武藏山

營業中

休息中

sashimi新鮮， 一日舖頭坐低老闆 即時拎出兩箱話說是當日新鮮運到的海鮮逐一介紹 。但是他所介紹首先他介紹了貝殼類，而我同朋友揀了兩隻 赤貝及一隻象拔蚌後。他便繼續介紹一條 喜之次魚，話說是全日本排行第三最好的魚類，這條魚並不便宜 一條小小的魚要七百大元。但因朋友說想試試，所以我們 叫了一條 。但是當上菜才發現這魚只得 十數塊， 而且並沒有期望的鮮味，味道非常之淡。老闆解釋這是淡味的魚，如果不合口味下次會介紹比較濃味的給我們喔 。另外，老闆亦有介紹海膽，但是那板海膽價錢還比魚價。他話這是北海道海膽900元一點都不貴，妳哋出去一定搵吾到這平的價錢了？最後我們回覆他下次才試了，他見我們想放棄 即說他飲醉了酒 480 今次畀一個特價我們，下次沒可能食到這價錢喔。但是我們覺得不需要叫太多，所以沒有答應要這昂貴的海膽。跟住發現如果我們只叫他菜牌上的魚生組合，其實並不那麼昂貴。。而且發現隔離台只叫譜通的也是這樣新鮮。整體 sashimi 是不錯啦。 象拔蚌非常之鮮甜， 赤貝爽口 ，只是那條魚比較淡味。但是他的魚頭煲湯後反而非常鮮甜。之後，我哋亦叫了一 份腐皮溫泉蛋，腐皮脆口，而溫泉蛋夾了蔥粒

「腐皮溫泉蛋」（$48）「廣島蠔刺身」「廣島蠔燒」 $58生食同熟食，隻蠔都一樣咁滑（震驚mode🤯）「和風煮白貝」（$78）鮮得黎幾有咬口「辣三文魚他他」（$98）側邊有紫菜，可以卷埋一齊食「牛油果軟殻蟹卷」「四食法鮮鰻魚飯」$258所謂四食法，即係四種食法，包括就咁食、撈隻蛋、撈側邊d side dishes、同埋撈茶漬。根據師傅講呢，撈茶漬就係最好食嘅🙂😋頭先已經食咗咁多野，呢個飯幾個人一齊share食就岩岩好，仲可以有咁多種食法 👍🏻「海葡萄」（ $78）呢個都未係香港食過，幾特別

是晚在友人介紹下一行三人到了這間日本料理小店進餐。店鋪不大，大概容納到26人，所以進餐前最好提早預約。甫進店，傳統日式和風裝潢與日籍老闆友善的招呼聲，使人猶如置身日本，就像在旅途中走累了偶爾走進一間家庭式料理店的感覺。我們點了sake, 是老闆推薦的「寒中梅」，分一半冷上、一半熱上。熱的酒味較出較濃，冷的酒味較淡較清，各有千秋。刺身方面，此店用了香港較罕有的方法：原條的魚及貝類海鮮任君選擇，選好了就即時叫廚房切好上碟，味道非常新鮮，而且賣相引人入勝！串燒一碟有6款，味道不一，燒得很有水準。另外，小甘薯和溫泉蛋腐皮壽司也不錯，值得一試。😋全晚最值得讚美的就是親切又善談的老闆。他是一位擁有日本血統的華人，精通日文和國語，略懂廣東話。跟他聊天非常有趣，還跟我們取了日文名字方便下次預約時好辨認😂 今晚真開心，下次一定再幫襯。（一番日本の料理！）

同朋友去睇演唱會之前就嚟咗呢間日本野食晚餐！其實成日都路過但係佢轉左手之後就一直都冇嚟過！嗰日咁岩醒起就諗住去試一試點知出乎意料之外！同埋老闆真係好有心又好健談！其實有時候係呢啲小店唔到食嘢同老闆傾吓計又舒舒服服咁真係唔錯！呢板海膽真係無得輸超級超級鮮味！天婦羅亦都係即叫即炸好味而且個炸粉唔錯仲有呢個幾個口味嘅雞肉棒都唔錯呢個腐皮鵪春蛋值得一試！從來都未食過😋呢個係第二次你食嘅時候影嘅第一次嚟嘅時候一啖放咗落口都已經唔記得左影相！我覺得如果約埋三五知己想安安靜靜傾下偈食下飯又食物有啲品質嘅話都不妨可以考慮下呢一種小店😃

絕對係一間好有心既小店,人手唔多,所以可能會等耐少少日本老細會好熱心咁介紹唔同既野比你食,而且老細Ｄ廣東話仲好好添而且食物質素對得住價錢,唔講咁多,去片$90蚊左右, 好似係大牙魚刺身, 食落幾鮮味同平時食開果D魚刺身唔同$48, 腐皮溫泉蛋, 腐皮岩岩炸起脆卜卜加埋蔥花同溫泉蛋好夾$298, 刺身拼盤, 唔講三文魚,甜蝦同油甘魚, 中間果兩舊拖羅真係好食, 另外果隻唔知咩魚都唔錯(唔記得問)，不過賣相可以再好Ｄ$70左右, 武藏山炒飯，幾惹味不過油略多埋單兩人$650, 食左1串牛舌串燒, 一隻活赤貝,一客大牙魚刺身,刺身拼盤,炒飯,腐皮溫泉蛋會再黎試下其他特別野

