汝 鐵板燒

營業中

休息中

經朋友介紹去咗呢一間汝鐵板燒試下。今晚同朋友慶祝生日，總共六個人，實在是有驚喜，性價比高，廚師細心有禮。我哋食咗鮑魚，鵝肝，蚌，好多海鮮...師傅 攞啲鮑魚同龍蝦出嚟嘅時候，仲喺生生猛猛。見到其他嘅顧客，大部份都係熟客黎， 大家都有講有笑，氣氛很好，我會下次再去幫襯，推薦！

一講到鐵板燒可能剩係諗起中環尖沙咀 無諗過深水埗都有咁高質 簡直一試難忘 師傅同客人既互動超好 如朋友一樣 非常開心師傅真係好有心機！🫡🫡食物超新鮮即場拆即場煮 so underrated and deserves more customers!!生日仲為大家精心準備甜品 搞搞氣氛 如果唔岩食可以自己帶蛋糕係免切餅費 非常難得！ 係香港已經好難遇到咁有心搞飲食既人士 真心欣賞唔止係一個食好野既地方 仲係一個暢飲傾計聚一聚既好地方

約咗朋友喺呢度鐵板燒，好鍾意佢深宵食堂細細間嘅氣氛，五個朋友包咗一間房仲要free flow。一開始見到師傅拎晒啲海鮮出嚟俾我望吓已經覺得好佢哋新鮮，好有期待嘅感覺。然後試咗個生蠔嗰個質感同埋配嘅汁加個蔥花好夾，一口食落去含住一個嫩滑多汁飽滿嘅生蠔喺個口入邊漱住會好自然咁樣拉長「唔」咗一聲好想加碼但係要預訂已經冇晒貨！跟住好正嘅就係雞乸咁大隻嘅鵝肝喺你面前切開，影相嘅關係唯有擺個打火機喺度做對比，以前食開都係蘋果汁或者紅酒，今次係用咗個簡單檸檬汁落去，咬落去好清新減咗油膩嘅感覺，果然好嘅食材係唔使搞咁多調味！不過放喺底個麵包最好焗脆啲呢一度減咗少少分。然後重點講吓隻鮑魚；配合一個先焗後煎嘅手法，既可以鎖住水份，而且令到咬口有好爽嘅感覺，鮑魚最難控制嘅就係煮完會容易過韌，睇嚟師傅喺拿捏軟硬度嘅時間啱啱好！剩返嘅帶子、牛肉粒、櫻花蝦煎蠔、炒飯全部都合乎標準。最後主食當然係要講吓個龍蝦，臨上枱嗰一刻都仲郁緊，絕對足秤新鮮同埋肥美，配返佢個龍蝦汁同埋飲清酒簡直係一絕嘅配搭，今次真係飲飽食醉盡情嘅一晚。

人生第一次寫食評，第一次食鐵板燒。見social media介紹又做特價，就趁生日前去食。每食一道菜，師傅都介紹，我唔食蔥又特別幫我走蔥。食夜晚8點果個時段，7位客人，原本都各自各食。師傅講下笑，最後大家都有少少交流，成餐飯食得好開心。唯一唔好，係冷氣唔夠。一入去好熱，佢即刻開埋風扇，但可能座位較入，都係較熱。驚喜我訂嘅時候冇remark有咩特別慶祝，最後都有件生日小蛋糕。原來三枱客都係慶祝生日。希望買一送一可以做耐少少，可以再去食多次。個人食得偏淡，就會覺得有d會味道濃咗少少，但係好食嘅。

店主用心經營，食物質素好，環境衛生 👍👍第一次由朋友介绍，抱住試食心態，咁啱有朋友生日，就约一個点去聚會。结果店主最后親自捧著蛋糕，又播生日歌一起合唱。氣氛十分好，很感動，會定期返去幫襯

