民豐粉麵行

營業中

休息中

自從上次開心果係期間限定之後一直都等佢變做常規味道，而家終於等到，仲特登去買嚟食！佢size都偏大粒，差唔多係掌心size，同埋都幾有重量，用手秤都覺得佢個餡好足料，好期待咬開佢嗰一下！首先，糯米糍個皮好煙靭，好好咬口，糯米糍仲食到啲香味。皮有少少鬆軟，口感好正！一咬開就係係開心果餡，勁香嘅開心果味，再加上落咗糖嘅甜味，開心果味好出，仲有糯米糍應有嘅味道，一粒十幾蚊好抵食。最後啲碎多到跌晒出嚟，都唔好放過，都要食埋佢，哈哈！

得知荃灣老字號 「民豐粉麵行」最近有爆餡開心果糯米糍買，我地當日去到己經夜晚8點半🕗，姐姐超好人即刻整但只有3️⃣個口味，同埋因為皮係熱♨️只能當晚食。沖好涼🚿後就到甜品時間啦，拎出黎好鬼大粒，剪開後啲餡漏晒出黎，真係非常足料，店家堅持以人手炒香芝麻和花生🥜，磨碎後混合砂糖，好明顯食到一粒粒既碎，本身我勁期待開心果味，結果都係花生好味啲。📍民豐粉麵行📌荃灣荃灣街市街35號地舖#荃灣 #民豐粉麵行 #糯米糍 #荃灣必食 #荃灣好去處 #荃灣美食地圖 #餐廳推介#假日好去處 #ilovefood #hkfood #美食推介 #美食日記#親子 #全職媽媽 #金牛座 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶

鍾意食糯米糍，你一定要試吓呢一間民豐！位於荃灣 其實佢本身應該係一間賣粉麵嘅舖頭，不過佢亦都有糯米糍，煎餃，韭菜餅等等可以買而我就非常之鍾意食佢嘅糯米糍$6一粒！好抵食有黑芝麻，花生同紅豆，我見到呢排好似新出咗啲味有開心果，榛子，就要$12一粒不過唔知佢係粉定係醬呢今次就未試新既味買咗三粒黑芝麻三粒花生真係一如既往咁好食名副其實，皮薄餡靚！！！佢啲餡多到係一定會跌出嚟鍾意食糯米糍嘅你一定要去試吓！！！

荃灣必食嘅爆餡糯米糍最近竟然出咗新口味🤩除咗本身嘅豆沙、芝麻同花生味之外，仲有最新嘅開心果味❗️限量發售😍😍平日下晝三點幾去到，雖然唔洗排隊，不過見到數量都唔係剩返好多，如果想試吓開心果味就唔好太晏去🤭🏅開心果糯米糍($12)🖤芝麻糯米糍($6)🥜花生糯米糍($6)糯米糍大約手掌心咁大，餡嘅比例都幾多，一切開即刻爆晒餡🤤🤤🤤不過餡料側埋咗一邊，包得唔係好平均，會有一邊好厚一邊好薄嘅情況😅但糯米皮勝在柔軟煙靭，完全滿足到煙靭控嘅要求😍餡料方面，爆餡就眾所周知😌但幾欣賞佢嘅甜度控制得幾好，唔會太甜得來，厚皮果一邊又唔會話覺得唔夠味道😂喺未出開心果味之前，花生味同芝麻味一直係我心目中並列No. 1🥇今日食完開心果味之後，就被開心果味追過咗了🤭香濃嘅開心果味，仲食得出粒粒開心果果碎好正😋😋

民豐開業過半世紀，實實在在的老字號👴🏻主要售賣粉麵，但最出名係糯米糍同韭菜餅除咗最經典嘅芝麻、花生、豆沙最近佢地仲出咗✨開心果糯米糍✨當然要即刻去幫襯！估唔到收工時間麵買到𓂅 開心果糯米糍 ᴴᴷᴰ 𝟷𝟸意外有驚喜☺️ 食到粒粒開心果糯米皮相對厚身，可能因為唔係即做少咗份果香𓂅 芝麻糯米糍 ᴴᴷᴰ 𝟼同樣可能因為放咗一陣時間 (放工時間買 )所以多咗分淋淋到嘅口感糯米皮都係比較厚身芝麻味都算濃郁，呢個價錢都接受到👌🏻

