沖繩二段料理 (荷里活廣場)

營業中

休息中

之前係油塘分店食過一次lunch,對佢跟餐個甜品冬甩念念不忘，呢次特登去荷里活廣場試吓呢間水準如何。【 南蠻雞 配芝士蕃茄炊飯】$107飯個presentation好好，有拉絲芝士，正！。不過個南蠻雞個sauce 好普遍，似薯仔沙律放左落普通炸雞粒面。無咩特別。😅【 黑糖芥末黑椒脆雞 配壽喜燒牛肉烏冬】$128掉返轉，反而雞既賣相係幾唔錯! 個芥末汁好香口配埋炸雞件嘅黑椒味非常之夾！✨【 沖繩海鹽焦糖冬甩雪糕 】今晚個冬甩雪糕好似無油塘果間咁煙煙韌韌，chewy chewy冇左⋯⋯有點失落感⋯🥲分數：（10分滿分💛）味道：7.5價錢：7環境服務：7（以上評分只是小編個人口味而已）

呢度係主打沖繩二段定食 有齊主食、飯類、甜品、嘢飲 真係超級抵🤑最正一定係佢哋嘅招牌沖繩海鹽焦糖冬甩雪糕🍩🍦冬甩即叫即炸 軟熟又煙韌👍🏻雖然有大量嘅海鹽焦糖醬 但係完全唔會太甜膩✨再配埋個雪糕 真係冇得輸😍

工作關係，需要喺荷里活廣場食個快飯，唔想等位係最大考慮，所以經過呢間日本餐廳，見有位就衝左入去😅😅😅果然少人幫襯嘅餐廳，多數都係有啲原因嘅⋯⋯因為趕時間，我問店員邊樣食物可以快啲上菜，店員就推介呢個豬扒烏冬😇其實都要等咗10分鐘先有得食，唔覺得特別快，只係正常速度。但一上枱就知道中伏，兩款食物都係用鐵鍋裝住，尤其係烏冬，完全熱到好耐都食唔到🥺🥺睇相都見到冒晒煙😮‍💨結果貪快得慢😞重點係，無論係餸定烏冬本身，都似係屋企自己煮的level🥺豬扒厚粉肉少，烏冬發晒甜品係跟餐附送的，甜到喊嘅硬Donut配雪糕，兩樣野完全唔夾😅食咗兩啖放棄了😮‍💨埋單成餐飯都要100蚊😅😅😅😅😅

之前食過一次， 記得這裏的甜品都幾好食， 星期日即興來。 我們三個人7點55分到達， 拎了一張138號籌， 大約等到八點半， 我見勢色不對，所以就走去問一問櫃檯的男員工， 幾時有得入？當時已經叫到144號， 我成程沒有行開，所以我知道點解會沒有叫138號🥲！ 餐廳有很多兩座位， 每次有兩座位客人走的時候，他們都會安排兩個人入座， 目測在場全部人裏，只有我們是三人，另外有一台是五人。 再等到8點40分，我就行埋去問幾時有三個人入座🤔？ 門口的男員工竟然跟我說我都不知道應該沒有😵‍💫， 排了40分鐘最後他們都是不斷兩個人入座， 倒不如直接跟客人說我們沒有提供三個人的座位😒。 浪費我的時間， 我以後都不會再來。(相片是上次食的時候影落的)     Antoshimo Cafe & Bakery (荷里活廣場)地址: 鑽石山龍蟠街3號荷里活廣場1樓182號舖

呢間其實食過幾次，食物係ok,有2次都見到係座位有2-3隻小強損出嚟。第一次，係坐係中間樹位的座位，食食下野，有小強損出嚟。一見到，即刻埋單走人，友人都話下次唔會再去。相隔幾個月，唔知食咩，所以諗住唔係坐中間樹位，食飯應該冇事。點知，今次，被安排坐係左邊近牆的位子，食到一半，有幾隻小強損出嚟，仲要有隻小強行埋上堂。同店員反映，只係講聲唔好意思，冇安排調位，我們只好即刻埋單。呢間分店真係，唔會再去食。Ps. 冇圖，因為當下，好驚，走都走唔切。

甜品非常有驚喜四五年前喺朗豪坊見過呢個分店之後，一直念念不忘，原來佢喺荷里活廣場都有分店$103蚊，可以有二款炊食+甜品+飲品，價錢都ok今次同老公一個叫左牛油蜜糖芥末黑椒炸雞，另一個叫蜜糖芥末豚肉，大家都叫蕃茄芝士炊飯牛油蜜糖芥末黑椒炸雞非常好食，脆口再加牛油蜜糖芥末醬，送飯一流，惟一要留意係一上菜要盡快食，因為凍左啲醬汁會凝固咗芥末蜜糖豚肉就一般，不過不失，但啲椰菜煮得好淋，好入味，有驚喜最重要係甜品，一定要留肚食，個冬甩係新鮮整好，上枱時仲係熱，加上海鹽雪糕，再配上焦糖醬，非常非常好味，就算下次黎單點食都要再encore

