汀汀烤活魚 (已結業)

近期內地好興食烤魚，所以經過資料蒐集之後發現原來香港都有烤魚店！我就決定帶埋你屋企人一齊食烤魚喇！究竟係香港好食啲定內地好食啲呢？汀汀烤魚位於旺角區，地理環境位於新世紀廣場後，交通便利！入座後店員態度良好，會細心介紹你知，唔同嘅種類分別！最後我哋選擇咗食價錢最實惠既烤魚鍋。調味方面：我同家人都食得出魚身上有好多香料和調味料，口感豐富，肉質鮮味！ 而且仲可以好像打火鍋的形式，點照不同的配菜！我和家人點了韭菜餃、墨魚丸、皇帝菜、鴨血等等，食得好開心！

又到左一年一度屋企人嘅生日飯！我同男朋友都好頭痛，究竟帶佢哋去食乜好！仲記得上個月，我同男友返咗內地食烤魚店，於是心癢癢決定要試吓，香港嘅烤魚店有冇內地咁好食！我帶咗屋企人同男朋友，一齊去旺角汀汀烤魚店吃烤魚！入座後店員好有耐性地逐一介紹。經過大家商議後，我哋叫價錢最平嘅烤魚！第一次食烤魚煱，感覺非常驚喜！一個四四方方的鍋上，放着一條很大的烤魚！魚身是經過油炸，再放入火鍋來烤煮！呢度嘅食物水準拍得住內地頂級烤魚店！因此我也10分推介！

成日話要返深圳食烤魚，依家未去深圳住，就係香港食😂依間餐廳主打就係烤魚，淨係見到店名就知道😂食烤魚梗係要飲啤酒，清熱解毒，食幾多都唔怕熱氣，梗直係絕配由於朋友唔食得辣，就叫左酸菜味。一上碟，滿滿酸菜，見到都開胃。一上檯，唔好即刻食，侍應話魚只有8成熟，要等多10-15分鐘先可以開餐😋依間餐廳既侍應服務好好，好體貼。我問有冇辣椒，佢哋拎左一碗餐廳秘制既辣椒醬🌶俾我，仲話用辣椒醬加埋湯底，點黎食味道更好味，親身試左，認真👍👍烤魚鍋一開始就已經附送豆腐卜，索曬湯底，啖啖酸菜味😂食完魚，可以用湯底繼續加料當火鍋食。鮮冬菇好有菇味，每次打邊爐必叫選項😂不過食鮮冬菇需時加熱先熟透，所以飲住啤酒🍻慢慢等。食到差唔多，加番薯粉，吸收湯汁，更加嘢味😂比起烏冬更鍾意薯粉，滑lu lu 😝另外叫左一碟燒元貝，大大粒，好厚身😋師傅燒烤工夫掌握唔錯，令到元貝保持肉汁，唔會變乾，味道很鮮甜，好想食多幾粒😂

是晚收工後與同事去食晚飯。最近天氣帶點涼意，腦海裡萌生打邊爐或者食雞煲的念頭，不過最後選擇了烤魚，因為相對而言比較少吃！離公司不遠處有間烤魚店，有火鍋、雞煲、烤魚及串燒等，選擇多元化！魚有三款，最後決定選了魽魚，而湯底則選豆豉味！烤魽魚鍋 - 魽魚體積大得很，與同事兩個食完均很飽！豆豉平均舖滿全身，濃濃的香味隨之而來，紅紅的醬汁帶點酸辣，食起上來挺開胃！魽魚肉質滑溜且肥美，加上香濃醬汁配料，更能突出鮮味及口感！烏冬 - 醬汁太香濃關係，於是點了烏冬索滿湯汁！烏冬質感彈牙滑溜，掛醬不錯。最後當然少不了飲可口可樂，與朋友吃得飽飽，飲完可樂之後喉嚨舒服得多！🤟🏻

是晚7PM，一入鋪頭，坐低唔夠十分鐘，鋪已經座無虛席😎好彩早咗十分鐘到☺️我們試了這個招牌烤魽魚，因為同行的朋友不嚐辣的，所以選擇了酸菜味湯底。如需食辣，桌面有辣醬，可自行調配🤩始終有小小辣係會惹味啲嘅～另外還點了墨丸、時菜、牛柏葉、冬菇😍一上菜，店員細心告知，魚需等大約十分鐘再食。魽魚大大條🤤🤤好吸引，食落仲好新鮮滑嫩！！其他配菜也不錯喔，墨丸彈牙，牛栢葉爽口。食到一半嘅時候，正想refill湯嘅時候⋯⋯店員真係有好體貼，佢會自動幫你加湯的～👏🏻👏🏻但鍋底較淺，建議比平時烚耐多少少時間，會比較好喔💕

