每一天烘焙店 (已結業)

去左長沙灣走走,番屋企窮人緊係搭巴士啦,行去巴士站,經過呢間麵包店,見到貿ㄧ送ㄧ既活動,窮人又點可錯過呢,😏入左去見到各式各樣既麵包,他們也十分衛生,塑膠蓋也有好好蓋好,旁邊也有買冷茶和奶茶,但那天不渴没買,我買了兩個芝士包,15蚊算係香港係好平,連鎖麵包店半個都無吧,但幾好笑既係,佢寫到明芝士麵包(咸),但上面佢灑左糖😅,食落去係係一般麵包之上,但呢個咸加糖,咸咸甜甜係幾特別既,但無糖會比較好食,下次試下佢D茶先😝…查看更多

今日剛好未食早餐, 經過這家麵包店, 就打算隨便買個麵包算了。一入門口就見到有外地大熱的髒髒包, 聽聞它美味又邪惡, 本來想買一個來試, 但看過食評, 評價似乎一般, 反而其他麵包較好評, 所以最後放棄試髒髒包的念頭。以長沙灣這類舊區來說, 普通麵包每個差不多10元, 其實有一點點貴, 即使買二送一也平不了多少。 但紫薯包賣相吸引, 也姑且一試吧！另外身為朱古力迷的我, 還買了朱古力軟心包和朱古力雪包來試。紫薯包好漂亮的紫色, 麵包鬆軟, 紫薯餡份量正常, 亦很軟滑。 不過味道跟想像有出入。 餡料沒預期的紫薯味, 反而帶點奶味, 麻麻!朱古力軟心包外層較乾, 還好內層麵包尚算鬆軟, 朱古力餡料不夠多, 只是薄薄一層, 並沒預期的澎湃軟心, 味道偏甜, 整體味道一般, 沒特別之處。朱古力雪包室溫情況下享用, 包質較乾和結實, 朱古力芝士餡不少, 算是足料, 但朱古力味道不夠濃, 反而芝士味太搶了, 味道有點怪。 唉~看來它還是取代不了麥上日光的流心芝士包看來對我它的麵包期望過高。 …查看更多

早前係台灣買咗個髒髒包嚟食都幾好食，心思思想再食然後上網揾吓香港有冇得賣見到好多人都介紹每一日烘焙有得賣仲有榴槤，抹茶等嘅口味，當日朱古力味已經賣哂得番抹茶婊，白富美，臭榴芒咁我買咗臭榴芒同白富美各二同一個流心朱古力包。但三款嘅包包我一點都不覺得好食連男友亦異口同聲咁講同台灣嘅差得太遠喇但價錢係貴好多㖭而臭榴芒嘅榴槤餡係少到唔覺得自己係食緊榴槤味囉成$28一個㗎嘛D餡少到唔多覺真心覺得超唔值囉，但流心朱古力包仲把鬼🙈但我再會去買個朱古力味髒髒包試多一次。…查看更多

1.日式紫薯包（$8）外貌雖然普普通通，但成個包都充滿紫薯味，除左成個包有紫薯粉，仲有唔少紫薯蓉，連面包都係紫色😍又係港女大愛😂而且勁抵，買二送一，做早餐都好😁不過有時有D包多D餡，有D又少D，都係撞彩數😂😂😂彤樂評分：7.5/10…查看更多

個人幾中意可可味(帶小小苦)，依間污糟包幾岩我口味，唔太甜，不過個外皮食落有點太粉，無左丹麥酥原本個脆卜卜皮，加上可能cool 緊牙關係，覺得有點咬開，不過有衝動下次會試埋佢個綠茶味…查看更多

呢排台灣好興嘅髒髒包熱潮黎到香港，唔少麵包店都跟住出。於是滿心期待買咗一個朱古力味。:)期待食到一個好濃郁嘅朱古力麵包。店內告示睇到話食之前叮返30秒會更加好食。仲有其他口味，例如綠茶、白富美。一心以為叮完會有流心效果，冇！有一層朱古力醬係表面，入面只係似牛角包嘅酥皮咁，仲好乾下。失敗之處，係麵包上面嘅可可粉太多超級苦又食到成口粉，難食過普通朱古力包除咗苦，冇食到甜味食咗半個，忍唔住扔咗！連其他鋪頭包都唔想再試啊！…查看更多

（3.5星）連續兩天各完成了一份論文，結果今天頹頹的。所以還是來個”Guilty Pleasure”（做午飯）～買回來是這樣的。接近有一只手掌般大⋯⋯看見是酥皮開心了一下。而輕輕咬了一口後，口感偏韌同硬。另外，白朱古力面令整個包包也偏甜以及，吃的時候沒有黏好包面呢（或者因為那白朱古不是glaze吧不過，若從貪得意試試看來說，吃得滿手也是抹茶粉也挺開心的嘛，畢竟是髒包包啊。而且也滿足了我的”Guilty Pleasure”😊😊…查看更多

記得好久以前曾經很流行的芝士流心包🧀️🍞現在都不知道跑到哪裡去了🧐估唔到每一日連流心芝士包都有做而且質量都surprisingly good😱芝士芒果流心包（HKD20）麵包來說這個定價的確不便宜但是二十蚊比起以前麥尚日光的仍然便宜芝士餡料好滿好多，口感都蠻輕盈的吃的時候很輪盡d粉好容易搞到成身都係☹️芒果都好新鮮～而且這個價錢來說份量都合理🧡感覺這個比起髒髒包更好吃～🌟Rate：7.5/10…查看更多

