影片
食家推介
招牌菜
食評 (45)
星期日中午，經過民益，好耐冇食過港式粉麵，於是入去試下。有冷氣房同室溫嘅座位，我揀咗室溫嘅座位，叫咗碗雲吞魷魚河粉加腩汁。服務員叔叔好好人，提示我可以加辣椒醬，魚露等醬料。魷魚彈牙，粉麵都入味，份量啱晒女仔，$35/雙拼嘅價錢邊度搵，好耐未試過咁平。到後期，我啲河粉開始發脹，另一個叔叔主動留意到同埋問我使唔使加啲湯，係煮嘢食咁熱嘅天氣，重可以咁細心關心每個食客嘅需要，好有愛嘅一餐🥰多謝你哋為香港飲食業豎立正面嘅服務態度👍
繼續閱讀
赤柱好古老及有特色舊式茶檔，平時唔多起眼，係D排檔裡面，香港愈來愈少有既文化體驗💰 超級抵食 係最大賣點！不過要過兩關：1️⃣ 地方環境唔係特別好 2️⃣ 熱💦紙巾必備！🍛 咖喱魷魚咖喱汁香濃惹味 🌶️！但魷魚🦑完全冇吸收汁味，咬落淡茂茂，失望！🐮 牛腩麵牛腩炆到好淋！筋膜位膠質滿滿，湯底濃而不鹹，麵吸盡精華 👏 🍜 車仔麵三寶雲吞都算大粒，冬菇爆汁💥 滷汁甜香入芯，份量偏少
繼續閱讀
行下赤柱，眾所周知附近大把好嘢食，大家亦都知～貴嘢。咁仲記得呢度有牌檔食，一於睇吓收咗檔未先。好彩仲未收工，因為都已經三/四點，叫咗羊腩米，牛腩油麵，淨牛丸，炸魚皮 ，前二樣係咪有啲「騎呢」？！因為本身我想問什麼叫 『八寶』，入面有啲乜～阿姐即刻話～八寶唔啱你㗎，羊啦，羊啱你！咁我見佢咁熱情～好啦試吓，咁點解係油麵，因為佢哋賣晒河粉。羊腩米，羊腩唔算淋，過得去，籮白入晒味，食呢啲牌檔，梗係最重要係湯底，唔夠膽估係乜嘢湯底，只能夠講似我哋兒時果隻牌檔味～有牛味，最緊要唔鹹，我成碗又差唔多飲晒。牛腩我無偷食所以比唔到評語，但牛丸就爽口彈牙，收貨。魚皮係偷食完至影，所以小啲，唔知係咪佢哋自己整，俾一般嘅無咁鹹～算好食果隻。二口子，加埋二杯嘢飲，全部清晒。簡簡單單一餐，埋單$180回頭度～6/10Btw 埋單時又有一對男女座低，聽到個男嘅叫凍奶茶，阿姐又即刻講～唔好，凍鴦，凍鴛鴦好飲😂😂個男嘅當然同我一樣「投降」😂😂，阿姐你係得嘅👍
繼續閱讀
去赤柱行街打卡。那天都比較熱，遊人都比較少，海傍果邊的餐廳有一間都關門大吉了，其他店都無人或得1-2枱客行吓行吓去咗大排檔果邊，見到個易拉架寫民益大牌檔，見到杯奶茶突然好想飲，加上寫著有冷氣開放就入去吧！冷氣房坐滿了，唔怕熱坐外邊感受下大排檔風味，見到有兩枱都坐外面叫咗牛腩麵，魚蛋河，一定要點的2杯凍奶茶（因為好熱😅）。牛腩好腍，好味，奶茶都唔錯。雖然汗流夾背，也另有一番滋味地方沒有濕濕粒粒，不似以前的了。
繼續閱讀
This restaurant was always close whenever I pass by and finally opened! I immediately went in. Remember if you see the crowds outside, just keep walking in, there's quite a lot of seats at the end if eating noodle. We ordered Wan Ton with thick noodle and pork skin, squid and veggies thick rice noodle. There were 4 big wan tons. Each wan ton contained 2 shrimps surprisingly. Wrapping was thin. It was pretty nice. Thick noodle was cooked al dante. Really a surprise. Pork skin was alright while squid was cooked just right. Not rubbery at all but very flavourful. Absorbed the soup. And they did marinate. Overall, not bad.
繼續閱讀