永樂園餐廳

營業中

休息中

要數香港的地道熱狗王，中環「永樂園餐廳」絕對是自己的心水選擇。這間位於中環昭隆街的茶餐廳，馳名的既不是奶茶咖啡，又不是蛋撻，更不是菠蘿包，而是以自家調配的美味沙律醬作為醬汁的港式熱狗。它敢於自稱是熱狗王，絕對是信心的表現。而在事實上，它那價錢便宜但味道超讚的熱狗，絕對是中環人的廉價美食。雖然它的「熱狗王」現已漲價至 $10 一隻，「雙腸熱狗王」更要賣 $12 一隻，但以這尚算廉宜的價錢，能買到一隻即叫即製，可口味美的熱狗，它的性價比可真是十分高呢！就像這一天，我倆夫妻附近吃過午餐之後，覺得不是太飽，想起「永樂園」就在附近，便決定前來外賣兩隻「熱狗王」在回家的路上吃，而且因為不想熱騰騰的熱狗在舟車勞頓之後變成凍冰冰的凍狗，所以就在應該不准飲食的巴士上享受它的美味。這「熱狗王」的味道又的確是挺好的，腸仔雖只是普通的腸仔，但麵包既熱且脆，加上那堪稱是整隻熱狗靈魂所在的自家調配酸甜酸甜的沙律醬汁，把整隻熱狗的味道立刻提升，由普通美味變成極之美味，這兒的獨家沙律醬汁，實在有點石成金的效果。正因為這獨一無二的醬汁，「港式熱狗王」這稱號，我覺得「永樂園餐廳」可是當之無愧的。

因為中環福音午餐會又開始，我可以繼續係永樂園買飯盒，否則我平時係唔會買外賣自取飯盒。之前我就食菜遠什會麵，我今次就揀左菜遠班腩飯，而同事就食印尼炒飯，我地兩個都係飲熱奶茶，因為外賣自取送熱飲。因為我平時出外食飯少食菜，所以我好鍾意食有菜o既飯盒。菜遠班腩飯都幾大盒，菜遠係菜芯，不過D菜芯就少左D，炒得o岩o岩好。班腩冇乜味，D汁比較少，成盒飯比較乾，下次都係叫定多汁先。同事o既印尼炒飯有蝦、魷魚、雜菜同叉燒，咖喱味濃郁，材料豐富，味道不錯。 熱奶茶都係我地兩個心水必飲o既選擇，茶味十足。

三月中旬‧晴以吃為工作就是不能定時進食，有什麼就吃什麼。有時肚餓就吃，好像是日由早到下午都未有一顆米到肚，來這裡買隻熱狗吃。麵包雖熱，但不香也鬆鬆的。最好吃的就是沙律醬，甜甜酸酸的又重牛油香。單腸熱狗十元，雙腸熱狗12元，其實只要沙律醬就夠，賣8元行不行？當然不行啦。

20-Apr-2012 (FRI)今日去中環睇長毛象，就專程嚟到依間中環出名既熱狗店一試。 到達店舖時見到老闆坐陣，佢冷冷既態度真的嚇倒我。 熱狗王共有2種可供選擇，12蚊的雙腸熱狗王 和10蚊的單腸熱狗王。我們選了雙腸熱狗王， 麵包機就在店門前，我想上班和飯市時間定必 好多人排隊。暖暖軟軟既熱狗包，夾著兩條瘦削既熱狗腸， 加上特別醬汁份外野味。熱狗腸皮有D似脆皮 腸，腸肉偏淋，醬汁似蛋黃醬，相信是自製的。我覺得個醬汁比起內裡的腸仔更為優勝。

中環永樂園的熱狗曾經令一眾熱狗狂徒過大海 , 排長龍去買來食 , 皆因它的熱狗腸是放在一個烘熱了的金屬滾軸棒上 , 轆下轆下 , 又香又脆 , 而熱狗飽就烘得剛剛好 , 又熱又脆 , 加上特制沙律醬汁 , 真係連食兩個都得 , 今天路過中環突然好想食熱狗 , 於是特意走去永樂園買一個來食下醫肚 , 可惜近年除了加價至十元一個 , 條熱狗腸更縮至變成迷你腸 , 不過仍能保持過往的水準 , 實在是一種香港回憶食物之一

我一星期就有一次就會幫親呢間o既外賣自取，為左省時間，我都會預計打電話訂定，唔駛等嘛!我原來叫左菜遠什會飯，點知一開個盒變左菜遠什會麵，因為我一向喜歡食飯，反正都冇得改，算吧!盒菜遠什會麵都好大盒，好豐富，有肉片、叉燒、魷魚、蝦仁、時菜等，總之就冇內臟。由於魷魚、蝦仁都係急凍，所以冇乜味。肉片、叉燒唔錯，夠瘦，味道同汁o既分量o岩o岩好，麵就唔夠脆，脆D會好食D。由於外賣自取，送熱飲，我就揀左熱奶茶，茶餐廳奶茶夠晒茶哂，正!