汀汀烤活魚 大致分為有四類主打美食:麻辣火鍋，雞煲，活魚鍋及串燒活魚鍋 有三種魚提供選擇: 鉗魚$258，桂花魚$348及沙巴龍躉$368當中桂花魚及沙巴龍躉可以一魚兩食 只需要加22蚊， 廚師會切出魚腩位置 切成薄片 用嚟打邊爐， 我同朋友都覺得冇咁嘅需要， 所以就冇加到烤魚湯底可以選擇麻辣，香辣，豆豉及酸菜味而我哋就選擇咗酸菜味， 貪佢清清地 可以食到魚嘅鮮味接近兩斤嘅桂花魚 超級巨型…… 肉厚而且嫩滑 重點係非常少骨 唔識食魚嘅人都可以一試 魚皮用五香粉烤過 非常香口食完酸菜味心思思想試下麻辣味 職員又真係應哋嘅要求比咗兜麻辣醬我哋自己加餐廳對麻辣味都非常講究 麻及辣都可以分别選擇大中小 如果冇要求嘅話餐廳就會畀小麻小辣加咗麻辣醬之後 成個湯對變得更加惹味 酸菜味及麻辣味我都試過 兩者之中我更為喜歡麻辣味的勁開心……食食下發現鍋中有豆卜， 豆卜吸哂湯底嘅精華， 有爆汁嘅效果兩個人食一條烤魚 確實有點飽， 所以我哋配料淨係揀咗粟米$22，好甜川式串燒都係非常推介嘅 試咗幾款比較有特色嘅人氣之選燒金菇$32好重嘅蒜蓉牛油香味 金菇爽口脆卜卜燒雞軟骨$32/2串超級juicy 非常重油

秋意漸涼，同朋友食飯都開始多左去打邊爐，今日同朋友經過麥花臣，嚟左汀汀烤活魚!地方唔算大，但坐落唔會逼。而今日都算幾多人，好彩walk in仲有位，入坐起計90分鐘!凍凍地，食下辣最暖胃，原本諗住要雞煲，但好似都係魚惹味d，點左麻辣嘅烤魽魚鍋。10分鐘左右魽魚鍋就嚟到，條魚都好大條，佔左差不多三份二個鍋，旁邊仲要唔少配料，洋蔥、芫茜，加埋麻辣味，聞落非常香!再等佢滾就食得! 食落魚肉幾有魚香味，可能烤完再煮，肉質唔算太滑，但都幾入味幾嫩。要左小麻辣，味道唔係好辣，勝在夠香，仲有小小麻，夠惹味。食食下魚覺得唔夠喉，點左d餃子丸類同牛肉。手切安格斯牛(小)，切雙飛，牛肉厚身，煮出嚟有咬口，食落幾嫩，牛味頗濃。丸類三拼，唔係手打丸，只係一般丸，唔係最平嘅廉價貨，不過不失。自家三拼，點左雲吞、水餃，同韭菜餃，食得出係自家製，因為大小有別於量產貨。尺寸偏細，一口一隻，快煮易熟。而且味道唔錯。 用料十足之餘皮亦夠靚，唔會煮得熟而爛開。

有朋友分享真好，可以每款食物都試到小小，魚煲又食得到...不知不覺做同事已經約十年！由同事變成朋友，人生夫復何求呢！今日約埋一齊去食晚飯，暢談一番！大家都是無辣不歡之人，所以呢間我地都預左食辣既魚煲了！辣癮真係番唔到轉頭架！就係呢間【汀汀烤活魚】啦...事關預約左既關係，唔洗等位！不過我地6：00就食，所以真係不算太多人，就算沒預約應該還可以的！餐廳既門口前放了些活魚...都幾大條生猛...海鮮既新鮮程度不差吧！有員工即說活魚每天從街市入貨呢而且門口都有個牌掛了不少餐牌美食， 主要有三類 (雞、魚煲和串燒可以再加配火鍋配料)坐低後望望餐牌...侍應就拎左啲花生作前菜，哇...勁好食呀真係...果然油炸花生係一種下酒必不可少的小前菜。餐牌上選擇同款式都有好多...不吃魚的話還有很多選擇...而且辣度有得選及辣的款式又有得選...全部喜好自己選！正！用料、湯底是精心調配！麻辣湯香辣酸菜味湯底，想了很久。平時就食得多麻辣，最後選了香辣酸菜味湯底...小辣，因為唔夠速可以加，但就唔可以減！哈哈！而魚鍋就是烤魽魚鍋...好像沒太多骨。呢度裝演不夠門口古色古香，但都有點點中式味道。但食傳統烤全魚，

