沙嗲王 (黃金廣場)

營業中

休息中

沙嗲王就由細食到大嫁啦，今次係第二次寫關於佢嘅嘢食，原因係唔知點解佢到而家都唔使點排隊，鬧市中都不失為一個好選擇。🤪芝士肉醬年糕，就即係芝士肉醬意粉嘅年糕版，冇乜特別，好似普通嘅肉醬意粉，但係有好多芝士做拉絲嘅感覺，。作為年糕控嘅我非常之滿意，雖然賣相好頹。🧀🧟‍♀️石鍋蝦醬炒通菜就係平時酒樓食到嘅蝦醬炒通菜，呢個配搭不嬲都好食㗎啦，今次味道偏鹹，但都係好食。而勝在石鍋夠熱，成餐食完都唔會攤凍晒，推介。👍🏻至於每次嚟到必食嘅白咖喱香茅豬扒飯，反而係失望所在：因為今次D豬扒都唔係好靚，炸得有啲老身，仲細舊左添。下次都係叫返日式蟹粉鍋算啦🤮🤦🏻‍♀️整體來講，兩個人食$200都唔使其實好鬼抵，月尾食感覺真良好。😈-芝士肉醬年糕 | $46石鍋蝦醬炒通菜 | $54白咖喱香茅豬扒飯 | $60-

香港超出名既一間餐廳，基本上香港區冇人會唔識，而且基本上都會吃過，價錢便宜之餘，呢度D野食真係一絕，我同朋友久唔久就會黎呢度食。基本上次次都有同堆個問題: 食白咖哩豬扒飯? 沙嗲豬扒飯?蟹粉豆腐鍋? 食邊個好!?次次都有選擇困難，基本上同朋友黎每款都會點，但我個人黎講真係好鍾意白咖哩豬扒飯，佢既白咖哩汁非常濃郁好味，配上炸到香脆既豬扒根本冇得輸，如果太快食哂D飯，我會建議大家可以點一份薄餅，用薄餅點汁食同樣係一絕。

沙嗲王白咖喱豬扒飯一向係signature dish! 所以通常都必嗌，因為想撈晒成個汁食，所以特登叫左炸餅去點汁!!烤餅加咖喱汁真係無論幾時食都好味，我幾鍾意沙嗲王個白咖喱係甜味夠，所以好香!我地另外點左冬蔭功海鮮面，我覺得個湯都唔錯既，雖然望落去好水咁，但都好有酸酸辣辣既味道，超開胃!我地係等下午茶先去食，都幾多人呀，同埋下午茶既份量唔會好少唔夠食，所以其實可以當午餐咁食，如果你等到佢3點半(好似間間唔同?)，其實我仲好掛住沙嗲王既軟殼蟹~~

多年冇食沙嗲王，令人懷念既白咖哩豬排飯，今日同朋友剛好經過銅鑼灣，就提議食沙嗲王既不可不試既白咖哩豬排飯。客人很多，食物好快就送到，效率好高，賣相吸引，覺得好期待，食左幾啖，覺得白咖哩汁好滯，好油，豬排係香，但豬排加埋落白咖哩度，真係好滯，我和朋友一人一碟白咖哩豬排飯都是只能食一半，食唔落，唔知係未油定點，食完個胃唔舒服，感覺介紹錯比朋友食。冇諗到以前咁好食，宜家退步左咁多，個胃隔左幾個鐘，仲係好滯唔舒服

今日返工叫外賣，期待好耐冇食既沙嗲王白咖哩列飯，早早order好飯，等到12:50，外賣終於到了，咁多盒飯入面，竟然送漏一盒白咖哩美國肩胛肥牛飯，等咁耐，竟然送漏一盒飯，就因為返工lunch time時間所限，等到差唔多1點，已經覺得有d遲，如果返工方便外出買飯，都唔洗叫外賣啦！我對於一路都好有信心既沙嗲王好失望，其實一張單多order既，就應該要對2次！又或者由2個staff都對一次。本來仲諗住放假會去食沙嗲王既軟殼蟹，現在都覺得不要再去食回憶了！

