永樂園餐廳

營業中

休息中

永樂園的熱狗很出名每逢經過也會買一個嚐嚐媽媽剛好經過那兒就買了2個回家給我和爸爸雖然我吃的時候已經凍了，但沒有影響熱狗的味道。我覺得包也比較甜，香腸也不會太腍，醬汁也是比較甜，很好吃！這個是香港式的熱狗，有別於外國式的，但我認為這個一點也不遜色！

星期六朝某同事突然請我們一班人吃早餐，一班人浩浩蕩蕩地走到附近的小巷隨意選一間，最後還是選了「永樂園」早餐類別有中有西，以粉麵及包類為主，選擇不算太多，但部分較有特色落過單後，就到開放式的廚房跟前等候，「記得要比張給紙仔廚房」，習慣咗喺大形快餐店，買完飛便等叫籌號～咁就等極都唔會有了豬扒三文治（烘底）+咖啡 $27由於不想吃太飽，所以沒有選擇粉麵類，最後選擇了豬扒治～在永樂園還是頭一回購這個，感覺會做得蠻好呢豬扒尚算厚身，不會太肥，大小與方包相約，每啖也能吃到豬扒～加上沒有骨位，真正的啖啖肉～肉質頗腍，幸好還算有口感，醃料味道不會過濃，但最重要的還是豬扒上「永樂園」最著名的熱狗醬，酸酸甜甜的，帶少許酸瓜粒，不論配上任何淡味的肉食或軟包類同樣好吃，但美中不只的是烘底方包已經變淋了，已經變得薄薄的，沒有口感，下次還是即買即吃比較好了～咖啡［評分：7/10］咖啡奶味超濃，入口幼滑，不知是否用上了黑白淡奶，但相對上咖啡味就不太明顯了，但其香濃及幼滑程度，即使不加入糖粒，也不會感到苦澀，相當容易入口～後記：吃過一頓豐富早餐後，又是時候開始工作～真是多謝那份美味的早餐呢～永樂園餐廳 (中環)中環昭

係中環番工，要搵抵食又好味既都幾考功夫，今日開OT想食下午茶充一充電，行行下去左紹隆街， 走左入去永樂園買左個單腸熱狗 , 都係12蚊 , 雖然條腸細左d , 但醬汁好好味.  

都有好一段時間沒來這兒吃熱狗了。這一天，因為午餐吃得不太夠飽，所以在中環附近徘徊閒逛一會之後，便與老婆仔一起來到這間以馳名熱狗成為熱店的「永樂園餐廳」吃個回味下午茶。這兒的下午茶雖然沒有熱狗供應，但其實散叫一隻鎮店熱狗再加飲品，計落其實和吃三文治、西多士等下午茶餐的價錢差不多，既然一場來到，當然是吃熱狗啦！老婆仔吃的只是正常的單腸熱狗，大食的我就決定加兩元要隻孖腸熱狗。這茶餐廳的美味熱狗雖然爆紅了這麼多年，價錢上難免有所調整，堂食價一隻單腸熱狗賣 $15，孖腸熱狗更要 $17，但這兒的熱狗質素實在好，撇除熱狗不夠熱燙，只是溫溫暖暖的小瑕疵，這兒的熱狗憑著它那餐廳自家調配，獨一無二，甜美柔滑的熱狗醬汁，已可把本來平凡不過的熱狗和熱狗包變得美味，令人不禁叫好。一隻孖腸熱狗，加杯經典茶餐廳飲品熱杏仁霜，簡單的下午茶，己能令人感到無比滿足。

同友人坐低吹水, 食個TEA 叫左一個雙腸熱狗同咪黑椒牛肉伊麵SHARE雙腸熱狗好好食, 個包有少少焊過, 少少牛油, 腸仔係細條,比較JUICY多肉味，　而皮比較硬嗰一類最欣賞係個汁，　係類似沙律醬甘，　幾特別，　所以試吾出係乜野另外，　黑椒牛肉伊都好夠鑊氣！炒得乾身之外，黑椒味重得黎吾會搶左牛肉既肉味，正！！！

