民生小食 (已結業)

食物正如其名，供應的皆是由細食到大的街頭小吃，價錢十幾至三十幾已有交易。火腿蛋三文治，即場煎蛋，新鮮熱辣，夠厚，包軟熟，簡單美麗，正呀！吃了木耳椰菜及韭菜豬肉湯餃 $34/8隻兩款混合，我覺得木耳椰菜甜甜地好食，餃皮厚薄適中，湯好味。有五款雞蛋仔，即點即做，呢區唔見有雞蛋食，真好！因為我鍾意又甜又鹹，所以揀了岩鹽紫菜雞蛋仔，粒粒脆口，紫菜唔算鹹但乾脆，加了脆的層次。豉油王炒麵配瑞士雞翼，分量十足，瑞士雞翼似滷水雞翼醃得入味，皮肉一咬分離，很滑，麵內很多蔬菜，甚爽口。燒賣、陳皮魚蛋、牛肉球好好食，夠實在有咬口，唔會覺得是用好多粉溝出來的，味道都幾好可以配辣醬。混醬腸粉混合大量麻醬甜醬豉油，大聚會豐富口味。很久沒有見到茶葉蛋了，少食多滋味。只供應外賣，在公司即太古坊行過去只是幾分鐘路程，值得.

民生無小事，民以食為天。食當然是民生大事，食可以是山珍海味，可以是家常便飯，但最流行當然是傳統小食。傳統小食最流行，當然有其原因，除了傳統小食花樣多多，味道吸引外，就是方便吃到。最近鰂魚涌近民新街又有一間傳統小食店開張，由於近家，當然不會錯過。新店叫民生小食，店舖面積不大，主打外賣。小小店舖，麻雀雖小，五臟俱全，有齊傳統小食，自家製餃子、魚蛋、雞蛋仔，格仔餅、腸粉、燒賣、牛肉球、豉油王炒麵、三文治、多士、印尼撈麵/出前一丁等，更可配搭成各式自家製手包餃子套餐和皇牌點心套餐，方便客人選擇。雞蛋仔和格仔餅都是即叫即做，雞蛋仔有5款口味，包括原味、粒粒朱古力、朱古力曲奇、雙重芝士和岩鹽紫菜。岩鹽紫菜雞蛋仔以前未吃過，一於試下。甜甜雞蛋仔夾雜帶微咸的碎紫菜，是我喜歡的味道。格仔餅蛋香撲鼻，外層酥脆，牛油和花生醬料下得慷慨，熱辣辣很好吃。招牌咖喱陳皮魚蛋、魚肉燒賣一樣情有獨鍾，既然一場嚟到，就一網打盡。招牌咖哩陳皮魚蛋，陳皮味道突出，值得一試。豉油王炒麵，炒得夠乾身，沒有油膩感，有豉油香，配料還有火腿絲，洋蔥絲、紅蘿蔔絲、椰菜和蔥段。瑞士雞翼，size適中，瑞士汁好入味，雞肉亦夠嫩滑。自家製餃子

收工搭車發覺有d肚餓，見到車站隔離有間新開小食舖，反正車仲有8分鐘到，入佐去買d嘢食，見到佢哋主打喺餃子，最後都喺買佐餃子加腸粉，賣相非常唔錯，餃子比起我喺平時餃子鋪食果d大隻好多，睇嚟喺自家制，食落去多汁，我本人都可以食辣，所以叫佢放佐d辣油，唔知佢哋用邊隻辣油，勁好味，搭配新鮮煎出嚟嘅餃子，good！跟住試埋佢哋嘅混醬腸粉，食佐一口，發現有驚喜啵，口感好好，特別喺果款甜醬，味道堅掂，估唔到呢間細細哋小食舖咁有水準！！絕對會再嚟幫衫！

最近經過鰂魚涌呢間新嘅小食店，一眼就俾佢嘅餃子吸引咗啦😍 咁啱嗰日下午幾好生意 所以就賣晒餃子🥟 下次再試🙈 所以我同朋友就叫咗其他小食 燒賣、陳皮魚蛋、雞翼 其實佢仲有其他小食例如雞蛋仔、格仔餅、牛肉球等等😋瑞士汁雞翼 （皇牌點心套餐E餐 $25+10）雞翼係大隻size 都幾多肉☺️ 瑞士汁甜甜哋 雞翼炆得好冧身，夠入味，好容易就骨肉分離。雞翼肉質都好滑，好快就一隻一隻咁食晒😎 我仲專登叫咗套餐，有埋出前一丁撈，份量啱晒lunch食。出前一丁可以要求爽啲，即使我外賣返屋企食都無變冧晒。燒賣 $10/7粒燒賣望落飽滿，燒賣皮薄身，燒賣口感帶點煙韌，有咬口😄 整體覺得燒賣都幾好，無蒸得太耐冧晒問題😆 豉油同辣椒油係自己落，豉油唔會太鹹 。咖喱陳皮魚蛋 $10/7粒陳皮魚蛋細細粒，食落去有陳皮嘅香味，仲有啲回甘，幾容易入口，魚蛋彈牙😜 至於咖喱汁，我相信佢係自己調製，唔會話好辣，但食到陣陣蒜香味，幾香😝美味齋 $10一串份量都多，佢撈咗小店嘅自家咖喱汁，麵根吸晒咖喱汁，入味好味🤤小總結，小店用心製作💕 見到佢特意自家製咗唔少小食，又有自家調製嘅咖喱同餃子😛 姐姐態度好又有禮貌，支持😆

今日放工行過見到有間新店，咁啱我同朋友肚餓，就試吓啦，估唔到有驚喜！魚蛋- 個汁好好味，好有童年回憶，我自己覺得食魚蛋，個汁好重要！呢間做得唔錯！燒賣- 好彈牙，唔似出邊嗰啲燒賣，一舊粉團蒸到林啤啤....餃子- 煎得好香，應該係自家小品，我食嘅係韭菜味，好新鮮，唔似係雪藏嗰啲餃子！椒鹽孖寶 - 外脆內軟，好嘢味，又唔會太咸！有少少似燒嘢食嗰啲感覺！朋友最鍾意呢個！小食店食得多，呢間幾出色，而且乾淨衛生，值得推介！