永順食店 (已結業)

入元朗買嘢，所以去試，但名過於實😰沙爹牛嗰醬汁似加勁多花生醬，所以叫鮮牛福麵點知同我認知的福麵完全不一樣，難食到嘔有一陣油「溢」味鮮牛肉有腥味，真是食唔落二啖，無食到走頭請都唔會再去😡

雖然睇食評，好多人話呢間永順食店嘅沙嗲牛肉麵好好食。但係有陣時，都會因為想試吓其他食物。而唔試其他人嘅推介。今日難得入到黎元朗。就過嚟坐低食下啦。二人限聚令嘅關係，所以都要等一等位先有得入去。好彩食店嘅流量都算快。所以等咗一陣就有位入去啦。睇返價錢佢啲食物都唔算話貴，以今時今日市道嚟講，更加可以話係平添。最後叫咗炸雞翼同豬扒公仔面。炸嘅食物食唔出有太多炸粉係入面。而且炸得啱啱好。至於個公仔麵。就未到正常。整體來講可以一試嘅。

港式早餐黎講~我至愛食沙嗲牛肉麵~🍜哩間永順食店~之前黎到見到大排長龍所以放棄左~今次~5點左右去到~好好彩可以即刻入去食😍😍正!!!!▶️沙嗲牛肉出前一丁($29)▶️沙嗲牛肉米($27)沙嗲超級濃郁!!!!!有花生香之餘食落仲有少少辣~牛肉唔騷唔韌~份量仲要超級多~而且湯既掛汁度一流~尤其是米粉~吸收哂濃濃既沙嗲汁精華~而家唸起都流口水呀~🤤🤤🤤食過~終於明白佢地既沙嗲牛肉點解會咁多人推介啦~👍👍👍👍👍▶️西多士($14)哩個係一直好想食到既西多士味道呀!!!!!唔知點解而定愈黎愈多地方整既西多士....裡面會冇左花生醬~哩個有花生醬餡架~而且麵包唔會太厚~真係兒時食開既味道黎架~🥰🥰▶️奶茶紅豆冰($17)見只係貴普通凍奶茶1蚊所以叫左佢~飲得出佢地既奶底係唔錯~不過紅豆既份量我覺得太多~紅豆本身又有甜度~加埋一齊~我覺得杯奶茶紅豆冰甜左d~下次去係叫返凍奶茶先得~

「香港篇 - 元朗」“永順食店 🍜” 🌟🌟🌟🌟/5遠近馳名既沙嗲牛麵🤩終於係行水塘🏖前食到😋見條隊幾長 原來好似澳牛咁 好快排到😆🔻沙嗲牛肉米粉 🍜 ($28) 🌟🌟🌟🌟好濃既沙嗲牛🤤🤤比坊間既甜同辣🌶重花生香🥜牛肉好嫩滑🥰仲有d粉紅咁💓最愛點米粉夠索汁🤤另有出前一丁、蟹皇麵揀🍜🔻奶醬多士 🍞 ($15)本身想食脆朱🥺但可惜賣哂🥲薄身🍞烘得香脆 搽滿牛油🧈同煉奶 好邪惡😈🔻奶茶紅豆冰🧋($17)依杯同普通奶茶只差$1 我叫左少甜少冰 飲落茶味偏淡 奶多🙈🔻茶走 🥛 ($16)飲落幾香甜🥰係奶多過茶既比例💁🏻‍♀️💁🏻‍♀️星期六日只供應沙嗲牛麵🤤想食碟頭飯要平日去呀🙈

一個九龍人到底有幾痴線先會入元朗食沙牛麵？！（所以先會順路去埋大棠睇紅葉...）早幾日同中同食完榮記個沙牛煲仔麵，講起香港沙爹牛肉麵關注組吹捧得最勁就係慈雲山榮記，元朗永順同荔枝角好好運。之前有人報10點半賣晒沙爹牛肉，於是我地星期日就晨早揸車入元朗，九點半去到永順，排5分鐘就有位。沙爹牛肉麵要出前一丁底 $29，個沙爹牛肉好多醬汁，不過唔會太杰，亦唔會比個湯底溝淡晒，掛麵剛剛好。沙爹汁味道偏濃，朋友仲覺得太鹹，我覺得可以接受，但又無外界讚到咁無敵。芝士流心蛋豬扒治 $27 呢個仲有驚喜，炸豬扒唔會好乾或者好油，雖然芝士無溶，流心蛋黃又流走左一半，但成個三文治配搭好夾，好味。永順食店沒有套餐，食物飲品只有單點，落單時無為意，叫完凍檸茶睇單先見知$45，單點凍飲$16唔算貴，但我知道既話未必會叫野飲。平心而論，永順係幾好食，但要晨早山長水遠去排隊食碗沙牛麵，試一次就夠。

