永年士多 (兆安廣場)

營業中

休息中

好幾年無食呢間，上次食元朗無朋友所講咁出神入化，就是辣到嗆口，無情意結，客觀感覺只是一般，不會有人們所說的美好。一樣的人，不一樣的体會。去老銅舖，好似近年新開，反而比總家驚艷。先講面食，已經有改善，價目合理，要三餸起。辣有勁辣大辣中辣小微等，吃大辣我啱啱好，朋友叫勁辣，佢食到全頭爆炸流汗，話食到超激情咁爽，都已經專心食唔叉想理我😂d菜色係大路，但有質素，呢個價抵比。飲品無得叫少冰，好好好好奇怪呀⋯⋯

車仔麵比我感覺一向都獨當一面,擁有住文化氣息並留存至今, 記得人生第一次食既時侯 係好細個, 果陣既車仔麵係用緊手推車黎賣,到而家過左20幾年, 估唔到竟然有餐廳將佢重新包裝起上黎! 食既係以前既味道.回憶.懷舊!但外面係好華麗,時尚既裝修,真係別有一番風味 -大碗麵 - $67呢個真係絕對經典,集百家之大成,將10樣香港本土風味既配料擺埋1齊,排名不分先後(豬腸,魚蛋{陳皮果隻},蘿蔔,豬紅,豬皮,雞翼{滷水},雞翼尖{滷水},魷魚,紅腸,青菜),果然D回憶返哂黎!真係好好食!整體配料都係合格水準,粗麵質地達到水準!價錢唔貴 都係$67一大碗!食得過!-咖央多士 - $16大食既我點少得嗌多個多士試下呢, 可以簡牛油/煉油/咖央,我簡左咖央既,味道都唔錯,餡料都幾多下!合格!-紅豆冰 - $25一試懷舊野,見到有紅豆冰,點可能唔試下呢! 紅豆好多! 不過如果再煮淋D會更好!但椰汁好好味! 完全無失望!我跟餐所以係$15姐,原價就$25既!

今晚和朋友在銅鑼灣做完運動，打算吃個快餐，行行下見到有間永年士多入面非常多人，看看原來是車仔麵，見價錢合理和朋友決定試試。餐廳以先點餐付款後找座位方式落單，餐牌種類都非常多，較特別的有流心蛋、枝竹球，三餸一麵只是$43，我點了幼麵、雞翼、蘿蔔、韮菜餃、炸魚皮、流心蛋、紅豆冰。雞翼 - 滷水汁香濃，有花椒八角，非常入味蘿蔔 - 顏色有少許偏藍，但非常好味，沒有渣炸魚皮 - 夠大片，脆口紅豆冰 - 份量適中，紅豆和奶比例剛剛好朋友點了粗麵、蘿蔔、雞翼尖、牛筋、枝竹球、豬腸、小辣、菠蘿冰。牛筋 - 份量多豬腸 - 夠入味菠蘿冰 - 童年回憶，必點總評：銅鑼灣終於有間高質素車仔麵

Wing Nin Started off in Yuen Long and now they have branched into the City.They opened their second branch in TST and they are in Causeway Bay.The location in Causeway Bay is much better and caters for the crowd there.Although I haven't tried their flagship store in YL, my experience at TST was very salty.There are new items on the menu such as tossed noodles and cold brew tea so I was obviously here for the tea as I didn't have any expectations for the noodles.Tried noodles with a choice of top

新店開幕位置：永年士多 (銅鑼灣)銅鑼灣謝斐道482號信諾環球保險中心地下7-9號舖想要食港式車仔麵你們有空一定要試試 好食每樣餸食落口都好有口感 很高質 用心制造佢最少叫三樣餸 總共 $60有找 已經包埋飲品成為會員可以儲積分 換多樣餸這樣 ...

不嬲幫襯開元朗總店，見永年喺銅鑼灣開左分店就黎支持下，點知真係支持唔落....事緣出去叫完野食，就揀左舖頭尾二入嗰啲位坐，攞左碗麵番黎時，應該係十點前，當時舖入面有三枱客， 總共五個顧客。開始食野冇幾耐，樓面五個職員就開始由正門門口嗰邊清潔過黎，拖地、抹枱、將所有冇人坐嘅高櫈矮櫈反轉放上枱，抹櫈底、抹踏腳位，而嗰塊布隨即用黎抹枱面，樓面只得300尺左右，嗰五個職員喺你隔離嘅前後左右四個方位圍住你清潔，又勁近喺你隔離反轉吧枱般高嘅櫈（我當時坐喺隔離張低枱）完全冇意識反轉櫈嗰下會引致地下嘅塵，櫈腳嘅污糟野反起弄污顧客嘅食物，啲櫈反曬上枱圍住你 好有壓迫感，到10:10-10:15pm 嗰四五嗰職員已經坐喺你前面同側面嗰啲位，望住我地三枱客食野，根本就係度趕客走，只係未出聲問你幾時肯走。有個客人啲野食好明顯未食晒，就想收走佢碗食物。其實間舖係寫住營業到10:30pm。跟住其中一枱客食完，竟然要求啲客人行後門走，其實間舖有幾大呀，如果咁想收工，9:45pm 就唔好俾人入黎食野囉！總之，哩間分店服務態度同清潔衛生都係勁差，食物質素亦不及總店（嗰湯底都冇咁好飲）!! 另外，而家食市啲樓面職員已經好