夜晚經過見到做緊買一送一既優惠，平均都係三個幾一個！我就揀左個奶皇菠蘿包同富士蘋果包！因為依經凍囇，所以個菠蘿面都淋淋地，而且個奶皇餡都一般！個富士蘋果包反而幾好食，有粒粒蘋果喺入面，加上個吉士醬都幾香！不過兩款包既空氣感都好重，叫做試過就算啦，回購機會不大------------------------------食物質素：🤤🤤(5🤤最優)價格水平：💰💰(5💰最貴)環境裝修：✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------…查看更多

今日食完lunch 入去買個合桃莓包做明天早餐，見到有之前好hit既髒髒包，本身無咩興趣買，但見入去既人10個7個都買，仲買親都幾個，好啦我又襯下買返個返公司即刻試食，可能幻想真係永遠美好，同我想像既落差差太遠，我以為會軟包，但佢係似牛角包咁一層層但偏乾同硬身，唔鬆軟，同埋睇其他人既相係普通牛角包，但我個咬開似加左朱古力粉一齊猜麵包咁。朱古力味好濃，甜左小小，入邊既涵唔多，但好漏我覺得佢其他包出色好多，唔啱我口味…查看更多

早前有媒體報導過這間店有韓國台灣大受歡迎的髒髒包，今日經過就買了一個回家一嚐。總共有四種不同口味，我見到有人買綠茶味，也就跟住買了一個。包面有一層綠茶粉，在綠茶粉和包的中間是白朱古力，應該是用來固定綠茶粉，不過就因為這一層白朱古力，令我這個不嗜甜的人覺得這個包頗甜。個包的部分倒是做得很不錯，個質感似牛角包，層層疊疊，也有酥酥的感覺，中間較底還有一些綠茶醬的。這個包總括是名符其實，會食到手污糟，一路食面頭的白朱古力不斷掉下來，都算一個new try，如果甜度可以減半就好了。經過可以一試，專程來買就不建議了。…查看更多

青山道近永隆街，位置近元州邨及李鄭屋村，全日都人來人往，這是一個比較舊的社區兼且人口密集，所以店舖經營的行業都很生活化，一覺醒來，幫襯最多的麵包店就已經有好幾間。每一天烘焙西餅店，店主寬敞，售賣的西餅麵包，中西兼備，開業未久一年，走的銷售路線較為清新。凍櫃熱櫃兼備，排列整齊款式亦多，價錢相當實惠今天買了最基本的蛋卷，味道也有多種選擇，$13.-/盒蛋捲味道可以，或者越是簡單的就越難令人覺得驚喜，期望店子精益求精，受惠的仍然是我們社區的老街坊。…查看更多

之前去韓國同台灣都食過嘅髒髒包，今次香港終於有得食啦。今次叫咗髒小子（$18），包嘅表層有大量朱古力粉和朱古力脆皮，朱古力醬略為少，但夠朱古力味，包太乾，吃起上嚟有啲辛苦🙃～～～～～～～～～～～～～～～～～～…查看更多

簡直係一試愛上，忍唔住4隻味都試齊啦！大家買返黎最好即日食，唔好放雪櫃，食前可以放入微波爐或者焗爐微微翻熱，流心效果會更好。1. 臭榴芒 ($28) －芒果榴蓮味一向都鐘意食芒果、榴蓮同丹麥酥，估唔到而家一個包滿足晒我三個願望😱😱😱，仲要係馬來西亞貓山王，食落啖啖榴蓮香，不過用料多，價錢都係最貴。彤樂評分：9/102. 抹茶裱 ($18) －抹茶味本身都抹茶食品唔大興趣，但真係好香抹茶味，聽講佢地仲採用左小山園抹茶粉，入面再仲有紅豆添！彤樂評分：8/103. 髒小子 ($18) －朱古力味不過彤彤最愛食就係髒小子😍😍😍，表面係可可粉朱古力脆皮，中間係流心朱古力，記住唔好放落雪櫃呀！彤樂評分：9.5/104. 白富美 ($18) －芝士味🧀白富美相比係就失色少少，忌廉芝士同奶皇嘅味道唔太夠，啖味少少啦。彤樂評分：7/10.好彩住得近分銷商，而家連彤彤屋企人都鍾意食，成日買！🙈😁…查看更多

呢排成日碌Facebook都會見到全香港都好Hit嘅髒髒包有一日同朋友咁啱經開長沙灣 又諗起其中一間買呢個包嘅鋪頭都係長沙灣所以就去決定碰吓運氣有冇呢個包食去到鋪頭見到好多人排緊隊原來係個包就未返貨所以就要等一陣髒髒包分別有抹茶味榴槤味同埋朱古力味 因為朋友唔識抹茶同埋榴槤 所以之後我地就揀咗朱古力味啦開出嚟見到其實睇好多朱古力粉係上面 就咁望包都feel唔到究竟佢係會係咩texture一零上手嗰下已經成手都係朱古力粉再咬一啖嘅時候成排牙同埋嘴 都係粉其實有啲似牛角包咁都係一層層酥皮feel食咗好耐其實覺得有啲乾 去到好後期先會有啲朱古力醬喺度 所以呢個包都係食一次就夠 因為其實有啲貴同埋唔係10分好食…查看更多