這間餐廳主打鍋燒食品和特色沖繩冬甩。早前經過多次都沒機會試，今次排隊的人不多，於是決定在此吃晚餐大阪燒吉列豬扒吉列豬扒雖然份量不大，但炸得十分香脆。而且厚度十足，也帶點豚肉味。配上大阪燒汁，非常香口。咖喱撈烏冬不過不實的咖喱，烏冬也是正常水平。兩者拼在一起雖然沒有太多wow factor, 卻令人有滿足感。沖繩海鹽焦糖冬甩雪糕冬甩上加了一球牛奶雪糕，吃得出不是由化學品調製，而是有濃濃的牛奶味。焦糖醬也有海鹽味，令整個甜品不會單調的甜。冬甩口感十分煙銀，也是剛剛炸起，配以冰凍的雪糕，相映成趣。有別於坊間的日式料理店，這間餐廳有自己的創意， 十分值得一試。9/10

Encore咗好多次嘅二段鍋燒料理😋 成日都掛住佢啲芝士飯、炸雞🍗 同埋跟餐冬甩🍩💛沖繩二段烏冬定食 ($112)大阪燒吉列豬扒+櫻花蝦蝦湯烏冬+沖繩海鹽焦糖冬甩雪糕+凍黑糖菊花茶大阪燒吉列豬扒有驚喜😍 大阪燒嘅汁好夾個豬扒，個豬扒幾Juicy，同埋炸粉品算好厚👍🏻 而個櫻花蝦蝦湯烏冬食落好滑，不過烏冬份量就比較細💛沖繩二段炊飯定食 ($103)牛油蜜糖芥末黑椒炸雞+龍蝦湯蟹柳芝士炊飯+沖繩海鹽焦糖冬甩雪糕+凍黑糖菊花茶呢款炸雞都係次次嗌，之前試過佢個柚子味炸雞，覺得太Fresh，唔係好夾😹 但係我最鐘意啲重口味+熱氣食物😈 所以呢個牛油蜜糖芥末炸雞🍗 就好啱我心水❤️ 佢啲醬落得好均勻，每舊炸雞都好有味😋 啖啖肉，個底仲有啲粟米同洋蔥🧅 不過食下飯又食下炸雞都唔會話好漏。而個蟹柳芝士炊飯有4條小蟹柳，然後….第一啖太熱，辣親條脷🥵 要小心啲食😭 不過見到滿滿嘅芝士，仲要拉曬絲🧀 成個飯都幾好食😙💭侍應幫我哋收拾好主食嘅用品先上甜品，今次我同🐡個冬甩有少少唔同，🐡食個個同以往食嘅一樣，每粒冬甩波波都好圓，炸完之後煙靭得嚟但偏軟熟，再夾埋雪糕同紫薯蓉食，真係好好食🍩🤤 但我個個嘅冬甩波波偏

間唔中就會想黎食呢間😂成個套餐$112 平就唔算太平但勝在幾豐富👻一個肉+飯/面幾好食😂平時唔太鍾意黑糖味但呢隻係接受到份量唔算好多女仔都食得哂🤓🤓.冬甩係成餐既重點🥲好好食！食完好滿足

雖然呢度係主打沖繩2段食 但係比起佢哋嘅主食 我更加推介呢度嘅冬甩🍩全部都係即叫即炸 外面炸到脆卜卜 入面勁軟熟又帶點煙韌 有啲似台灣嘅波堤！配埋球凍冰冰嘅雲呢拿雪糕🍦冰火交融嘅感覺 真係超正 下面底仲有超多海鹽焦糖醬 成個甜品真係熱量爆燈 勁邪惡

晚餐時間，荷里活的西餐及日式餐廳都較受歡迎。行了幾層成個圈，眼花撩亂，最後決定這食店。一百多元，主菜、飯/烏冬、雪糕冬甩及飲品，這些配搭很豐富。我叫了$112柚子炸雞、龍蝦湯烏冬凍菊花茶。很快就上菜了，但非常失望。柚子雞，只看到乾乾的炸雞，雞都有啲脆，但乾乾的，柚子汁只有底底的少少，都食唔出柚子味。龍蝦湯烏冬，烏冬質地煙靭，幾好。但份量不多，若是正常食量的男士就一定唔夠了。嚐了這些，老實說，這個價錢唔值。不過，最後來的雪糕冬甩挽救了，也填補不足和失望。冬甩口感特別，像麵包軟熟，但又因炸而香。如果再揀，我一定唔會揀它，不過試過特別的冬甩雪糕，不要後悔了。另外，我覺得這餐廳的冷氣唔多夠，唔知是否位置問題，因為前身的食店也是唔多夠冷氣似的。

