都鬼死咁飽，但水準一般啦。個人推介石頭飯，厚厚一大碗又多料。呢一兩年開始有意粉食，四、五十蚊一客，多數lunch time叫，貪佢冇咁飽，但質數始終都係麻麻~~其實呢度D o野唔算好味，但勝在大大份幾抵食，尤其係D甜品，個portion十足十o係日本食o甘大。如果同pokka比，呢度會好味D同抵D。

有個二人Tea Set, $6X~ 幾抵喎~ 有兩個drinks, 炸雞鎚兩隻, 牛柳兩小片, 煎日式餃子四隻, 薯寶and蔬菜~ 味道都OK~環境唔錯, 坐位好鬆動, 坐得幾舒服~Service ok啦~ ^_^