民華餐廳

營業中

休息中

來柴灣拜山唔想又幫襯大型而且高檔嘅高消費茶記, 在開飯網找到了這間平民食堂式餐廳一試,可選擇款式唔多, 流水線式生產就梗局架啦, 出奇地又唔太差喎! 店內面積相當之大, 但店方已經用盡能用的空間做出客人坐嘅位置, 相對放貨空間同員工locker都明顯不足, 好明白好多小店都是這樣經營但這店似乎都有好些分店規模也不少呀, 為何只選擇做一部賺錢機械?講返食物吧, 足料糯米雞$26加十蚊變套餐$36  糯米雞的確係足料有成隻雞翅膀,一塊义燒,一大堆絞肉漿, 唯獨是糯米飯好少, 糯米成本應該唔高啫? 另一個套餐係差不多枱枱都有叫的蕃茄醬义燒湯通! 跟埋多士雙蛋都幾無敵! 蕃茄漿調味唔差嘅,义燒厚切但全瘦，幸好是肉的部位還是梅頭不致乾柴口感, 多士同雙蛋都似模似樣咁, 整體滿意, 價位優勝

It is a cheap cha can teng which I usually go and have meals. The price of $38 set with noodles, toast and eggs plus a drink is comparatively affordable nowadays. I would recommend the tomato soup as it's much thicker in taste than other restos, adding a pack of white sugar can even enhance the taste and reduce the acidic flavour. However, you have to be prepared to share the table with others coz the staff here obviously wanna earn more and sacrifice customer experience lol

今朝未起身已經想食菠蘿油，就黎左興華個民華餐廳食，黎到要等位...等左一段時間先有位職員忙到癲，所以想搵個有空既人黎叫野係好困難的！但依間真係相比較抵食，而家出面食個麵餐好多都唔再跟腸旦，但佢就3十幾仲有齊野，叫左一個薑牛通粉，餐肉炒旦，多士，糯米雞，菠蘿油，旦撻，一家三口齊齊share~佢首先其實係黎左個菠蘿包、咁緊係要叫佢改番啦，我一心真係黎食菠蘿油，但今次個包唔係熱辣辣了、因我去到坐低都11點，但都好好味！，食過出面唔少hea 既菠蘿包、個底黑哂硬，包又唔鬆軟，但民華就唔會了！加埋牛油真係好好食，老公食都大讚！而佢就唔同平時糯米雞，佢係叉燒同雞翼仲有冬姑，岩哂唔好立腸既人！我女食唔少糯米雞～見佢鐘意食我就開心了～而個炒旦有奶味，阿女食哂咁滯（事實佢只有兩歲人仔）個通粉都好肯食，因佢平時難開金口～個炒旦未至於澳牛、但我覺得僅次於既，因平時其他地方d炒旦要落鹽同胡椒先食得落口成個商場其實仲有好多食巿，係佢排咁長龍，佢有點心又有日常早餐又有西包，又真係岩哂一家幾口想食唔同野既胃口！

今日咗放工去練詩，之前當然要食飽飽才有力唱。決定去食返碗飯，黎到餐廳，都幾多人，可能是星期六下午。睇左餐單選下食乜野好有湯粉、點心、蒸飯，都幾多選擇。叫了這個咸魚肉餅飯，好快來，熱騰騰的，上面咸魚都算大塊🐟，🐷肉餅好厚，都軟腍的口感，有薑絲、馬蹄片，好食!😝白飯份量適中，軟硬度幾好🍚食完好滿足，豉油及辣醬在枱面，可以讓客人自行加減，都幾好！服務普通啦，不過一坐下來姐姐就問你食乜就落單，好快手🙉

一家三口去柴灣星期日食lunch.點了一個西多士，四個點心，兩杯飲品！西多同飲員好快就來了！但點心差不多等了半小時也沒有來，間第一個伙計！望一望張單就走開左！跟住見到個應該係經理嘅人！再同佢講！佢就口噏噏話原來係呢到！跟住就拿了我哋張單入廚房拿了點心出来，跟住呢經理仲講左句！要多謝我呢！我入廚房拿比你哋嘅！呢句我真係覺得你咁嘅質素都可以做到經理？同事做錯嘢！你去補鑊！補完要顧客多謝你，你有冇病丫！永不幫襯