沖繩二段鍋燒定食 $89主菜🤍 牛油蜜糖芥末鍋燒黑椒炸雞配壽喜燒鍋燒烏冬呢個炸雞真係超級好味，炸雞係用一個熱嘅鐵鍋裝住，可以一路暖笠笠咁食，炸雞配上牛油嘅香、蜜糖嘅甜、芥末微辣嘅刺激，呢個醬汁嘅組合真係無得輸，食完一舊好味到停唔到口🤭壽喜燒烏冬就正常發揮，烏冬都好好味，夠晒彈牙👍🏻😋甜品🤍 沖繩海鹽焦糖冬甩雪糕呢個甜品都係令人讚不絕口！個冬甩炸得啱啱好，外脆內軟，配上海鹽焦糖醬提升咗成個層次，成件事好match，食一舊點咗海鹽焦糖醬嘅冬甩再食一啖雪糕，雪糕喺口入面融化，真係無得頂！😋👍🏻👍🏻👍🏻飲品🤍 熱黑糖菊花茶

之前食過Mikiki同Megabox分店，所以對食物味道(尤其個冬甩）同性價比有信心。一行兩人三點半前入座，落完order幾分鐘後有位waitress行埋嚟同我地+旁邊兩張枱講烏冬賣哂，要轉炊飯。當刻覺得有啲可惜，不過明白無得做晚市餐廳會入少啲貨，所以都改咗做飯。點知相隔二十分鐘隔離枱嚟咗枱新嘅。無耐侍應為佢地送上烏冬餐😑首先，如果知道就快賣哂係咪可以喺客人入座前講聲呢？其二，侍應們都目口目面咁。。。我會再幫襯呢個餐廳品牌，不過應該會去其他分店。。。

💛呢間日式店性價比真係勁高 好抵食🤩Lunch二重鍋定食$78 有 飯/麵 + 餸 + 甜品 + 飲品分量超級多!!! 真係食到勁飽走人🤣食物質素都幾好😋 尤其係冬甩! 香港每日人手新鮮製造!整體好推薦！真係食完大滿足✨———🍽【二重鍋定食】$78飯/烏冬 + 餸 + 甜品冬甩 + 飲品——☞︎ 飯/烏冬🍚 (十選一)【芝士泡菜野菜蕃茄鍋燒炒飯】一上枱表面係芝士 撈勻左之後就係邪惡拉絲飯😍粒粒飯都比醬汁&芝士包住 好夠味😋泡菜存在感比較弱🙈最低仲會有少少飯焦🤩 正呀～【芝士蕃茄鍋燒炊飯】——☞︎ 餸🍗🥩 (八選一)【牛油蜜糖芥末鍋燒黑椒炸雞】炸雞份量幾足 大概7-8件~炸衣少少偏厚 雞肉都算嫩 唔會好乾好鞋~加埋蜜糖芥末醬&黑椒汁好滋味😋【壽喜燒鍋煮美國牛肉】有牛肉 蒟蒻麵 粟米 椰菜~ 好豐富壽喜燒汁正常 唔會太鹹~ 牛肉唔會好肥👍🏼蒟蒻麵幾特別 似芋絲 掛咗壽喜燒汁食好正~——☞︎甜品🍩【沖繩海鹽焦糖冬甩雪糕】✨推薦！✨呢個真係勁好食!!! Lunch set已經包咗🤩冬甩即叫即制 少少熱 外脆 內煙韌! 口感好正!!! 再加埋焦糖醬&雪糕真係好正🤤好想齋買冬甩返屋企! 不過外賣有少少t

《Antoshimo Cafe & Bakery》鑽石山揾食好似只限於荷里活廣場入面，中午時間都幾多人，幸好食店都多🥰咁有良知當然係優先，但舖頭座位唔算多而且無限時所以都等得比較耐😅不過原來佢入會做VIP係有得用App拎飛既，可惜我唔係🥲舖頭主打沖繩二段鍋料理，真心好抵食而且食物質素中上🤗一個價錢，已包括主菜、烏冬/飯、甜品同飲品，而且樣樣係正常份量不是迷你版本，唔怪得成日都咁多人排隊啦！🌟😛＜櫻花蝦蝦湯鍋燒烏冬＞+＜牛油蜜糖芥末黑椒炸鷄＞+＜沖繩海鹽焦糖冬甩＞+＜凍黑糖檸檬茶＞=$89個蝦湯好濃好香而點點微辣🌶同烏冬係超夾，而且烏冬係讚岐類別有咬口，我最喜歡💕個炸雞好脆咁配芥末一定好食，反而我欣賞鍋底有炒左既粟米同洋蔥，而且完全唔油😎冬甩口感好好，配雪糕當然正啦～反而我唔太喜歡個焦糖醬。。太甜了佢既凍黑糖檸檬茶+$3，個黑糖漿另上既，可以自己調節，不錯🤪＜壽喜燒鍋煮魚柳＞+＜野菜竹籠蒸飯＞+＜沖繩海鹽焦糖冬甩＞+＜凍黑糖檸檬茶＞=$79因為有小朋友同食，這個set相對比較清淡，走健康路線😛魚柳有四件都幾厚身，用壽喜燒汁煮過加埋野菜都幾好餸飯😋野菜竹籠蒸飯都真係幾健康😄材料都豐富既，叫