永隆正宗潮州滷水

第一次買招牌雜錦飯$38，份量好多，仲送1包飲品。唔知道係咪晚上7：30收工，有豬頭肉、豬耳仔、鹵水蛋1隻、鹵水豆腐1件、紅腸7片、鹵水花生。鹵水味比以前無咁咸，豆腐、耳仔及豬頭肉鹵水味淡左少少，鹵水蛋及鹵花生入味。…查看更多

平時間中都有幫襯這間鹵水店，味道還可以 ，但是今日去幫襯，共買了一個牛展、兩隻鵝蛋再加三件豆腐， 回家開飯，發現所有的滷味冇嚟聞味， 食到唔拖唔水，認真令人失望， 就算 是他們所說自家製的鹹酸菜，都整到唔拖唔水， 我先生直接話下次不要再幫襯了😔😔😔…查看更多

早前試過呢間嘅外賣加餸，食完之後念念不忘，今日見有時間，就喺午飯時段過嚟，買個外賣返公司食。一個滷水鵝飯$50，連一包紙包飲品，以滷水鵝外賣來計，算係一個合理價錢，但係當然越平越好啦師傅話因為紙包飲品冇貨，所以會用一隻蛋代替。由於我係外賣一盒滷水鵝飯，所以沒有得選擇部份，師傅斬咗滷水翼的部位俾我，我自己對滷水翼呢個部位就麻麻，因為食嗰陣時比較麻煩，而且好難咬開，無咩肉。但係味道完全沒有問題，飯盒入邊仲有一個豆腐同埋一隻送的雞蛋，豆腐係滑身嗰隻豆腐，並不是硬身嗰一隻。而滷水蛋就唔錯，鹵得非常入味。So far ，食完之後冇一個口渴嘅感覺， 有冇味精我又真係唔知。可惜呢間店舖同我公司比較遠 ，如果唔係就應該成為我嘅飯堂之一。下次如果有機會嘅話我應該會買鵝片飯，始終滷水鵝最好味嘅係鵝片同埋鵝脾…查看更多

近排成日看YouTube ，有啲成日講滷水燒鵝，佢哋成日斬滷水鵝，搞到我都心癢癢想去食。今日早咗收工所以去佢早前介紹呢間滷味店，買咗一個滷水鵝上”將‘，留作今晚加料，另外佢會有一包滷水汁同兩包醋跟。滷水味十分重，而且非常軟滑，鵝片沒有其他的粗鞋，呢個價錢完全對得住你隻滷水鵝，而且師傅非常均真，就算起咗肉之後嘅骨也放入外賣盒，分量十足。全家人食得好開心，一定再買，下次有機會，我去試吓豬腸同埋豆腐，賣相好似唔錯？！…查看更多

味道很好！本身都中意食滷味、燒臘之類，有朋友介紹去長沙灣試吓永隆，叫咗個滷水拼盤，同老婆撐枱腳，一大盒兩個人KO曬😋老闆好好人、健談，刀功好！見佢有好多唔同種類、套餐，樣樣都想試，後來叫咗個滷水拼盤，有意外驚喜！除咗拼盤仲有好多唔同嘅醬賣，老闆推介支自製豆豉，另外買多支金桔油。重點都係啲滷味：堅好味！鹹道適中；鵝片無渣，入口即溶！滷水豆腐味唔太鹹有豆香味！滷水鵝翼都正！下次再試埋佢哋啲牛𦟌。見好多街坊幫襯，就知實係好嘢👍🏼…查看更多

作為潮洲家庭長大的一份子，對鹵水都情有獨鐘。 滷水加一碗白粥簡直是最美味的配搭！去到時亦要排隊等左5個人左右，排到我時今次我就買了鵝片鵝肝鵝腎同鵝腸。呢間舖頭有一樣好特別嘅鵝血，係非常小的地方有這種東西吃。另外還有一款糖心滷水蛋我都食過幾次㗎啦我都推薦嘅滷水的味道是頗正宗的一家師傅切鵝片很有心機，薄薄一塊。 特別喜愛的是鵝肝和鵝片。店家調的醋配上鵝片亦是很美味的小店有心經營，價錢相宜，性價比高！ 希望大家多多支持啦！…查看更多