今日約了教會姊妹食早餐，去了這間民華餐廳。這裡都算大，坐位都唔錯！早上7:30的星期日唔算多人（我想還在夢中😴）可以慢慢享受早點！這裡可以選擇中式點心中式蒸飯🍲、新出的香蕉牛奶麥皮餐🥛🍌或西式早餐；今天我們都選了西式早餐！🥚🥖我們都選擇了西式，我的是餐肉炒蛋配烤多士（走牛油）🍞🍳；姊妹的是火腿炒蛋配烤多士（有熔牛油）；我們都點了叉燒通粉🍲配熱檸水！健康一點的選擇🍋好食的午餐肉，好耐無食了！我夾了多同餐肉在厚多士內同食！好豐富滿足呀😝番茄叉燒通粉都幾大碗，酸酸甜甜的好開胃，夏天食就最好！👻叉燒好諗好軟好易咬，通粉連湯食無得輸👍🏻👍🏻

收工成日口痕都會過黎買包食，d 包款式唔算多，但都幾足料，食落仲微微暖嫁。最鍾意吞拿魚包，雖然質感唔係勁鬆軟，但食完飽肚唔會得陣風。個吞拿魚饀都幾多，入邊仲有粟米粒，$8.5 都算抵食😚。

話說今日番工放lunch喺柴灣附近，行入商場還睇到間野好似幾受歡迎。咁我緊係唔執輸啦！點都去試下喇。服務員好好態度，點餐都好快幫我解決左，而我就叫左個糯米雞套餐加個常餐炒蛋午餐肉多士。糯米雞大大嚿入面仲有好多料！大大嚿叉燒放左係入面。正啊而且個炒蛋仲好滑添加多杯嘢飲簡直係無得頂呀！價錢亦唔算貴。

住附近，平時都時不時幫襯，通常都食常餐，都覺得食物唔錯（除左次次都話冇岀前一丁），但係冷氣實在太凍，所以好多時都係快快趣趣食完就走。今日又去，都係食常餐，又諗住搏下睇下有冇岀前一丁啦，點知又真係都係冇，咁我就叫意粉啦，最正既係個侍應話：「我地係冇岀前一丁同意粉既，得米粉同麵既姐」我即刻o哂嘴，心諗咁根據商品說明條例我係咪可以告你呀？最後我當然屈服左叫左米粉😅今次我去果陣唔係太多人，所以啲野食都黎得幾快同齊。衰就衰在我細佬今日感冒，而個冷氣又好鬼凍，所以佢真係頂唔順想叫個侍應閂細少少個冷氣，點知佢只係講左句「唔該」，個侍應就即刻講「唔好意思」，除左個呀姐識讀心之外我諗唔到其他理由。咁佢「唔好意思」完之後就繼續同另一個侍應吹水啦，所以佢除左識讀心之外應該仲識得遙控冷氣既。不過今日個冷氣好似唔太聽佢話，咁我細佬唯有再叫多次啦，因為我細佬第二次叫既時候都有少少燥，咁個侍應都終於有行過去收銀處果邊，跟住轉個頭返黎話係中央冷氣冇得閂🙄跟住輪到我爸爸燥喇，話哂佢都係做冷氣既，而家個呀姐走黎話中央冷氣冇得閂，所以佢就搵經理黎啦，個經理一聽即刻走左去鋪頭既另一邊（唔係收銀處果邊）去閂細左個冷氣既風，咁本

幫襯過民華好幾次，通常都係叫常餐，食茄通、炒蛋、多士，呢幾樣野食好ok，跟杯熱飲total $38，食物同環境都算乾淨企理，醫肚黎講，佢係合格有餘。.食過幾次，都知某啲員工態度不太好，有時聽到佢地講野，我都忍唔住冷笑一下，但因為唔直接牽涉影響到我，我就好好咁食埋個常餐就埋單。.我覺得送錯餐或漏單其實好少事，亦知道自己只係食緊四十蚊餐既茶餐廳，我唔會好似啲乞客咁以為俾嗰幾十蚊就有5星級待遇。.今次我就係遇上送錯餐同漏單，咁我就同個員工講聲啦，點知某女員工就即刻呱呱嘈，即刻拉其他人落水，話其他人落錯單乜乜乜.... .擾攘左陣，我叫既野食終於到，但啲員工互相仲係度互相推卸責任，個女員工仲係我台前懶得意咁大大聲講：「bu之dao, bu之dao (不知道, 不知道)」......作為茶記客人，唔怕待應手腳慢，最怕你態度差！

前排係網上見到有介紹食蕃茄通既地方，超鍾意食蕃茄既我，個list上面既餐廳都幾乎去過晒，而民華餐廳就未去過。民華餐廳係香港共有3間分店，分別係東涌，旺角同柴灣。呢到午餐既選擇唔算多，唔食蒸飯同點心，就只有常餐揀。不過，有別於其他茶餐廳既係呢到既常餐有好多唔同既組合架，大家可以由A, B, C 每項揀一樣野食，A係通粉，B係炒蛋配火腿/腸仔/午餐肉，又或者煎蛋兩隻，C係麵包或者多士。每份餐都跟一杯飲品。今日揀左蕃茄火腿通粉，腸仔煎蛋，多士同埋熱華田。蕃茄火腿通粉顏色鮮艷，賣相好吸引，蕃茄味亦都好香濃，加埋香滑既炒蛋同埋腸仔之後真係格外好味，配埋熱華田，真係一個完美既配搭。可惜本人食量有限，未能試佢既牛油多士，下次可以試下。