諗唔到食咩🧐🧐🧐🧐🤔🤔🤔🤔🤔😫😫😫😭就一定係食沙嗲王！!!!!!!!!!!!!!!平時白咖喱豬扒 沙嗲肥牛粉絲 今次雞扒冬陰公🍜🍜🍜🍜🍜🍜雞扒好正 唔怪之咁多人食大雞脾

Lunch過黎銅鑼灣搵朋友食飯12:45按飛，到這裡才發現原來有apps可以拎定飛我下次會用！咁就唔洗等咁耐發覺身邊有好多同胞，不斷影相好奇怪點解佢會識黎樓上鋪搵食？！大概等了十五分鐘，終於入到去隔離都係同胞 我地一落單就order食物，始終lunch time時間有限我同朋友都係嗌白咖哩豬扒飯，加熱檸水等左五分鐘，飯已到，好快！同以前一樣都係有三塊炸豬扒不過細件左同薄左豬扒有香茅及檸檬味白咖哩汁一樣都係咁野味，撈飯好正 飯好好咬感，有d似珍珠米既質感汁既關係，可以食哂成碗飯，很滿足

一個人無無聊聊是但食次次黎都係叫白咖哩豬排飯因為最中意佢多汁，豬扒炸到岩岩好，又香又脆，我既至愛太肚餓既關係，叫多左個pizza，只係$38見佢咁抵所以叫埋，細細份，試下嘛

食左沙嗲王咁多年, 愈來愈貴都算數啦, 都當係通貨膨脹冇計食個肥牛拉面, 上面唔知點解多左好多黑色野, 我估係鑊燶??? 定係…乜野特別配料???  我都唔知係咩黎雖然有D唔開胃, 但我已經冇時間等佢再煮過, 勃開D 黑色鑊燶就算, 而且在場眼睇得1,2個服務員, 個個都唔得閒, 我趕時間食完要返工, 算啦算啦, 食我唔死既!!點知, 俾我食到條野…. 相中的紅色短線，又鑊燶又加料從前都好中意食沙嗲王, 中學時已經開始食, 由銅鑼灣廣場食到過黎新鋪, 好失望呀, 依家有陰影啦

今天在銅鑼灣上course，放學後一眾同學們去食午飯，有同學提議到沙嗲王吃，於是一致通過啦！沙嗲王的午餐款式都多，有飯、烏冬、麵，有辣有不辣，任君選擇。我點了即燒雞扒荷包蛋飯，跟餐飲熱奶茶。雞扒燒得恰到好處，味道很好，荷包蛋加了豉油送餸，很香很惹味，整體來說很不錯啊！

《好味!👍🏻好味!》今晚同男朋友大家喺銅鑼灣食飯，由於十一黃金週到處都係人，用電話GULU拎飛去沙嗲王食晚餐。✅牛油雞翼兩隻$25每到沙嗲王必食小食之一，外脆內軟，有保持雞肉的肉汁！而且唔會特別鹹，有牛油陣陣嘅香味👍🏻👍🏻👍🏻😋一人一隻剛剛好！✅軟殼蟹$59男友說好吃，有四件，即是一隻蟹！性價比很高，用粉漿用的很少，所以吃到的全是蟹肉，沒有很厚的外皮！✅鮑汁什菌豆腐鍋$49今日想食清少少同蔬菜，就嘗試新菜式！但超出預期的好食，因為一上枱時候，在石頭鍋裏非常熱，豆腐什菌完全吸收了鮑汁的鮮味，配上白飯真的很好吃！✅慢煮鮮嫩牛柳配飯(白咖喱汁)$98這個是沙嗲王推出的新菜式，可是他真的慢慢煮給你，因為我們等了40分鐘才有得吃。😫😔賣相有點兒不吸引，跟一般的牛柳樣子不一樣，有點兒像鵝肝的形象。口感非常容易入口，所以真的很像鵝肝😂😂😂可是要等40分鐘才上菜，$98性價比不高。因為是新菜式，還有意見調查書！😂😂希望意見接受，會愈做愈好！✅芒果珍珠凍飲$24套餐價格加配了一杯芒果珍珠沙冰，芒果沙冰珍珠的配搭有點兒不夾。😓不過沙嗲王的珍珠口感非常好，建議可以直接叫珍珠奶茶。總括來講，新裝修的沙嗲王越嚟

