正品小館 (已結業)

Lunch time, 餐廳裡面坐滿人。原來正品小館好抵食。$38已有一個set lunch, 小菜之類都是幾十蚊一碟。不怪得這麼多人吃。海南雞飯驟眼看,以為海南雞飯平平無奇。一吃,嘩! 海南雞十分滑嫩。下次來, 我會再叫這個海南雞。炒蟶子蟶子好大碟,不會只有殼,而没有肉吃。都有好多蟶子肉吃, 炒得很好, 我們食得好滋味。炒通菜通菜青嫩, 炒得有鑊氣。我們很快就吃完整碟菜了。杏汁花膠湯這裡杏汁花膠湯都只是$48一碗。西洋菜蜜凍西洋菜蜜甜度適中。

今日到佐敦上堂，落堂後同學仔介紹我去這間"正品小館"食晚飯，上次他食完覺得不錯，於是和他一同再去。杏汁花膠湯 $48最愛湯的我，見到這款杏汁花膠湯真係要試試，杏汁味濃，有花膠，十分滋補。鹽焗馬友(凍食) $88朋友介紹我食這款鹽焗馬友(凍食)，果然冇介紹錯，夠大條，肉質嫩滑，再蘸上特調醬汁，很有風味。海南雞飯 $38海南雞質素也不錯，雞味香濃又嫩滑，配油飯最適合不過。黃金四季豆 $38賣相吸引，每條四季豆都掛汁，好夠咸香，下酒下飯都一流。

今日陪朋友去佐敦買野，之後喺附近搵食，經過呢間餐廳，見到餐牌都好似幾抵食，就入去試下！雖然餐廳唔算大，但坐落都舒服，餐廳內有個黑板，用彩色筆寫滿菜式，都幾吸睛，容易睇！我地點左個招牌海南雞飯，配湯同油飯，海南雞近乎冇骨又夠曬滑，而油飯既飯粒好飽滿，食落好有口感，而且份量都唔少，只係$38，真係超級抵食，推介之選！另外，豉椒炒蟶子都好值得讚，幾十蚊已經好大碟，最重要係新鮮兼無沙，個汁既味剛剛好，唔會太辣，值得再食！鹽燒鮑魚味道都唔錯，如果可以再林d就更好！而蝦醬炒通菜都夠香同爽口，係食到落底有少少咸，但夾埋飯食就剛剛好，建議叫菜要叫埋飯！整體感覺非常好，抵食得黎好食，下次再過黎佐敦，一定會再幫襯叫左咁多野，再加多2杯凍檸茶，埋單都係二百零蚊咋，性價比超高！

平日比較少去佐敦，今日要去佐敦工作行吓行吓見到一間新開嘅小菜館於是入來一試餐牌上都係一般嘅家常小菜，好有家的感覺，而且價錢亦相對便宜杏汁花膠湯 天氣涼涼地，最適合飲杏汁花膠湯潤一潤凍海蟹 海蟹雖然細細隻，但係肉質雪白，新鮮甜美油浸青筋魚 （二條）青筋魚表面乾身唔油膩，魚皮香脆，肉質幼嫰，好快清晒海南雞飯套餐海南雞皮好薄冇脂肪，連平時唔食雞皮嘅我都忍唔住食咗一兩件，雞肉好滑又有彈性，配菜酸蘿蔔絲，清新又惹味套餐有湯及飯，好抵食

星期日食唔到，今日再出動鋪頭細細，食物種類唔算多，但味道唔錯！海南雞飯都幾正，油飯夠香，雞夠凍同爽，醬料調味都好好！牛腩味道咸d, 唔係爽腩，所以鞋鞋地，但有菜墊底，不過不失～ 小食都好想叫，因為唔貴都係三四十蚊好吸引，有凍蟹炸墨魚咀花膠湯同螺個d.....不過自己唔大食，所以等下次可以叫哂～

