汶萊餐廳

營業中

休息中

今日去到順利搵食，本來以為會無乜選擇，原來都有幾間食店，呢間名稱同門面幾特別，不過睇門口啲餐牌，其實食物同平時茶餐廳差不多，入去坐低，裝修有啲東南亞色彩，最特別係扭花鐵門加水晶燈！桌椅唔迫！揀個海南雞飯晚餐，店員問埋餐湯同餐飲，然後食物好快咁到齊晒！我最唔鍾意咁趕，至少比我飲埋湯先，啲食物又凍咗！呢個做法係純粹方便店員，而無企在食客角度看！海南雞飯：賣相唔錯，份量唔少，雞唔會好肥，皮薄肉多，驚喜在雞肉有用熱湯燙過，食落暖暖地，唔係切完即刻上菜！有兩款醬汁，自己偏好酸醬，開胃之餘又解膩，雞雞油飯夠味，飯粒泛油光，粒粒飽滿唔乾，好味！生菜：新鮮爽口！蠔油唔多，唔會好咸！羅宋湯：可以揀中湯或西湯，我一向偏好羅宋湯，估唔到呢間做得唔錯，湯夠濃微辣，蔬菜又多，好好味！熱檸茶：瓦杯上夠熱，茶底濃但微澀，爭啲！阿姐店員好爽快，茶餐廳嘅爽快！其中一個好似經理嘅就答我餐廳電話號碼！好有禮貌

因為朋友喺順利邨補完習好肚餓，所以就近喺間餐廳到食野，黎到呢間汶萊餐廳，本身對佢期望都唔係太高，只係想填飽個肚，但結果其實都唔係太差。我叫左個雞排炒公仔麵,佢都幾細心切開左啲雞排，分量以一個下午茶餐黎講都算多，雞排都算多，而且味道都唔差，但略嫌炒得有d唔夠乾身同埋都略多油，整體不過不失。而朋友叫左個芝士焗肉醬意粉，個味幾好，都落得幾多芝士同肉醬，同樣係下午茶餐，佢都係算大碟嘅，同樣係不過不失。整體而言，佢令我哋驚喜嘅係以一間屋邨嘅餐廳黎講，佢服務態度真係好好，而且價錢對比起個分量都算好抵，每大30蚊到，不過不失啦。