汀汀烤活魚 (已結業)

星期二晚上十點，看到人不太多，入去點菜。先來一條小辣魽魚，很滑，湯汁有夠惹味，豆卜及蘿蔔吸收了湯的味道，特別香濃。另點了鴨血、腐竹及薯粉，腐竹可以不試，鴨血很不錯，值得一試。整體而言：食物：主打烤魚，確是不錯。打邊爐配菜只試了三樣，有好有不好，若有機會再點多幾款再評環境：枱與枱之間較迫，明顯不賣裝修，主打實力。店子只給予1.5小時用餐時間，可想而知時常爆滿。服務：點菜時店員會作推介，但人滿時確實分身不下，主打實力就不強求

想食辣野但又唔想打邊爐就決定試下烤活魚❗️今次試麻辣烤魽魚🐟因為第一次食就試左小辣先🤤小辣唔算好辣有朋友唔太食得辣都話ok👍🏼魚就冇乜細骨而且幾滑😋唔夠既話佢有其他火鍋配料可以加落去打邊爐👍🏼麻辣味幾香推介👍🏼

魚有辣有唔辣但新鮮又甜仲有鴨血好食!價錢合理傾計一流。唔會趕客走。又夠冷氣!服務員會問客人咩口味再介紹食邊一款。一食再食逄星期三有拆扣好味抵食又價錢合理幾三五知己值得一去!!!

見到好多comments 話呢間野吾錯，於是就去試一試。去到個侍應就話驚一陣人多，所以要落左條魚先。但其實都仲未睇餐牌到底有咩選擇，同佢講睇下先，佢又一直企係隔離吾走，最後叫左佢推介既魚，其實我已經吾記得條魚叫咩名.....我地叫左香辣小辣，可能因為小辣的關係，完全吾辣。就算再加辣比我地，都係吾辣條魚既肉係吾錯，無乜骨又幾滑下，但真係無乜味道...同埋，第一次見係用辣醬而吾係辣椒粒仲有d 菜既份量偏好，性價比係低...到最後問我地加吾加野，我地話吾加，就即刻比張單我地，但其實我地仲食緊 -.- 呢間野無下次

點解呢間汀汀烤活魚咁多讚👎🏻👎🏻👎🏻👎🏻👎🏻貴唔緊要，但貴得嚟唔好食！🤢涼拌蓮藕片$38同酸辣土豆絲$38嘅酸味食落係宿宿地㗎☹️🤮$68黃金蝦餅好普通，$58鬼馬墨魚膠硬到不得了😩唯一好食嘅係麻辣豬耳$48！烤筍殼魚鍋$348，條魚好細無乜肉，個鍋中辣好淡，加埋湯打邊爐就變咗無味湯底⋯☹️手切雪花肥牛$198，冇雪花不特止，唔知係師傅手勢有問題定係本身啲肉有問題，咬唔開食緊香口膠咁，勁韌！絕對唔會有下一次！真心負評！😡👎🏻呀！仲有食食下有隻細曱甴晌我面前爬走🥺

態度非常差 差唔多一個鐘先上條魚 格黎台人地遲過我地入坐都上得快過我地我地叫左雞煲大辣 點知成個雞煲無辣味不旦止 仲勁甜 好難食味試過有間餐廳會甘差唔會再黎食 仲衰過大排檔

話說自從朋友介紹過汀汀之後變咗fans 帶過好多唔同組合既朋友黎食後尾因為就腳所以通常都會去百寶行分店每次都係叫魽魚煲 個陣仲有野菌味但係由有到無 睇住百寶利店由好多人要等位去到開始係咗做折扣 再去到依家變埋任食串串煲無再去了 但係三日唔埋兩日總係會諗起汀汀今日同朋友都忍唔住話點都要汀一汀黎番呢間應該係總店？ 一早卜定位 去到都預留咗個卡位 比較角落 方便同朋有傾計餐牌已經一早換咗呢個樣 無咗最愛野菌 唯有叫酸菜其實酸菜味都唔錯 不過點都比唔番野菌既感覺 好掛住野菌啊～～～～～～加咗兩個菜 好爽口既娃娃菜同午餐肉

