正宗印度餐廳及酒吧 (電氣道)

營業中

休息中

今天在電氣道，準備吃早餐，看看手錶，原來剛過了十一點，一般餐廳的早餐都供應完畢。行過一間門口宮廷圖案設計的印度餐廳，外觀吸引，見門口餐牌Lunch Set經濟抵食。本來小弟對印度餐興趣麻麻，但都決定進去來個早餐時份，印度午餐。餐廳佈置很有印度風味，硃砂紅色牆身，還有些古典印度工藝品擺設，環境舒適。坐下叫了Lunch Set咖哩素食椰菜花馬鈴薯，材料很簡單，祗有椰菜花和馬鈴薯浸在青香咖哩汁裡，卻能帶出新鮮味道。烤餅大大塊掛在鐵架上，像兩塊大豬肺，烤餅熱哄哄，味道出其的好。奶油雞塊Lunch Set同樣出色，橙色咖哩面上有層薄薄奶油拉花，雞塊軟滑入味，咖哩微辣，配纖長印度米吃，真是粒粒好味道。餐湯是蘑菇湯，有碎粒蘑菇，帶點蒜香，味道不錯。

正宗印度咖喱唔知大家對上一次食印度嘢係幾時 我自己就真係除左細細個 同屋企人食完時候就無點接觸過 重溫masterchef 主持一直大讚印度菜 好有風味 我就忍唔住出天后試下 入到店內環境好乾淨同埋闊落 餐牌都比較多選擇 特別係素食者 一定揀到心水坐低叫玩嘢食之後 佢地就上左 Papadum 好薄好脆 佢地有四個醬料俾你點 橙色帶小辣 綠色係檸檬薄荷 小清新 深棕色就係類似梅嘅酸味道 黃色就係淡淡薯蓉咁 各有特色 好得意 Fresh cottage cheese cooked in rich tomato and butter gravy topped with fresh cream 奶油芝士 $80醬料係濃郁蕃茄做基地 帶出濃濃嘅蕃茄甜 同埋小小酸味 好開胃 濃郁「湯底」好滑 就係試味都飲左好多啖 顛覆我對印度菜嘅印象 （一直以為佢地都係辛香料好濃） Cottage Cheese 好似正方形嘅豆腐咁 不過就比起豆腐有彈性 帶點酸同 奶香味 好似海綿咁吸收曬 濃濃蕃茄味 好特別 好好味 Garlic Naan 蒜蓉烤餅 $28HK$28 兩大塊 仲大過我手掌 可以話超級值 佢

好耐冇食印度菜～嚟到天后順便試吓呢間印度餐廳～印式椰咖喱配羊（$108）咖喱有少少辣同鹹，不過印度菜都係偏重口味，所以呢個咖喱都算中規中矩羊肉大大嚿大概有六，七件兩個人食一碟都夠飽，羊肉軟淋淋，易入口而且唔太羶，幾好食😋佢仲配埋naan👍🏻烤餅（$18），烤麥餅（$15）Naan同Tandoori Roti睇落分別唔大，食落都係烤餅嘅感覺，感脆卜卜，naan會比較淋小小芒果乳酪（$48）Mango Lassi甜甜地酸酸地，幾好飲😋

今天好想吃D特色菜,所以相約好朋友到一間正宗印度菜餐館吃晚飯.未入到店內以被門面所吸引,傳統印度裝飾,藍色外觀以有一種地道感覺.入到店內有幾枱食客,有中、外食客,服務員亦是印度人,所以落單時需用英語溝通.我們點了咖喱角(雜菜)、香辣薯仔沙律、烤餅和奶油咖喱雞.每款食物都有其特色.咖喱角由薯仔加雜菜做餡料,外皮鬆脆,一點也不油膩.香辣薯仔沙律,跟菜名非常合題,入口辣味香濃,非一般的沙律,雖是薯仔為主,但夾集了配菜在一起,吃起來還可接受不是太辣.到我最喜歡的烤餅,兩大塊掛在架上,外觀非常吸引.烤餅的口感很豐富,暖暖的,很軟熟,再點上奶油咖喱,簡直是絕配,不要以為是咖喱就一定很辣,原來是甜甜地的,真的沒有想到,兩者加起來令我停不了口.今天的新嘗試,真的令我味蕾嘗足味覺.真的很滿足,我下次一定會再光顧.

