沖繩二段料理 (荷里活廣場)

營業中

休息中

週末黎到鑽石山荷理活廣場行街，首先要醫一醫肚先！上到一樓周圍行下睇下有咩好食，無意中發現左呢間食沖繩面既餐廳，見佢個下午茶都幾吸引幾抵食就入去試下！睇睇餐牌很多選擇，最後揀左個濃蝦湯壽喜燒麵配黑糖雞翼，野飲就叫左黑糖凍檸茶！呢間餐廳都幾特別，野飲既糖會用返黑糖！不過落左好多糖水都冇咩味個濃蝦湯麵面頭就有一隻蝦，食落有少少蒜蓉味，湯底就比較特別，食落甜甜地好似冬陰公咁，好搞笑！黑糖雞翼新鮮整起，脆卜卜好香口！

同女朋友去睇戲同埋食晚飯，見到呢間餐廳好得意就入去試下。餐廳細細，所以座位都有少少迫，加上每個套餐都有兩個碗，擺埋嘢飲就無曬位喇。佢有好多款配搭，搞到我有少少選擇困難症發作。女朋友揀咗沖繩蒸餃子配蕃茄烏冬($68)個烏冬就係得蕃茄同一片竹輪，無其他餸。份量都算多嘅。餃子不過不失。我揀咗椰子咖哩炊飯配粟米雞($82)咖哩飯軟淋淋，好重口味。粟米雞炸到好香口，加埋啲沙律醬好好味，側邊仲有啲無味伴菜。個餐包埋甜品，啱曬我女友。海鹽焦糖冬甩雪糕。冬甩皮脆內軟，加埋雪糕真係又幾好食喎。跟餐有嘢飲。熱黑糖檸檬茶，即係普通熱檸茶，然後畀樽黑糖你自己加。見到隔離枱嘅凍黑糖檸檬茶，即係普通凍檸茶自己加啲黑糖糖漿落去。

DINNER TIME好多人下, 都要等4,5個字。大部分係梳化位, 幾好坐。叫左個湯飯SET, 有豚肉湯飯+ 甜品, 另加錢叫左個炸雞黑椒炸雞有微微的黑椒味, 炸就唔怕油膩, 粉漿唔厚, 有D 似鹽酥雞, 好食! 加9蚊就有, 都有3,4粒豚肉湯飯我覺得似一個鍋多D, 最初以為好清, 原來用左日式濃湯, 好鮮味, 入面都幾多豚肉, 仲有鳴門卷同一D 菇。飯另上, 入面竟然有秋葵粒, 多左層口感又健康。甜品係佢地GE 招牌DONUT + 雪糕, 我見佢地單賣都十幾蚊, 估唔到跟餐送一個! DONUT係原味, 厚身的, 感覺似CAKE, 醬汁係焦糖海鹽, 有D 似拖肥糖, 但咸咸地又唔會太漏, 好食WOR! ICE CREAM係VANILLA 味, 入面有D冰，一般般。跟餐叫左黑糖ＬＥＭＯＮ　ＴＥＡ，但無乜黑糖味, 似普通LEMON TEA

行過見到晚市價錢ok就同朋友入左去食，叫左個壽喜燒湯面加蒸餃子既套餐，套餐仲包一杯飲品同一款小食，價錢$68，但飲品只得可樂同黑糖檸茶/水簡。主食黎到後，餃子皮好爛，感覺蒸得太耐，而且餃子上面既醬亦怪怪地，食吾出咩醬，但寧願佢吾加，至於面就普普通通，面質好似上海面咁，小食簡左黑椒雞翼，係成個餐最好食既食物，而飲品簡左黑糖檸茶，個人覺得普通檸茶好飲好多，我同朋友都覺得野食好一般，均表示吾會再黎食🤦🏻‍♀️。

今日去完鑽石山探朋友，走前行下醫下肚，見到呢間日式餐廳幾特別，諗都唔諗就入左去😆。濃湯蝦幼面的湯很濃郁的蝦味,正! 但芝士蕃茄炊飯有點失望, 雖然有拉絲😍但味道比較淡,似食緊蕃茄湯飯似的~小食同飲品可以自由配搭,而小食南瓜芝士餅有驚喜,係南瓜餅中間有一層芝士,有點像流心咁,好味! 而黑糖蜜蕃薯條比較甜了些,因為蕃薯條已經鮮甜, 加得太多黑糖蜜了,就算我是黑糖控我都覺得麻麻地,不過杯飲品--黑糖檸檬茶都幾好飲,都幾似普通檸檬茶,不過只是轉了黑糖沖,如果不喜歡黑糖的你就不見議飲這個了,可以選擇其他飲品~

黎食過幾次，蒸鍋加烏冬呢個配搭都幾特別，但味道我自己真係覺得相當一般。個醬汁都幾難食下，感覺有啲9唔搭8，同餃子勁唔夾。我食左一舊已經宣告放棄。壽喜燒湯烏冬，烏冬份量好多。壽喜燒湯感覺有啲清淡，如果可以甜啲，或者加隻蛋落去就好啦！甜酸燒賣，味道唔知點形容，好奇怪，感覺勁求其。呢個都係壽喜燒湯，不過再濃啲，飯太多搞到一pat pat咁，但味道可以接受。我最鐘意就係呢隻雞翼，醬汁配搭得宜，幾香口，值得一試。