抓緊冬季的尾巴，和朋友一起去吃特別的火鍋!準確來說其實是烤魚啦~這家餐廳位於染布房街當眼處，招牌十分顯眼，又有中式燈籠佈置，非常容易辨認。雖是平日晚上，但人很多，要排隊等一下位子。湯底有多款選擇，而且除了烤魚，還可以吃雞煲，不過既然一場來到，當然要吃招牌的烤魚了。我們點了一份烤沙巴龍躉鍋($378)，另外加錢($22)再升級為一魚兩食，什麼意思？就是留一點魚片(其實不是一點，是一大碟)，待會放進湯裏煮。那尾龍躉真的啖啖都是肉，魚片也切得美美的，很新鮮很嫩。我還取了魚頭來吃，魚眼很大很滑，臉頰的肉也特別多，裏面的肉也多可以慢慢拆開來吃。吃火鍋一定一定要喝加多寶!!!另外，我們也點了其他配料，有手打蟹子蝦滑($78)、芝心丸($36)、娃娃菜($32)、紅薯粉($22)，放進味道濃郁的魚湯，滋味滿分!結帳每人$150左右，吃火鍋來說不算很貴，而且平常龍躉都很貴，所以這一頓算是很划算了。

第一次嚟汀汀烤活魚一入去就有位好有禮貌嘅侍應哥哥安排我哋入座,第一感覺係即刻加分之後我地點餐，侍應哥哥都有推介俾我地點咗麻辣魚～燒雞軟骨～燒韭菜～涼拌麻辣蓮藕片～芝士木薯粉全部都好正！！一定會再嚟！！

原本好期待食呢間烤活魚....一直聽講呢間野幾出名，所以走左去試下但試完覺得似乎冇咩特別醬汁的辣沒什麼特色，又不太夠味魚的肉質偏老，唔係好嫩可能期望太高所以有d失望

今晚約左好朋友黎食晚飯，大家都不約而同地好想食烤魚😬就黎左試下好出名的汀汀烤活魚因為星期六既關係，都非常多人等位，好彩我地事先預約好。佢主要係以烤魚同埋打邊爐為主，而我地就揀左麻辣香烤魚同一啲串燒食物條魚好香好鮮味，最好一樣野係食落無乜骨一路食一路煲住食到底好麻好香另外叫左台灣腸串燒，安格斯牛串燒同埋燒蝦除左牛肉串比較乾身之外其他都好好味黃金蝦餅都係幾推介的炸得非常甘香中意食辣野同埋烤魚要黎試試

香港都可以食到正宗嘅烤魚喇！今次去到旺角鬧市見到間食重慶烤魚、雞煲 ，晚飯嘅時間出邊出現人龍，所以建議大家提早訂位，或者早啲去食啊烤魽魚鍋烤魚性價比高，原條烤魚上，有成個盤咁大條架🐟果個汁係重慶汁，我哋揀咗小辣，已經十分惹味，配埋辣椒芫荽京蔥，煮起來更加香！廚師將魚身𠝹開一半，令到魚肉索到汁既味道。而本身我哋想叫桂花魚，但已經賣晒，所以叫左魽魚，但魚質一樣好嫩滑👍🏻之後仲可以加火鍋材料落去打邊爐，我哋就叫咗索晒d汁嘅脆口響鈴，竹笙同薯粉 🥢另外佢哋仲有個自家製嘅蝦滑油炸鬼，蝦肉爽口，包住炸脆咗嘅油炸鬼，值得推薦👍🏻另外餐廳仲有串燒可以叫夠晒風味！而我哋叫咗燒廣島蠔，蠔身沒有腥味，配埋燒香左嘅蒜蓉胡椒，用黎送酒一流🍺