今日黎開天后，搵d特色野食下先。呢度外觀感覺係傳統地道老店，但一打開門，又係另一番觀感。入到去裡面係橙紅色牆身，有活力又young。摩登裝修配埋地道印度牆框、地𥖁、飾品，又幾好睇。食物方面有個餐前小食：胡椒餅（my favourite) 好香脆，胡椒味洽到好處，好開心咁可以逐隻醬試，好食到停唔到口，如果唔係要留肚，想encore多份🤦🏻‍♀️。四款醬料：橙色係辛辣嘅，超辣嗰種，食後口腔仍有辣味；綠色係薄荷, 淡淡嘅薄荷，幾清新；深啡黑係甜甜酸酸嘅，好開胃；重有隻芥辣色，好似係蒜蓉牛油味，惹味。後面兩隻好推介，亦可配沙律或其他野食👍🏼主食點左奶油咖喱雞配原味烤餅，奶油咖喱完全唔辣嘅，但有好香嘅咖喱同甜味，上面嘅奶油拉花好靚，差d唔捨得食😅。鷄件好嫩滑，細細件又去曬骨，索曬d咖喱汁👍🏼烤餅同咖喱又係另一個絕配，一客烤餅兩大件，長度重長過隻大碟。烤餅口感好棉密、煙韌，底又烤到微香脆，口感非常好, 食完一件已經飽喇，另一件打包😋見餐牌有好多野都想試，一於要再黎試下。

之前喺大坑食過呢間正宗印度咖喱，今日去到天后發現原來佢有分店個喎，好耐冇食過咖喱記得上次大坑嗰間幾好食今次試吓天后呢間分店先<Samosa$38>印度式嘅咖喱角，叫咗個雜菜味，香脆的外層裏面系咖喱薯仔同埋豆子，有少少辣，不過好惹味<Chicken Goan Curry$98>叫咗一個印式椰咖喱雞，驚好辣食唔到，椰奶好似穩陣D有椰香，雞肉好滑，份量又多，推介<Nann$18>Nann 用鈎吊起咁上，超級大塊，仲有炭香味，正

之前去過大坑分店，黎到呢邊發現呢間大好多，而且坐得更舒服。店員都係印度人，好熱情。落單後有薄脆配四款醬汁。Fresh Lime Juice $38青檸汁加蘇打水，仲加入印度香料帶微辣，一聽已經知好解辣又醒胃。Lahori Palak Paneer $80芝士燴菠菜茸，印度素食者常見嘅菜式，菠菜補血，茅屋芝士又補鈣質蛋白質，健康嘅選擇。味道正常一啲都唔辣。Tandoori Roti ($15)烤麥餅，一樣係健康嘅選擇，增加膳食纖維，又飽肚，比較薄身，一個人食啱曬。呢餐$147，幾飽肚，經過一定會再黎。

叫左兩個set lunch Lamb selection 勁抵$65咋😱 乜都有咁濟，食到好滿足 🥳🥣🧄是日餐湯：蒜蓉忌廉蘑菇湯唔似平時街果啲開粉既湯，好有印度特色，好香蒜味。🍛椰汁咖喱羊肉 Lamb Madras🍛馬沙拉羊肉Lamb Masala咖哩底有以上兩個味，少辣，唔油，肉好林同入味。Madras有多啲椰汁味，中和左辣味層次較豐富，但兩個都好正！咖喱黃豆 Punjabi Dal唔辣岩我🤣 同黎點個naan好正，再唔係當湯飲都開胃。烤餅Naan一人一塊佢用左個架勁靚呀☺️ naan簡直係人間美食👏🏻香脆！個餐包汽水，但黎到印度餐廳緊係飲特色野啦！+$12可轉Lassi🌹 Rose: 飲落去有乳酪香味同甜品，after taste 勁香玫瑰🌹味！🥭 Mango: 酸，但易入口。Lassi好濃。