中意食新鮮野，有日見到啊姐煎緊韮菜餅超級香，即刻買左一塊食。可能韮菜餅係每日5點幾六點新鮮整，啊姐會企係果度一路煎一路賣~🤤🤤🤤佢會煎到個外皮超級脆，硬硬地但唔會痴牙。韮菜勁香勁多，韮菜愛好者必食☺糯米茲有幾隻味，紅豆芝麻同花生都有，買果陣按個人口味就得。我平時中意食紅豆，所以我都最中意紅豆味。糯米茲既外皮軟糯，唔係果種QQ地既外皮，而係好似米麻糬咁既質地(再實正d)，紅豆唔會太甜，整到好似豆沙咁~

荃灣講出名既糯米糍，非民豐莫屬。今次就買曬兩個口味，花生餡同黑芝麻餡試！兩款糯米糍既皮都唔係話好厚，煙靭，但餡料就有好多，表皮隱約都見到餡料既顏色，同朋友切開一人一半，餡料係會漏曬出黎花生糯米糍：花生研磨成粉狀似，雖然花生香，但係磨得太細，變左冇食到一粒一粒既咬口，對於想要有咬勁既人黎講就有d不足芝麻糯米糍：芝麻粒粒分明，但鍾意食花生糯米糍既人黎講就唔夠香為左包裝既時候糯米糍唔好痴埋一齊，表面都有好多粉，食之前建議蹬走，唔係真係好容易卑人發覺偷食唔抹嘴啦！！

人氣小店，好多人龍小食，今次試左新推出嘅開心果糯米糍🤤😋😋一早去排隊，買左4個開心果味🤤🤤買完即刻試咗個😋😋，個外皮勁軟熟，裡面好多餡，好彩有個膠袋袋住，唔會跌晒落地，味道好正，食到好香開心果味，餡料唔係好甜😋😋😋正👍🏼👍🏼👍🏼排左幾個字，好值得，希望下次試埋佢啲鹹點，韮菜餅要2點先有🥺🥺好似話幾好食🤤

平時經過見好多人，網上又多好評，加上本身自己都鍾意食花生糯米糍所以買一粒試下外皮好多粉😰 但唔算太厚皮但係餡料好難食!!!!🤮似花生湯圓餡 但超級甜 又無咩花生粒食到一半頂唔順dum咗🤮

聖誕前買左一次糯米糍已經覺得皮厚餡少，尤其芝麻餡最為嚴重，諗住可能失手會比多次機會佢，今日又去開荃灣就再去買多次，可能係星期日所以好多人都等左5分鐘，夜晚即食點知一開盒發現有粒營養不良，明顯size細左一半，好搵笨囉，直徑係得5蚊銀大少少離哂譜，皮都偏厚少少。另外買左花生糖，感覺細包左好多，條封口線接近包裝袋嘅一半，所以花生糖係得半包左右，以前封口線係大約7成高位置，冇加價不過減左量總結已經比左好多次機會但都冇改善，以後唔會再幫襯啦

🥟上海韭菜雲吞 $33 細 15隻 (8/10)皮嘅厚度適中，有少少口感，韭菜好爽口，有啲濃稠鹹鹹地，菜比肉多嘅都幾好食！🥟上海菜肉雲吞 $33 細 15隻 (9/10)菜肉有口感，有少少爽口同埋肉嘅比例係啱啱好食到肉嘅香亦都食到菜嘅口感個人比較鍾意菜肉 ！🥟上海冬菇菜肉雲吞 $33 細 15隻 (8/10)冬菇菜肉係有菜嘅爽口嘅感覺，但係冬菇嘅味道好香濃，基本上成隻水餃係冬菇味！推薦指數: 8/10好耐之前都食過一次感覺佢哋嘅餃子都真材實料，大概兩個半一隻都唔算好貴，最緊要係個味道幾好食！經過荃灣嘅話都會想買返盒返屋企🫶🏻

話說早幾日睇到某YouTuber喺荃灣搵食，見佢有提及民豐粉麵行嘅糯米糍，突然間好想試一試。去之前特登上嚟睇吓其他食評，見到好多人都推介韭菜豬肉餅，今日一於試晒兩樣。首先去到，真係幾多人買，閒日14:30-14:45去到都係要排隊（前面大約2-3人，後面仲陸續有人排隊買）韭菜豬肉餅： hkd 15/個 （掛住食，忘記影相…）拎上手都係暖嘅，好多韭菜，肉唔算好多，都幾香口。好少食其他韭菜餅，所以暫時冇得比較，整體上感覺唔錯。糯米糍：hkd 6/個 （買左芝麻味 同 花生味）芝麻味：皮唔算特別好薄，但餡料都算多，最緊要唔會太甜，好味💯 有機會 會encore 芝麻味花生味：餡料相對起芝麻味少，定係我手上嗰個特別少餡😂⋯⋯同埋對比驊記 就真係有比較有傷害，大家都係$6 既話….不得不說 驊記勝 （內餡 非常之多，而且皮好薄，比較好味🤤）

