永樂餃子店

營業中

休息中

呢間餃子店主打無味精花膠淮山豬骨湯底，坊間其實有幾間好味既餃子店都係以類似既湯底做招來，吸引中意飲濃湯同餃子既小妹我一試。餃子既種類都好多，可以雙拼，亦都可以轉湯底或者配粉麵。最後我叫左個鮮肉香菇粟米餃加米線: 個湯好濃味，飲得出足料，餃子皮偏厚少少，舊肉餡都好大舊，幾好味，香菇、粟米同肉份量均衡，唔錯。餃子配米線既話有5粒餃子，食完都好飽。總括黎講，個餃子係唔錯既，個湯先至係重點，小妹我都飲晒!!下次試下其他餃子先~

花膠湯底更勝一籌✨睇完醫生無咩胃口 好想食餃子 癮起呀😝見到呢間餃子店 諗都無諗就衝左入去啦🥟 鮮肉白菜餃拼鮮肉香菇粟米餃 $50餃子非常大隻漲卜卜 餡料夠唒多略嫌豬肉餡醃得咸左啲🙈花膠淮山豬骨湯先係重點呀🥰‼️湯底標榜絕無味精 一遞過黎就聞到好香啦花膠味道濃郁 feel到骨膠原同我say hi👋🏻熱辣辣又清甜嘅湯底 冬天夠唒滋補💓✨ 滿意度 3.5/5✨ 性價比 3.5/5🍽 永樂餃子店🔎 上環禧利街21號地下

大概追蹤左我一段時間都知我係一個不折不扣既餃子控😍呢排見到有人介紹呢間永樂餃子，聽聞好受歡迎，去開附近就試埋佢嚕🥳👉🏿✨鮮肉白菜餃配米線 Hkd 43 💸📌湯底可選花膠淮山豬骨湯/重慶酸辣📌個人覺得白菜餃就普通少少，但不得不說真係超級大粒！足料到爆啊🤭而且入面嘅調味都夠，唔需要再點豉油。湯底比較清，唔想食咁重口味叫呢個就岩喇👌🏽👉🏿✨鮮肉栗米三色椒餃 Hkd 配米線 43 💸📌重慶酸辣湯底（小辣）📌呢個完全係新穎既配搭！冇諗過三色椒放落餃子到係咁match!食落有栗米既清甜，肉既鮮味，外加三色椒既味道，一啖咬落去係滿滿既餡料，好好味😭叫左小辣既湯底都算容易接受，唔會好辣食唔到個隻，終於明點解咁出名啦😊

新界人一到假日就搵機會過海覓食，今晚喺會展睇MOOV Live，晏晝就出定黎食下野，午餐揀左呢間餃子店。永樂餃子店位於禧利街，週日呢邊比較靜，加上已經3點有多，店內客人零聲。鋪頭以紅色為調，搭配淺木色枱面，全店約30餘個座位，我諗平日要搭枱嘅機會比較大。睇過部分食評指店員態度一般，當日未有遇上問題，可能客人唔多啦。餐牌供應13款餃子，5隻配粉麵，8隻淨餃，定價$43/48 (羊肉、海鮮餃$55)，可湯可炸，炸餃加3蚊，雙拼加2蚊。湯餃配花膠淮山豬骨湯或重慶酸辣湯底。餃子有韭菜、白菜、芹菜、雲耳椰菜、香菇粟米、紫菜、咖喱薯仔等配搭，口味同餃子屋差唔多。另有少量小食，例如青瓜、雞翼。餃子係店員喺店內自家包製，價錢唔係平價，不過點8隻理論上夠飽肚鮮肉白菜餃 $48/8隻鮮肉芹菜餃拼芝士餃 $50/8隻我地缺湯水嘅人就當然係配花膠豬骨湯底，天氣涼，飲淡熱湯係舒服嘅湯底有明顯花膠味，味道濃郁，湯偏少。如果你食美味餃都會口渴，呢度一定會。餃子係我見過包得最求其，拎起塊皮包住啲餡，係咁二摺兩下，每隻大小形狀都唔同。餃大皮厚，摺口位留左接近成吋，淨係食皮都飽，雖然餃大，但唔代表餡多肉餡有調味，未至於餃

夜晚係上環行街, 肚餓就照舊去揾小店醫肚試食, 今晚就去左永樂餃子店餐廳裝修有特色 用紅磚牆做主調, 椅子很小坐得不舒適, 用餐空間還算充足.餐牌有多種不同口味餃子供選擇, 湯底亦有2種. 點了香辣肉餃連麵 和 羊肉餃淨餃.香辣肉餃連麵會有5隻頗巨型的餃子, 湯底是花膠淮山豬骨湯. 飲一口湯底已經有家的味道, 味道鮮甜濃郁又不油膩, 真材實料. 香辣餃果然有一點辣, 餡料豐富, 味道較濃, 外皮有點兒厚. 上海麵只屬一般水準. 羊肉淨餃有8隻餃, 羊肉是經調味, 有點像沒有辣味的香辣餃. 女朋友嘗出有羊羶味, 但我完全食不出, 可能我口味較重, 或者沒調味的鮮羊肉餃更合符我期望.還點了一碟酸辣土豆絲, 酸辣比例洽當, 味道濃淡適中, 不會搶了主角餃子的味道. 土豆絲爽脆新鮮, 令人回味無窮