潮州打冷雖然話系大排檔，但係而家既價錢都唔平，呢間長沙灣小店，勝在價錢比附近潮州餐廳平，佢既蠔餅炸得香脆，而且足料！有好多蠔仔系入面。另外鹵水就普普通通既，可以再重味小小，花生同鵝都可以再煮軟dd。韭菜豬紅都唔錯既，豬紅唔會一咬就散開，韭菜爽脆，唔錯既。但係座位就偏少，平日都唔算太多人既！…查看更多

屋企附近的潮州滷味店雖小(沒有堂食)，但假日很多人排隊光顧 。今晚夜收工見該店人少少，便簡簡單單買外賣晚餐回家吃～溏心滷水蛋，該店招牌小食之一，當然要試試，鴨蛋蛋白軟綿入口即化，金黃色的流心蛋黃富濃厚蛋香，加上滷水汁醃浸得相當入味，啖啖鹹香味～ $10/隻，水準頗高又抵食～滷水雞翼，雞皮滑溜，肉質尚算嫩滑不嚡口，同樣濃郁惹味，雖不是什麼驚世佳餚，但只是$10/4隻，平均$2.5一隻，味道不錯，抵食又飽肚！這兩款潮州滷味冷盤皆充滿濃香的滷水汁， 味道跟一般餐廳不同，自家秘製滋味十足，而且便宜又飽肚，確是上佳的外賣晚餐/下午茶的選擇～…查看更多

買完手撕雞再到隔離店買少少鹵味先夠我地大食家庭買左豬耳, 鹵水豆腐, 豬腸及香炸扎肉回家.鹵水豆腐入味之如豆腐仍然夠滑落豬耳有軟骨爽脆, 用來送酒就一絕,豬腸夠乾淨無異味, 而且鹵得夠淋而入味.最喜歡就係自家製既扎肉, 炸過後外皮微脆, 再配上鹵水汁非常好味.喜歡此店既鹵水, 鹵味食時有陣陣花椒八角香味, 而且鹵得入味之餘又不咸. 下次都要買鹵水鵝回家孝敬老豆.…查看更多

I am big fans of 滷水 Food.I tried many goose in this style before including 生記,尚興 and those in Kowloon City.This small shop is the one I highly recommend!The sauce is not salty and not spicy. Just simple delicious and savoury.Goose are cooked to an extent of very juicy meat and half gooose are well enough for 2 adults!I will try other food later and update in Open Rice later...…查看更多

一向幫襯這裡的潮式滷水乳鴿, 認為是全港最佳, 可能越來越多人知道的關係, 今天專程駕車去買, 下午五點半已經賣完.這怎麼辦? 唯有退而求其次, 買從未試過的滷水鵝吧.看見一件手掌般大的下庄, 正合我意. 旁邊剛好有一堆鵝腸, 一拼掃除. 師傅計共102大元. 斬埋一大合.回家兩仔爺一齊嘆. 鵝腸是如常的爽滑, 脆口, 好! 惟一缺點是所有的肥膏都除去了, 成為美中不足.鵝肉是不太肥的, 點了付上的醋和滷水汁, 好味, 肉是嫩滑到得曾未有, 多汁, 肥的部位甘香, 那麼大隻的鵝郤是那麼細嫩, 師傅的功力真的是不得了.兩父子都認為是全港最正斗的滷水鵝. 其他的食料以後也要逐樣試.…查看更多

