歡樂今燒BBQ (已結業)

本人住了上水有二十至三十年。通常去bbq場。九成多數係大埔或西貢。前幾年上水增設了一間任食 bbq。但人流不算太多。今日放假路過天平村附近。見到一處燈火通明的地方。就樂好奇行了入去。竟然是一間不太起眼的任食bbq 場。入到去個場好大。竟然仲有一個草地給小朋友踼波走動。還有兩三個蒙古包。內有設備同一個party room 無太分別。原來這裡有好多款泰式。越式雞翼。汁醬。最佳特備了泰式豬頸肉醬。還有配備不同款式醬料雞翼。本人特愛香茅。蒜蓉兩味。香茅雞翼。燒起上來。其香撲鼻。入口嫩滑。肉質彈牙。豬頸肉爽口彈牙。

位於上水同深圳悟恫河既交界，今日特登去呢度試一試佢個BBQ，位置雖然黎市區幾遠下，落左MTR都要行多20分鐘左右，但係呢度BBQ就格外有氣氛，同埋有d遠離煩惱，世外桃園既感覺，係呢度飲下酒坐下，睇下河景同山景，都真係幾chill，幾relax嫁！一黎BBQ，就梗係要睇下佢d野食處理成點喇！我見佢保存得都幾唔錯，全部肉類都係有放係雪櫃入面，而且睇落都幾乾淨企理，要拎既時候先會打開蓋一陣，唔會比d蚊蟲入到去既，所以都幾放心。仲有係佢d金菇呀之類，會預先包好比你，所以好方便。味道方面，雞翼係本人最愛既，我最鐘意佢個泰式味道，好少其他地方會有呢隻味食除左泰式，仲有成5，6種味道比你擇，真係幾正。抵得推介黎食！

呢排成日都係留係屋企唔敢出街，阿女同老婆都話好悶喎。上網見到呢個燒烤場主打泰式燒烤咁特別，又見佢咁開陽，又有免費泊車，就黎試吓啦。一嚟到第一件事梗係視察下個廁所啦，你知啦女孩子好怕污糟㗎嘛。好彩冇令我失望，跟住我哋就俾錢買飛囉。每人$160 任食包一支飲品，正常價錢咁囉。嘢食款式唔算特別多，勝在味道夠特別。先講每位送一份嘅羊架或豬仔脾。我哋各要一份，阿女話羊幾好食，我個隻豬脾都唔差呀。跟住要講雞翼啦，真係未見過有咁多款味道，要試晒咁多款，個胃細啲都唔得呀。我就鍾意食辣，所以冬陰功雞翼就啱晒我口味。第一次食，確實係唔錯。至於其他腸仔，肉丸等，就同其他燒烤場冇乜分別。不過勝在有醬汁。醬汁唔係普通豉油，而係六款不同辣度嘅泰式醬汁。唔食得辣就試吓泰式沙嗲醬汁或者泰式甜酸辣醬汁。好似我咁鍾意食辣嘅就一定要是泰式 Wasabi 醬汁或者泰式辣醬汁。連阿女唔食得辣都鍾意嗰個 Wasabi 汁，真係一定要試。燒嘢食梗係唔可以整食肉啦。呢度嘅蔬菜，一早就幫你包好一包包，加埋蒜蓉喺入面，好貼心呢！我哋試咗翠玉瓜，金菇，粟米，番薯，全部都好味。飲品方面，本身就包一支飲品，今日天氣熱，梗係唔夠飲啦。自己再買，

新開BBQ場，平日去試吓，一入去原來地方好大仲有好多房係裝修緊，如果人多嘅話可以包一間房應該都幾好。味道特別，有唔同泰式辣醬可以供你選擇，雞翼都係好食，這個係其他地方沒有的。去的那天，人數不多，位置尚算空曠。服務熱情有禮，會推介特別味道，甚至連檯凳都幫手抹一次, 感覺衛生。食物選擇不少，比較特別呢系有豬軟骨，都好好食。不過兩個人需要額外收開爐費，只一包炭，包炭好少，要再額外買。整體環境食物都ok. 推介： 青辣醬雞翼、冬陰功雞翼、豬軟骨、羊架

