汐

可以揀榻榻米或者吧枱位 配偏暖黃的柔和燈光 是日式小店格局，榻榻米區座位唔多 不過勝在坐得舒服 frd子42吋長腿都夠位擺，所以好搶手，好彩早少少到...7點15分full house🐮野菌燒汁和牛漢堡蛋包飯 $138漢堡份量也太足了吧 接近2吋厚，牛味濃郁 沾菌燒汁一齊食更有日式風味，仲有一整塊嫩嫩蛋蓋著整個飯 入口juicy又香滑 🦀蒜香辣椒蜆肉意大利粉配軟殼蟹 $138造型先來一個驚艷 原隻炸到脆卜卜既軟殼蟹企係意粉上面，意粉炒得乾身 惹味得黎唔會油膩，每啖都充滿蒜香 好有避風塘色彩+$66 Set 會跟沙律 & 自選飲品 & 自選甜品💚靜岡抹茶豆乳 (熱) (原價 $42)shizuoka Tofu Matcha Latte豆乳香味好出 而且入口濃厚的，用飲管啜底層時 濃厚得好似有少少豆腐花係入面咁，拌有抹茶微微甘甘的 平衡唔錯🍫戀人朱古力 (熱) (原價 $42)呢兩日轉涼 所以想點埋另一杯熱飲試試⚠️$1甜品放題⚠️重點項目平日星期一至四限定選擇唔少：蛋糕/ 蕨餅/ 忌廉泡芙都各有幾款 味道仲要幾好tim，1st round每款來一件唔該！全部試晒 再重點出擊！好有修養 點幾多 食幾多🤭 店哥哥有點小心思 有脆脆米點綴點綴的*Time Square行過去幾分鐘就到，收工過去都幾方便*為左$1放題 專登平日過去，是值得的❤️*想坐到榻榻米區 建議早D到或者Book位了(OpenRice建議提供單據)…查看更多

🩷 環境舒服～可以坐吧檯或者榻榻米😍❤️ 在銅鑼灣絕對是性價比上榜！👍🏻🧡 最鍾意佢地嘅飲品～豆腐咖啡跟抹茶豆乳都充滿驚喜！☕️豆腐咖啡可選single/double shot，今晚因晚餐已夜就選了single～淡淡咖啡香混入濃郁黃豆香，仲有加入豆腐花般的綿密口感，每一口都好豐富層次！而抹茶豆乳超濃郁抹茶味，喝完瞬間幸福感爆棚～強烈推薦必試🥰💛 龍蝦汁卡邦尼意粉🍝 都超正！流心溫泉蛋攪拌後的濃郁醬汁包裹每一條意粉，龍蝦汁濕潤鮮甜，配上火腿、蘑菇同蝦乾，味道豐富！🦞💚 鰻魚玉子燒丼真的無敵大份！🐟上檯就聞到鰻魚醬汁香氣，師傅燒到魚身金黃色澤完美誘人～超長超厚切鰻魚入口即化，配上柴魚玉子、紫菜絲同飯，每一口都超滿足，日式和諧感滿分！🩵 升級套餐送的有機沙律🥗 新鮮有機菜上面撒滿蟹籽，咬落去「啵啵啵」爆籽聲，清新得黎又鮮甜～💙 餐後甜品選了伯爵茶Mousse Cake同Tiramisu～兩款都不相上下！入口即融的輕盈感，伯爵茶香跟咖啡酒香各自有出色嘅位🎀整體體驗超乎預期～下次一定要再黎！✨…查看更多

這間樓上咖啡店位於銅鑼灣的百樂中心，鄰近時代廣場，主打西日融合菜，所有食物及飲品均即叫即製。店內環境寬敞舒適，裝潢以簡約的日系木為主，有廚師吧枱及日式榻榻米，氛圍悠閒靜謐，適合約會或多人聚會。惠顧任何一款主菜或兩款小食完成指定任務，可享甜品放題。野菌燒汁和牛漢堡蛋包飯 - $138厚度十足的漢堡扒紮實飽滿，有明顯的肉粒感，保持豐富的肉汁同時，又有滑順的油脂香氣，更帶微微黑胡椒辛香，淋上鮮美濃郁的野菌燒汁，有一塊滑順軟嫩的蛋覆蓋整個飯。牛肉壽喜燒丼 - $128一片片牛肉脂肪適中，帶有少許嚼勁，清爽不油膩，甜鹹濃郁的壽喜燒好順滑，撒上黑白芝麻及紫菜碎。有機沙律 & 自選飲品 & 自選甜品 +$66有機沙律新鮮翠綠的沙律菜爽脆清甜，伴以酸甜的果醋，還有爽脆的蟹籽及粟米。戀人朱古力順滑的鮮奶朱古力有一塊夾心餅乾，撒上香濃的朱古力粉，又有綿密的鮮忌廉，伴隨著特濃的朱古力味。靜岡抹茶豆乳 - $42優質抹茶粉的苦澀感較低，有明顯的茶香和甘甜尾韻，豆乳滑順且溫潤。抹茶芝士蛋糕綿密滑順且入口帶化，有濃郁的乳酪香，又有微苦甘甜的抹茶味。…查看更多