食物：我覺得係一般車仔麵嘅higher level version. 啲湯好飲啲，啲用料更加好咁樣。我就叫咗個幼麵，無辣。個湯幾清，味道幾好。食咗麵筋，墨丸。個墨丸係真係墨魚肉做，好鮮好彈牙，好食過街邊嗰啲好多。個麵筋就真係麵筋，唔算真係太特別。環境：銅鑼灣間店面幾大，好多位，勁乾淨，坐得勁舒服，唔洗等位。服務：無咩服務可言，所以畀唔到comments。我覺得可以一試，因爲佢食物質素幾高，啱啲對食物好有要求嘅人。

就算唔係住喺元朗，都一定聽過永年仲記得個陣專登搭車入去幫襯添～而家銅鑼灣都開咗分店喇咁近公司，一於lunch去試下先！大大個menu係收銀處上面非常清楚，買完就排隊攞嘢食我就叫咗「魷魚蘿蔔韭菜餃時菜冬菇 配 油麵」「魷魚」係白灼土魷個種，大小剛好，爽口「蘿蔔」好甜好多汁，睇下張相都知幾入味成舊蘿蔔索哂啲汁變透明「韭菜餃」唔係爆哂餡個種，但勝在入面既調味好好「時菜」係菜心，上面有秘製醬汁撈埋食，正「冬菇」啲冬菇應該有用蠔油調過味，甜甜地「油麵」佢嘅麵質唔算好硬，偏向似意大利麵嘅質感我個人黎講覺得不錯「紅豆冰 +$15」特別推介！豆多而且奶味濃！總括而言，開得分店嘅都有一定嘅信心，經過銅鑼灣大家不仿一試呀！

喺新界住嘅朋友都一定聽過永年士多 相信唔少人都專登去元朗試一試佢嘅車仔麵 呢排先發覺銅鑼灣開咗間新店 於是係食飯嗰陣去試一試 睇吓同元朗嗰間有啲咩分別價錢有相對貴元朗少少 叫左三餸一麵係要$43 加多12蚊有凍飲叫車仔麵點可以唔叫滷水雞翼 佢啲滷水雞翼好入味 又大大隻 感覺上keep到元朗嘅水準而豬紅又唔會太腥 同埋本身都無咩渣 唔錯豬大腸幾爽口 幾鮮甜 而附送嘅菜心就一般 不過不失 車仔麵嘅湯底有得叫微辣 但又唔會太辣 味道啱啱好 啱晒我呢啲唔係好敢食辣但又好想試吓同想聞到辣嘅香味嘅一嘅人

永年就在公司樓下，睇住佢由裝修到開張，這幾個月在lunch time時段都是排哂長龍，人流不絕，今日咁啱我一個人食lunch, 避開繁忙時段可以唔使排隊，等我睇下食乜先門口收銀檯後上方有一塊很大的電子餐牌，揀定要甚麼餸和麵的種類後便落單俾錢，然後到裡面領餐再揾位，今日order左4餸+油面+流心蛋+一杯抹茶紅豆冰由於我喜愛味濃，所以車仔麵的湯底也一定要很濃郁才符合我要求，這個湯底合哂我要求豬腸亦是我必叫項目，這個豬腸非常入味，爽口而有頭，一點異味也没有證明處理過程非常乾淨雞翼亦炆得好腍好入味，雞肉還很嫩滑魚蛋細細粒實的的，頗有魚味水魷魚爽脆非常流心蛋的蛋漿四溢，煮的時間剛剛好，正呀抹荼紅豆冰~啖啖濃郁的抹茶味，再加大大粒，粉量相當多的紅豆，真是非常美味

元朗最有名的車仔麵終於來到銅鑼灣了作為銅鑼灣的上班族 小編當然要一嚐新餐廳午飯時間排隊的人龍甚多但餐廳安排十分有效率 所以很快就可以拿到點了的食物小編點了三餸一麵 再追加了四餸 $75麵: 粗麵配料: 豬腸 魚蛋 蘿蔔 牛肚 流心蛋 韭菜餃 冬菇飲: 紅豆冰粗麵粗麵烹調時間剛好 不太軟太硬小編點了微辣 這個辣度適合初嘗辣的食客牛肚牛肚烹煮至軟軟的 容易咬開 而且非常入味魚蛋魚蛋彈牙 有帶微微魚香蘿蔔蘿蔔吸入湯汁 味道鮮甜味美韭菜餃餐廳秘製韭菜餃 餡料充足 皮薄餡靚流心蛋這個絕對是名乎其實的流心蛋雞蛋輕輕一咬 蛋漿夠微微流出 蛋味香濃紅豆冰紅豆佔了一大半 實在是用料十足椰汁味道剛好不太甜 總括而言銅鑼灣分店可以保持到元朗店的水準而且店舖環境乾淨整潔小編表示會再次光顧