停課咁耐，都唔係好敢出街。但係真係頂唔順，見到啲小朋友悶到發霉，真係想搵個開陽啲嘅地方比佢哋玩下。但係見到周圍個個都話行山，仲多人過旺角，點敢去啊。咁啱上網搵到間開咗冇耐嘅燒烤場，咁就去試吓啦。個場個名好得意，好有80年代嘅風味，叫做歡樂今燒BBQ。我哋一家四口在上水火車站轉的士好快就到啦。門口有個大嘅吹氣彩虹，好遠都睇到。入到去去到售票處買飛就可以開始燒嘢食啦。我哋2:00去到，人唔算好多，所以每個爐可以相距遠啲。呢個時候保持距離真係好重要架。爐側邊有一個大草地，啲細路可以玩吹泡泡，踩下單車，打下波咁，非常開心。本來一心諗住啲細路仔有得玩下，我今日嘅旅程已經好滿足。食物方面，本身冇乜太大期望。點知原來呢個場係主打泰式燒烤，食物水準係我意料之外地咁高。人頭費大人160小童130。食物真係有好多款，全部都喺雪櫃攞出嚟，唔會放喺室外食塵。除咗一般燒烤場有嘅嘢之外，最特別嘅一定要數佢哋嘅冬陰功雞扒，雞軟骨，同埋幾款泰式雞翼。全部食物都好入味，再配埋六款泰式醬汁，真係好出色。飲品方面，本身就包一支，唔夠飲可以再買。價錢真係喜出望外， $10支，去邊度搵呀。仲有一樣不得不讚，就係佢個厚切方包。我

大自然超靚環境BBQ，享受大自然☁️⛅️☀️💥⚡️⋯⋯乾淨衛生，天然環境，仲有🐑🐑🐑🐑群陪你，清新空氣，遠離塵囂的都市，吸收清新大自然的空氣，從未去過一個咁覠咁健康的燒烤場。有蒙古包設計的包場室內卡拉ok🎤、大電視📺、桌球🎱、電動麻雀🀄️，又有超大場地天然環境🔥燒烤場.............羊扒——厚肉大件，肉質靚，上乘材料👍👍👍👍雞🐔翼——-剩係雞翼味道都有多款不同味道，犀利，有香茅味，泰式味、香草味、咖理味、及多款..........等等，味道多款，款款都咁好味，心大心細食乜嘢味道好，一於每款食一隻😂😂😂😂😂豬扒——-又係上乘材料，件件都用梅頭豬扒，梅頭肉，肉嫩滑，又係有不同既味道任君選檡✌️✌️✌️✌️🐷豬脾，🐑羊扒丶🐂牛扒丶🐔雞扒丶金融沙骨，雞軟骨、雞賢、🐔雞翼丶香腸、🥖腸仔、墨魚🦑、🍡🍥🥟各種丸類、及多款肉類...........真係多不勝數！各款蔬菜🥬🍄🌽🍆🌶🥦🥕🧅🥔🍠又有🍞🍞🍞🍞🍞🍞嘩！真係應有盡有⋯⋯食物多到每款食一件都飽到唔識行😂😂😂😂😂😂係度BBQ真係超抵食，全部用料上乘，👏👏全港首創泰式BBQ，食物包羅萬有，各式各款食物，各式各樣醬汁，食物放置衞生，地方又大，週邊環境完全置身於大

小妹真係好少踏足新界星期六就走左去大埔海濱公園透透氣行完朋友就帶左我去上水BBQ真係好耐無燒過野食😛呢個燒烤場係首間泰式bbq場個場都幾大下仲接受團體預訂 搞活動包場入面又有party room 又可以以唱k夠35人就可以使用party room 比起其他燒烤場空間感十足 較舒服 唔會好焗促☺️入場先去售票處買飛價錢包一款飲品所有食物都係係雪櫃自己夾食幾多就夾幾多食物由泰國大廚主理用上不同的醬料醃製餐廳亦好好咁俾左六種醬料同蜜糖俾我地🤤🤤啱哂心大心細嘅小妹🤗🤗🤗食物種類都算幾多😃丸類 腸仔嗰啲一定走唔甩仲有雞腎 雞軟骨 魷魚 牛肉粒 仲有蔬菜包🥬🍆🌽🍆🌶同埋其他肉類一款肉類都有不同味道可以選擇用心嘅製作特別一提✨真係好多雞翼嘅味道大概有十個口味😋😋😋有超多特別嘅味道例如青咖喱 冬陰功 梅子 薑汁醃得好入味👍🏻食左好多雞翼🐔

