正斗潮州滷水鵝專賣店

營業中

休息中

今日要過西營盤買嘢，咁就順便買啲小食食啲嘢咁。🤗第三站嚟到呢間潮州滷水鵝店🪿，我之前淨係喺佢堅尼地城分店買過幾次外賣，今日啱啱經過先知道西營盤呢間先係老店，所以係有信心嘅👍🏻。今次我就外賣咗以下食品返屋企：🤗滷水鵝肉飯🪿滷水鵝肝飯🪿滷水鵝紅🪿滷水獅頭鵝翼🪿送咗兩個例湯🥣🥣同分店一樣，我鍾意佢啲滷水雖然唔係好陳，但不過鹹亦帶鮮味👍🏻，鵝肉質地亦幾好，唔會太硬太嚡，兼且亦有少量鹹酸菜放盒內角位🪿，亦一樣附送例湯🥣。而滷水鵝紅同埋滷水獅頭鵝翼都幾好味，應該都冇嗌錯。😋而家知道原來老店喺西營盤，咁第二時又多一個選擇，唔係淨係喺堅尼地城先買到，幾好吖～☺️

有時一個人食飯，反而可以慢慢品嚐食物嘅細緻。今日晚餐無人約，就走咗入呢間小小的老店 —— 正斗潮州滷味。店舖只得三張枱，唔夠10個座位，但門口不時有人嚟拎外賣，人氣非常高🔥。我點咗最經典嘅 鵝片飯（$55），上枱時份量比想像中多，連碟邊配菜都照顧得好好（有醃菜、豆腐等），令口感更有層次感～鵝片 去骨處理得好乾淨，肉質緊緻有咬口，加少少醋一齊食，將鵝嘅鮮香完全帶出嚟， 滷香濃郁又唔會過鹹，一啖接一啖真係停唔到口🤤🌟特別想讚佢哋嘅 滷豆腐，吸晒滷汁精華，內裡仍然滑溜，真係畫龍點睛！雖然對面都有類似鹵味店，之前我都食開，但最近試過覺得味道有啲退步，反而正斗鵝肉質穩定、味道出眾，可以話係靜靜地贏出👑

4/5I tried a few times here, the master stock is beautiful. But the goose get rough when they almost close. If can keep the consistency, it will be a five!

.呢排係西環出job，過來搵嘢食。.睇呢度嘅post覺得唔錯，於是過來試下。.🌼招牌滷味雜飯 $40同事話d飯好硬，d鎹同湯都較鹹。.🌼鹵水鵝片+ 鵝腸 $45呢個鵝片唔差，味道適中。鵝腸都係比較脆口，感覺新鮮。但飯好鬆軟，感覺係煮飯嘅時候 落太水得滯。配菜鹵水豆乾好鹹，食左一片就冇食了。鹹菜都一般般，都係較鹹。.🌼湯感覺較鹹。.總體來講 價錢ok平，但質素都麻麻。可能就係得鵝片比較好食d 其他都一般般.

有時除了夜麻麻想打冷，午餐發現可以叫外賣潮式鵝片送到辦公室。即管又試吓你這間潮州鵝。半個鐘就從西環送到中環，好快。鵝肉都好新鮮，好有潮州風味，墨魚好爽脆，滷水豆腐好新鮮又入味，不錯不錯！配白粥簡直一流。

上次食完生記鹵味，今次就試埋對面嘅正斗滷鵝。入面嘅位就比較少，得3張2人枱。今次我就叫咗個鴨舌鵝片飯，好多就上咗個湯黎，好清甜好正。飯都好快到咗，鴨舌有小小辣但都食得出好入味，餸飯一流！個鵝片2間都差唔多，同樣$55我就推薦大家食正斗！

收收餓餓地搵野食，一出地鐵站就見到正斗鹵水鵝，見個名咁正斗就試試佢，係門口已經見到有少少人龍，幸好佢只係斬料加餸，入到去坐既位置唔多，鋪內1/3係開放式廚房。我選擇左坐佢既高枱，叫左個鵝片飯 加鹵水豆腐，飯黎之前有碗例湯先送上，湯有紅蘿白，蕃茄，飲到應該有D章魚乾調味，味道非常不錯，飲完好開胃😋。鵝片飯比我想像中大碟，碟邊配少少配菜，令成個飯口感更豐富，鵝片加少少醋，令鵝片既鵝味更鮮明，鵝片去骨啖啖肉，肉質結實有咬口。呢餐總共$50，我感覺非常滿意。另外我留意到，係我入鋪食飯到埋單呢段時間，都keep住有人外賣斬料，可想而知鹵水鵝真係不得了👍🏻👍🏻

今次是第一次試呢間小店，因想食滷水鵝肝，以前是在古琴食到！但今次在這間小店揾到！滷水鵝肝非常滑！唔係每間都有得食！滷水汁好味唔太咸，鵝片都好嫩，價錢非常合理！師父好有禮貌！值得推介！

在網路食評上潮州鹵味店，很多時都只有留意到上環和西環區那幾間已很有名氣的，但聽朋友介紹說在上環生X鹵味對面的正斗都很出色，固從九龍區特定來試吃，店面積比較細只有三張很細的小台，門面比對面生X還要細小小，早少少吃飯趁人不多，叫了碟﹝鹵水鵝肶飯﹞。嘩！有驚喜，鵝肉夠腍嫩滑，鹵水味道香味回甘，還有送幾片豆腐和咸菜伴碟再送例湯，才收五十元，真係物超所值。送嘅例湯都好濃味好飲。招呼服務都好NICE！食落滿意再買了些鹵味外買帶走介紹給老友品嚐吓，擇日再來！

