沖繩漁民食堂

營業中

休息中

沖繩漁民食堂 OKINAWA GYOMIN SHOKUDO+日本菜🏠overall/環境/ 服務:+ 日式小店 座位唔算多 又都唔算好闊 但就係食果種feel+ 乾乾淨淨嘅裝修 冇乜花款 不過就舒舒服服咁‼️ 照燒雞扒溫泉蛋飯 $50好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 甜甜鹹鹹開胃的醬汁 再澇埋D蛋汁 真係想食多幾碗飯🤪✅ 雞扒就外皮微脆 肉就鮮嫩多汁✅ 我覺得$50嚟講幾抵食‼️ 咖哩日式吉列豬扒飯 $ 52好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 咖哩 唔係好重香料味果款 又唔係甜甜地 係微微咸味果款 食完唔會覺得好大浸味✅ 咖哩果質感好得意 好似有少少漿嘅感覺 原來係加咗薯仔蓉 所以個汁唔會好似茶餐廳果D咁水 多翻D層次📍油麻地新填地街143-151號俊逸豪園地舖G/F, Jolly Garden, 143-151 Reclamation Street, Yau Ma Tei⏰ 星期一至六11:30 - 21:30☎️ 電話號碼 📩喜歡我的文章，可以關注我及讚好以作鼓勵

油麻地收工去搵好嘢食畀我發現咗一間新嘅日本嘢最出奇嘅係晚餐真係好平餐牌見到50蚊就有交易啦呢個價錢食個lunch都唔止啦所以今次一於去試下呢間新嘢餐牌就大約有十零個餐主要係豬扒雞扒鰻魚等等再配上流心蛋飯或者係糖心蛋烏冬今次我哋就叫咗一個炸雞流心蛋飯同埋雞扒糖心蛋烏冬首先我嘅唐揚炸雞飯炸雞真係大大件仲有三大件咁多添而且非常鬆脆雞肉有肉汁再配上流心蛋撈飯其實都真係絕配另外嘅照燒雞扒湯烏冬先讚一讚個烏冬夠煙韌湯底都好入味而且照燒雞扒外皮都燒得好香脆醬汁都係調到少少甜食落都唔錯每個餐仲奉送一罐汽水相當超值講真$50呢個價錢搵到個地方是是正正食物質素有相當唔錯仲要係晚餐相當抵食如果大家經開嗰頭真係唔好錯過呀

餐廳係日式食堂，有個大大嘅波浪牆，非常之日本，非常之地道，餐廳食物價錢真係非常親民，大約四五十蚊食都到日式料理，真係性價比非常之高 ,一個蒲燒鰻魚飯，都只不過60蚊，非常之抵。今日我叫咗個照燒雞扒溫泉蛋，另外加12蚊就可以upgrade做讚岐烏冬啦 .定食上到枱嗰份量，雖然50蚊，但份量一啲都唔少 ,尤其是佢嘅雞肉非常之鮮香，再加埋醬汁，入口鮮香，烏冬用咗豬骨湯做湯底，烏冬好掛湯，加埋昆布，非常之彈牙，口感豐富，流心蛋非常之香濃，蛋味非常之香濃，入口即溶感覺 ,非常滋味

今日同屋企人黎食呢間係油麻地新開既日本店～ 見佢啲餐牌幾吸引🥰同埋價錢都ok😚照燒雞扒溫泉蛋飯 $50屋企人話佢個雞扒都幾好食 但我就覺得咸左小小 雞扒份量都算多 溫泉蛋配飯真係冇得頂😚蛋汁同飯撈埋真係好正😍吉列池魚溫泉蛋飯 $50池魚你兩條～ 完全無骨 啱晒我呢啲唔識食魚嘅人🤣 魚味幾香 真材實料 不過炸粉厚左小小 因為我覺得個沙律醬唔係好夠 所以就問咗老闆娘拎 佢都俾咗一碟沙律醬我點黎食☺️呢兩個飯都係餐黎，所以包左兩杯飲品我哋兩個都揀咗竹蔗茅根～ 另外佢仲有其他汽水可以俾你選擇！

去行下果欄買時令生果，之後見面呢間沖繩特色小店，平均50蚊一個丼飯/ 讚歧烏冬包汽水，平平地就一試。見佢原塊鰻魚丼飯，都係60蚊 😀 咁既格局，其他食店，點都要上到100蚊，甚至接近200蚊啊！店面簡潔乾淨，店員都好有禮貌。首先，照燒雞扒溫泉旦烏冬黎左先，雞扒唔“嚡”，照燒汁剛剛好甜度，烏冬比較粗和煙靭，湯底清甜~跟住，吉列豬扒溫泉旦飯，豬扒鮮炸既，好鬆軟，咁既價錢包飲品，市區既店應該絕無僅有 👍🏻

