沙嗲王 (+WOO嘉湖二期)

營業中

休息中

白咖喱香茅豬扒飯，幾好，必點啦！濃蝦湯：味道唔錯喔！都好濃下，$9.9/碗抵啦！蒜香牛油烤餅：$4/2件，好香好好食，不過配濃蝦湯就唔好食了～泰式酸辣嫩滑鮮魚片鍋配飯，唔好食，好奇怪，似酸辣雞爪d汁煮熟左果陣味，唔啱我和屋企人嘅口味～椒鹽魷魚筒：唔好食，外面果層粉好淋，唔脆，唔會再叫，上一次叫左蘿蔔糕，都幾好鮮芒椰汁沙冰：好飲呀，仲有脆波波可以咬下！食左250+，送左支辣椒醬，仲會再去食～濃蝦湯同烤餅一定要叫

沙嗲皇一向都有質素，去間間食都差唔多我地要左個2人套餐，都幾多野食餐湯：粟米忌廉湯，加錢可以改冬陰功湯，個冬陰功湯都幾足料有蝦有青口，不過今次佢唔係咁夠熱小食：牛油雞翼3隻主食：佢地最出名嘅白咖喱豬扒飯真係好好味，果個汁嘅味道係其他地方食唔到，嘉湖呢間嘅豬扒都幾大塊，有3塊，都好新鮮炸鐵板嬌嫩巨脾飯，好大隻，啲肉都好嫩飲品：鮮芒椰汁沙冰配寒天波波特濃朱古力沙冰配阿華田脆脆甜品： Häagen-Dazs雪糕大家食完野記得拎點品，我之前成套餐成日唔記得叫甜品，蝕晒！基本上個套餐已經食到好飽，搞到成日唔記得甜品叫起。你唔講職員未必留意到你未食

20:50去到，場內有位，但都未執枱所以要等入坐。點二人套餐，但嗰app 有廣告落吾到單。最後要找職員落單，攪咗成20分鐘先落到單。上菜時見職員嘅清潔膠手套插着啲飯上菜，已經冇晒胃口。上菜嘅樣同餐牌完全有出入。嗰𠴱朱古力脆脆沙冰，還要一點脆脆都沒有。餐廳九點後就會進入清潔模式。最離譜係21:30後所有員工都不招呼。全部只顧清潔收工。想找人幫忙出雪糕，舉起手3分鐘都冇人理。有的員工看見還繼續低下頭清潔，最後要大呼一聲唔該。才有職員從門口入來看看發生什麼事。離開時還要在門口差點給濕地板跣一跤。以後都唔會再幫襯呢啲餐廳。

同細佬去左沙嗲王食野晚市都幾多人等左15分鐘.環境好闊落上菜都好快我地叫左一個2人餐龍蝦湯超級好飲.極推薦好濃烈既龍蝦味飲完又唔會話好口渴白咖喱豬扒飯豬扒非常淋.唔會好韌咖喱好濃烈.唔會好濟肚沙嗲肥牛粉絲汁超級濃配搭粉絲超索味每一啖都係沙嗲味蟹粉豆腐鍋飯超驚喜.熱辣辣上菜豆腐非常滑.送飯一流新品叉燒豬頸肉外表極似叉燒邊位有微微焦香又唔會過肥配搭泰式醬非常特別鮮芒椰汁沙冰（配珍珠）唯一難食既飲品珍珠係未熟哂（硬既）好甜.又唔解渴

不錯沙嗲叫左2人餐，朋友既食物冇影到🤣吹水太開心連飲品都忘記左影🥕石鍋沙嗲牛⭐️⭐️⭐️⭐️☆要左粉絲，加左一拳頭芫荽$6，石鍋一上枱好大鍋呀～將成碗粉絲落左去，再加上芫荽，沙嗲勁濃郁香甜，粉絲完全索晒汁，又配上芫荽，完全昇華左，好正，牛肉都有好多塊，牛味一般，食完勁飽。🥕泰好味之叉燒豬頸肉+$18⭐️⭐️⭐️⭐️⭐️豬頸肉燒得好香口，外脆內嫩，口味偏甜，夠大碟。======詳情======沙嗲王 (+WOO嘉湖)天水圍天恩路12-18號+WOO嘉湖二期地下G01C號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #天水圍好去處 #天水圍美食 #RR天水圍 #RR茶餐廳 #石鍋沙嗲牛 #沙嗲牛 #石鍋 #牛肉 #泰好味之叉燒豬頸肉 #豬頸肉 #沙嗲 #沙嗲王

