永樂茶餐廳 (已結業)

見食評說這裏的豬扒包香脆好味,便特地來試試~點了下午茶洋蔥豬扒包+熱奶茶($21)香脆的麵包裏塗了牛油,熱熱地,挺好味的豬扒就一般貨色但是我點的是洋蔥豬扒包,卻一粒洋蔥都看不見熱奶茶,香滑好味,值得推介不過環境就不太乾淨了....第一下行過去卡位見到地下超勁多雲吞..於是行去第二張台..都是勁多紙碎..算喇..都好過雲吞其實下午茶時段不太多人,應該掃掃地下會更好亞姐服務態度不錯喇!

沿著大馬路行下行下, 行到(支力), 入左去坐底飲杯野, 食D野...分別叫左:-公司治: $25 ok不錯啦-凍檸蜜: $14 (侍應落錯單,黎左凍菜蜜$12 ok啦)-焗龍利魚飯: $32 友人說一般-紅豆冰:跟餐+$4 友人說紅豆夠林但個奶水好唔掂整體一般啦

哈哈, 漸漸永樂成了我o地o既飯堂,貪其坐得舒服又唔洗等位今晚去o左食窩蛋免治牛飯, 但好奇怪....免治牛係另上, 但又唔熱喎, 攪到隻窩蛋真係全生o既狀態.....味道, 偏甜, 不過都好懷念呢種味道老公叫的鮮魷炒麵竟然變o左鮮魷飯, 新o黎個侍應真係好唔掂....換返俾我o地之後, ok 喎, d 炒麵好脆, 豉汁同鮮魷都好正!

元朗有好多茶餐廳集中於又新街、阜才街一帶,但間間都加價加到飛起, 食物質素又普普通通, 仲成日等位等餐死.....但近來真的愛上了這間永樂茶餐廳,雖然佢外表平平無奇, 但食物用料、質素十分穩定,價錢相宜, 仲通常都唔洗等位!!!上次介紹過佢o既羊腩煲, 今次要讚o下佢o既下午茶, 炸雞脾沙律份量好多, 雞脾係用咖哩醃過的, 好好味!另外有我最鍾意o既西多, 唔會炸完又扁又黐埋, 真是very good!

jan 07, 08來quick lunch,叫咗 : 1) 豬扒包餐-豬扒包: 似澳門式因裡面無sauce,除咗豬扒之外,就有d洋蔥粒,但無洋蔥味,只幫到口感, 塊肉唔鞋,juicy,有肉質,但就無咩肉嘅鮮味,調味可以鹹多少少就好d。最令人impress喺個包焗到好脆身, 咬落去,很清脆嘅聲音,麵包亦鬆,仍在暖熱之間,個麵包質素竟然喺呢類型嘅茶餐廳食到,已經超水準-熱horlick : 正常,其實幾個網友話佢d奶茶好掂,不過呢樣嘢唔啱我,有興趣你哋可以試吓-價錢好抵

晚飯, 叫o左一個羊腩煲, 用料十足, 羊腩已炆得夠林夠入味, 正!另外試o左豬扒包, 唔錯唔錯!凍奶茶十足茶餐廳風味, good!

朋友過境到訪，指明希望品嚐香港茶記奶茶；適逢近期小妹戀上茶記出品，可謂正中下懷。　雖然永樂搬新舖後水準下降，然而要找順路的靚奶茶，還是選擇來這裡。　男士胃口大叫了牛扒意，賣相味道OK，不過我還是選擇重溫豬扒包。今次記得影相了! ;p 美味嫩滑豬扒配搭鬆脆乾乾身的豬仔包，仍然很得我歡心，卻被朋友認為太乾太硬；她覺得同場的沙爹牛肉包更好，我偏偏不喜歡軟包欠性格。可見人人口味不同~~　無論如何，大家一起讚好的是飲品。朋友對downgrade了的凍奶茶都好滿意，我就嘗新叫了凍鴛鴦；較濃較苦的咖啡，正好補足了奶茶奶味重的問題，這杯鴛鴦，的確令我意外，且回味。　之後還有很豐富的行程呢~~

餐廳搬位後，連營業時間都改變了：由以前星期一至六+晚上不營業，變成一般茶餐廳經營時間。也是的，新位是在更繁榮大馬路上，租金一定也貴，不做長一點時間很難回本。　想念它的奶茶，與龍午市時去了重溫。龍的午餐夏威夷腸仔牛扒意粉($27)，醬汁很人工橙色，好麻麻。我的特製豬扒包($20)就好味好多，包夠酥脆豬扒夠香，好味到相都忘了影就吞下，是近期少有的大意~　重點奶茶到步，今次由於天氣熱，叫了凍的。新的杯靚了好多，不過當然還是味道最緊要：如其他食家所言，奶味偏重，蓋過了茶味，但奶茶的確質感細滑，我覺得仍然稱得上有水準，但同以前相比，風味的確有不及。　吃完這頓，還是幾滿足，不過就沒有了以前的驚艷感。變得庸俗了...

