大前日（9-12-2025 Tue）同老公放假，就同亞姨一齊拜祭爸媽，拜祭完後啱啱午飯時間，就去附近食晏，又撞正附近學校同公司嘅lunch hour，非常多人，我哋嚟舊年年頭爸爸上位時嘅呢間（食評係2024年1月31日提交嘅呢篇：https://www.openrice.com/zh/hongkong/review/%E4%B8%8A%E4%BD%8D%E5%89%8D%E5%98%85%E6%97%A9%E9%A4%90-e5271435），坐低後睇menu後，就要：3-5.兩杯跟餐飲品～加$2.00嘅凍檸水，熱檸水，另叫$16.00嘅熱檸水正常冇問題。3分2. $55.00嘅西檸雞午餐好耐冇見西檸雞，所以見到就即叫，呢個都等好耐，等嘅時候隔離兩張枱飄嚟佢嘅香味，終於等到喇，食落係熱騰騰，雞肉juicy，西檸汁味道較到啱啱好，好好味。5分白飯正常冇問題。3分6. 後加$28.00嘅蒜蓉炒西蘭花我問姐姐有咩菜？佢答生菜，菜心同西蘭花，我答要西蘭花。佢問我炒定點？炒$28.00。我問烚係咪貴啲？佢記唔起價錢，我答$38.00。咁我揀炒，佢問我蒜蓉炒？我答好。嚟到，跟咗一碗白飯，原來又係一個餐，我哋食唔晒喇，只可清西蘭花，呢個味道同口感都啱啱好，最重要係莖部薄切，所以好嫩。5分1. 老公要$58.00嘅永昇小炒～乾炒牛河佢見到就話要嗌，落單時姐姐話要等，你哋趕唔趕時間返工？我答唔趕，驚阻你哋做生意啫。都真係等咗好耐到嚟，睇見河粉係幼身，食落，唔夠乾身，亦唔夠鑊氣，牛肉唔嚡但都係冇乜味，失望。1分題外話：上嚟搵永昇至知原來舊年食嗰間執咗。…查看更多