同亞女去完冒x樂園玩，就去食晚餐，銀座番新後，開咗間沙嗲王，之前朋友請我食過，都OK，所以今晚再去食，場外都滿座，大約等咗15分鐘就可以入去，二人枱真係好迫，因為張四人枱分拆兩張。用手機落單叫嘢食，但係場內冇Wi-Fi，仲要我部手機只係收到1格😂，幾艱辛先落到單。落單後，等咗30分鐘先開始有嘢食送到，不過成日上錯隔籬枱🤣，見到周邊枱枱都追單，但啲侍應已經好努力送餐。我哋第一個餸嚟喇！明明叫咗炸饅頭$23（5個）但係就變咗非洲黑媽媽饅頭😂，炸得比較黑，不過都香脆😋。💛越南春卷 $41 （3條）好脆，但入面啲餡食落好粉，好齋😅。💛白咖哩香茅豬扒飯+太陽蛋 $76 豬扒鬆軟，但唔知點解，覺得個味道食一件後，就唔想再食，白咖哩就有少少辣，煎蛋，有好香嘅蛋味👍，飯就大約一碗左右。💚椒鹽豆腐$28（4件）等咗差唔多1小時先送到，個樣炸得好肉酸，不過味道係正常嘅，只係影響視覺☺️。另外叫咗兩杯嘢飲，都好好飲❤️特濃朱古力沙冰$22 好香濃朱古力味，甜度適中，又大杯。❤️鮮芒椰汁沙冰配寒天波波 $22 好香椰汁味，啲寒天波波好得意，好有咬口，但就比較甜，勁似以前許留山。CP值：⭐️⭐️⭐️

新開天水圍分店，叫左招牌白咖哩香茅豬扒飯，唔知係廚房速度慢，還是職員上菜速度慢，星期一19：10堂食落單，等左20鐘都未有，效率有待改變。白咖喱汁只係微暖，白飯（珍珠米）夠熱，豬扒 keep住水準，夠淋&炸得酥脆。樓面人手就夠，職員仲有出餐車，但我都要等20分鐘先有嘢食，而且要加一服務費，好在有張$6優惠券抵銷返，等佢改善左先會再幫襯。去旺角分店好d， 好快，而且飯餸分開，用大碗上，非碟上，碟上就打卡靚d咁吧，個人較喜歡碗上。

有一天我屋企人在平日晚上到銀座的沙嗲王食晚飯， 上次去沙爹王應該六，七年前了， 在大學經常去旺角的沙嗲王食飯， 還記得當時門口有個沙嗲王公仔，不知道而家還有沒有。這間沙嗲王是新開的， 門口的裝修十分有得食， 有一大嚿花生，而且內裏的座位間了一格一格像包廂一樣，十分特別。我點了一個蟹粉豆腐鍋配薄餅， 雖然等了差不多半小時才有得食，但味道尚算不錯蟹粉味十足， 而且吃得出他加了鹹蛋黃碎，所以十分香口， 可惜那個蟹粉除了有很香蟹味，仍有一點點薑味，而我不太愛食薑， 加上鹹味的蟹粉豆腐鍋和薄餅不太夾，所以如果下次大家要叫蟹粉豆腐鍋時，最好配白飯。 幸好其薄餅味道也不錯，十分鬆軟沒有燶，有淡淡的甜味，所以大家下次可以叫咖哩來配薄餅食。 唔該套餐的價錢也十分相而，只需89蚊便可食到，我想如果到其他地方食，至少過一百分蚊吧。

失望...本來諗住正正常常1餐，點知個前菜鳳爪等左45分鐘都唔出。其實30分鐘果陣已經催左一次，但冇feedback。到左45分鐘，再手問先同人講鳳爪有問題，只好cut左佢，白白浪費時間。🙄

因為未試過沙嗲王早餐就入黎試下，只係叫左個豬扒滑蛋米線，由落單到上菜等左半個鐘，超慢侍應人數多，但想叫一個人跟下餐都等左好耐。食物質素就普普通通，至少早餐唔會再幫襯。

難得見到遠在天邊嘅天水圍都開到一間沙嗲王，諗住嘗試一吓佢馳名已久嘅食物，可惜換來失望嘅體驗。叫外賣嘅時候，特別聲明走蔥，亦都打咗喺外賣單上面，最後都係冇走到，仲係有蔥花。等外賣嗰陣，服務員喺廚房拎外賣出接待處嘅時候，完全冇呼喚外賣號碼，令提取外賣時有所延誤，食物變涼，實屬失敗。餐廳竟然將冷熱飲品放入同一個包裝袋入面，返到屋企竟然嘗試到熱奶茶變溫奶茶，同埋，凍奶茶變涼奶茶。連世界著名嘅快餐店都識得用兩個袋分開兩杯唔同溫度嘅嘢飲，今次嘅體驗實屬驚喜。