今日專登入元朗去大棠睇紅葉，再去千島湖。出發前要食午餐，我揀咗朗屏排隊店。果然去到要排隊，到我走時條隊再長左好多。我哋嗌左沙嗲牛肉米線、炸豬扒配五香肉丁蟹王麵同芝士流心蛋鮮牛治。芝士流心蛋鮮牛治打開時蛋黃即刻流晒出嚟，好吸引。整體食落唔錯。沙嗲牛肉米線味道濃郁，十分惹味，果然係名物，而且牛肉份量足夠又平，必食。炸豬扒配五香肉丁蟹王麵都唔錯。炸豬扒香脆，炸皮薄多肉。蟹王麵反而無我想像中好食。男朋友話五香肉丁好食。

｜芝士流心蛋鮮牛治｜🧀🍳🐮🥪｜｜$26（+$1烘底）｜記得要趁熱食趁熱食趁熱食！好重要所以要講三次！！！鮮牛肉真係好好食，餣得好入味再煎到好香加埋流心蛋同芝士真係超級正！烘完底個包唔會好濕笠笠，食落勁脆又香口！如果個芝士再融多少少嘅狀態就更完美了(˶‾᷄ ⁻̫ ‾᷅˵)｜沙嗲牛肉蟹王麵｜🐮🍜｜$31｜最出名嘅沙嗲牛肉麵！！！好濃郁好香花生味，但又唔會過鹹！再加埋較幼身同滑溜溜嘅蟹王麵真係好邪惡但超級滿足～～～｜奶茶紅豆冰｜🧋｜$17｜永順奶茶好似都幾出名果然真係好好飲，奶同茶比例好對我胃口！加埋紅豆，飲落再開心(肥仔)啲個人prefer叫少甜，個茶味會再出啲同埋紅豆本身都有些少甜度～-另外呢間嘅炸豬扒同炸雞翼都好好好好食！但大家記得影相唔好影咁耐趁熱食真係好味好多好多！沙田友一星期內踩入元朗食咗兩次♪( ´▽｀)第二次去食冇點影相咁趁熱食真係好味好多～好鍾意呢間平民價得嚟又好好食！假日預多數都要排下隊等一段時間喔～

之前有個同事住元朗，可惜太長龍未能一試。今天碰巧又要過來元朗，時間尚早，人龍未現就排一排隊，會一會馳名沙嗲牛麵。始創1986，數一數都有三十四年歷史。《 沙嗲牛麵》上枱時，沙嗲味雖不算特別香，食落味道平衡得很好，濃淡度非常合適， 獻頭太重會一pat pat，又唔好太稀溝落湯麵度就散曬，做得掛身之餘亦不太杰⭐⭐而且沙嗲仲會凍。牛肉唔係死落生粉醃嗰隻，有牛肉味有咬口， 雖不算太爽，但這個價錢亦已非常出色⭐⭐。（唔通比A5你咩🤭） 個蟹黃麵就略嫌冧，可能我個人喜歡食比較爽身的麵質。《煎豬扒》味道亦不錯，剪開令豬扒，除了食客易吃一點，另外亦易熟一點，但肉質唔算太juicy，大細適中，只收12蚊 《炸雞翼》唔覺有上粉炸，味道同樣合格以上唔錯，但肉質都是偏熟哪一款。見隔離左右都有叫《脆豬》就試一下，奶油花生醬 絕不孤寒， 充滿整個包面。外皮超脆，內餡麵包鬆軟度像空氣一樣。PS. 在加單時聽到旁邊枱的食客，亦有補叫一份 「牛奶油多」心想到底是什麼？ 到底係什麼是牛奶油？？ 後來姐姐送嘢上枱見到，原來係「一樽牛奶，加一份油多。」…😅（ 好笑就俾面笑兩聲啦🤣🤣）離開時1點未到，已經有十幾人喺度排緊隊😬『

見噤多人介紹就去試下，今日4點幾去到都要排隊，排左幾個字，滿心期待！不過食後評價係正常茶餐廳味道，試過就算！沙嗲牛：沙嗲牛係用鮮牛，冇落鬆肉粉，味道普普通通唔會嘩一聲好好食，冇d人講到噤誇😅炸豬扒：另外追加左件炸豬扒$12 ，厚身豬扒，唔梅，味道都ok多士：正常多士，唔會乾爭爭，好食既

又話好好食⋯⋯⋯ 所謂既濃厚沙爹湯原來係得個鹹字⋯ 加左杯奶茶紅豆冰，3/4 都係紅豆⋯⋯ 奶茶真係飲左兩啖就冇左⋯⋯⋯ 仲要搞到得紅豆未，一啲奶茶味都冇⋯⋯ 奇差⋯⋯ 好後悔黎左食⋯ 差到一隻相都冇影⋯⋯

元朗。濃厚沙嗲牛肉麵😋🧸以前會食下唔同茶餐廳既沙嗲牛肉麵，但自從自己煮晚餐，有時會煮下金菇沙嗲牛肉煲（下次出食譜😚）後，就小左係茶餐廳食沙嗲牛肉麵啦～但上網見到元朗依間沙嗲牛肉麵好好味🤩 我就黎食下啦😆😆 平日下午2點去到唔洗排隊真好～但聽講其他時間要排隊！❣️❣️沙嗲牛肉出前一丁麵 $29❣️❣️本身都唔覺，但當碗麵一到，我除下口罩果刻... 沙嗲味好香呀！！！ 沙嗲、花生味好出，有小小辣，果然係此店出名的食物👍🏼 牛肉都ok林既，不過佢就冇餐跟，飲品都係單叫，有點貴啊！🎀🎀 見到其他人食炸豬扒、奶醬多都好好味咁😋 可惜我今日一個人去食，叫唔到咁多野食，下次啦😄！叫埋朋友一齊黎食時叫多d