芝士蕃茄炊飯，其實上面的番茄只有一片，不是一整個🍅，小小失望，湯汁OK芝士不多，只有薄薄的一層⋯ 朋友點的龍蝦壽喜燒湯麵，味道不錯，配的小食是辣豆醬餃子，小小辣，餃子類似韓式的扁平形狀，口感吃著感覺同速凍的沒啥分別黑糖口味的雞翼味道好特別，還不錯吃～

成日經過荷里活都好少食呢間，今日經過突然諗起佢嘅甜品，就即刻同朋友入去食！我同朋友係大概接近6點時間入去食，有好多空位，唔洗等位。👍🏻我叫左芝士蕃茄炊飯+咕嚕燒賣。朋友叫左芝士蕃茄炊飯+漢堡扒嘅定食套餐，有嘢飲+甜品送，但甜品只限係黑糖雪糕冬甩。佢個飯可以瘋狂追加芝士，蕃茄味又夠。👍🏻 但個咕嚕燒賣就覺得細粒左啲，朋友嘅漢堡扒份量正常，以蜜糖芥末醬搭配，兩樣送味道都不錯。食完飯再叫佢上埋個甜品。佢嘅冬甩加雪糕真係完美配搭！雪糕唔太甜，加埋黑糖醬good good，冬甩外皮又唔淋，好輕微脆脆地嘅感覺😍。兩個人食完一個甜品，覺得唔夠決定再叫海鹽焦糖雪糕冬甩。兩樣甜品嘅分別係個醬，焦糖個隻嘅醬多啲，味亦較黑糖出，所以中意食濃味啲嘅可以食焦糖味個隻。總括嚟講，呢間餐廳無論正餐/甜品都唔錯，特別係甜品。👍🏻👍🏻👍🏻👍🏻

很是有趣，以為是一間不知甚麽來頭的餐廳，但是內裏也坐無虛設。乍看店內還見到剛聚會過的友人🧐😏，更趣。本身對這個所謂日本牛乳冬甩不以為然，不知有甚麽特別🤔，但由於上別人地方，買少少東西無壞。吃了個抹茶味道的，上面有個它的自家公仔。對於我們這代人，蛋糕甜點上面的公仔，通常都覺得非常甜，覺得是糖霜造出來的，但其實這個公仔，應以濃朱古力造的，味道也總算可下嚥。而抹茶味冬甩，意想不到那麽彈牙，因為一心想，會否像港式麵包那般軟林林，或是新式麵包空盪盪，想不到彈牙煙韌，喜出望外。

小秘書一直好想嚟「Antoshimo」試吓個🍩海鹽焦糖冬甩，不過成日都撞唔啱tea time時間👉🏻👈🏻 今日終於比我試到喇☕️ 奈何幻想始終比現實完美... 個黑糖甜薯都OK嘅，但係成set嘢太油膩，唔係我杯茶囉😝 不過喜歡相機食先嘅我，已經好滿足！

兩個人下午茶時間去食 客人人數不多 餐廳入面有空位都唔比人入座 淨係等位等左20分鐘 一坐底就立即落單但等野食都20分鐘 追餐了也沒有快上餐 員工做野速度太過慢 係咁多間分店最差

睇戲之前諗住搵野食，見到依間食沖繩名物二段蒸煮，幾有趣試下。我叫左上層芥末豚肉，下層芝士蕃茄炊飯。比個邪惡芝士吸引左。哈哈。上層味道整體比較清淡，岩哂想食得健康既客人。下層相反好多芝士，蕃茄味都好濃。balance番，岩岩好。

做facial前，都要食飽，所以揀咗附近啲餐廳。見到間日本沖繩餐廳，幾得意。門口仲有好多好靚嘅冬甩，好吸引呀。因為要快食，我就點左午餐定食。餃子牛肉烏冬+凍黑糖檸檬茶。$75 一個lunch，唔算平。不過佢幾得意，有分上下層。雙層就係主食餃子餃子一般，無乜特別，無醬會更好。。。下層就係牛肉壽喜燒湯烏冬牛肉薄切，唔un個湯都唔似平時嘅壽喜燒，好淡、好濁。。。總括來說，一般之下，可能其他野食會好D，但我覺得呢個超普通嘅set，唔值$75

呢間開咗唔算好耐嘅餐廳買嘅嘢食都係日本嘢食例如係烏冬番茄飯關東煮咁 呢一晚落去同屋企人一齊食 佢夜晚個Menu就係一個套餐 你可以揀個主菜同埋一個小食 我就食咗一個沖繩餃子配牛肉烏冬屋企人呢就食咗日式燒賣配燉飯呢個餐仲送埋嘢飲 杯茶好好飲佢最好嘅係食完之後會送一個甜品係一個冬甩配雪糕 好抵食

與朋友在荷里活剛睇完戲，正值午餐時間，經過呢間店看看餐牌都幾有特色，加上不同款色既冬甩就把我們吸引入去了!叫左兩個套餐~牛肉炊飯、蒸雞炊飯食物上枱先來個~流心蛋豬扒，可能太肚餓了掛住食唔記得影相😅因夾住流心蛋一起食，唔似得吉烈豬扒咁乾同咁熱氣主菜有個蒸籠盛着餸，另有配窩飯，飯裡有湯(可選擇豬骨、泡菜或蕃茄)再加上芝士自己攪均，攪拌後飯變得好黏稠，味道都唔錯最後甜品係雪糕冬甩，看上去幾得意，食下去就無咩突別飲品有玄米茶或蜜桃紅茶整體幾十蚊個午市套餐都算唔錯啦