喺銅鑼灣上完堂，八點去到食沙嗲王，依然好多人，要等位，等左半個鐘左右先至入到去。入到去個場都係坐都滿哂。記得以前去沙嗲王，覺得個裝修好有特色，而家去到沙嗲王，感覺就係似茶餐廳，有啲失望。我都冇攞就叫咗個黃金蟹肉豆腐煲配飯，一個白咖喱豬扒飯，同埋一個紫菜薯餅。等左5分鐘左右，估唔到個豆腐煲咁快就嚟到。嗰豆腐煲好好食，蛋黃味好重，配飯一流。食完個豆腐煲，做來咗個紫菜薯餅， 30幾蚊，有八粒，抵食。個白咖喱豬扒飯等左好耐，催左一次，總共等左成半個鐘先嚟到，但係個白咖喱真係好好食，又真係唔怪得沙嗲王咁多年都咁有生意，呢隻柏加呢真係得意到食唔到呢隻味

自從銅鑼灣沙嗲王搬到現址，大概是第二次光顧。呢間舖都頗大，而且光條充足，環境OK 。外子一向鍾情白咖哩豬扒飯，見下午茶餐有，當要點一個白咖哩豬扒飯，送杯飲品，$49。仍然是記憶中的味道，香茅豬扒微微香，白咖哩少少甜，白飯軟硬適中，白咖哩撈飯無得彈。自己點一個輕量白咖哩燒雞扒飯，香蒜燒雞翼兩隻，送杯飲品，$51。輕量白咖哩燒雞扒飯等得特別耐，太肚餓都忘記影相。輕量就是正常三件肉少一件，雞扒肉質尚可，但味道很平庸，連一點鹹味都沒有，若果唔係有白咖哩汁，就真係無味了。反而香蒜燒雞翼好夠香，外皮香脆，肉質嫩，蒜味夠。

今日係CWB 學完結他同朋友黎食沙嗲王～啦啦啦！！！ 呢間野真心幫襯幾次都覺得好食 已經唔知幫襯咗幾多次 我同朋友都叫咗 豬扒飯 講真 豬扒真係神級又冇骨又「林」而且入味 加埋個汁撈飯仲正 我叫咗 沙嗲汁而我朋友叫咗白咖哩 呢2個汁係最正架啦 但今次好似有少少失望沙嗲汁好似冇之前咁濃 雖然都好味但覺得大不如前 而豬扒就都仲keep 到水準 我地仲叫咗蒜香牛油薄餅，原來諗住點汁食但個汁就大不如前 ，不過要正嘅係個薄餅幾香 不錯呀最後都係必點 蒜香牛油雞翼😛 呢個都keep 到水準！！正 見佢有好多新味 下次試試先 ！P.S提提大家叫野飲 千祈唔好叫青蘋果啫喱綠茶😦大伏呀（冇影相）太可怕了

次次黎沙嗲王，食黎食去都係果幾樣，偏偏佢果幾樣野食係有種魔力令你次次黎都只想叫果幾樣😂🌟椒鹽軟殼蟹(標準)：上菜既時候鐵板炸炸聲，食左咁多次第一次遇見，很意外。今次位置係風口位，比風吹左陣仲係熱的👍🏻蟹肉都幾厚，味道方面依然香口好味，不會膩，自己口味比較重，椒鹽都唔放過既我就略嫌椒鹽落得比較少。🌟沙嗲肩胛肥牛飯：今次放棄左白咖哩香茅豬扒飯，試下人氣no.5既沙嗲肩胛肥牛飯，用料係美國穀飼牛。牛肉份量同大小都適中，切得很薄，但真係比較韌。🌟印度薄餅：因為叫左沙嗲飯，所以叫薄餅既時候就冇再加咖哩。薄餅比較實，但味道依舊👍🏻