話說，久仰大名的永年，我上週才第一次吃呢，還要是在最新開業的銅鑼灣分店。餐廳裝修簡潔，以白色為主，好乾淨的感覺，週六下午茶時間來也要排隊下單，深受打工仔歡迎。一場來到，朋友和我都選了五餸車仔麵 ($59@)！(如果吃內臟的朋友，吃大碗麵 ($67) 應該會好興奮，有足足十款餸啊)我選了蘿蔔、豬皮、雞翼、魚皮餃和時菜，配米粉，每款餸份量都挺多啊~ 然後因為吃不到辣，就要了清湯，湯底偏甜的。蘿蔔、豬皮都好好吃好入味，蘿蔔夠冧，完全沒有根。豬皮也不會有毛，高質也！ 雞翼挺大隻的，調味剛好。我一向喜歡吃魚皮餃，這裡的也是大隻的，餃皮煙韌，都不錯吃~朋友則要了魚蛋、魚皮、溏心蛋、芝心丸和時菜，配烏冬。她說魚蛋好彈牙比想像中好吃，溏心蛋也會流心的！不過香脆魚皮要快點吃，浸在湯裡好快冧。加$17的樽仔奶茶雖然有點甜，但是好香滑的港式奶茶，我很快就清掉了😆。

每次經過銅鑼灣鬧市謝斐道街角的車仔麵店，總看到客似雲來。相信不錯吧！那麼便到此試試看😋我們也點了微辣的大碗麵$67（他選擇油麵、我選擇米粉）份量十足！內有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜😍但請注意，微辣比我想像的辣😉而湯底十分濃味，喜愛濃味食物的你，又想吃碗香港地道車仔麵，可到此一試。樽仔奶茶$17（跟餐），十分香濃，沒有苦澀味。看到這裡還有綠茶紅豆、紅豆冰等等，很想下次再一次。

在銅鑼灣逛街，經過看到永年大大的招牌心想：原來在這裡也有開永年，而且同伴未食過永年，當然大大力推薦給他！平日晚餐時間，店門都已經有長長的人龍，可見佢人氣之高。永年的麵餸組合跟其他車仔麵舖都很相似，但永年最特別之處除了秘製香辣汁，它的招牌餸是其他地方食不到的味道，我最喜歡的、也是每次必點的豬腸，真的非常好味。今次我點了雞翼、流心蛋、紫菜、仲有我最愛的豬腸，配上幼麵細辣，足料抵食。豬腸大大舊、乾淨、又有口感；流心蛋也不錯，全蛋切開，熟度剛剛好。同伴點了大碗麵，只需$67就可以享受10種餸，適合大胃口人士。同伴看到其他枱的多士，十分吸引，於是也點了煉奶多士，果然食得很滿足。抹茶紅豆冰也很值得一試，紅豆超多的，抹茶味也很濃。

住得非常遠十年都唔會去一次元朗既山區居民，終於都有機會食到元朗既美食啦！永年士多銅鑼灣店雖然唔無好大，但裝飾都非常有心思，由其是插畫，好可愛又好有香港特色。心思思唔知食咩好又咩都想試下既我，梗係要簡大碗麵啦，十樣配料滿足哂我！魚蛋係陳皮魚蛋，咬落去有一陣甘香味，夠哂特別！我最鍾意食豬紅，因為不同店既豬紅都會有特別的味道（當然有D味係無味道）。而我就要讚下永年既豬紅啦，好入味👍🏻大碗麵配料特別多豬既部分，豬腸豬皮豬紅。豬腸好有嚼勁，而豬皮就非常爽脆👍🏻而朋友仔一早已經諗好自己想食咩，豬腸雞翼流心蛋。我試食左朋友既流心蛋，一切開，蛋黃就即刻流出黎，我同朋友即刻手快快咁食左，冇影到相，有D可惜！平時食開既多士都大大份，食唔夠一半就已經好飽。而永多士細細份，食左個面再食埋多士都會覺得ok。而且煉奶多到漏哂出黎，鍾意食甜食既我好開心！抹茶在上，紅豆在下，兩種顏色分明，真係唔想撈雲佢。偷飲一啖朋友既抹茶紅豆冰先，上面凍次次，下面暖粒粒，好飲👍🏻。而我既柚子蜜都非常好飲，甜絲絲！