係香港好似未食過烤魚，之前行過旺角見到汀汀烤活魚都想試下！咁就約埋朋友三個人去食啦！我地叫左一個「烤沙巴龍躉鍋」，而且要麻辣小辣。可以一魚兩食，不過我地三個都想食烤魚就冇揀到喇。個魚雖然係烤但唔會鞋，面頭落左d應該係孜然粉都幾惹味！裡邊有d酸菜、有d豆卜吸左湯汁好味。仲有幾多芫茜，唔中意ge人記得要走芫茜啦～食完個魚可以加湯打邊爐！叫左大份手切雪花肥牛、蟹子丸、芝心丸、蝦滑，再叫左支吟釀!用細細酒杯飲好有風味😀最後落埋個薯粉！飲飽食醉，完滿結束，好滿足😆

天氣又涼返啲，又係打邊爐嘅時間。不過次次都先食雞煲再打邊爐真係有啲悶。記得之前經過旺角見到lee間烤魚，即刻睇吓會唔會有埋邊爐打。原來唔止有烤魚同邊爐，仲有串燒食，即刻決定試吓。去到先七點度，但係都坐滿曬人，等咗陣先有位入得。一坐低第一時間更係嗌咗魚先，同行朋友好鍾意食龍躉，於是叫咗個麻辣酸菜味嘅。佢哋嘅串燒都好多款揀，但係燒魚卜真係未食過，所以嗌兩串試吓。魚卜燒到啱啱好，唔會好乾，有汁同鮮味之餘，仲好惹味，下次嚟唔食魚都可以食串燒。到主角岀場！雖然條龍躉本身已經熟咗，不過職員都話要等8-10分鐘先可以食。條尾同啲魚鰭應該炸過，所以試咗先，香口又鹹鹹哋，已經幾好食。到啲魚肉，條魚雖然大條，但係啲肉啱啱好熟，唔會好老同“鞋”，仲要酸酸辣辣，好惹味。條魚都重秤，應該三、四個人都夠食。兩個人食完條魚都飽飽哋，所以加碟牛同桂花蚌打埋個湯底就算。切雪花肥牛，油脂分佈平均，食落都重牛味，唔會又淡又冇味。花蚌，份量都幾多。食落好鮮甜唔腥，切得唔係好碎，可以原條落，唔洗碎濕濕慢慢搵。成餐兩個人食啱啱好，下次再嚟，唔嗌龍躉，就可以試多啲其他嘢。價錢同雞煲差唔多，以後打邊爐又多個選擇～

今日在旺角走累了便隨意在附近搵食，今次來到這家「汀汀烤活魚 」，地鐵站過來都是5分鐘。從門外看見活魚都很生猛，很放心食用。裝修比較簡單，燈光都足夠，有小燈籠點啜環境。餐廳先送上餐前小食（花生黃豆）醫醫肚子。既然來到這裏， 當然要吃一吃招牌的烤活魚，兩個人食一大條魚，都不敢叫太多。魚都是一大條，斤兩十足。我們都不敢吃太辣，所以都揀了"少辣"。 我揀了【烤桂花魚鍋】一魚兩食，雖則說店鋪都幫你去了骨，但都比較多骨，要小心吃用。兩食是烤魚和生魚片，而湯底我選了香辣酸菜味，烤魚鍋有芫茜、豆芽、酸菜、豆卜，全都鋪放在烤魚上。烤魚皮是我吃過咁多間的烤魚最香脆的一間，魚肉算幾滑幾鮮，但肉不算多。由於我們選了"少辣"的湯底，一開始魚肉可能比較淡口，但隨著火爐一直加熱，香辣酸菜與魚肉混和且滲入魚肉，變得更好食！ 豆卜也吸收埋烤魚及酸菜精華，越烤越好食！【烤魷魚鬚】 同樣地選了"少辣"， 魷魚鬚彈牙香口，再加上燒烤粉烤過後，吊出魷魚鬚的鮮味。一魚兩食的食法很新奇，小店經營的烤魚味道絕對比得上連鎖店的烤魚，如果魚骨更少、魚肉更滑的話可能會更出色。