🌼民豐粉麵行🌼老字號民豐位於荃灣街市街，基本上去親都一定有客買緊嘢，呢度嘅裝修比較舊式，一覽無遺，有好多姐姐包緊水餃，有啲又煎緊餃子，好忙碌咁😆，佢哋都有好多唔同款式嘅嘢食賣，其中手包💚寧波湯圓💚就係呢度嘅鎮店之寶，我就買咗幾款唔同嘅小食💚韭菜豬肉餅 $15 :呢一款係其中必食嘅韭菜餅，大概有手掌咁大塊😍，食落都係熱辣辣，餡料豐富，裏面有超多韭菜同豬肉🤤🤤，煎起上嚟外層皮唔算厚，裏面嘅餡料味道啱啱好，唔會過鹹，都有少少肉汁，一定要趁熱食，撞啱佢啱啱煎起就一流👍🏻👍🏻💚糯米糍 $6 :其中一款必食嘅小食就係爆餡糯米糍，分別有芝麻，紅豆同埋花生，每款叫咗兩件，性價比極高👍🏻，裏面嘅餡相當豐富，咬開一淡滿瀉咁制，味道都相當出色😋，嚟到一定要買番件試下😌💚鴛鴦湯圓 $32 :另外一款自家製湯圓，分別有麻蓉，豆沙，花生同埋菜肉味道，$32大概有25粒到，我就帖咗鴛鴦湯圓，返到即刻煮咗嚟食，食落係流沙湯圓，麻蓉味相當香濃，而花生味帶有粒粒，皮都幾煙靭，可能係每一到嘅湯圓都會有分別，呢度嘅比較細粒，煮過後size都冇乜點變，所以就見仁見智啦💚上海菜肉水餃 (小) $35 :最後買咗佢哋嘅水餃試吓，有

依家好多朋友都喜歡食全球各地嘅美食，我都唔例外。今次走入咗一間名氣響噹噹嘅食店嚟一場味蕾嘅冒險。首先，揀咗傳統嘅白菜豬肉餃子，每粒鮮嫩肥美，啖啖肉感夠晒滋味。啲白菜係餡內鮮甜得嚟唔失水準，感覺得到啲心思。再試咗韭菜豬肉款，咬落去有種鮮明嘅辛香味，啖啖餡料，冇得輸！嗱，唔止餃子，我仲試咗雲吞呀！🤤 上海菜肉雲吞，有肉有菜，簡直係好滋味平衡嘅代表；而上海韭菜肉雲吞就更加出彩，韭菜嘅清香同肉嘅鮮味相得益彰，簡直係口感同香氣嘅雙重享受。皮薄餡靚，一啖一個剛剛好。今日嘅食評圓滿成功，好開心可以分享到平民享受，又唔失美味嘅港式街邊小食。食得係香口，食得係心滿意足，下次行過必定再次光顧，繼續揭開更多美食嘅神秘面紗！🥢👀🍽

今日無啦啦心口郁郁，決定去添下福氣，不如試下隔籬嗰家平民小食舖啦。點知撞正旺場，呢度嘅糯米糍真係人氣滿滿！😍 我手快手快掃咗三款：芝麻、豆沙同花生！講真，一啖落去，感受到個芝麻餡湧出嚟嘅時候，我差啲喊出嚟！入口即化，個香味撲鼻啊～ 真係食到個「呼哧呼哧」，正到暈！🤤再講下嗰個豆沙味，通常我覺得豆沙易甜得膩，但佢哋啲豆沙做到又幼滑又唔膩口，抵得住！👍最後嘅花生糯米糍，啲花生嘅鮮香混合咗糯米嘅煙韌，食落有種家鄉嘅親切感，真係叫人回味無窮。嗌間舖仲有其他嘢賣，不過今次我就專注糾結喺糯米糍上面咗～ 下次我一定會再返嚟，將其他小食都逐一俘虜！香港嘅小食文化，真係無得頂！食完之後，我真係覺得自己好「掂」嘅！😋