每次經過呢度附近都會聞到好香好香嘅味道，好吸引。心動不如行動，今次就約朋友嚟試吓。有唔同嘅煲或者鍋選擇，但火鍋料唔算多選擇。餐廳有川式燒烤，睇相都幾吸引，不過我哋今晚都係想打邊爐，下次再試下吧～【花生小食$10】，圓碌碌嗰啲唔知係咩豆，比較少見，但又幾好食喎。既然店名叫做烤活魚，咁就梗係要試吓佢嘅烤魚鍋啦，我哋揀左【烤魽魚鍋$258】，配BB辣嘅麻辣湯底，過下癮。烤魚上枱，上面鋪滿左大量芫茜，係我嘅至愛😍。撥開啲芫茜就會見到魽魚，魚皮烤到微焦好正咁。開火之後仲傳嚟陣陣麻辣味，濃郁撲鼻。魚肉滑得嚟幾結實，唔易散開亦冇碎骨，食得方便。其實最好食係佢個魚皮，又滑又香口。芫茜控嘅我哋再叫左半份【芫茜$22】，落多啲先夠喉嘛！【手切特級安格斯肥牛(小) $198】肥牛當然少不了，特級安格斯肥牛喎，牛味夠晒濃，而且好有彈性。【丸類三拼$68】係平時買到嗰啲丸。【鬼馬雙拼$58】係蝦膠同墨魚滑釀油炸鬼，即炸夠晒熱辣辣，可以做小食，佐酒一流，用嚟打邊爐又得。【自家三拼$88】水餃、鮮蝦雲吞、韭菜餃，自家製夠新鮮，用料十足。【粟米半份$22】【炸枝竹$32】索左個麻辣湯之後特別好食。

經過朋友介紹之下，我哋去到美食之城嘅旺角搜尋美食。一行四人突然間好想食雞煲打邊爐，經過見到門口咁多人就入去試吓。全場幾乎滿座啊，好彩我哋等左15分鐘就有位置。餐廳裝修以木為主，裝修擺設好有川菜特色，一邊飲住茶、一邊食花生，一邊揀菜式。魚鍋同埋雞煲兩款都好想試吓，最終各選一款，再加一些小食以及串燒等。重慶雞煲好香，驟眼望落去入面好多配料，包括洋蔥同埋芫荽等。雞件嘅份量都比較多，重慶雞煲我哋叫咗小辣，食落去唔算太辣，雞件肉質鮮嫩，好滋味。餐廳非常體貼，為怕客人嘅衣服索滿食物嘅味道，特意安排每人一件圍裙，着上去好得意。另外再叫咗我最鍾意嘅雲吞同埋韭菜餃打邊爐，韭菜餃入面有好多韭菜粒同鮮肉，皮一啲都唔厚，好足料。除此之外，餐紙仲有多款串燒任君選擇，而且係即叫即整。燒新鮮魚卜口感好特別，食落去質感彈牙。燒完條茄子好大條，茄子表面鋪滿不同嘅調味粉，食落去熱辣辣，茄子軟林林，非常入味。總括而言，餐廳嘅雞煲同埋魚鍋是叫食物之一，魚同雞都非常新鮮入味，而且價錢合理，性價比高，值得一試。

一向喜歡食川菜，一直都好想試吓旺角火車站附近嘅汀汀烤活魚，今晚終於有機會了。等左10分鐘先有位，我哋就坐梳化位置。成間餐廳都非常香嘅川菜味道，聞到都好想食，隨即問下店員有乜嘢食物推介。餐廳主打係雞煲同埋魚鍋，由於我們有三位女士都好鍾意食魚，最後揀咗烤桂花魚鍋，仲可以加$22兩食。一大盤魚好大鍋，湯底唔算太辣，反而好滋味，而且魚肉好滑溜，食落去冇我想像中咁多骨。仲叫咗啲火鍋配料，包括鴨血、自家雙拼餃同埋豆腐，當中鴨血同埋豆腐可以索晒湯底嘅精華味道，必叫配料之一。最後每人叫咗一款飲品，有我最鍾意嘅金桔檸檬樽裝，而朋友就叫咗鹹檸七喜。最後仲叫咗D串燒。埋單$1000有找，每人平均消費$200左右就可以食到咁豐富、咁滋味嘅魚鍋，仲要全單免加一，好抵食。