週末中午食飯都咁多人， 餐廳差唔多滿座， 好多人經過門口望一望，就入去坐， 入到餐廳， 室內裝修格局幾特別，傳統中菜客棧中菜廳形式， 樓底高， 有中國傳統文化色彩， 小菜/ 招牌例餐 以健康冇味精為主， 盡量做到營養均衡。豉汁排骨蒸飯 38hkd 送冇味精雞湯排骨okay多，另上，唔會干，排骨底下有醬汁，豆鼓味唔重，少少辣椒，但唔會辣，吊下味。每一碗飯都好大碗， 喺碗面高左一段出嚟， 雞湯有雞甜口，輕微散咗少量生蔥係面，有口感。柱侯牛腩飯 38hkd送冇味精雞湯送菜心牛腩汁撈飯好好食， 每一碗飯都好大碗， 喺碗面高左一段出嚟， 雞湯有雞甜口，輕微散咗少量生蔥係面，有口感。 牛腩份量多， 入味，唔會痴牙，有肉汁，夠*林*， 菜心洗得非常乾淨，要讚一讚廚房。 白灼八爪魚38hkd送菜心芥末首先大讚八爪魚洗得乾淨， 粒粒都可以一口食，唔會韌， 有意外驚喜係washabi醬油， 令味道清淡嘅八爪魚帶出另一個層次嘅鮮味。豉椒青椒炒蜆58hkd青椒/ 紅椒配料多， 每隻蜆都非常新鮮，雖有三隻片蜆冇打開，但係果三隻都可以食得，冇沙的，豆豉汁撈飯好好食

【佐敦親民小菜館】-路過佐敦想食下小菜飲下湯, 就揀左間門面好新淨既小館, 佢面積唔算大, 但比想像中整潔, 第一下印象已經好好~ 佢用黑板寫晒今晚有咩食, 相信係晚晚都唔同, 根據返果日啲食材新鮮程度等等去煮, 就係呢點已經好重要!-豉椒炒蟶子($88) 絕對要大力推介, 蟶子夠新鮮, 多肉, 炒得好香而份量好足! 蠔仔蛋($68)同台式做法好唔同, 薄煎但蠔仔大隻到爆, 連埋花生一齊整, 好有新鮮感~ 咕嚕肉($68)餸飯神物唔洗多講; 到左湯, 杏汁白肺湯 (HK$38) 可以話係完全值回票價, 杏仁碎得完美, 你唔會咬到有大粒, 已經完全成霜, 連埋好好食既白肺, 呢餐真係經濟抵食, encore之作!!-順帶一提, 好多一個人嚟食既朋友叫海南雞飯, 佢係成個SET連湯都係$38, 太驚人了吧

住家飯 mix 大排檔，好多款式嘅地道小炒，好適合做飯堂! 樣樣嘢都超抵食，岩哂啲無時間煮嘢嘅人海南雞飯 📍$38呢個價錢，你一定俾得起! 勁抵食，雞肉唔係得一兩舊架，係真係好似一個套餐咁架，肉質仲幾嫩滑牛腩飯 📍$38好淋好入味，肥瘦適中，仲要呢個價錢，自己煮都唔得 🙈 個人覺得呢個最好食 白灼東風螺 $38好耐無食啦…就咁白灼已經夠鮮味，點埋個海鮮醬就岩岩好豉椒炒蜆 $48辣辣地，好惹味嘅一道菜 😋 蜆肉份量都幾多，同粒粒都好飽滿蒜蓉炒菜心苗📍$48啲菜都幾鮮甜，又夠蒜蓉味，再少啲油就更好啦

