武藏野 (已結業)

很久以前幫襯過，但因以前樓面態度惡劣，故有一段時間無再來，今次見佢地店外啲相吸引，故同老公再試一次。我們大約九點半左右到，可能閒日關係，故唔洗點等位。今次佢地啲樓面比起以前好得多，起碼叫做有禮貌咗。因為時間都晏，所以肚仔不停打鼓，我地先叫咗一啲sashimi同sushi roll食。Sashimi有三文魚腩、立魚同赤貝，魚食落口都感到鮮甜及彈牙，赤貝亦都爽口無話mui mui地。之後嚟埋個彩虹卷，入面4個卷中各有不同的sashimi，因為顏色配搭比較悅目，故齋睇個賣相都幾吸引，而師傅亦好有心思切得好靚，食落亦很好食。之後再叫了一個鰻魚石鍋飯同一個pizza。鰻魚石鍋飯上配料都有不少，仲有泡菜，加上啲汁醬有小小辣，食落有啲似食韓式石鍋飯，不過味道都唔錯。平時食開的日本餐廳比較小見有pizza食，故今次特地叫了一個試試。之前無食過酥皮pizza，今次第一次食，感覺很特別，而且pizza上配上芝士帆立貝，出奇地配合，令人感到另有一番風味。今次見佢地有食物同服務都OK，故下次會再幫襯。

原址"御八築地"，聽講因轉了老板固所以轉了名，班底話一樣。Anyway，因公司响附近，所以間中都會行去大埔中心附近食lunch。今日同事想食日本嘢，須則附近都有不小日本餐廳，但食過質素一般，固之前如果想食日本菜，都會去"築地"食，今次順道試下係咪keep到以前水準。入到去格局基本一樣，除了牆身轉了些餐廳食物相，壽司吧都是熟口熟見唧師傅，而lunch menu較以往多選擇。我們今次分別叫了一個 "角切魚生飯" 及 "燒鯖魚帆立貝定食"，另再加一客雪花三文魚腩；先來三文魚腩，個人比較鍾意食腩位，因貪嗰度肉質夠肥，師傅將啲魚腩切得好靚，送上時見到已開始流口水，放底後我們立即開動，不稍一會便已全部食咗落肚；之後魚生飯亦到，飯上面佈滿天婦羅碎及一大堆蟹籽，賣相不錯，將天婦羅碎放一旁再看，下面魚生亦著實放了不少，魚生都幾新鮮，而味道同以前食開一樣。跟著同事的鯖魚定食亦來到，平時出面食開的定食一般都係得鯖魚，佢地都算幾捨得，多配2粒帶子，而且都算大大粒，不過值得一提係鯖魚佢地出得比較耐，可能要燒的關係，不過整體味道算不錯，而且都係$43元，都算係平。