正斗海鮮火鍋館 (已結業)

朋友介紹這間不錯的火鍋店就試下，因好多時宵夜時段甚麼都賣晒，但朋友話呢間唔會咁，果然點左好多樣都有，只係有一兩款菜賣晒，打邊爐最怕想食嗰樣冇嗰樣，但竟然我想食嘅全部都有，點左鴛鴦湯底，沙嗲湯不錯唔會過辣，燙d肥牛超正，肥牛夠滑夠薄，獅頭鵝腸夠肥，d蝦仲好新鮮，燙嘅時候仲係咁跳，豬潤，黑牛柏葉夠爽，份量亦唔細碟，一定有下次

本想去富臨漁港打邊爐，但原來冇左，唯search下周圍有咩食就揾到呢間，就一行四人入去試下，先點左個鴛鴦湯底，再點了必食肥牛，肥牛花紋均勻，唔會太肥，黑牛柏葉，獅子頭鵝腸等，全部都好平均好鮮，仲有d蝦係生的，d腳仲係郁緊，份量就一般，但都食得滿足，又有新地方打邊爐了

選擇多, 材料新鮮, 尢其係炸物, 釀三式油炸鬼, 炸魚皮上檯前會再炸一次, 感覺尢其新鮮, 十分香脆可口, 魚卜及山藥做火鍋料真係無得輸 .......... 另外, 湯底好夠味, 我地叫既係麻辣併香茜皮蛋清湯, 麻辣湯係用普通麻辣醬開的, 雖然無咩層次感, 但都尚算夠味, 所以我地之前所渾既醬, 基本上都用唔著, 但由於一坐低伙計就一定比一大盤調味料你自渾, $就緊係照計喇釀三式油炸鬼, 香脆可口, 中間釀左墨魚膠, 蝦膠, 令油炸鬼更加特別, 若放湯內淥一淥更能減去油膩感

已經是第二次來正斗了！第一次經J的同事介紹，覺得不錯，這次和一班客人過來光顧。自由配搭的醬汁在打邊爐前，正斗會奉上一set像九格般的配料座，當中包括九種不同配料，例如蒜蓉、芝麻、辣椒、蔥、胡麻醬等，讓顧客根據自己的口味自由配搭心水醬料。多種鍋底任選正斗的鍋底種類非常多，可謂花多眼亂，無從入手。單是牆上所列的湯底已經有13種之多。是晚我們選了花鵰醉酒雞鍋和麻辣雞鍋。花鵰醉酒雞鍋酒香撲鼻，鍋中更加入不少中藥，相當不錯。麻辣雞鍋上桌時是熱辣辣、麻辣味十足的雞塊，吃完後伙記加入豬骨湯讓我們打邊爐，配合一眾嗜辣的朋友。本地牛號稱有本地牛供應的火鍋雖然也有好幾家，但良莠不齊。正斗的本地牛牛味十足、有嚼勁，而且油花分佈均勻，不錯。一連吃了兩大碟！絲瓜鮮甜多汁，一個字「讚」！鮮活蝦蝦味濃郁，肉實飽滿。單是新鮮已經是味覺最佳的保證。手打四寶丸，將肉拋打得非常堅實，吃起來異常彈口。不過，味道還過得去，終於是用攪碎的肉造成，遠不如鮮肉美味。新鮮肉厚的鯇魚，魚脂和厚身的魚肉入口十分滋味！

之前呢間做中式茶樓,食點心茶中茶,而家變了開傍晚火鍋海鮮,食過兩次都係食呢款茄蕃牛柳粒湯底,蕃莙味幾濃幾香,牛柳粒幾重牛味,不過都係要熟d先好,如果唔係會滲血,唔熟變了浪費.其他就叫了手切肥牛,生根,菜類,竹笙,鯇魚片,肉丸類,雜菇都有,都係牛柳粒同手切肥牛較為好味.另外有三文魚刺身,幾個人餐前叫了兩磅.

是晚收工後搭了的士去了旺角同班同事去食宵夜, 同事提議去正斗打邊爐, 聽聞價錢都真是不是便宜, 幸好同事們已經找到座位, 枱上更已放了一籃汁醬可以讓客人舀汁醬, 有乾蒜, 辣椒醬, 麻醬,紅辣椒......火鍋紙內的火鍋料選擇真是多, 最基本是由$18及$30不等, 便有海鮮刺身供應, special 的火鍋料更有美國桶蠔, 花膠筒, 包心芥辣牛丸等......大約價錢是$38起....而火鍋湯底最便宜是$18有上湯底, 香茜皮蛋鍋及鴛鴦鍋, 特別的湯底都有海鮮蟹鍋, 羅宋鮮茄薯仔豬骨鍋.....大約$90起我們order了不少火鍋料, 有蘿蔔絲餃, 日本蟹柳, 鮮豬心, 手打烏冬....今天火鍋湯叫了個花刁醉雞鍋(半隻)$108, 半隻雞的份量真是剛好, 因為宵夜期間都只是想食少許東西墳飽肚就算, 嗅到的味道都有少許酒味, 同事們都好小心翼翼放入火鍋中, 而且我們更把一些要煮多點時間的食物放入鍋中, 粟米, 水餃,四寶丸,冬菇.....蔬果方面,烚好了一些唐生菜先, 唐生菜都好新鮮翠綠, 而大約25分鐘後才敢食了一些栗米, 因為要需烚耐點時間, 不過真是好甜之後同事也order了一些