香港人工作繁忙 生活衝忙😩有幾可享受到住家菜既味道🏡近日試左間餐廳 有一點家的感覺🏠.🐟鹽焗馬友如果你喜歡或者唔喜歡食魚都會愛上呢條魚💁🏻‍♀️味道鮮甜 又好嫩滑 同行友人都首推呢款菜式🕺🏻.🔥正品小炒王一上台即刻香氣撲鼻👃🏻蒜香配上大量蝦乾 會令人想一口接一口🤤🐥海南雞飯海南雞保持一般海南雞應有既水準🤙🏻但個飯質相對黏身 帶有淡淡香味😌如果喜歡乾身飯質既你 可能就要考慮一下💭.🍲杏汁花膠湯濃濃既杏仁 看得出用料十分豐富🍼🍼每一口都是濃稠既感覺 配上花膠 用黎滋補真係不得了😋.🐷甜酸咕嚕肉保持一般家的味道但不得不讚咕嚕肉炸後於枱上放了一段時間🕰仍保持外皮脆炸的感覺 甜酸醬調配剛好🤤 配白飯一流🥣.🦀蟹粥蟹粥鮮甜 用料豐富😚選用一般花蟹 鮮味出啲 所以肉質不算多🤨喜歡吃肉可嘗嘗店鋪推介的魚茸粥🐟.🥬腐乳通菜相對其他菜式 腐乳通菜味道略為較濃喜歡重口味的朋友一定大❣️總括黎講 呢間小店 味道給予家的感覺環境亦舒適🤳🏻位於佐敦區屬十分便價的餐廳 食物新鮮 整體CP值高🤙🏻.人均消費：$150推介指數：👅👅👅👅👅👅👅👅（7/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

有些朋友雖然好久沒見，但見面沒有生疏的感覺。來到佐敦食飯，聽聞正品小館餐廳性價比高，於是來這裡聚會。環境方面，分上下層，空間感提升了。食物種類都挺多，🈶一般小菜，也有海鮮。杏汁花膠湯$48熱哄哄的，味道還可以女生養顏靚湯東風螺累$38多肉,沾些辣醬的話好香辣滋味豉椒聖子$88大部分都🈶肉,鮮甜可口蒜蓉開開邊蒸蝦$88面上灑了蒜蓉和青蔥，賣相吸引，好抵食蝦肉味道不錯海南雞飯$38雞皮薄肉嫩，配上飯，好抵食椒鹽大尾魷$68香口，魷魚🈶咬感黃金四季豆$38鮮味整體來說，性價比高，食物平均質素不錯，會再食的小館。希望我地在品嚐食物時可以品嘗到💕的味道，Leave footprints of Love & Kindness wherever we go .

有時兩個人想食中菜，上海菜可能份量會太多，四川菜又太辣未必人人岩食，反而小炒就更地道、有風味，同朋友試左最近新開既正品小館，實在比個價錢吸引左!!椒鹽鮮魷$68鮮魷炸得好鬆脆，炸粉一d都唔厚，口感煙un彈牙，配埋醬汁酸酸地胃口大增。椒鹽鮑魚$76 兩隻椒鹽鮑魚呢個整法第一次食，之前都係d豉椒/清蒸，估唔到椒鹽又別有一番風味。兩隻鮑魚幾大隻，口感嫩滑不失鮮味。豉椒炒蜆$58今晚最中意既菜式，首先呢個價錢食到豉椒炒蜆真心抵食，好惹味，隻隻都有肉，而且無沙（重點!），證明佢地有比心機細心處理過食材。有時出面餐廳d炒蜆一係太多空殼，一係就太多沙，就算menu有都未必敢食，呢間食得過。黃金四季豆$38呢個份量出面食價錢應該要貴一倍LOL四季豆爽口，蛋黃起沙亦好好味，呢個配搭無得頂！杏汁白肺湯$38通常酒樓先會飲到，仲要唔係每次都有得飲，呢個杏汁白肺湯幾足料，一盅有4-5塊白肺，口感似杏仁糊粉粉地。