天氣熱, 不想吃太複雜的食物, 因為廚房太熱, 專程駕車到深水埗買滷水食物, 下午五時也只有一個客人, 這裡原本沒有堂食, 有的只是一張枱方便客人, 主要都是外賣, 要了一隻沙薑雞, 40元, 一份豬紅(小), 15 元. 這裡的服務甚佳, 阿姐與師傅有說有笑, 氣氛輕鬆:).回家後忍不住口, 打開盒子偷吃一件雞, 覺得入味非常, 調味剛剛好, 有充足的汁液, 雖然是冰鮮貨, 師傅的手藝郤非凡, 豬紅是稍辣, 入味, 香滑, 十五元是十分超值:). 開飯時, 受歡迎度是意料中事, 一掃而空, 抵食, 好味道:).…查看更多

忽然很想吃滷水鵝紅磡的生記及上環的陳勤記的吃得太多遍了，想試一試新東西。收到消息知道此地有不俗的滷水製品，於是立即驅車前往...店小得可憐，能擺在店內供堂食的枱椅只得一兩張，看來只集中做外賣生意。一碟滷鵝飯連一罐罐裝飲品也只是收二十五元，實在是抵食之至也.....滷水的顏色深得近乎發黑，似乎是頗見入味之物，不過一入口便只知鹹而不香，鹹度是厲害得馬上連吞數口白飯以作中和，連一向慣吃濃味食物之如小弟也感難受，最弊的是作為伴菜的椒醬肉亦是鹹得要命的，特別是那本身已帶鹹味的醃榨菜粒，吃了一口便馬上要吐出來:(；鵝肉差不多全都是背脊位的，骨比肉多，肉的部份挺夠結實，很有咬口，不過皮與肉之間的那層厚厚的"肥騰騰"東西，就連我這個"天不怕、地不怕"的饞人亦要甘拜下風，退避三舍呢:(.....如此鹹的滷水還是首次嘗到下次還是可免則免了.....…查看更多

這兒環境算是一般, 店舖地方不大, 現在舖內還多放了兩張檯, 所以也算有堂食的了, 我就是喜歡有堂食的, 但始終地方有限, 可容納堂食的人始終不多, 我想四五個人已經是極限了, 不過這兒主力依然是外賣為主, 所以基本上堂食只是可有可無的項目.本人叫了一個鹵水鵝片飯吃, 還送一個飲品, 我就挑選了一支蒸餾水.鹵水鵝片飯, 本人覺得好好味, 鹵水汁很香和鵝片都很可口.推介 : 可以在此店試一試他們各式各樣的鹵水食品.…查看更多

呢間舖，買過好幾次了，因為老公鍾意食，所以有時收工都會行過去買，因為我係荔技角返工^^因為這間滷水真係好食，所以都係要寫一篇先得 收工時間，都會有人排隊，但排左一陣先到我，可能手腳慢d，要改善 買左滷水鵝，腎，扎肉，牛展，鵝腸先評滷水鵝，滷水入味，d滷水汁好香，返到屋企打開個盒，都仲有香味出來，鵝肉沒有滷到好"鞋"，居然仲有滑的感覺，最怕食到d"鞋"到死 好似食爛布咁，呢個滷水鵝good，老公話非常好食，比好多名店好，如果即場食，可能更好 再評牛展，牛展係我至愛，平時最鍾意食就係呢間滷水牛展，不會太硬，可以話軟硬適中。再來腎和鵝腸，由於我唔食內臟，所以唔知點寫，但老公就好鍾意，佢話呢間出品都有水準 最後要評一評個扎肉，今次係我第一次買，我問過老細呢d咩來，佢話係自家製的炸扎肉，好好食咁話wu，我就信佢買左少少返去食，食第一舊，掂!!!!!very good，本身未識過食滷水扎肉，但我估計佢唔係將舊扎肉炸完再滷，應該係炸左先出來，再將滷水汁淋上去而已，但這個組合，很有驚喜，大家有機會真係要去試試 總結這店食評，有名店質素(感覺好過好多大潮州酒樓)，我認為最主要係個滷水汁出色，佢又有街坊價錢，完全係超值之選，只是沒有堂食，可惜可惜!!!…查看更多