叫沙律原來一d 都唔係light佢個portion 真係好大食完堅飽!!可惜雞肉好un好surprised 就係叫左佢menu 話既special~第一次飲紅豆奶茶估唔到個味道真係幾好原本奶茶既茶底已經夠晒甜加埋紅豆簡直甜到不行。。。紅豆大大粒挺林身飲奶茶唔咬珍珠咬紅豆有新意!~飲完有d 幸福感大家可以一試喔~~

有日, 口好淡, 好想食炸脾, 就由上環山長水遠行黎呢度叫了一熱狗一炸雞脾雙腸熱狗加左一蚊, 剛剛早上威記也全線加價, 大部份食肆也是, 我每個月人工又縮水4~500腸仔好像長了(錯覺) 一樣好吃, 炸脾炸太過了, 但淡淡油膩肉既味道真不能抵抗!下次來還是雙腸熱狗好了

繼早前去pp飲星巴克咖啡下午茶之後.......今次在中環附近去做野.............想起下午茶時間......想食野..........不如試下永樂園的港式熱狗.................一入到這間古式茶餐廳......見到一個整熱狗的地方....再入去見到一部古式的收銀機.....原來要比錢拿票才到整熱狗的地方拿熱狗.....這個做法在茶餐廳中好少見好得意.....拿著熱狗....我覺得只是一個好普通的一個飽....我食了第一口都覺得好普通.........當我食緊第幾時口時覺來真是好好食........腸是普通的腸,當兩條腸連壐一起實在好食加了沙律醬是一個完美的配搭.....沙律醬好好味將一d 好普通的食材變到好好食.........原來港式熱狗同美式熱狗分別是腸.....沙律醬差不多.......食tea之選永樂園雙腸熱狗,下次食tea再食

食左餐好難食既中環威靈頓街2-8號威靈頓廣場19樓既高日本料理 決定搵間野消消毒.亂走, 看到這門口好多人, 是傳說中的永樂園, 一直沒機會來吃, 今天應該不會令我再失望.付錢的方法很可愛, 是買票去換食物, 本人非環保狂, 一次經驗倒覺得不錯.熱狗包是即烘, 外脆內軟, 是誠意 沙律醬不夠濃, 個人食熱狗喜歡MUSTARD, 雙荷蘭腸好少, 不夠喉, 叫4腸幾錢下午茶來說是FINE CHOICE!消毒成功!

永樂園是地方純樸、但人情味及回憶爆燈的傳統小店。「永樂園」的港式熱狗，應該無人不曉吧。鄙人記得第一次吃永樂園熱狗應該得幾歲 (一定 under 十歲 ! )，那時由媽媽拖著去到中環的一條小巷買熱狗吃 (舊店是否在干諾道中 ?! ) ，一試驚為天人，印象難忘。今天的「永樂園」依舊好吃。熱狗包是即烘，保證外脆內軟；自家製的特色沙律醬酸酸甜甜，配上又是即烘的迷你荷蘭腸，人間美味，亦非常有香港本土色彩。本少爺較貪心，每次都要點雙腸 ($11) 才擺休，它簡直是下午茶或放工 happy hour 前的最佳拍檔。

放假日子出現中環區一身輕便裝束感覺份外特別外賣下午茶叫的唔係呢度最出名既熱狗單腸的已經隨住通賬加價到$10, 實在太唔抵了以前都唔洗既..Wok 到未食lunch 既情況下要公司三文治就最岩了~ 有一層係鹹牛肉炒蛋, 好香既鹹牛肉包埋係炒滑蛋裡面; 加上另一層既雞肉生菜番茄互相融合, 雞肉好juicy 同嫩滑, 連咁少portion 都食到咁嫩滑其實好難得!~ 試過分開食同一口咬, 總結後者先絕對食出一種滋味來~另外叫左魚柳沙律, 呢個並唔係太好。雖然魚柳炸得香口香脆, 但沙律就唔多新鮮, 而且探用大量蘿蔔作料, 生果只有菠蘿三小粒, 基本上無咩點食...

下午時段於中環想起永樂熱狗王的熱狗.看看餐牌，單腸嫌少便要了雙腸.雙腸雖小, 但醬汁尚算多.雙腸及醬汁味道並不特別，但勝在麵包夠熱夠脆。HKD$11一個, 價錢尚可.還滿好吃! 經過不妨買一個!

前幾日行過呢間店,見到入面竟然冇乜人,可能就收工啦,平時好多人,一直都想試下係唔係真係咁好味,就買隻單腸試下,食落其實冇乜特別,d人話d醬係最好味的,但我個人覺得真係唔太特別,好多茶餐廳都同佢差唔多,而且我覺得佢d醬偏淡,如果濃d會好好多.

在中環百無聊賴般逛街, 本想回到家中找周公, 又想起朋友提及過的熱狗, 於是便移身永樂試熱狗.當天不算太餓, 所以選了單腸.在等待熱狗的同時, 不忘環繞店舖周圍.當時人流不算多, 店子內外也沒什特別.好吧, 熱狗不消一會便到手了.啊! 很熱呀 ! 真的是即製的!整個包外脆內軟, 而沙律醬酸酸甜甜的很吃.而香腸與一般香腸沒分別.整個熱狗的賣點相信也是很燙的麵包吧!