早前相約好友食晚飯, 今次就選了食小炒, 我地去了位於佐敦的正品小館食嘢.這裡有唔少小菜選擇, 由於我地鍾意食海鮮, 就決定來一個海鮮之夜. 我地點了杏汁花膠湯, 豉椒炒蜆, 肉蟹粥, 黃金蝦球和蝦醬通菜.杏汁花膠湯.我鍾意飲湯, 尤其燉湯.這個湯入口有香濃的杏汁味道, 最重要夠杰身, 我最怕太稀的湯. 加上花膠, 夠晒滋補.豉椒炒蜆. 上枱時已經香味撲鼻.豉椒夠惹味, 蜆肉算幾飽滿. 最重要清洗得夠乾淨, 入口無沙.肉蟹粥. 這碗粥足夠兩三個人食.粥的質地幾棉身, 估唔到肉蟹份量也多, 所以個粥夠鮮甜. 黃金蝦球.雖然蝦較為細隻, 但肉質幾彈牙. 蝦醬通菜.一口氣食了多款海鮮, 當然要食番蔬菜中和一下. 這個菜份量也不少, 若蝦醬再多一點, 更好味.這一餐海鮮真係豐富.

佐敦開咗一間新嘅中菜館， 裝修企理乾淨，重點係價錢非常實惠， 皇牌海南雞飯 & 牛腩飯都係38蚊一個😍，仲要連埋例湯， 其他小菜都係幾十蚊大大碟， 唔煮飯的話，呢間可以做長期飯堂👻。==重點介紹==椒鹽九肚魚($68) ： 炸到金黃色💛，超級香脆又惹味，送飯配啤酒一流🍚🍺。咕嚕肉($68) ：呢一個超級大讚👍， 粉漿好薄，啖啖肉又冇骨，超級鍾意佢嘅醬汁，酸味十足，口水都流曬出嚟😁。海南雞飯套餐($38): 鹽水雞肉好有質感，其中一款醬汁味道好特別😝，有別於 一般海南雞都會配嘅泰式酸辣汁或者黑豉油，$38真係好抵食💵~~~~~~~~😋味道: 8/10📸賣相: 8/10🛋環境：7/10💁‍♂服務: 8/10💎性價比: 9/10💲人均：$38-100⏪回頭率：90%~~~~~📍正品小館佐敦庇利金街42號金陵大廈地舖

見到好多食友推介咁岩出到佐敦，梗係要去試下沙薑雞腳 $28雞腳入味 又夠淋豉椒鵝腸 $58炒得好夠味 份量又大碟海南雞飯 要雞脾再加雞腎 $50雞肉都算滑 雞腎白灼 無咩特別蒜蓉粉絲蒸海蝦 $88蝦細細隻 開邊蒸好好味杏汁花膠湯 $48我以為係老火湯feel 點知係杏仁粉溝水 加煮過既花膠 怪怪地唔係我想要既整體黎講 抵食又好味！

今日同老公去佐敦逛佢少年時期最愛的模型店✈️🛰🚀⛵️，買下模型返屋企一齊砌。然後去咗隔離街一間中式小店 — 正品小館👍🏻😋，提早食晚飯。📍海南雞半隻🐓（$88）👉🏻好嫩滑，好有雞味，雞皮又唔會太肥，好好食！隻雞配三款醬，當中最愛薑蓉，鹹香適中，正！📍鹽焗凍馬友🐟（$88）👉🏻平時食開蒸魚，今次叫咗條凍魚。👍🏻條魚啖啖肉，好滑，好有鮮味。呢個價錢冇可能自己整到！📍椒鹽大尾魷🦑（$68）👉🏻大牌檔常見的菜式，酥香既炸魷魚配合蔥同指天椒，香辣味道唔錯😍，如果可以加埋炸蒜就最好喇!📍櫻蝦鵝油菜🥬（$48）👉🏻食落感覺好新鮮，櫻花蝦增加口感，加埋鵝油的脂香😍😋😋😋📍凍檸水/凍檸茶🥃（$18）👉🏻極度普通嘅檸茶檸水，檸檬好大方📍白飯🍚（$？）👉🏻平時好少刻意提及，不過唔係講笑呢間嘅飯香真係好香，好好味，老公讚咗好耐🍚仲有佢個自家製辣椒油都十分香！平時多數都係去酒樓叫餸食飯，好少去小餐廳叫餸食飯。覺得其實幫襯本地小店都可以有很好質素👍🏻，價錢實惠，真係做到平靚正😋👍🏻，平過自己煮（師奶心）。