民華魚蛋粉麵

營業中

休息中

大埔好野食其實越來越少，好多當年的好野食，做做下都變行了，好似李記的馳名凍檸茶也隨著年日變成行貨，有茶味但變老、變澀了。有d有質素既新店加入都係好的,對我地d食客都很有好處。民華開了最大打擊就是對面的海達，以前海達門口都有人排隊,現在也很少見,連星期日都不再見人龍。以質比質，個人就較喜歡民華啦....佢地有些推介食品貼係牆上。...我就order左個清湯腩河、炸腐皮(但佢地話未有喎)及凍檸茶。清湯牛腩河-->很有牛味，牛筋與牛腩各半，牛腩煮得淋，落刀亦很準，剛好切在肌理的垂直位(好多鋪都切錯位令牛變韌)，食落好似有少許花椒八角味及唔知什麼調味料，托出了鮮牛味，個湯亦係好正的牛湯(似好多牛骨煲出來的)，成碗飲晒。凍檸茶-->4片檸底, just make....有茶味，不混濁、不太甜、不大酸，很清甜，他們亦很細心將檸檬放在底，不會令客人篤檸檬時將冰粒整晒落檯值得一試在此希望各老字號繼續努力，不要交行貨.............市民之福呀

今日同個friend又行過大埔墟見到有間新開叫做民華魚蛋粉麪,我地自然就行去試新野,食佢既招牌魚蛋粉,覺得好爽,好彈牙,好有魚既鮮味,同佢對面個間老招牌(海達)有得揮,我個friend就食咗一碗清湯牛腩麪,佢話一流,不過d湯就唔夠濃,仲有呀,個地板就好多垃圾tim,唔該d清潔姐姐掃下地啦,然後外買咗一盅排骨飯比細佬食,當然唐記個d豆腐花就係我地既飯後甜品啦,我仲加咗薑糖tim,好有薑味呀!!!補充:細佬都話排骨飯好正!!以後又多一間選擇啦~~

民華新開張,午市有10個、8個人系入面近門口等位。他們設置了一些位比等位的客坐住先，安排尚算ok。1點九都仲要等位，生意都唔錯。入內聽格離位街坊同朋友講這間舖d嘢食都幾ok，"茶餐"都幾有特色及賣點...我諗一陣間就試下你!!我只得一位,等了5分鐘便到我，插咗入張5人圓枱。我就唔等亞姐擺茶就即刻order嘢我:「唔該比個茶餐」姐:「要多士定麵包?」我:「邊樣好D?」姐:「多士幾好...我們用厚多」我:「好呀!比多士我」姐:「要炒蛋定煎蛋?」我:「有咩好介紹?」姐:「炒蛋幾好,我哋唔係用蛋漿，用新鮮蛋既」我:「好呀!比炒蛋我」姐:「咁要餐肉定火腿?」我:「要餐肉」姐:「要薑絲牛肉通粉、雪菜肉絲..炸菜....定.......?」(我已唔記得太清楚)我:「有咩好介紹?」姐:「薑絲牛肉通粉很好食，用新鮮牛肉做，無咩地方有得食」我:「咁就要薑絲牛肉通粉啦，比多d薑絲得唔得嘔?」姐:「ok無問題，咁飲d咩野?」我:「凍啡呀，唔該」我覺得這個亞姐(肥肥地)都幾熟悉他們的產品，亦有耐性同客去介紹產品!值得一讚，唔錯呀!好似離晒題tim.........1. 凍啡到先，他們的凍啡好得意有d唔知choc

這條街最近真是很熱閙，唐記包點開左無幾耐，已經搞到個個有中包食，同一條街又開間民華魚蛋粉麵。上星期5晚入唔知食勿好,見新開咪同個女仔friend入去試下,開頭唔知叫勿,咪叫碗佢哋既招牌魚旦粉....等野既時侯...睇下佢地牆上有d掛畫show左d推介食物出黎，都幾靚幾靚吸引,碗魚旦粉有4粒魚旦、3快魚片、2粒魚片頭,2快魚皮，仲有2條菜心送。心唸$17有無多野呀?!肯定又係果d "photo is for your reference only"。點知! 亞姐奉上的魚旦粉真的跟掛畫無太大分別。"量"算無搵人笨。食落又真係得喎!魚旦:魚味很出,唔腥，有楜椒味帶住..很滑..質感很有層次(算係很good的潮式魚旦...有香港仔魚蛋粉個d feel)魚片及魚片頭:裡面魚肉很滑,有水份...吃埋外皮都沒有無帶渣...(比海達的還好)魚皮: 真可說係香脆可口...(不過我個人鍾意市政街市"欽記"的帶有魚骨的魚皮多d)湯底:有魚味有肉味,不太鹹...不大吃到味精，食後沒有口乾....ok不過因為大大碗，食完真係好飽...好彩無叫其它野，想吃多個小食都唔得!