大家都知道，去永樂園要食熱狗是常識，既然是常識也沒有必要再說。不如告訴大家這裡的羅宋湯也是不能錯過的。 今時今日要喝到一個港式羅宋湯，沒有太多選擇，銅鑼灣金雀是另一家，其他例如太平館、皇后都可以，不過他們分店多，味道間間都有分別。永樂園只此一家，所以味道一直如一，簡單的椰菜、紅蘿蔔，有點香草味、有點果皮味，有點番茄味，單點一客，份量十足，整體味道淡淡的，也許這才可以經得起時間考驗。

80-90年代初，放學時間媽媽經常帶我嚟食熱狗，印象中裝修無乜點變。味道同以前一樣，好喜歡佢個醬汁，醬汁更加係永樂園熱狗好味所在，甜中帶酸，應該仲用少少蛋醬撈過，至於麵包唯一可取係包身夠熱，但略嫌乾身，腸仔偏細，口感不足，味道一般。

記得細細個嗰時，屋企人已經同我講過衣間熱狗好出名～行經中環都會買比我食～衣加係公司附近，周不時都可以買黎食～其實佢個熱狗包同腸無咩特別～最主要係個熱狗醬～酸酸甜甜，有啲似蛋黃醬溝酸瓜醬同沙津醬，出面食唔到～加上包同腸一路烘住～熱辣辣即買即食，特別滋味～不過舖入面無位同好窄～只可以外賣～其他野食就一般啦～普通茶餐廳野～

朋友帶路話呢度既熱奶茶和雙腸熱狗王好好味.咁我當然係叫呢兩樣野啦.熱狗王其實好似唔算大, 何解叫熱狗王呢?就因為有雙腸?老實講, 無想像中美味, 腸雖然有2條, 但細條, 無左食熱狗大大條腸o個種咬口, 而且呢2條腸都唔算好味, 偏硬.熱狗個飽身都普通, 唔係脆脆地o個隻, 只係微暖既一個飽咁.不過, 個特製酸甜熱狗醬加返唔少分, 如果話好味, 係指個醬, 咁我都認同既.而且o係呢區收呢個價錢, 如果以價錢黎計, 咁其實真係算好味既.至於熱奶茶, 就係一杯熱奶茶.

For local hotdogs there are two well known ones in Hong Kong, one is Danish bakery and the other one is Wing Lok Yuen.They are now both in Central which was why I suddenly remembered this place.Out of the two, I prefer Wing Lok Yuen because both the bun and Frank taste good.Here they use the ZWAN brand which is part of the Zwanenberg Food Group from the Netherlands. Zwanenberg Food Group is one of Europe’s leading manufacturers of processed meat products.You can either get a takeout or dine down

中環給人一種金錢世界的壓迫感。名店、商業集團、金融機構的大樓林立，和縱橫交錯的行人天橋貫穿整個商業區，但同時又有小店能在夾縫中生存......唔講呢D喇，有嘢食嘅地方自然就會有人，所以不難發現lunch time會有白領從窄巷走出來。撘西行線叮叮到畢打街站落車，沿電車路行再轉入小巷昭隆街，會見到永樂園的招牌。由中環鬧市穿過橫街，再到位於地庫的永樂園餐廳，有種在都市尋幽探秘的感覺。舖面分兩部份，地面的正門右側是外買部，地庫則是堂食餐廳。走進餐廳就有種回到過去的感覺，永樂園的裝修擺設保養得不錯，沒有重新裝修，最養眼的依然是那些深紅色的皮製梳化卡位，舊地磚和木板牆亦有保存，喜歡70、80年代情懷的人值得一去。永樂園的熱奶茶採用有耳瓦杯，是典型茶記的賣相。堂食熱度尚可，而外賣則熱度十足；茶味不算濃郁，但容易入口，且有不錯的奶味和回甘，出奇的是熱奶茶與熱狗王相當配合，能帶出熱狗王的獨特味道。叫杯熱奶茶和招牌雙腸熱狗王，是不錯的早餐、下午茶選擇，亦是不少該區白領的日常習慣。熱狗王最特別的是其尺寸和名字一點都不配合，和美式大隻洋腸熱狗比較的話，會顯得熱狗王細小。之所以叫得做熱狗王，主要是它的特製酸甜