🇭🇰永順食店 超濃沙嗲牛肉麵🍜早前👩🏻👧🏻入左元朗信芯園🌻 搵左依間都幾出名既茶記食🥰第一次黎 Lunch time都幾多人果然名不虛傳 好味又抵食👍🏻🤤🍜沙嗲牛肉麵 (💰$27+2配一丁)‼️必食沙嗲牛肉麵湯底非常濃郁 杰身的 仲有花生醬🥜的味道牛肉🥓份量好多 薄切而且好滑 完全唔鞋牛肉都有沙嗲煮過既味一般沙嗲牛都係落醬煮湯 湯底會好稀呢間沙嗲牛好有驚喜😍😍我地叫左出前一丁 麵好掛湯 每啖麵都有沙嗲味好正 好抵食🥩生炸豬扒 (💰加配$12)首先豬扒係大大塊雖然薄身的 但肉質非常鬆軟☺️炸粉都好薄好脆 即叫即炸 食落易咬唔韌 Juicy 可以一試😆-🍳火腰奄列 (💰$15)對比之下就比較普通不過加分位係 火腿做到微焦 增加左唔少香味

這十年間來了許多次永順，由以往一家人排隊來吃，然後只得太太陪我來吃，最後今天淪落只有自己孑然一身來吃。諸位放心！我家人安康健在，只是每次永順總被他們找到缺點。逐漸地、慢慢地被家人唾棄，唯我念念不忘。相隔一年，又偷偷早餐時段來到。 車輛可停餐廳門外之泰利街，附近全是單程路，進內會有點偏僻，要開啟導航地圖才行。泊車亦千萬不要貪方便停泊大榮華安寧路或麻雀館附近。前前後後在大榮華門前進貢庫房逾五張牛肉乾了。早上十時，永順門外大排長龍。但我孤身一人很快便可搭檯內進。排隊位置依舊極不友善，以考驗客人意志力耐性。蚊滋飛舞，我穿著短褲不斷被蚊叮，痕癢難耐；間中後巷遠處群鼠飛奔；後邊隊尾父親一人輪候座位，兒女則仍安座車上開啟冷氣，引擎廢氣儘管戴著口罩也令人呼吸不暢。永順餐牌是沒有套餐選擇，所有食品都要散叫。這是經濟學供需理論，餐廳需求龐大，不愁生意，當然要加價，讓商家賺取更大邊際報酬，同時也壓低需求將未能負擔的顧客趕離。我選擇了「沙爹牛肉蟹皇麵加豬扒飲茶走」，盛惠$58。區區一份茶記早餐便賣$58，比中環尖沙咀跑馬地還貴。永順是高尚人家玩意哉。被安排座在廚房門口位置，當然給我好好學習機會，如何能在繁忙時

一直都知道永順食店既沙嗲牛肉麵好出名！今日終於一試，真的失望我地總共叫左兩碗沙嗲牛肉麵同雙拼小食首先，講下 [ 沙嗲牛肉麵 ]佢的確湯底係好濃郁但唔算係惹味，沙嗲比較偏甜左少少，而且牛肉好似無爆香炒過咁比較似係烚完再撈落沙嗲醬入面所以完全唔香，味道欠佳肉質唔算用好多鬆肉粉拿過但味道真係比較普通所以都幾失望純粹係湯底比較濃而已[炸雞翼拼炸豬扒]炸雞翼炸得比較乾身，味道唔錯但可以咸多少少就好Ｄ～而炸豬扒就真係麻麻地食到成口油，而且好有油益味食左兩啖已經放棄左了

做完運動之後朋友話要飲番杯凍奶茶 佢最鍾意飲呢一間舖頭嘅凍奶茶😍我就未食過嘅 呢間係好出名 裏面係超級多人 幸運地今日係唔使等位入到去 食返個沙嗲牛肉蟹王麵先！🍜 凍檸茶走甜少冰⭐️蟹王麵比一丁好食 係再幼細少少同埋爽彈啲～冇咁容易發漲 ⭐️沙嗲麵湯底味道帶甜 、濃郁！味道啱啱～跟住再加少少辣椒油👍🏼朋友加咗個餐肉 分咗一片俾我 雖然薄薄地 但係 係脆邊嘅！👍🏼 對面外國人都食嗲牛 &見到佢個西多士好吸引$17幾抵～ 下次可以叫⋯見到人哋食嘅炸豬扒都幾靚仔 下次可以試吓 煎豬扒個樣就有啲油⋯ 朋友杯凍奶茶都好香濃總括嚟講下次可以試其他 不過我覺得就咁齋食一個面抵食！加埋嘢飲就貴啲啲