星期六早上同媽媽尊登去新開的永樂食早餐, 因掛住它的咖啡及面包, 但就有些失望了.店舖是大了, 裝修亦變成新式茶餐廳, 新鮮出爐的面包亦沒有了, 呀姐話沒有裝面包爐, 我同媽媽即時好失望, 因我們是為它的面包而來的.餐牌亦變了, 加了好多種類, 我選了厚多士+凍檸茶, 媽媽叫了蛋治+咖啡. 我的厚多士好食, 做到外脆內軟, 滿意, 不過檸茶差了, 不夠茶味. 至於媽媽的三文治, 普通, 她說咖啡亦差過以前.最後, 我地覺得它的師傅應該轉了, 不是以前那種做法, 加上以前舊的風味已消失了, 我們都認為不須尊登再來幫襯.

永樂由以前o既悠閒式茶餐廳變成而家流水式茶餐廳，風味變左~人情味都減左~員工以前會有講有笑到而家做到日日無停手且笑容不再~~而家食物質素都降左唔少，聽講話轉左其他師傳wo~~而其鎮店之寶「奶茶」都遜色不少~~奶味蓋過茶味~~~只能說兩個字:「可惜...」

星期六與媽媽在此食早餐, 仍是好味的菠蘿油+奶茶, 最重要是見到紅色的告示, 就是餐廳做到8月15日, 之後就要搬到恆香餅家隔離, 不過要9月15日才開始營業, 即是話fans不單要行到遠遠的恆香, 而且要與它暫別一個月添!

星期六早上去完聖堂, 有機會同媽媽在此吃早餐(因星期日不開), 她時常都來幫襯, 因她愛這裡的咖啡及麵包.各式麵包都是新鮮做的, 是傳統那些菠蘿包, 雞尾包, 卷蛋之類. 我試了菠蘿油及凍檸茶, 她叫了墨西哥包及熱咖啡, 麵包軟軟的很新鮮, 檸茶夠茶味, 咖啡夠香濃, 難怪元朗街坊都讚它啦.

奶茶不是預期那麼好飲, 淡了點. 論奶茶, 都是"正記" 的奶茶正, 入口濃得實在, 有質感!

不看食評都不知道它的奶茶出名，但其實，它的大牌比奶茶更出名。　之前weekday及weekend去都碰釘，原來永樂不但不做晚市(5:00pm收舖!)，星期日更全日關門休息。即是說，像我等非元朗返工人士，要試就只有星期六中午。這樣，又真的給我等到一個留在元朗的星期六(難得!!)，便與龍去試食!　環境比一般茶記舊卻乾淨，其中二人卡位幾特別，有風味。兩杯熱奶茶($11)是必叫，此外又點了卷蛋($3)、蛋牛治($13)、咖哩石班飯($28)做午餐。　卷蛋與奶茶同上，卷蛋普通，完全給奶茶搶去風頭：奶茶用厚瓷杯盛載，是我喜歡的式樣，味道其實不特別濃或香，奶與茶味都十分適中，是恰到好處的美味。　蛋牛治從來都是心頭好，皆因我從來未在茶記吃到不好吃的出品，這裡亦然，額外credit就沒有了。　如圖，咖哩石班飯的份量相當嚇人，送上例湯已經夠抵食了，還是有一整碗咖哩送上!咖哩既香又濃，伴飯應可盡三大碗，足夠吃飽兩個人了，可惜飯並非用好吃的絲苗米所煮，只有吃剩的份兒。　埋單，只$52?原來惠顧任何飯/麵/三文治類，再點飲品只需$4。$4的美味奶茶，太抵了，下次都要再來，如果還有這樣悠閒的星期六!

好耐之前o個陣時仲未搬入元朗阿Mo已經帶我飲過佢地o的凍奶茶好夠茶味依家搬o左入o黎有機會就行去歎杯茶不過, 依家儘量少飲凍野啦, 中醫話, 對身體唔好...但係佢地杯熱奶茶應該係元朗第一, 或者係新界第一