呢排天氣唔錯，約埋朋友一齊嚟燒嘢食，可以除低口罩抖下氣！呢個場係新開，所以所有設施都好新淨，感覺乾淨衛生，佢喺梧桐河隔離，空氣清新，環境寬闊，中間仲見到一群羊仔黎食草添！食物選擇有幾十款，自助式自己行埋去拎，除咗一般燒嘢食種類，佢仲每位提供羊架或者豬仔脾，羊架又大又腍，好有羊味，正！另外有隻芥末貢丸都相當有特色，食落去滲出淡淡的Wasabi味，有趣有趣。佢嘅牛油麵包仲要係厚切嘅，烘下真係好好味呀，但係記得自備或者喺嗰度買一個燒烤網（$40 ），咁就方便好多啦！雜菜包就包好晒，每一份大概一人份量，裏面已經放埋蒜蓉，非常方便。而且呢度提供好多款泰式醬料，相當之特別呢！而且味道好好。飲品方面每人包一罐汽水，選擇都有幾多，如果唔夠就自己再俾錢買，價錢都唔貴，我見隔離有間士多仔，想飲啤酒嘅朋友可以去嗰度買，都係10至$15一罐左右，算好大眾化嘅價錢。溫馨提示揸車嘅朋友，可以行天平路直至見到上水游泳池嘅十字路口，就轉右入龍琛路，然後直行，但千祈唔好過橋，喺過橋之前轉右嘅一條小路直入就會見到。我哋都搵咗一段時間，後尾先發現原來社交平台有寫點去，哈哈！免費泊車啊！

今日一家人一齊遠離繁囂，黎上水呢個BBQ場輕鬆下，佢而家係試業期間，公眾假期同週末都只係$160一位，食物任食，包一支水或一罐汽水，就算在額外買汽水都係大概$10罐，燒烤場來講算相當抵呀！佢仲有豪華包廂同蒙古包可以比多人嘅團體book，不過我哋嘅小朋友喺大草地跑跑跳跳都夠了，唔使玩室內娛樂設施。呢間野叫自己係泰式任食BBQ，果然佢嘅泰式醬料係一大特色，包括有沙嗲醬、豬頸肉醬、甜酸辣醬、Wasabi汁等等，我從來未喺其他BBQ場見過有咁多醬料選擇，由不辣至大辣總有一款啱你，以我一向唔係好食得辣來講，其實中辣我都接受得到，比起淨係點蜜糖，加咗呢啲醬真係惹味好多。除咗醬料，佢連雞翼都有十款唔同醃法，真係好驚喜呀，其中最特別包括青咖喱雞翼、冬陰功雞翼、同埋梅子雞翼等等，我咁鍾意食雞翼，真係冇得頂呀！另外當然仲有好多扒類、丸、腸等，雜菜包都有幾款，全部用錫紙包好晒俾你，唔使煩，仲有粟米、番薯、麵包等等，連麵包都會幫你搽埋牛油，邊度搵咁嘅服務呀！雖然佢話限時五個鐘，但係我哋其實燒超過呢個時間佢都冇趕我地走，大人同小朋友都過咗好開心嘅一日啊！

都市生活令你疲倦不堪？不如除下高跟鞋，換上最舒適嘅波鞋，去遠一點既地方輕鬆一下，等大自然空曠一點既地方療癒一下心靈，學識減壓，先係對將來最有幫助吧！.自不景氣之後，很久沒有這樣，不用擔心路面情況，也不用擔心安全問題，亦不用趕搭車，今日就同男朋友揸車去燒吓嘢食，可以慢慢影慢慢吃慢慢傾。任食燒烤場有唔少選擇，但想遠一點就選址上水嘅【歡樂今燒】BBQ-主打泰式燒烤，都幾特別丫...揸車去到要留意入口係右手面右手面有條闊闊地既路入去架 大概行 5Mins先到場入面！社交平台有寫：上水石湖新村280號(上水泳池對面) (上水安國新村門口條路，直入到橋邊，不過橋，沿河邊轉右，行約1分鐘，右手邊 ... 歡樂今燒泰式任食BBQ歡迎你！係幾Sweet既提示喔。入面～～～都真心好光猛又好大，提供過萬尺全天候巨幕室內活動空間，逾 2 萬呎真草地可容納約 2000 人；真係比我睇相既大得要多。佢仲有兩邊既玩法架，另一邊係可以預訂，容納6至60人的獨立party房，包括迷彩薈及蒙古包等大小歡樂包廂，內設電動麻雀、70 吋 4 K 巨型電視卡拉OK等多種設施供大人小孩舉辦不同活動，老闆話多款豪華包廂供選擇，可以

見到上水開左新燒烤場，15/16又驚中伏，咁岩同男朋友周年紀念想燒烤，我地決定去呢個燒烤場。因為肺炎既關係，燒烤既人都少左，我地去到可以簡自己鐘意既位置，個場都算大，唔會好迫呀。每人包一個飲品，一件羊排或豬仔脾，其他就任食，是傳統燒烤個種，每枱都包一碟蜜糖同泰式醬汁盤，好多醬可以點。食物種類好多，豬扒，牛扒，雞翼，腸仔，包心丸，芝士丸，獅子狗卷，紅腸，燒賣，墨汁墨丸，花枝丸，魷魚，豆卜等等，超多選擇。仲有蒜牛油面包同疏菜包。佢啲食物都係自己醃製而且是泰式口味，淨係雞扒同雞翼都超過十款，青咖哩，紅咖哩，梅子醬，叉燒汁，冬陰功等等。最驚喜有魚柳，仲有兩款口味，燒起上黎，多脆內軟，又唔會散，超正。佢仲有雞軟骨，教你放在錫紙兜燒，真係好好食，呢度啲野食肉汁好多，燒完唔會乾，仲有唔同醬汁增加風味，飲品都係十蚊8蚊，炭就20蚊，相比其他場算係平啦，老闆仲好好人滿場飛咁同人傾計。假日成人晚上都係160，如果無車係上水後黎都係十多分鐘，就可遠離煩囂，不錯呢，如果有小朋友仲可以放電，多人就可以包蒙古包玩，真係好多元化P.s啲雞翼得咁少係因為臨走先記得影返，真係好多口味