走到附近睇傢私，無意中發現依間打邊爐店，門口睇價錢，都算中上價，但門口海鮮似是很吸引，結果一試。打邊爐，第一時間當然湯底行先，海鮮迷，當然叫個海鮮湯底。一個豬骨鍋，再包一碟海鮮配料，蝦蟹魚蜆，全部唔算大份量，但好新鮮，仲識郁。大蜆，無沙啖啖肉，好鮮甜。蟹，斤兩細，但實肉，夠鮮甜。蠔，一碟有8隻，鮮蠔味十足，但多人Share會更加好，因為2人食有點漏牛頸脊，眼見差唔多台台都有叫牛，雖然價錢算貴，268一大碟，但眼見牛紋靚，食落去牛味十足，仲帶陣牛脂香，入口唔韌，好正!之後再叫了日本烏冬、日本蟹柳、午餐肉呀咁，2個人食好full，埋單雖然每人要$340，但我覺得依個質素係值得既。值得一讚係侍應，服務很好，不斷問駛唔駛加湯，見我地食緊牛，碟牛放得遠，又主動過來幫我地將碟調位置，整體感覺亦令我喜出望外，有機會再食過!

原本想去旺順，在龍蛇混雜紅燈區，帶着兩個細路...轉了3圈都揾吾到, 算吧！ 轉戰正斗...話曬大街，光光猛猛，但食煙男女不少。侍應姨姨說，有枱但15分鐘後入去有特價，可先点火鍋料..9:30pm侍應安排入座今次例行眼闊肚窄...3人叫了以下仔女從來吾點鴛鴦湯底...吃沙嗲，於是蝴蝶腩湯底 - 估吾到蝴碟腩加牛根碟上，湯內己有大量配料，有喲似豬骨鍋...粟米、籮白...等。真係非常肚餓，蝴碟腩加牛根一上枱..食咗3分1三文魚+象犮蚌剌生 - HK$238有一磅三文魚, 再加一條象犮蚌，要有寄望...想住 $238...$238...就會覺得抵食。象犮蚌都幾腥，侍應姨姨經過都問一句"未上Wasabi豉油?"，四五個不同侍應問完，我和囡囡再追4-5次，最後有一嬸嬸走過黎問"重要吾wasabi豉油?"之後約10-15分鐘..終於出現，約有7-8份，吾通我家時運高? 全枱得3人...刺身少過10片，於是要了兩碟牛胸油 - 第一次吃....超級好味，牛友要錯過牛舌定 - 和牛舌差不多...爽...豬心 - 多年沒吃了...yummy yummy午歺肉 - 仔女必吃著仔 - 太薄...打

上次來試過這裡午市的點心,用料新鮮感覺是不錯.說過要來一試晚市的火鍋,但來不及組局踫巧氣温又突然轉凉至晚上得10度,剛好行過看見又不用等位…在種種因素影響下便唯有先自行以身試菜,為火鍋同好會成員去冒這個險.寒冷天氣下不愁沒有生意.自行混醬,其中麻辣醬的味道不錯!蕃茄薯仔羅宋豬骨鍋----煲內豬骨數量頗多,不是用上筒骨但近骹位位置膠質豐富.手切肥牛(中)----近年經一衆牛肉專門店"教育"後,以往手切肥牛除了分大中小外,已再細分頸脊、柳邊來收取不同價錢.說就是多了選擇,但以前不是一碟內已有齊幾款了嗎?這裡的油脂不算多肉味略淡,吃起來有一點韌是非常普通的貨色.滑雞片----以前多是鮮雞件到現在變成滑雞片的愈來愈多,反正也不是新鮮雞了灼熟後出來的效果也分別不大.總之吃起來滑滑的沒有雪藏味就是.水餃----餡料內有3隻蝦及冬菇荀絲木耳,只不過將正常水餃放大一倍.卻收$58四隻的價位,相信很難叫人感到物有所值!手打四寶丸----又一矜貴系列,各款丸的表現只可說是不過不失.肉眼筋----豬肉的臊味很重,不及一般的爽口.游水"大"花甲----體積與常見的蜆差不多(完全沾不上大這個字的邊沿)幸肉質鮮甜

這店已開張了一段時間,一直也未安排到在此晚上來吃火鍋,倒是這天上午經過才知原來早市兼賣點心.一個人買份報紙便推門入去搭檯坐下,環境配套當然比不上酒樓,但衛生程度不錯坐得舒適就好.點心紙上的選擇不多每款也是即叫即蒸,貪心地比平常多點了一款.馬蹄牛肉腸粉----腸粉皮薄內裡的牛肉滑,豉油的調味亦不錯!加入爽脆的馬蹄粒豐富了口感.蝦餃----蝦餃皮不算很薄但亦不會吃得一口粉團,能輕易夾起而完整無缺.內裡餡料雖欠荀絲但蝦肉極之爽彈有鮮味,不知可會與自家晚市賣海鮮有關?咸水角----外皮脆內層軟糯,餡料填得滿滿而且咬下沒有爆油.是近年吃到不錯的幾家之一.糯米雞----傳统的糯米雞已愈來愈少地方肯做,多數也轉了餡料單薄的珍珠雞.這裡難得的是把糯米雞打開後嗅到一陣荷葉的香味!糯米蒸得軟硬適中,內有雞件、火腿、蝦米、豬肚粒、豬肉粒、冬菇等餡料豐富濕潤不乾身,能加臘腸在內的話便接近完美!價錢便宜,點心的質素絕不比酒樓輸蝕,甚至比隣近幾間做得更好!留下了一個良好的印象,看來要加快來試晚市的進度了.

湯底...................好正 蠔未食巳經好香.........食落重不得了 tim 釀三色油炸鬼..........唔食就走寶 其他講唔哂..........不過不失 甜品...............唔洗講........好食過出面 D 糖水舖