馬來西亞係我呢兩年內去得最多嘅地方，但係呢個國家我食得最多嘅反而係印度菜。因為我個人好鍾意印度菜嘅風味，同埋當地人好有人情味，令到我係香港都會搵餐廳食印度菜，過下旅遊癮。呢間店入到黎分外有格調，比起我係馬來西亞食開嘅印度餐廳，佢地係好開揚，好似大排檔咁，呢間就顯得舒適。今次主要點左兩個主菜配兩份薄餅黎食，點完餐後，店員送上一客薄脆配上醬汁，當係前菜比客人過下口癮先。之後就黎左杯芒果奶昔，芒果味濃。我地就嗌左個羊肉咖哩同牛肉咖哩黎食，個咖哩好易入口，好岩香港人食，再配埋熱辣辣嘅薄餅確係無得輸。呢兩種肉都係整得好淋，好易食，而羊肉亦都唔會有"蘇"味，整體都係做得唔錯。而呢間餐廳好岩帶多啲人黎食，因為可以食到更多嘅菜式。

鋪頭好有印度小屋既感覺😗雖然比較細間 但都坐得好舒適而且餐廳既裝修都好有印度+現代feel因為係落地玻璃所以好光猛裝修既顏色配搭得好鮮明☺️首先上左一碟前菜先🖐🏼Papadum夠薄 又脆身 而且唔會有苦澀味以前食過一啲係整得太燶醬料選擇非常豐富🥰應該係薄荷+辣醬+咖理+烤雞醬 既味道辣醬好正🥰🥰🥰☝🏻芒果乳酪沙冰 $48佢個芒果味同乳酪味既比例做到一比一所以飲落去唔會太甜! 口感係偏向yogurt咁 唔係好沙冰 都唔會好順滑👍🏻我飲過一啲好假既芒果沙冰 所以我有啲陰影 哈哈😂🖐🏼烤雞 半隻 $118色香味俱全🥰 上到枱個鐵板仲係到咋咋聲唔知係咪正宗既印度餐廳都偏向將烤雞整得乾身呢😂雞脾同雞上脾位比較無咁乾身 但份量黎講佢係一流!食到呢到先經有少少飽 好足料☝🏻瑪沙拉咖哩牛肉 + 蒜蓉烤餅食到呢到就係我覺得佢好細心之處啦希望唔係我諗太多啦😂我一路食烤雞 一直將啲蔥挑走😂老闆應該見到 所以呢兩塊大過塊面既garlic naan一塊勁多蔥 另一塊係勁少蔥😂😂😂圖我唔放啦 廢是其他人見到果張圖無睇內文以為佢偷工減料睇下啲咖喱~用左至少十種香料整出黎 ~ 金舌頭都食唔出但牛牛好入味 如果細舊啲會方

正宗印度餐廳及酒吧天后電器道101號地下印度香料豐富, 組合出多姿多彩的美食, 充分利用在飲食上, 除了調味以外香料仲有醫療作用, 健康加強抵抗力。其實我都勁愛印度的咖哩, 辣得來有層次, 仲有個汁好濃郁, 配飯或者跟唔同款架NANN都一流。Green salad $42, 係生菜青瓜加上tomatk, 個SALAD DRESSING fresh lemon juice芝士球in butter cream係一度唔辣架咖喱 Cottage cheese balls ,用了butter and tomato 個汁橙色，呢個汁本人好鍾意好滑好香$80, 因今日沒有點飯, 又想食芝士。Cottage cheese 味淡似蜂巢豆腐質地 ,係咖喱當中少有唔辣架菜。適合素食人仕, 其實印度係素食人口最高架國家, 香料運用令蔬菜都好味又唔悶, 要全素食真的不難, 一樣可口美味, 而且仲健康低卡呢間架菜都幾抵食