其實呢間餃子鋪已經食過好幾次，每次都係食完先記得要影相。基本上餐牌既餃子超過十款，有八成都試過。特別既係咖哩薯仔餃子，你以為好唔夾咩？又出奇地好得意。不過鐘意食傳統餃子既人都係食番正常味道啦！個人最鐘意佢既韮菜豬肉餃、白菜豬肉餃同埋玉米餃子。全部都大大隻好新鮮，餃子味道係好食既，同埋如果你下午二時三時比較少人時黎會見到佢地包緊餃子。講完餃子要講番湯底，呢度主打係佢個花膠湯底。唔知佢地落左幾多花膠，但無落味精同埋鮮甜就一定係真既！個個食餃子都會飲晒呢個湯底講番價錢，50蚊8隻淨餃我覺得中上環區價錢公道，想食米線底可轉5隻餃加米線！講完即刻想去食啊

心血來潮想吃餃子，於是特地走到上環的永樂餃子店試試。到達時約中午十二時，店內尚有空位，不用排隊。這裡的餃子種類多，可選淨餃（八隻）或餃子配麵（五隻），而湯底分別有花膠淮山豬骨湯及重慶酸辣湯。其實花膠淮山湯底並不常見，環看店內大部分人都點了這湯底，但比起養生我更愛吃辣，所以還是點了酸辣湯，餃子則點了鮮肉韮菜餃配麵。最初看到湯底只有少許辣油，以為只是加了一點普通辣椒醬，想到這裡是餃子店，應該也不會特別處理辣湯。沒想到味道也不錯，不會太辣卻香味十足。餃子比想像中大，皮略嫌厚實了一點，內裡真才實料，啖啖肉很滿足。麵條有點粗度，相對幼麵我更喜歡這種有口感的麵條。麵的份量雖不多，但餃子份量十足也很飽肚。整體而言味道算是不錯，價錢合理，值得一試。

嚟上環尋寶！ 特地來搶購我心儀了很久的檸檬王「甘草檸檬亅 。😍😍😍 逛得攰了， 時間為下午三點 ，剛巧見到這家餃子店，便進來試一次， 順道休息一會 。沒有任何期望。。。 沒期望，所以沒失望！店家夥記 贈我們的第一句說話， 就係 我們點餐時候的 ：「三個人才叫兩碗水餃、一杯凍豆漿， xy@#^q%&&$xxx。。。」第一個反應，就是： 我們 是否 叫得太少東西 ，阻住他做生意？！ 但下午茶時段也不能要求每個客人也叫食物啊！ 而餐牌上亦沒有任何最低消費的要求 ！再者， 也不是我們不想叫 ，而是因為有朋友不能喝凍飲，所以其實想叫熱豆漿 或熱奶茶 ，但是店家沒有供應， 店家也沒有任何熱飲供應， 也不提供 熱茶和水！！不過算了！ 因為已經坐下，所以也不想換地方， 所以心想，求其食完就快快離開吧！。。。🦉我們叫的 其中一款餃子， 較為特別的是「粟米鮮肉三色椒餃」。 餃子 賣相普通 ，味道不過不失。 咬開餃子，也能見到頗豐富的餡料，包括一粒粒的粟米和鮮肉、和一些菜蔬。只是餃子皮稍為厚了一點， 湯稍為鹹了一點！ 賣相和食味稍為普通了一點！ 配上店家普普通通的服務態度， 就成就了這家普普通通的餃子店，

作為一個湯精，梗係唔會錯過任何一個飲靚湯既機會。有日係上環經過見到有間餃子店，寫住湯底係「花膠淮山豬骨湯」，作為一個湯精，當然就立即流口水然後衝左入間鋪頭等食啦。個日叫左個「豬肉椰菜木耳餃子」同「豬肉椰菜芝士餃子」。我同朋友都選擇左配麵，怕唔夠飽。雖然個賣相就麻麻，睇相似屋企煮，但嚐過便知這是實力派餃子！先說餃子，每隻餃子包左勁多餡料，勁足料！「豬肉椰菜木耳餃子」有椰菜同木耳既爽口食材，令每一啖既餃子都足滿口感，而且食材十分新鮮，餃子餡料就像在我的囗腔裏跳舞。至於「豬肉椰菜芝士餃子」芝士味勁濃，中意食芝士既朋友仔千其唔好錯過！至於湯底方面，的確沒令我失望，鮮甜美味，有啖啖既淮山香味。不過由於餃子味濃，食多兩啖餃子，愈飲個湯就愈淡味哈哈！