日日OT見客做到無停手，有時都不知為啥巳生活。又要獨自一個晚餐。。。這間餐廳門面很光鮮，出入口夠大，門前也有一專櫃售賣多種麵包：提子麥包，雞尾包，菠蘿油，還有牛油蛋撻等等，看來也新鮮，好吸引呀!!餐廳內的裝修以簡單為主，水吧頂上以一大塊木版放置大量綠色盆裁為裝飾，很GREEN!!估不到晚上仍有售賣點心及樽頭飯，好極!! 樽頭飯都有6款，較特別的是煎蛋牛肉飯，但我想叫鵪鶉蛋燒賣， 所以不點有蛋的飯了，不然我會膽固醇過高鵪鶉蛋燒賣份量夠，大大隻的，現在巳很少酒樓會有，竟然在這餐廳有，驚喜!!  章魚肉餅飯熱辣辣的，肉餅夠厚，章魚粒略少，但仍OK的，飯的軟硬度適中。食后感: 平價好味之選，又可以坐好耐都得，也有供水的地方，可自由去裝水飲。

22/6 喺到叫左個盅頭飯煎蛋牛肉飯，餐牌上嘅煎蛋係太陽蛋，點知嚟到果隻蛋係熟晒嘅荷包蛋，我明白實物同相片係會有差異，但而家唔係差異，根本係兩樣野，如果我要食熟蛋，我唔洗叫煎蛋啦，更何況你餐牌所有有煎蛋嘅食品都係太陽蛋，就算唔係太陽蛋，你比隻有蛋汁嘅荷包蛋我都收貨，冇蛋汁點餸飯，我同侍應講你嚟果隻蛋係熟晒同餐牌唔同，點知佢侍應聽完就行左去唔理，我要將個飯推開示意唔要，先肯幫我換，如果我嘅要求唔合理，你唔理我都可以理解，但而家係你地個餐牌有誤導成份，換返都好合理吖！！

知道開了一段日子係柴灣店舖，但食就真係第一次。普通餐廳，環境舒適，價錢合理，便試試看。這麽酷熱的天氣，真無謂口食野。看見這店舖有滋味常餐，那就試食。這餐廳都算多款式，而且價錢夠大眾化，適合好多打工仔，無飯主婦要求。我們兩個人，也是點了兩個滋味常餐，一個蕃茄牛肉，一個蕃茄义燒。看見菠蘿油也不貴，下次可以試試，因菠蘿包不是間間店舖都好食。這店舖的蕃茄湯底都唔錯，夠濃郁，通炒也夠爽口，因有些店舖，通粉一是過硬，好似吃像膠，一是過淋，但這間店舖的通粉剛剛好。牛肉和义燒都無什麼大問題不配合。這個套餐都很多款式點選和配搭，這點是我致愛，不用限死點配就點配。這是值得一提牛油多士，面包夠厚度，吃落也很鬆軟，不會烘烤太燶。炒蛋也夠滑。因怕有點不夠飽，又見餐牌有鵪鶉蛋燒賣，便加點心一個，很少地方有這懷舊點心食，所以便點了。這個鵪鶉蛋燒賣好食，夠大粒，肉質也不差，有酒樓水準，好食，雖然要等25分鐘，如果唔趕時間，也不是太大問題。總括來說這套餐是好食抵食，絕對值得去食，而且款式真是很多，價錢非常合理。食物有水準。兩個套餐加點心，100蚊有找，正

前言:這是38元一個常餐級數餐廳的食評，如須酒店級服務，千元消費的水準，請繞道。正題:今天去柴灣拜山，路經此地，被門外脹卜卜的面包吸引，便內進光顧。看餐廳自已的推介，點了個常餐，點了隻糯米雞，點了個菠蘿油。結果，全部都很滿意，全部都熱辣辣。由常餐中的那塊多士開始，到應該是豬潤湯底的姜牛通，都超水準。糯米雞料雖不多，但調味很好，應該不是交來的行貨。奶茶雖不是超水準，但沒差過其他大部分茶記。重中之重是價錢便宜，環境一定好過澳牛，招呼一定不會衰過澳牛，食物質素一定拍得住澳牛。