作為街坊 間中都會光顧這家老店雖然不及對面的有名氣但剛換上光鮮門面 應該都略受區內居民支持雖然說是滷水鵝為主 但其實都有豆腐 豬大腸 豬腩肉 豬耳 豬頭肉等食品鵝則有鵝件 鵝腎 鵝肝 鵝翼等最近一次光顧 點了豆腐 豬大腸和豬腩肉因為以往買過鵝肉 味道只是一般 而且滷出來偏「鞋」所以沒有再試相反 以往曾吃過它的豬頸肉 覺得還不錯所以今次亦以豬作主打豬腩肉 特意請師傅選一塊小一點的 可是櫃裏三塊腩肉 師傅偏偏就選了最短和最醜的一塊給我 四十多元的豬腩肉 居然有超過一半都是不能吃的肥肉 我明白吃豬腩肉不能要求沒有肥肉不過該份豬腩肉的肥肉多之餘還是看上去很醜的部分 參差不齊 絕不是想像中腩肉那種一層皮一層肥一層肉的工整 根本看到就不想吃 回家小心地把醜樣的肥肉切掉後 僅剩幾塊完整的可以上桌所以 該餐只剩下不過爾爾的豬大腸和豆腐很可惜啊 街坊生意 還是會蝦男人 不會再試！

There are many Chiu chow restaurants in the neighborhood, but this one reins supreme. This is a non pretentious restaurant that has one goal in mind, to serve up the best goose and Chiu chow marinade in town. You don’t come here for the decor as it’s a very small shop with only 3 tables, but over the years I have come I have always had an amazing experience, both dine in and take out. The service is good if you know them well and will always treat you right. This is one of the secret Gems in

難得今天晚餐沒人一起吃，我就自己一個人去了正斗滷味，一家在䇄立了多年的潮式店舖，店舖的範圍是很小的，只有三間桌，而位子大概只不到10個吧。雖然店舖很細，但是來叫外賣的客人是非常非常多的。我今天就點了一個雙拼飯，鵝肉鵝肝飯，只需＄40而已呀，這個價錢到其他地方的潮式食店應該就吃不到的。味道上，鵝肉滷得很入味，鵝肝有鵝肝的味道，而且口感非常不錯。還有很重要是，他會送你一個例湯，好足料，味道亦10分好，能夠給你一些蔬果，如紅蘿蔔青瓜。除了那個飯之外，因為味道我覺得還是蠻好的，我多加了一個豬耳，豬耳很爽啊，然後配合那些滷味啊，感覺很匹配，就是反正＄20就已經一大碗啊，我覺得性價比是很很高的。給一個人吃飯和叫外賣的人推薦。

每次經過西環,每一條橫巷都好似隱世美食街氹,今日又比我發現左呢一間潮州嘢!店舖面積唔大，其實可以話係細添，坐得大概八個人剩左右，睇得出係小本經營嘅。老闆應該就係係到切野嘅師父啦，以送菜嘅可能就係老婆（哈哈！純粹估下架咋！）講番啲野食先，老闆同我哋講：唔洗睇菜單嘅，鐘以食咩就同我講得架啦！我於是就柯打左鵝片，墨魚紅腸飯啦。啲鹵水汁好夠味，亦唔會好咸，同前幾個街口嘅德記有得輝！不過佢本身嘅飯我自己嚴唔夠鹵水汁，於是問一問老闆，問佢再要多啲。食飯之前，老闆仲俾埋例湯我哋，飲得出係無味精，飲完個口唔會覺得口渴！西環又一推介小店！

有一日，無意中發現咗呢間位於堅尼地城嘅滷水鵝專門店。 起初只係經過，然後俾佢掛喺玻璃窗嘅大滷水鵝同埋各式各樣地道滷水食品吸引著。 後來望見店內嘅裝修幾別緻，於是決定坐低一試。 店裏面大概有十個座位，我㸃咗碟滷水鵝脾飯試。 一邊食一邊聽住嗰位靚靚老闆娘(我估計係老闆娘)非常有禮貌咁招呼每位買外賣嘅客人。 真係要俾個like佢。 假如日後再經過此地，我會再光顧此店!

最近開始在西環工作的我， 每朝必做的事就是上OpenRice搜尋， 來決定去那裡吃lunch。 當我連續兩天都去試過， 一家曾經為「米芝連」推介過的， 及另一家在皇后大道西的老誌號， 吃過了他們的滷水鵝飯後。我就收到來自討論區的板友「東方無敵」兄的advise: 你行過對面馬路試一次先啦！ 今天我就走過對面馬路， 入到去發現勉強只有6個座位， 已經有兩人在用餐。 我就立即坐底order了一個「滷水鵝片飯」， 再發現另一個餐牌有鵝肝、 鵝腸等食物， 就二話不說追加了一份「鵝腸」。看著聽著老闆chop、 chop、 chop， 不到兩分鐘一碟靚靚的「滷水鵝腸鵝片飯」就上枱了。滷水汁很香不鹹， 配合白飯入口無得彈。 鵝片滷得入味吾「鞋口」， 每件鵝片都附上一層薄薄的肥膏， 整體提升了鵝肉的口感及觀感。 鵝腸係新鮮帶有肥膏， 入口咀嚼時「嗦、嗦聲」很正。最後再次感謝「東方老兄」， 這樣美味可口的午餐， 才$60埋單。 不敢說平絕港九， 我會用抵食夾大件來形容。