本身喺social media廣告見到個menu比佢吸引左，WhatsApp查詢問吓個詳情睇吓有冇咩隱藏收費，最後揀咗A5和牛set (840/2位連埋服務費）今次係我第一次寫食評，想讚下老闆🤣1. 食物質素冇得彈，老闆每一道菜式都會加入自己優化咗嘅元素，所以真係樣樣都有驚喜，（除左嗰日缺貨左日本A5和牛有啲失望，食住M5和牛先⋯不過用好好食嘅帆立貝同生蠔作為咗補償😋）2. 老闆好敬業樂業，一個人主理哂係成間舖頭，但係完全唔馬虎，又樂意分享自己嘅故事，又識搞氣氛，上菜都好有儀式感，為咗俾我哋打卡靚啲，真係好有效率好犀利🫶🏻3. 本身嚟之前都驚上菜慢呢個問題，嚟到之後冇咗呢個疑慮，因為成個過程睇住師傅去烹調其實都係一門藝術，可惜呢度上載唔到影片，所以全程都係享受黎，上菜又唔算好慢😆其實我都有睇食評嘅習慣，見到前一條惡意負評之後，都會有啲concern食材唔新鮮嘅問題，不過佢一嚟到見到啲鮑魚同龍蝦跳跳扎扎咁就放心晒，好彩冇信到條食評，同埋個老闆都有親自喺條評論到澄清返。

上次同一大班朋友聚會去咗呢間喺深水埗架日本餐廳🇯🇵啲嘢食新鮮好食唔再講😋個老闆都好親切有禮貌仲好吹得😁sake又任飲🍶最後埋單都好抵好親民👍下次再有朋友聚會都一定會再嚟呢度幫襯😀

從沒想過會下載or，更加唔會想寫咩食評，但今次呢間餐廳令我破防，為佢而第一次寫食評同點讚原先本來係想訂其他鐵板燒餐廳，但不知為何幾間都話無位或時間上就唔到，咁有朋友就介紹我呢間。起初聽到個價錢嚇咗一跳，唔係貴而係太平(399/位)，諗住咁平都唔會想有高要求就去試吓首先要講下門口，我同我朋友到咗門口後因為又無著燈又無顯示，門口仲要貼咗張紙，以為執鬼左，後來研究一輪後將度門拉開先知要自己摸門入。後來知道原因係因為佢哋只做熟客同(完全)無人手！無錯，係完全無員工，成晚由煮食到計數收錢都係得老細一個。（所以提醒一下: 如果想快食或趕時間千祈要諗清楚先）我前後食咗4個鐘到食物，因為佢哋自動upgrade 咗食品，所以有好多驚喜，新鮮龍蝦、鮑魚（郁嘅）不止，最推就係鵝肝（另加198/兩客），真心推介，我本身唔太喜歡食鵝肝（嫌太流），但佢好誇張，由原隻切出嚟，仲要手掌咁大舊，起初我見到咁大件仲嚇到唔想要講到服務，我嗰晚就大鑊喇，老細一個人要服務4枱客（9個人），所以先話要食咁耐，起初我同朋友兩個坐喺度兩個鐘只係食咗前菜同冷盤，想發脾氣，但見到老細做到身水身汗手忙腳亂咁就算啦。後來佢解釋因為我哋4枱客

師傅一個人、一塊鐵板，照顧我哋兩台客，就好似喺自己地方招呼一班老朋友咁，成晚係非常好既晚餐同體驗，之後絕對會再約成班friend過嚟！！🥰🥰🥰 講返一開頭，我地係俾CP值高嘅menu吸引、抱住試伏嘅心態過黎，點知黎到完全冇失望，正！每一道菜都新鮮又高質，原來師傅係一個人每日開舖前去街市買餸，連個湯同茶碗蒸都係喺你面前即切即煮。今晚在座咁多位望住師傅一個人包辦接待、斟茶、斟酒、備餐、烹調、清理、收銀，仲一路同我地吹水……自己咁辛苦就係為左可以讓大家用冇壓力既價錢品嚐到佢既真心同累積十多年經驗既廚藝……..我同朋友都有被感動到，亦都係點解我地堅持一定要寫呢篇comment！🌟 小tips:-建議大家過嚟食記得留足成晚。我地坐咗四個鐘，隔籬嗰台坐咗六個鐘，期間雖然要俾時間唔好chur師傅，但係絕無冷場，食飽飲飽又盡興，大家走嗰吓好心滿意足，仲拍埋手掌😂😂 -早啲WhatsApp預約，呢度應該係唔接受Walk in ，同埋倘若人多唔好介意要等，始終呢個價錢就唔好強求完美 service。呢方面見到樓下comment 覺得有點unfair…食到最後既最後，我地發現呢一份對待經營餐廳嘅認真、言談間