沙嗲王終於係天水圍開啦，以前要食最近都要出荃灣，近兩年又係屯門開，而家終於到天水圍，就約埋老友們黎食個晚餐啦，星期6晚上黎們口已經一堆人排隊等位，好在我係會員可以用app攞飛先，咁就唔洗等咁耐啦。天水圍既沙嗲王面積都幾大下，今日3人行分到張卡位坐，卡位坐到4個人都唔會好迫，幾舒服。沙嗲王都係用QR code落單，間唔時都會有d期間限定既特色同一d動漫遊戲既聯乘食品，吸引返d年青一代，但可惜今日黎係無既，睇下餐牌有個2人餐幾抵食，就叫個2人餐再加少少散叫咁啦。脆卜卜炸薯條咁呢份薯條就2人餐加10蚊既，熱就熱但不是新鮮炸，因為不脆只係保溫做得好，都明既咁多人下下新鮮炸又炸到天光，粗薯薯味都幾足，份量都唔算少，只係不香脆所以扣分。煙肉上湯娃娃菜另一份跟餐既前菜唔洗加錢，上湯浸住娃娃菜加d煙肉，普通啦有d菜食下咁。椒鹽魷魚筒今期會員優惠減3蚊就叫黎試下，不過炸粉偏厚同非常油膩，我覺得麻麻地。白咖哩香茅豬排飯呢個基本上係沙嗲王既招牌菜，食過沙嗲王都知佢唔係出名沙嗲，白咖哩同1般咖哩非常唔同，1d辣味都無但好重椰香味，佢地既豬排都好重香茅味，豬排都好鬆軟唔會加得太多既鬆肉粉，所以食落都仲有口感，配

天水圍嘉湖銀座商場之前大裝修，近日終於都接近裝修完了😏有不小的連鎖嘅商店進駐，其中沙嗲王就喺銀座開咗一間分店黎到食沙嗲王，當然係食佢哋招牌菜～白咖喱豬扒飯，佢哋嘅白咖喱一啲都唔spicy,送飯一流而香茅豬扒兩大塊😳相當入味,真係好好食👍👍不過價錢就貴咗啲囉！加埋杯珍珠奶茶要成$63以下午茶來講係比較貴😖珍珠奶茶啲茶好飲嘅，但啲珠就一啲味都冇，比較失望環境指數：🌟🌟🌟🌟🌟味道指數：🌟🌟🌟🌟🌟回頭指數：🌟🌟🌟🌟🌟推介指數：🌟🌟🌟🌟🌟

以前最鍾意同朋友去沙嗲王，鍾意佢坐得舒服又可以同朋友慢慢傾吓計，依家分店開始越嚟越少，嗰日去開天水圍發現竟然有間沙嗲王，決定入去懷緬一下。咖喱海鮮，咖喱味濃郁，配上香脆薄餅味道一流，米粉爽口，豚肉鍋，豚肉鮮嫩，湯底清甜。　　

難得有新餐廳 緊係要試下啦雖然沙嗲王好多地方都有😅唔好講咁多 嗱嗱臨入正題先首先講下餐廳嘅環境先啦一入去就會見到啲柱痴咗啲海賊王同款通緝海報仲有啲路飛帶嘅帽添場內音樂就唔會話好大聲餐廳入面每張枱都會有一壺水，幾隻杯/碗同埋一個餐具籃，籃中只有中式筷子同埋匙羹。係冇刀羹叉架，可能要問職員攞🤔咁另一樣要講嘅就係食物質素以下午茶黎睇食物嘅量都係夠嘅個咖喱飯同我上次喺屯門食嘅係一樣嘅唯一唔同嘅就係香茅豬扒嘅厚度不過上次係屯門食嘅係午餐所以可能就因為呢個原因塊豬扒會厚啲🤔咁個滑lulu蛋沙嗲牛more王飯係沙嗲牛上面灑嗰啲花生碎黎點綴味道又唔係好濃都十分唔錯咁今次加果個小食薄餅係OK嘅加配價15蚊 有3塊薄餅送到過嚟入面都仲係熱架攞嚟點咖喱或者沙嗲都好好食整體來講 今次嘅用餐體驗係10分唔錯嘅下次可以再試其他嘢