中上環一直都聚集不少歷史很久的港式餐廳，近來我對於找這些店有種熱切的心，所以也來到中上環區了。在openrice找到這一間出名雙腸熱狗的店，價錢也不是太貴，而且適合一個人吃，所以我便來了試因為自己一個又不是太餓。$14一個雙腸熱狗，比預期中的失望，因為不是很大條的腸，腸也沒有什麼的咬口，很硬的，我期待包身是脆的但也沒有，溫度微暖，腸中間有醬，醬汁味道不錯，像沙律醬般。整體而言，我有點失望，覺得自己也能做到的美食，腸不太合格，包也勉強可以了，只是醬汁最好。

難得黎到中環,當然唔可以食快餐,要食下d有特色既野,因為依到都算多,今次就去左依個永樂園，原來依到最出名既係熱狗，當然就即刻入去地庫，坐低食番個雙腸熱狗同飲杯凍奶茶先番家。雙腸熱狗好快就黎喇，一黎到佢d沙律醬就已經吸引著我雙眼，橙色既沙律醬多到流出包既前面，兩條香腸雖然十分之幼,不過同個包係好夾既,準備拎起已經感受到個包好熱，食落口,個麵包係十分脆口，而個腸既皮都整得脆，最鍾意係個沙律醬,甜甜地唔太酸,好好味,而杯凍奶茶，茶既味道非常突出，奶味都夠,唔錯,都幾滑,熱奶茶應該仲正。而永樂園有分到兩層，地面個層主力就做外賣，地庫層就係堂食，係地庫食野既感覺都幾特別，雖然餐廳都有少少殘，不過都坐得幾舒服，格局就似茶記。可以一試嫁。

距離下午茶還有頗多時間，趁有空檔便纏著中環地膽，一起前往那間以熱狗聞名的茶記，品嚐大獲好評的名物。來到永樂園時人頭湧湧，可能仍是午飯時間，大家都擠著買飯麵正餐，熱狗那邊倒沒有人排隊。先到收銀處叫了雙腸熱狗，然後手持發票領取食物，只見手法純熟的店員即時製作，不需久等熱狗經已到手。熱狗雖有微溫但仍未夠熱，麵包明顯烘得時間過短，因此沒有脆咯咯的感覺。雙腸的確迷你得很，而且非常腍非常軟，個人較喜歡帶煙韌的香腸衣，所以這個絕對不是我杯茶。至於自製醬料方面，味道偏甜酸度不足，份量亦下得吝嗇，吃著麵包頭尾時很乾。以十四元一隻的熱狗，我期待味道應該更好。

今日6:00pm去買雙腸熱狗, 要排隊, 但條龍唔長, 唔係因為人唔算多, 而係因為好快手, 啲客人係咁黎但又係咁拎到隻熱狗就走, 絡繹不絕.我去到門口前, 聽到阿姐叫話有人要十隻  .... 我埋到去收銀話要3隻雙腸熱狗, 佢提一提話要排隊等一陣, 我話冇問題啦當然.呢度幾特別, 我買3隻雙腸熱狗, 佢會俾面額39蚊的卷, 好似coupon咁的, 拎到「熱狗換拎處(個名我作的 )」俾個負責人，咁佢會準備相關的熱狗o架啦.前面10隻都好快搞掂, 我都只係等左5分鐘唔夠. 佢地熟手地包左隻熱狗俾你, 方向已調好, 啲醬唔會亂流嘥左啦, 拎上手都feel到啲包脆脆的, 拎返屋企先食....係呀, 返到屋企更係冇咁熱啦, 但佢啲熱狗係可以翻熱, 一樣仲好好食, 用未預熱焗爐焗返, 120度焗3分鐘左右.一咬落去, 啲包一樣外脆內軟, 條腸一種獨特肉香味兼有滑的感覺, 獨特醬料, 有芥辣香但冇辣, 有沙律醬味但唔酸....總之真係獨門秘製啦 太美味啦...雪返一隻入雪櫃, 聽朝早焗返熱做早餐, 哈哈!