上星期喺上環想搵野食知道呢條街有好多餐廳所以就決定去到再揀最後揀左呢間餃子店因為有淨食又有配麵食啱哂我地幾個有個肚餓 有個唔係好肚餓嘅人😂鮮肉雲耳椰菜餃味道唔錯不如唔係幾食得出椰菜味可能因為本身肉醃得較濃味雞肉冬菇木耳餃同第一個餃差唔多 都係唔係幾食得出冬菇味但都係幾好味嘅鮮肉香菇粟米餃呢個係我地三個覺得最出色號三個材料個味都好出好夾粟米好甜香菇又好香我地幾個話下次一定要encore 呢個餃整體黎講餃子全部都好好食個人覺得略嫌皮比較厚但朋友就覺得夠煙韌

上環小吃今日路經上環，想吃得清淡一點同事知我無湯水，叫我食下水餃🥟仲話可以有湯入埋😂未到食飯時間，店內可享用寧靜的環境店了一個花膠淮山豬骨湯 😋水餃🥟一來真的要飲啖湯先，真係無咩咪精水餃新鮮多肉，好啱我！不過，我還叫了多份豬耳，這份豬耳比較失望，雖然爽口，不過完全唔入味整體都合格的

上環禧利街有很多食肆，打工仔緊係會留意下有咩新店開。 永樂餃子店開了幾個月，人龍不算太多，又有一定人流，等位不用等很久。今次是第二次吃，兩次都是吃鮮肉韮菜餃子，一次配米線；一次配麵，餃子有5隻。 （$43）如果是要淨餃有八隻 （$48）。可是，麵量太小，配麵會比米線飽一點，因為米線只有一小。餃子很好吃，韮菜餃子很有肉汁！跟朋友交換了雞肉餃子，肉量比較多。湯底是花膠豬骨，標榜無味精，但今次吃完感到口乾呢。整體而言，不用排隊等很久，價錢大概四十多，對打工仔來說是一個很好的選擇！

係中午幫襯過幾次這間係公司附近的餃子店， 覺得都幾好食&價錢實惠。當然佢又係小店，一定要寫返篇食評支持。這間鋪頭入面賣13款餃子，比同區係街市果間，lee間都幾多款。而且有d款都幾創意，我就未試哂全部款，所以都唔知係點呀！lee款係韮菜餃子米線， 佢個餃子其實幾足料&重手的。 而這款餃子味道普通，不過不失。 因為有其他未比佢更好食。若果推介味道: 粟米香菇餃，粟米三色椒餃 都係好食。 而有幾款味道幾有創意: 咖哩薯仔餃(未試過)， 鮮肉芝士餃(味道特別，有驚喜嫁)， 鮮肉紫菜餃(味道麻麻)都係出面少食到。除左餃子之外， 佢嘅精髓係個湯。 佢寫係淮山花膠豬骨湯，我想講佢個湯真係正，我平時出街食粉麵係唔會飲人地嘅湯底，因為通常都係咸到嘔味精野，一係好似滾水開嘅咁。 但我想講這間店嘅湯，味道真係正。唔會係咸到嘔，好香豬骨味。最重要! 你好彩的話，係會見到個湯入面係有花膠。 我食過幾次都有....所以lee 間鋪頭值得一試。 但美中不足的是，不包飲品， 餐飲另叫。

第一次食到嬲!!!!!!!!!!!!!!!!!!!!!!!!!!!!!!平時上環中午食飯都出名多人, 見間餃子店平日都有一定嘅人流, 今日又有位就入去試下叫咗個韭菜餃, 初嚐一口花膠豬骨湯, 其實係好飲嘅可惜再食一啖餃子就出事了個皮完全唔熟, 咁我都諗住可能一隻半隻咁再食多隻, 都係好硬個皮, 望落去啲皮仲係白色同侍應姐姐講話唔熟可唔可以換佢仲話返係我問題, 話啲皮好硬係因為我遲左30秒食所以凍咗硬咗態度差到呢, 再幫襯嗎? 不了

I'm a huge fan of dumplings and heard of this place selling point is that they serve no MSG soup base....how could I miss it . The menu offers 12 different kinds of dumplings with 2 soup base (fish maw bone or spicy). Pork & Cabbage Dumplings Noodle $435 dumplings with rice noodles. Dumplings is large in size and the skin is thin. Well balanced of pork and cabbage filling. Rice noodles is chewy. The soup base is fish maw and pork bone...it is so delicious ! No MSG was added to it! For those who