江記大排檔

營業中

休息中

想問一問江記個老闆, 你地作為一間旅遊區既食店, 係咪諗住橫掂 d 食客都唔會番轉頭, 所以態度就可以咁差?講下當日經歷...7:00pm當晚7:00去到, 等左陣就有位... 跟住叫左個醉雞煲 ($88) 同椒鹽鮮魷 ($42) , 諗住上菜後再視情況叫妙飯等東西...7:30pm點知等下等下, 等左成半個鐘, 终於等到個醉雞煲喇, 此時我已經唔明, 只係一個湯底同一碟生雞, 照理唔使點整架, 咁都要等半個鐘... 同埋 d 雞係冇肉既, 得 d 雞背同雞腳, 我懷疑 d 肉係比佢留起左.. 唉, 等左半個鐘都只食\到雞骨... 好唔開心7:45pm好喇, 食食下雞骨, 15 分鐘後椒鹽鮮魷黎喇, 當時就同果個類似老細既人講 "唔該黎多個肉絲炒面", 老細冇反應咁行開左, 不過見到佢有落單寫野, 應該冇問題啦, 試下舊鮮魷先... 一食就知唔掂, 咸到呢... 我諗大家食開既 椒鹽鮮魷 都係直條型既, 但江記個 d 係一粒粒好似雞球咁... 我諗係唔新鮮所以要用好多鹽掩飾掛... 唉...由於之前等待既經驗, 我地都知個 肉絲炒面 冇咁快, 所以唯有慢慢食, 以平均 2 分鐘食一舊

很完美的 2 日 1 夜長洲之旅就在這店內 "衰收尾" 星期六, 店內每台都坐了食客但由於我同寶貝有兩個大背囊, 相機及腳架我地唔想我地 d 野阻到其他食客所以我地寧願等, 都唔想搭台等左大概 10 分鐘有一張 4 人台埋單待應哥哥同我地講 : 一陣你地坐o個張此時, 一個師奶走埋黎, 話佢 6 個, 要坐我地張台待應哥哥已經話左比佢知, 呢張台有人, 同埋, 呢張係 4 人台(其實有張大台只係坐左一對情侶, 再坐多 6 個人亦絕對無問題)在師奶死 lur 期間, 我同寶貝已經坐好, 準備點餸但佢仍然唔放棄, 搵 3 個人圍住我地張台 最憤怒的事就在這時發生另一待應阿叔衝埋黎問我地幾個人, 聽罷佢竟然大聲話 ("灰"氣地) : 兩個坐o個度 la (指住另一張細台, 同埋要搭台)我地都仲未有機會講野, 佢仲接住話 : 起身 la!! 坐o個度 la!! 起身!! 起身!! 氣憤下, 我走了. (那位師奶應該好高興)什麼道理?! 排隊的要讓不排隊的並得到如此對待.趕客的食店, 我一定不會再來.

十二月廿三日(二)今個聖誕同老婆去長洲，晚餐本來想去興樂，點知去到睇餐牌兜左二三次都無人意圖招呼我地，D侍應行過當我地透明咁，於是決定去第二度食，之前食過一間有隻沙薑雞都唔錯但今日又無開，行行下就去左尼間江記度~點左以下三樣:醬爆牛柳粒($42)牛柳都"嗱"得幾嚴害，牛味當然亦大打折扣，味道都算OK，有點偏鹹，一點水平~菜胆雞半隻($60)賣相唔錯，可惜肉質麻麻，肶肉都有D鞋，只得薑蓉無薑蒽同沙薑，味道好一般排骨煲仔飯落單半分鐘豉油就到，等左三四個字頭兩碟菜都黎晒黎再到應該過半個鐘以上兩個餸都食埋煲仔飯都未見影縱，一追之下阿姐都好有禮貌咁講話煲仔飯要耐D，咁唯有再等，點知再等兩三個字都未字再追之下又話整緊，真係等到火到黎埋，好彩再等一陣終於都出現左。煲仔飯D飯都OK，但餸就完全唔掂，排骨幾韌，無乜肉味，一般茶餐廳比佢好食無下次

是日長洲太平清醮, 度度都逼滿食飯0既人...一早0黎到大排檔霸定位等屋企人0黎食飯...食物整體而言都幾油...不過都預0左亦能諒解的. 都幾好食呀~~最讚0既係個西檸雞!!! 炸得脆, 脆漿亦唔算厚, 個汁唔錯, 酸甜適中!! 不過D雞肉呢...就幾CONFUSING...只知係肉, 但我當時一刻間分唔到佢係咩肉...@_@最差0既係個煎蠔餅...D蠔好唔新鮮, 好腥, 佢亦煎到腍BAT BAT, 多油到漏出0黎咁滯...能夠坐街邊得0黎又唔沙塵滾滾, 都係得長洲呢D離島先做到吧???得閒坐下街邊食飯, 都幾有FEEL的 XD下次唔太多人0既時候, 可以一大班FRIEND再0黎0既~~

星期六晚經過江記見到好多人食緊, 咁咪試下lor, 叫左西檸雞 -- 好好味, 椒絲腐乳通菜 - 好咪 同埋椒x鮮魷 - 普通, 同埋及第粥, 碗粥真係好好味, 後來叫多碗魚片粥tim ar, 真係可以再試!!!!