今日接朋友收工咁啱經過呢間舖頭， 大家講起先發現 ，原來大家都未食過烤魚所以先決定去食， 環境好大 好舒適 服務員態度好好， 因為當時未夠七點 唔使等就可以入咗啦 兩個都唔係好食得辣所以經店員介紹之下 叫咗一個烤魽 魚鍋 麻辣酸菜味 超微辣， 因為呢一款冇乜魚骨嘅 味道酸辣 好開胃 入面有芫茜呀豆卜呀 等等嘅配料 條魚開住火煮一個鐘條魚仲好滑亦都叫做一啲打邊爐嘅配料 牛肉 有牛味唔太靭 雲吞好飽滿 味道剛剛好 鬼馬雙拼 炸到脆卜卜 不太油膩 唔使攞貨都可以直接食 而其他配料有 豆卜 韭菜餃等等

喺旺角成日經過都見到呢一間烤魚店都好想試下，今次終於有機會可以同朋友一齊試吓啦！烤魚有三款口味可以揀，包括麻辣、香辣、豆豉，雖然我好想食辣，但係因為朋友唔識得辣，所以今次就試吓豆豉，下次有機會一定會食辣！不過估唔到豆豉都幾好味！我哋今次諗住食好啲，帶咗一條沙巴龍躉魚，條魚預先煎好，所以上枱時已經可以即刻食，魚肉又香又脆又滑，好惹味。魚又夠大條，啖啖肉，好滿足。其實食烤魚就有啲似打邊爐，食完條魚之後可以揀唔同嘅配菜放落個爐上煮。咁又點少得手切安格斯牛肉呢？牛肉都幾靚，加埋薯粉一齊食，索晒啲豆豉味，正。

花生小食好上引，睇menu時食下食下就無哂！烤魽魚鍋 $258我地叫左麻辣味之微辣，有得辣加酸菜。朋友比較愛好辣，所以就無叫酸菜個種。完全唔食辣既可以擇豆豉味同酸菜味，都應該夠味。一層滿麻辣醬同好多芫茜，上到嚟已經好香。魚就熟左大多，上枱無煮多下就食得。除咗麻辣醬同芫茜後,仲有好多蔥同芹菜提味，不得了。傳統烤魚方法先將魚燒烤過，魚皮少許脆，好少！重點在保持到魚肉汁同嫩肉，特別係魚背同魚肚，魚肚會再肥滑點，而魚頭同魚尾岩食辣既人，肉薄既關係會好入味，轉哂色！有小魚泡，微q彈，口感不錯，唔會好辣。魚肉不停點湯，就真係好麻好麻同食2件就嚟辣啦！二人肥牛 $78喜出望外地好少肥，靚靚肉。自家韮菜餃 $48有10粒餃子做得好唔錯，彈牙厚厚地，好滿韮菜牙，少少豬肉粒帶動！墨魚丸 $36一開二，份量普通。當中有墨魚粒，無雪味，係依度推薦菜之一。一開二感覺吸味入味過一粒過，無一粒咁彈牙，但好入味。紅薯粉 $32好似食緊大陸四川辣粉！重點係要煮耐d，過3分鐘會比較掛湯，同埋保持到紅薯粉既煙銀。

當日我好想食辣野，係旺角等男友收工後，係OPENRICE 度SEARCH，見到呢間汀汀燒好似不錯，所以我地入去食啦!我地2個人叫左半隻花甲雞煲︰非常濃郁四川辣味既雞煲! (本身我唔係好食得辣，所以選了小辣)，而小辣唔算辣，岩岩好!香料有浸入雞裡，加上雞肉多雞和非常滑，而且真係無得彈。(但花甲未開)後來，職員幫我地加湯，變成打邊爐啦! 煲裡花甲數量都蠻多的。花甲終於開了! 花甲配合雞煲辣湯，而且都新鮮彈牙，整個雞煲真不錯!打邊爐一定要有牛啦!所以我們亦叫了手切特級安格斯牛肉(細份)。食完讚不絕口! 牛肉非常新鮮，而且非常煙韌，有嚼勁!因為男友唔夠飽，再叫了一份薯粉，薯粉煙煙韌韌，加埋D辣湯配合，好味!食雞煲+打邊爐一定要啤酒做陪襯啦!我地叫了哈爾濱啤酒，第一次飲，較清淡的啤酒，感覺好似青島啤酒。總括來講，所有食物都不錯，特別鐘意手切特級安格斯牛肉和花甲! 下次我會試下烤桂花魚鍋先(見到隔離有2 張桌都叫了烤魚…..)!