裝修木系清雅，榻榻米座位、昏黃紙燈籠、仲有播住輕柔日文歌，環境細細但夠晒chill，似足河口湖小店，吧枱又啱獨食望師傅搞鬼。地方細但私密。今次專登揀平日殺到，就係為咗傳說中嘅$1甜品放題！（條件：點主食+$66套餐） 試咗人氣No.1「蟹膏甲羅燒醬油漬角切三文魚丼」，個賣相真係靚到犯規！淺藍色飯底堆成富士山形，頂峰係流心蛋黃，撈埋濃郁蟹膏同厚切三文魚，味道似升級版海鮮拌飯。不過蟹膏份量唔算多，建議混勻啲飯一齊食先夠味。另一款「野菌燒汁和牛漢堡蛋包飯」幾有驚喜，漢堡扒肉汁鎖得住，蛋皮滑溜唔老，係個燒汁略甜，食到最尾有啲滯。 小食大阪燒餃子，外脆內軟，燒味微辣開胃；『汐仔』雞翼熱浪芝士，裹滿芝士粉炸到香脆，熱辣辣食落似薯片升級，邪惡但上癮，趁熱食先正！飲品靜岡抹茶豆乳，豆乳滑如豆腐，抹茶香濃唔苦，回甘一流，hea餐必點解渴；戀人朱古力，朱古力creamy帶果香，甜度啱啱好，配甜品一流。重點環節！加$1即刻解鎖甜品任點，當日有8款選擇：抹茶芝士蛋糕茶味濃而不苦、Tiramisu手指餅浸足咖啡酒、蕨餅三重奏（黑糖/黃豆粉/抹茶）煙韌得嚟唔黏牙，每款試少少都飽到捧肚走。總結嚟講，汐唔只賣飯，賣日式chill情懷，人均$200左右有齊主食+沙律+飲品+甜品放題，喺銅鑼灣嚟講算合理。食物顏值高口感穩，$1放題係最大誘惑！不過晚市都幾full，建議預早book榻榻米位～ …查看更多

平日同老公去咗銅鑼灣呢間「汐」食飯，真係好似瞬間轉移咗去日本咁㗎✨！佢哋有榻榻米座位同埋吧枱，真係好有feel，環境又靜靜哋，好啱同閨蜜或者另一半嚟chill下傾偈㗎！呢度最吸引係星期一至四有$1甜品放題😆！只要叫任何主食再加$66，就有齊有機沙律🥗、自選飲品🍹同甜品🍰，再+$1就可以任食甜品，超～級～抵～😍🦞法式龍蝦汁溫泉蛋卡邦尼意粉 $138龍蝦汁Creamy，掛滿每條意粉，最正係煙肉嘅鹹香，同個濃郁龍蝦汁好夾～食前篤穿隻溫泉蛋，蛋漿流出嚟撈勻之後，口感即刻滑溜晒，每一啖都係幸福感覺💖！🗻夕陽富士山蟹膏甲羅燒醬油漬角切三文魚 $148呢個真係打卡必點📸！個飯係夢幻嘅藍色🩵，上面嘅醬油漬蛋黃同蛋白拌飯之後，撈埋濃郁嘅蟹膏🦀、三文魚🐟同蟹籽，鮮味爆棚，個賣相真係靚到唔捨得食呀🗻！🍊和歌山橘子咖啡呢杯咖啡真係好驚喜！一入口係好清新嘅橘子香🍊，果香喺口腔慢慢散開，之後會飲到咖啡嘅回甘，兩種味道平衡得啱啱好，完全唔會苦澀💕☀️宮崎縣『太陽の甘露』清甜嘅西柚果肉咬落爆汁💦，搭配Q彈西米口感超豐富～整體甜度調得剛剛好，清新得嚟又唔會假甜，飲完成個人都感覺好refresh☁️！‼️‼️🍰$1甜品放題真係超多選擇🍰‼️‼️朱古力芝士蛋糕、柚子芝士蛋糕、伯爵茶慕絲蛋糕、提拉米蘇、朱古力泡芙、士多啤梨泡芙、抹茶蕨餅、黃豆粉蕨餅、黑糖蕨餅...等等！我同老公每款試少少都飽到捧住個肚走～📍 汐 銅鑼灣耀華街3號百樂中心13樓1303號舖…查看更多