今個週末去油麻地食咗一間平價食堂，叫沖繩漁民食堂，太耐冇去旅行比餐廳個名～沖繩～呢兩個字吸引咗去試下午餐餐牌一目了然，以香口炸物及熟食為主，價格親民，所以星期六的中午幾乎客滿呢午餐而家贈送飲品，我哋揀咗竹蔗茅根，仲可以揀原味可樂或者雪碧照燒雞翼溫泉蛋飯$50雞翼幾香幾抵食，最欣賞佢加咗溫泉蛋，連同淋上左少許豉油的白飯一齊幾好味三大片吉列魚柳望落都幾大塊，咬落幾脆口，有沙律醬一齊食，加埋沙律菜更加均衡。

呢間位於油麻地既日式食堂，親民價錢，日式味道😆😆咖哩吉烈豬扒飯🐷（$52)係日式口味既咖哩🤤一如以往既好味道，加上熱辣辣炸起既豬扒好夾，豬扒係碎上方便食，仲有沙律醬可以點，但勁鐘意沙律醬既我就要慳住點🤣都可以食健康d 既😆😆😆仲有半隻蛋係面，d 餸好豐富👍🏻👍🏻吉烈炸蝦溫泉蛋飯 ($50)炸蝦新鮮熱辣炸起，配沙律醬岩岩好🍤🍤個飯有少少醬唔會太寡，加埋粒溫泉蛋整穿佢撈飯勁正🤪🤪擺盤都幾靚幾精緻☺️☺️日式餃子 ($32)我地加左個小食，一客餃子有4隻，入面有d 脆脆地既口感，似係雞軟骨餃子既感覺，好鐘意呢個小食😚😚跟飯仲有配飲品，可以揀可樂，雪碧，竹蔗茅根，配埋野飲性價比幾高🥤🥤📍 沖繩漁民食堂 (油麻地)🤓油麻地新填地街143-151號俊逸豪園地舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #food #foodie #foodstagram #foodblogger #berryfoodie

從前去日本🇯🇵，本著遊客心態，總會吃幾千円一客的魚生丼🍣、上萬円一頓的鐵板燒🥩。當每年都去，一去就十天以上，終於學會了用千円不到的價位，在平民食堂享受最貼地的日本餐膳。今晚👩🏻👦🏻的晚餐，就是這種平民食堂。🥰最初是被門面吸引了，然後是價格。吉列池魚溫泉蛋飯，$50。咖喱吉列雞扒飯，$52。都送汽水，都是即叫即炸。池魚🐟兩大片，炸得香脆但不油膩，鹹淡適中，不是那種沒味道的雪藏貨。溫泉蛋🥚讓味道更加豐富和有層次。沙律菜🥗也新鮮，賣相說明一切。雞扒🐔是帶雞皮的，炸漿不厚，夠脆夠香。肉質中規中矩，對得起這價格。咖哩汁🥘是「甘口」的甜咖哩，Jon仔也能吃。還有半隻半熟蛋🥚，好好吃呢！小店地方不大，估計坐滿才二十多人的樣子。店員連廚師目測約三人🧑🏻‍🍳🧑🏻‍🍳🧑🏻‍🍳，真的很有日本家庭小食堂的感覺。😍我們，會再來的！😎

某日去戲院睇戲前 , 在 油麻地-新填地街 見到這家門面光亮的餐廳 "沖繩漁民食堂" .... check 一 check, 原來是 💛「黃店」, 當然立即入去幫襯 ~唐揚炸雞溫泉蛋飯 : 唐揚雞炸得夠透 , 炸皮是炸得酥脆甘香 , 皮脆之餘亦不會過於硬身 , 咬落 juicy, 雞肉鮮嫩夠入味 , 油膩感也不重 ; 加上溫泉蛋 , 撈飯來吃就是不錯 ~照燒雞扒溫泉蛋飯 : 雞扒是香口入味 , 照燒汁的味道是濃郁又香香甜甜 , 夠味又不會過鹹 , 可以說是香口惹味 ; 勻起溫泉蛋撈飯來吃 , 就是有風味 ~本篇完 ~

日式餐廳，一般收費不平，還要以小店經營，絕對不容易。油麻地開了一間小店日式餐廳，以實惠價錢收費，食物賣相不錯，難怪入座率甚高。*****************************難得今天工作不忙，下班後外出走走。路過一間以沖繩漁民為名的餐廳，都是新開的，餐廳位置就在廟街附近，廟街都是以快餐店為主，難得見到一間可以食日式丼物，才決定入内一試。沖繩漁民食堂地方不算大，但座位也不算少。環境光線充足，座位也舒適不會太擠迫。更沒想到，如此早到沒人，入座不足10分鐘，餐廳已經坐滿幾枱。餐牌主要以丼物飯為主，共有6款丼物，及6款飯類，配汽水一罐或紙包涼茶，另加HKD10 可以轉配烏冬。此外，餐廳還有幾款小食供應，餐食安排都得簡便，價錢經濟又實惠。服務員招呼不錯，上菜速度也快，坐下不久，食物便送上枱。日本蒲燒鰻魚溫泉蛋飯 HKD60，單看賣相，溫泉蛋已經做得不錯，還要配上一條蒲燒鰻魚，很多食店，都只有半條鰻魚供應，這裏以一條鰻魚，還要只收HK60 包飲品，確實實惠。溫泉蛋漿溶入米飯之中，帶點蛋黃香味，再加上滑溜的蛋白，讓口感更加吸引。原條蒲燒鰻魚，非常滿足，還伴上沙律菜，增加賣相吸引力，確實有點