呢排涼浸浸又唔係好凍，最啱就係行下山再去食個BBQ，今次行完山之後就揀咗喺上水附近嘅BBQ場。地方相當之大，而且有唔同嘅配套同埋大草原比小朋友玩，仲可以帶寵物添！另外佢仲可以Book房，入邊有齊晒電視，桌球，麻雀機，簡直係俱樂部嘅配套。食物方面都同其他BBQ場有好大嘅分別，首先醬料方面已經比一般嘅多，除咗蜜糖之外仲有泰式沙爹醬、專比丸類用嘅醬、泰式Wasabi、泰式甜酸醬、泰式辣醬等等，令到同一樣嘢食都可以享受六種口味。飲料方面佢嘅選擇非常多，大部份你飲過嘅佢都會有！另外食物方面，除咗有出邊食唔到，用不同泰式醬料制嘅雞扒同雞翼之外，特別值得一提係佢嘅厚切麵包配蒜蓉牛油同埋雞軟骨，兩樣都做得相當出色，一定要試！總括來講係非常抵食嘅BBQ，而且佢嘅口味亦唔係其他BBQ可以食到，特別喜歡泰式食物嘅朋友一定要試吓😍

歡樂今燒BBQ上水石湖新村280號地下(上水泳池對面)，新張期間，星期六日$160一位，有九折，任食二小時因為武漢肺炎喺香港蔓延，大多時間收工後留喺屋企，出街麵唔想，星期六日當然都想搵啲戶外活動去行。網上見到上水嘅歡樂今燒BBQ就主打泰式燒烤，一於試試啦。燒烤嘢食全部都放喺雪櫃自取，燒完仲可以加上泰式醬料傳統BBQ食物加上泰式醬料醃製好入味，特別推介雞翼冬陰功、青咖哩、香茅）平時出邊搵唔到，另有泰式醬料可取來調味。一口牛柳粒、雞腎、魷魚都好出色老闆熱情介紹，每枱距離有段空間感，有蒙古包同廂房玩party room styl。 想懶人燒，可以比多$40買個網同夾，但留意返飲品得一支

去郊遊呼吸下新鮮空氣人少少先夠膽除口罩見到呢間歡樂今燒BBQ可能疫情緊張客不多放膽今宵和你燒一燒可能人少，老闆熱情介紹每枱距離有段空間感有蒙古包同廂房玩party room style其實百幾蚊一位有得食又有得玩抵過party room好多第一時間問自攜switch來打機得唔得老闆👨：OK！傳統BBQ食物主要係泰式醬料醃製好入味特別推介芥末貢丸同十味雞翼另有泰式醬料可取來調味厚面皮地試了每一款飲品得一支若果送多支水就更開心P.S. 想懶人燒，可以比多$40買個網同夾🤭最後果張價目表先係最update😁

見一段時間冇去bbq，今日就去咗上水梧桐河旁邊嘅新燒烤場，歡樂今燒。試下佢哋用泰國醃料烹製嘅 bbq食物，睇下同平時食開嗰啲bbq場有咩唔同。去到見到佢哋雪櫃入面嘅食物種類超多，環境十分整潔同埋d野食排得好靚，佢哋d醃料有香草、羅勒、香茅、黃咖哩、青咖哩、沙薑、蜜汁、紅辣椒等等泰式主要香料，食物方面有雞扒、雞翼、豬扒、豬頸肉、牛柳粒、牛扒、魷魚、 燒賣 、龍蝦丸、墨魚丸、獅子狗卷、香腸、紅腸、 魚柳、粟米、蕃薯、金菇、青瓜等等應有盡有，而且每人有 一塊羊架或者豬仔髀。而且呢度嘅姐姐服務超好，一開始有一盤8款醬汁畀我哋點食物，佢續一介紹唔同嘅辣度同埋邊啲係辣邊啲唔辣，又幫我哋揀咗一個靚位開爐，要加炭嗰時又盡心盡力幫我哋加，同埋生個靚火，真係麻煩曬。