影片
以上資料只供參考, 請與餐廳確認詳情
唔係見到呢間新餐廳，都唔知原來沖繩興起食蒸飯石鍋店內掛上好多色彩繽紛嘅獅莎畫，又有一大串日式紙燈籠，幾有沖繩風味。掃二維碼落單點選蕃茄泡菜石鍋鷄 ($87)，加上”小心燙手，不要觸摸”字咭，熱氣冒上。材料除咗有鷄件，泡菜外，仲有椰菜及粟米，配合蕃茄及泡菜汁，酸酸甜甜又帶點辣度，呢個味道配搭幾令人開胃口。鷄件反而味道偏淡口。熱鍋套餐可選烏冬或蒸飯，歡喜食溫泉蛋撈飯，咁就要個溫泉蛋蒸飯啦。飯量相當多，飯上灑上飯素，撈均隻蛋，入口有蛋汁嘅香滑度，又有飯素嘅加味，單食都好味。套餐免費送凍/熱烏龍茶，加錢可轉其他凍飲。凍熱都一樣咁大杯。提供多款日式小食，追加芝麻鷄軟骨($28)及大阪燒醬鷄軟骨餃子 ($20)，一客四隻。唧上大阪燒醬汁及鰹魚碎，夠熱度，餃子底部煎得香脆，餡料有鷄軟骨嘅脆度，少點油會仲好。仲有甜品架，呢客沖繩獅莎酥配雪糕唔駛再另加錢。得意嘅獅莎酥入口香脆，加埋雲呢拿雪糕一啖過仲好味，欣賞佢有焦糖醬配食，邪惡度再升級。加一服務費之後都相當抵食，下次要試下烏冬。
繼續閱讀
坦白說從來都沒有去過沖繩旅遊，沖繩更加未有試過啦！想在香港找到沖繩料理嗎？可以試試這間由來自沖繩的日本人在港開設的沖繩餐廳，最近更是連連開新店，將軍澳店就是在兩星期前開業啦 明太子忌廉烏冬配蜜糖芥末雞及沖繩海鹽焦糖布甸冬甩雪糕 $95黑糖柚子醬油鯖魚 +$28（追加價）芝麻雞軟骨 +$28（追加價）Choya 梅味超hi +$19（升級飲品）餐牌上主要都是以鍋燒為主的料理，有原味蒸飯、蒸烏冬等；想要味道更加豐富的，可以跟我點來一個和少明太子忌廉烏冬！明太子份量非常多掛滿在未熟透的烏冬上，再放到熱鍋蒸理熟透後再整鍋呈到客人面前～ 淥烏冬就是吃得多蒸烏冬還是首次！蒸的時間要拿捏得很準確，否則口感就會變得很粉很糊不好吃，這個卻口感剛好；加止明太子的味道都滲到烏冬中，少鹹少辣的很開胃！蜜糖芥末雞是炸得金黃的雞件上加上蜜糖芥末醬，雞件外脆內軟又多汁，配上份量剛好的醬汁，味道很好很惹味呀～ 想再吃得豐富點，店家備有幾款可以追加的單品，這次添加了芝麻雞軟骨跟黑糖柚子醬油鯖魚，前者香酥味美，後者鯖魚沒太大腥味配黑糖柚子醬味道很好啊！另外這個套餐還會有飲品跟甜點的，很少餐廳會配備日本產的無酒精啤酒可這裡只需外加$19就可從四種口味中選一款來試！很推薦大家都把飲品升級試試這個，喝起來有啤酒的味道又會有果汁的香甜～ 而甜點方面也有兩個選擇，也可另加$9點來口感和份量最豐富的沖繩海鹽焦糖布甸冬甩雪糕！波提上放了一個雪糕球及獅莎造型的朱古力餅乾，再搭配一個幼滑的牛奶布甸，碟底滿佈了海鹽焦糖醬增加幾種甜品的風味～ 波提真的很好吃配雪糕吃就更好了！店家的將軍澳店已經是第9家分店了！當初由一位來自沖繩的日本人在紅磡開設第一間店起，時至今日已經有多間分店，可想而知這店的受歡迎程度；這次在平日中午時份的來到開業兩星期的將軍澳店，幸好早點入座不然到午飯時間門口就已經有長長的人龍等候，建議想試的朋友早點來會比較好啊
繼續閱讀
平時行街都會經過呢間連鎖沖繩餐廳，但就冇一次試過見未食過沖繩嘢，就把胃一橫試試佢，發覺佢原來幾抵食一個set有四樣嘢包，蒸飯石鍋定食首先揀個飯先，估唔到沖繩都會玩蒸飯，牛肉飯仲可以揀大份，份量都幾足，蒸起嚟香噴噴跟住就揀個煲，聽講沖繩出名豚肉，就揀壽喜燒豚肉石鍋，肉片肥瘦有層次，仲有一堆菜同粉絲，都滿滿壽喜燒香另一個石鍋烏冬炸雞定食都有四樣嘢包，先揀主食石鍋烏冬卡邦尼明太子烏冬好Q彈，篤爆粒溫泉蛋再撈勻佢，每條烏冬都掛滿明太子之後就揀一份炸雞，海鹽焦糖乳酪布甸雞見到都覺得新奇但原來布甸又真係可以同炸雞夾埋一齊食，好有奶香，炸雞勁脆勁嫩滑跟餐加咗份小食，大阪風嘅雞軟骨餃子口感又好爽，有啲咬口，裡面有韭菜增添味道，皮又煎得脆脆地，連木魚絲食好有關西感覺食完正餐，套餐有包甜品，沖繩海鹽焦糖冬甩雪糕，估唔到佢地嘅冬甩質感咁鬼正，同平時食嘅好唔同，海鹽同焦糖一鹹一甜又夾到加錢可以打孖嚟有兩層冬甩，仲有好可愛嘅朱古力獅莎，同埋乳酪布甸，仲有雪糕，冬甩上面有朱古力網，好多嘢好豐富仲有飲品都有包，加錢嗌杯好特別嘅黑糖檸茶，同一般嘅檸茶真係好唔同，黑糖味好濃抹茶牛奶嗌咗少甜又真係少甜，用抹茶醬沖出嚟好勻巡
繼續閱讀
今次試咗沖繩二段料理嘅套餐，餐牌上有好多唔同配搭，最抵係跟埋冬甩雪糕！壽喜燒肉味噌烏冬配柚子雞好有驚喜，烏冬彈牙，壽喜燒牛肉入味，柚子雞清新解膩。蒸烏冬配壽喜燒豚肉鍋湯底濃郁，豚肉肥瘦適中，蒸烏冬吸盡湯汁精華。重點係跟餐嘅黑朱古力冬甩同海鹽焦糖冬甩雪糕！冬甩外脆內軟，朱古力味濃而不膩，海鹽焦糖雪糕鹹甜交織，完美作結。餐廳提供唔同特飲選擇，但如果想清清地佢地都有玄米茶跟餐。食物份量十足，一個套餐有齊主食同甜品，性價比高！沖繩風味十足，一定會再encore！
繼續閱讀
今日去咗將軍澳PopCorn嘅沖繩二段料理歎下午茶，真係超低食！我叫咗明太子雞肉餃子，外皮香脆，雞肉嫩滑，配上鹹香明太子醬，好好味。甜品方面揀咗冬甩雪糕，冬甩外脆內軟，配埋雪糕一齊食，冰火交融， 好好味,如果鍾意食甜嘢不要錯過佢地既甜品，整體環境舒服，出餐快，服務好，價錢親民，最平只係四十幾蚊就有質素料理，絕對係下午茶好選擇🥰🥰
繼續閱讀