間唔中都會去果欄買生果, 今日買完行番去, 途經俊逸豪園附近見到有間岩岩新開門面幾靚仔既餐廳, 大大隻字沖繩漁民食堂, 睇下MENU原來係食日式碗飯既, 價錢唔貴, 就快快趣入去食個DINNER。餐廳走小店路線, 新淨光猛, 企企理理。照燒雞扒飯雞扒醃得入味, 表面搽左燒汁先去煎, 味道香甜, 送飯又幾好食! 另外仲有隻溫泉蛋, 流心岩岩好, 有埋蛋汁撈飯更加豐富, 冇咁寡! 吉列帝皇立魚柳飯兩塊炸魚好似心型咁, 入口唔會乾爭爭, 炸粉薄脆, 沾少少沙律醬食更香口好味!另外配埋罐可樂, 飲埋就飽哂! 小店黎講環境, 食物都係合格以上, 有時想快靚正食個飯都係一個不錯既選擇!

百老匯電影中心附近有乜食？咦！開咗間新嘢喎！（唔知有幾新，至少我之前未見過啦，哈）個名叫「沖繩漁民食堂」，睇餐牌係日式定食，價錢又唔貴，見佢裝修幾企理乾淨就入去食！主要係食溫泉蛋飯同烏東，價格都係5、60蚊左右，有埋嘢飲又唔貴喎。同老婆一人叫咗個飯，因為要快食，冇叫太多嘢。兩個飯係得個餸唔同啫，吉列豬扒外脆內嫩，唔係硬弸弸嗰啲豬扒，而且調味得幾好，唔駛點醬都已經好好食，加埋美奶滋更好食！照燒雞翼其實係接受半煎炸嘅雞翼，外皮香脆，正！上枱時見到飯上面隻溫泉蛋嘅「動L」嘅已經好開心，哈！最鍾意食蛋撈飯，加上醬油撈埋一齊好滋味！店員（定係老闆娘？）好親切咁招待我哋，可以們晚人唔多啦，間中又同我哋吹兩句水，跟餐個可樂我冇飲（戒甜中），已經埋單去咗門口，佢仲專登走出嚟問我拎唔拎走飲，哈哈！

天氣開始轉熱， 今日想去行下果欄，周圍遊蕩下想搵嘢食。 比我發掘到一間cp值超高隱世食堂！！一定要同大家分享！舖頭位置喺油麻地b出口行五分鐘左右， 正正就係果欄嗰條街。舖頭lunch menu 好簡單, 一目了然。裝飾都好簡潔，似足日本小店， 好舒服。 我哋叫咗兩個lunch set， 一個小食 share。咖哩吉列炸蝦飯（$52）❤❤❤❤係日式甜咖哩， 量好足， 跟兩隻吉列蝦, 炸粉唔係好厚一層會甩嗰種天婦羅皮， 唔錯。 再配半隻糖心蛋， 估唔到隻蛋又幾好食wo! 吉列豬扒溫泉蛋讚岐烏冬（$60）❤❤❤❤❤睇門口poster佢哋都主打鰹魚湯烏冬， 個湯果然好出色，好濃嘅魚味！！烏冬比較粗身， 外面好少食到， 煙煙靭靭咁， 我個人好喜歡！！豬扒都大塊， 炸粉唔會好厚， 唔會成嚿肥豬肉咁， 好滿意！ 呢個價錢真係好抵食！ 日式餃子（$32）❤❤❤❤❤係軟骨餃子呀～～我嘅最愛～～ 已經好耐冇食過 ， 外皮唔厚， 煎得啱啱好又唔會好油， 大愛！！ 強烈推介去開附近的人可以試一試呢間小店， 入面姐姐仲要好nice， 臨走讚佢哋啲嘢好好食， 佢會好開心㗎🤭🤭

之前都有經過呢間鋪頭見佢今次轉左個menu 即管試下~~叫咗個照燒雞扒溫泉蛋飯雞扒燒得幾香 脆脆嘅皮😝溫泉蛋都做到嗰個效果 撈埋飯好味伴埋有啲沙律菜🥬整體嚟講唔錯 係啲米飯硬咗少少支持下小店~~

呢日去電影中心睇戲🎬，入場之前喺附近覓食，行吓行吓見到呢間餐廳，名字叫「沖繩漁民食堂」，我喺沖繩同東京都食過不少「沖繩料理」😋；至於「食堂」，喺日本各地都去過不少😆；咁當然被餐廳名字吸引啦，再望吓餐廳裏面，光猛乾淨企理，咁就決定入去開餐😆要咗$60嘅「日本🇯🇵蒲燒鰻魚溫泉蛋飯」，跟餐有汽水一罐，咁我要咗可樂😋「鰻魚飯」賣相靚靚🤩，鰻魚大大條，肉質鮮甜😋，仲有隻溫泉蛋，將 蛋黃、蒲燒汁、鰻魚 撈埋白飯一齊食，好味😋