呢度的食物新鮮可口，龍蝦肉質鮮甜，鮑魚滑嫩，和牛油花分明，口感極佳，炒飯粒粒分明，重點係加咗煙肉，香氣撲鼻，甘鯛魚和馬友魚則鮮美無比，令人垂涎，搭配無限暢飲的清酒，讓每一口都更加完美，宛如舌尖上的饗宴！

接受訂金訂座成功，到達晚餐時間前25分鐘才取消訂座，沒有打電話，沒有通知。到達餐廳後說見唔到我預訂，我地幾日前已full，態度惡劣，閣下自理。其實明明25分鐘前先發生，扮哂唔知，毫無歉意。

汝 鐵板燒，位於深水埗汝州街71號地舖。星期日全場爆滿的一間鐵板燒店，當晚氣氛好好，師傅專業地為我們做鐵板燒。 鐵板燒套餐的食材以海鮮為主，時令鐵板海鮮，另外我們加了鵝肝， 厚身入口即溶的鵝肝超好味。 四個人埋單三千蚊內， 仲有一支1.8L 清酒， 價錢平民，埋單每位數百元就有交易，性價比高，加上味道和手勢正宗， 值得一試😊。 🏷️溫馨提示～ 整個用餐體驗均屬個人分享意見， 只作參考😊。 汝 鐵板燒地址: 深水埗汝州街71號地舖

本身經優惠訂購平台 book 呢間餐廳。去到門口打俾佢，佢話無我booking。之後出黎解釋話：因為你優惠訂購平台個電話contact 唔到你，所以我無confirm 你booking。我問佢：我有留email 架wor，點解唔send email? 個老闆就話：我地淨係用whatsapp。本身都算，當自己唔好彩。而點解最後我要出呢個post 呢？就係聽完個老闆所謂嘅解釋，唔洗一分鐘就收到email 俾人cancel 優惠訂購平台嘅booking。咁既然無辦法同客人confirm booking，點解唔一早經優惠訂購平台cancel booking 呢？客人特登去到餐廳，你先一句“我confirm 唔到你booking，所以做唔到俾你”，仲要一句唔好意思都無，講到自己完全無責任咁，要人一定接受佢嘅解釋咁

今日朋友生日，陪朋友去深水埗整啲野，順便搵吓附近有咩鐵板燒，點知搵到一間，好抵食，最平有$399 /位，當然仲有幾個餐牌價錢選擇🎉今次我地揀左$499/位刺身新鮮茶碗蒸熱辣辣，即叫即整鵝肝，帶子，時間煮得啱啱好外脆內軟，份量都好多燒魚，個皮脆卜卜蔬菜澳洲M5 5 成熟好有牛味❤️❤️蝦炒飯.. 太飽，食左幾啖😊😊整體嚟講性價比超高👍🏻👍🏻👍🏻平時食鐵板燒啲師父好cool ,但呢度師父又好好傾，人情味好… 支持💪🏻💪🏻💪🏻時間好彈性6點-12點都得🤣🤣🤣

去到先知係新開張，book 咗食lunch 變咗包場師父風趣幽默幾好傾，並會耐心講解食材，煮法等等咁多款菜都好食，個人比較最鐘意個清酒煮蜆同北寄貝，個湯汁清清地帶小小甜味和牛師父就一份煮到3成熟，另一份就5成熟，個人就鐘意三成熟多啲個炒飯就食起嚟粒粒分明，仲超大碗仲有臨尾麵豉湯（唔記得影）加埋蝦頭入去煮，無死鹹，好飲，應該暫時係我喺香港飲過最好飲嘅唯一要挑剔就係冷氣唔係好夠好耐冇試過食新開既餐廳有咁大驚喜，$699/2位完全值得去，有機會會再幫襯