餐廳：正宗印度餐廳及酒吧 (天后)地址：天后電器道101號地下之前去過大坑嘅正宗印度餐廳及酒吧食過返尋味，今次咁岩經過天后分店決定再去試佢地其他嘅印度菜🇮🇳，滿足我無得去旅行但食勻各國美食嘅心唔好聽印度呢個國家名就以為好唔乾淨，佢地嘅衛生都做得唔錯，餐廳乾淨企理👍🏼，會量體溫同提供洗手液，餐具用盒裝住🍴，食到中間職員仲會幫客人換碟添😍，抵讚一黎到先送上小食脆片，仲附上四款唔同餐廳秘製嘅醬汁香辣薯仔沙律 (Aloo Chaat) $42呢個沙律由薯仔、番茄🍅、洋蔥🧅、青瓜、蔥，加上青檸同檸檬汁，仲有餐廳秘製嘅微辣醬汁整成，好fresh又開胃🥗，有薯仔粒仲可以提供少少飽肚感菠菜蒜蓉飯 (Spinach Garlic Rice) $58將菠菜同蒜蓉打成醬汁再同印度米溝勻，蒜香同菠菜香交錯而出🤤，另外仲可以加入檸檬汁帶有酸酸地嘅感覺🍋，會個飯香得黎又有印度風味，食多碗都仲得古法烤餅 (Amritsari Naan) $32將薯仔蓉🥔同洋蔥粒🧅加到印度特色烤餅(Naan)入面，烤香後仲散發住陣陣牛油香，熱辣辣嘅Naan放入口即刻回想返之前去印度嘅回憶🥰，就咁食都已經好好味

印度菜真心好好味😋今日好好彩朋友介紹左我黎到正宗印度餐廳及酒吧，正唔正宗我就唔知，因為我未去過印度🤣但食物質素就相當出色，價錢係港島區黎講亦算係相當親民。伊沙特色野菌湯有淡淡既野菌香氣，第一啖飲落去覺得偏淡口味，但又忍唔住一口接一口，愈飲個種野菌香就愈黎愈突出😋而質地就比一般飲開既西式野菌湯較稀身。而奶油咖哩雞好香甜，雞肉亦都好嫩滑。而最令我難忘既就係印式羊肉炒飯！我都食好多間印度菜既羊肉炒飯，好味係好味，但就冇特別大既驚喜。而呢間餐廳既印式羊肉炒飯，我會用完美黎形容，炒飯粒粒分明，乾濕度適中，而且每一啖都有淡淡既羊肉香氣，唔會濃郁到覺得膩，係食落去好舒服好享受既感覺🤤而且羊肉口感亦好香軟，整體份量同性價比相當高，呢個炒飯都係我會再黎呢間餐廳既理由🤗

今天我和太太一起到天后吃咖喱，我們都很喜愛印度食咖喱，因為偏辣和香，食物質素是不錯的，兩位職員都是外籍人士，所以感覺印度咖喱會很正宗Lunch set: B: butter chicken with naan and Pepsi zero $70 奶油雞偏甜啲，汁可以點薄餅E: Tandoori chicken tikka with naan and Pepsi zero $70 好大舊，厚肉，熱辣辣食時幾好味，凍左食到偏酸一點點Soup of the day:

我係印度菜嘅Fans，幾乎每半個月都至少要食一餐印度菜先安樂👅今日就去咗呢間位於天后既正宗印度餐廳及酒吧，就即管試下有幾正宗先！餐牌有中英對照，最緊要係圖文並茂！因為對印度菜唔算係太熟悉，自己英文又係有限公司，所以有時會點錯野食，或者食物嚟到嘅時候同想像中嘅樣唔同🤣好彩呢度每款菜式都會提供圖片，一眼就睇到自己想食啲乜，好方便～一坐低就會會奉上免費零食，係印度胡椒脆餅😍而且有埋四款醬汁可以一齊食用！辣醬就比較辣，而薄荷醬就食得多，蒜醬真係未食過，而且驚艷到我，唔會好重味，淡淡蒜香，配脆餅真係一流～奶油咖喱雞，食親印度菜都必點Butter Chinken❤️奶油咖哩好香濃，好香甜，奶油味好重，雞件肉質好滑，配Naan一齊食係絕配！重點係呢度會有小蠟燭幫咖喱keep住一定熱度，咖喱凍咗就好易會有膩感，呢個咖喱就完全冇呢啲問題，食到最後都係熱辣辣既👅呢到有多款 Naan 可以選擇，我就點左一份炭燒烤餅，估唔到連睇落去平平無奇嘅Naan都有驚喜。烤餅完全唔油膩，外層帶一點微脆。重點係入面有一層薄薄嘅餡料，味道甜甜地，係令人忍唔住一口接一口既味道。個人覺得呢間印度菜比起中環蘭桂坊嘅印度餐廳價錢平啲，