吃过了很多日本菜，觉得非常可以。強力推介大家吃池魚刺身,非常新鲜美味。仲有腐皮 溫泉疍，一定要試。仲有喜歡飲sake的，就有超多選擇。當然價錢相比放题会貴D，但是一分錢一分货。超有feel的一間小店

之前都有到過上手食日本野，所以今次再黎揾食。這裡老闆好熱情，傾談間告知我們大部份食材都是由日本直送，好有誠意。烏冬口感好好，牛肉就一般。豚肉燒醬汁好好味，食物份量唔算多，整體感覺好有地道日本風味，會再去！

最近係老尖食野食到悶悶地，有架車不如兜落佐敦睇下有咩新餐廳試下啦！本身想挑戰下有9.5分難度既地獄停車場！但新牌仔失敗左去左對面泊貴幾蚊黎到呢度見一個客都冇好驚伏，但見店員咁熱情都唔好意思過門不入啦！係門口已經討論話食二人餐，細心既店員聽到所以一入去就問我地係咪要二人餐～再揀左烏冬做主食首先黎左腐皮流心蛋，真係不得不讚日本人成日都可以用好簡單既食材整到咁好食既野！腐皮炸到好酥脆，一食落口，又酥脆又蛋漿爆哂出黎！下個就係蟹籽豆腐沙津，上碟時靚到急不及待食唔記得影...呢個沙津食落唔會覺得乾，仲有這鮮芒果條係係裡面，又甜又酸好開胃！刺身賣相唔錯，有甜蝦，油甘魚，三文魚同埋吞拿魚各兩舊。舊舊都又肥又厚，食落都好鮮甜，除左吞拿魚..食落去仲有啲碎冰係入面，未解凍得哂呀！可惜..呢碟我覺得似越南野多過日本野😅冇乜特別，仲油左少少燒大蔥雞肉同冬菇都唔錯，燒得非常juicy ，不過唔知點解唔係太夠熱牛肉烏冬有啲普通，個湯可以再濃啲，牛肉都粉嫩夠稔既，烏冬都夠彈牙整體服務好好，加水好密，會問我地啲野食好唔好食，見到碟污糟左都會即刻主動幫我地換

武藏山早前聽朋友講佐敦站附近開左間居酒屋，細細間幾岩傾計，野又好味。今日同女朋友行開附近就決定去試下！去到見到真係細細間，大約三十個位左右，環境暗暗地幾有氣氛，岩晒拍拖黎一拎到menu 更係即刻睇下乜好啦聽四眼哥哥推介叫左個刺身拼盤（呢個寫係牆上邊嘅限定menu 所以未必每次一樣刺身拼盤 （$258）刺身口感彈牙，新鮮！同平時食嘅真係唔同層次，有時獎勵下自己食好d 係應該架！腐皮溫泉蛋($48)呢個真係推薦+必點！腐皮先炸過再放入溫泉蛋，入口會先感受到腐皮暖暖鬆脆口感，然後再黎就到流心溫泉蛋幼滑同濃郁嘅蛋味！極度推薦趁熱一啖擺口去感受！真睇得又食得！清酒煮大蜆($98)開頭點嘅時候，其覺得有d貴。不過當呢碟‘大蜆’黎到我面前嘅時候，我即刻改觀！因為真係好大隻！啖啖肉，d湯仲好好飲，即將呢道‘大蜆’變成推介菜式！燒牛舌($35)，燒雞肉棒配鵪鶉蛋($38)因為女朋友鐘意食串燒所叫左兩串比佢，牛舌燒得岩岩好，保留到肉汁同彈牙！另外雞肉棒，我個人其實唔太喜歡，因為之前食過嘅中間都偏‘淋’，我唔太鐘意。不過呢度嘅燒雞肉棒就唔同啦，比較爽口，肉入面仲混入左軟骨打碎，所以我覺得好食好多，再點d蛋

試左呢間新開張的餐廳老闆/大廚是日本人很友善會講解&介紹菜式給客人仲會問客人對於食物的意見很細心店員的服務態度也很好餐廳座位不多但坐得算係幾舒服食左2人套餐腐皮温泉蛋👍🏼👍🏼燒到脆身的腐皮加上流心温泉蛋很有驚喜的配搭另外鰻魚飯三食也是另一推薦👍🏼👍🏼老闆用新鮮鰻魚即宰即燒表皮燒得香脆刺身都幾厚件幾新鮮二人餐都幾抵食食完很滿足😋💖

餐廳係今個月剛剛開張！環境衛生都很好，主要係D食物真係好新鮮，好鮮甜！特色必食辣三文魚他他，日本活粒貝刺，D刺身都好新鮮，服務員好細心介紹食物！下次一定再嚟！好味好味！

午餐時間，去seven買野見到間，細細間的日本料理，個名都特別，好似岩岩開左冇幾耐，（｡ӧ◡ӧ｡）還都有的肚餓，就試下！鋪頭雖小但都幾精細，入到去見到都坐滿曬得人，lunch主要定食為主，見到好多款選擇又唔知道食咩，見到個四眼哥哥過來介紹，態度都幾好，推薦左一個燒五花腩定食，出餐都算快，賣相幾好，口感外脆內嫩，點埋得自家製味增夠味！又唔肥膩，外搭的前菜都幾開胃！尼個價錢來講真係物有所值！聽講老闆兼总厨係日本返來的華僑，有料理經驗幾十年，揾曰一定要過來試下晚餐菜式，睇下有咩獨特之處！