歐意餐廳 (已結業)

第一次食，映像極差。食物方面唔吸引，出餐又好慢，食完啦湯都冇嚟，又鹹.員工呢，超冇禮貌、經理就係知企係門口超大聲傾解，玩電話，有客搵就大大聲叫，咁就算啦，仲要大大聲講粗口，好唔適合餐廳環境。

間野完全唔掂，今日食左5個扒餐，全間餐廳既人無禮貌，5個餐錯超過10次，包括比錯湯比錯扒比錯飲品等等，最後埋單連錢都計錯兩次，最唔掂係個經理，佢已經勁無禮貌，初時問要唔要禁電腦飛仔入，佢話齊人未，我地話未啦，佢再面黑講"問得你地就係比你地入啦", 之後經理成日大聲聲周圍行鬧d員工，話晒都西餐廳，乜唔係用mic咩，總結。。無下次。。。

番工前諗住食個靚飯 見呢間餐廳未試過就諗住入去試下就叫左個下午茶既忌廉汁雞柳野菌意大利飯連凍檸茶 其實一上枱 我諗點解唔執令d隻碟見到d汁同飯飛左d岀黎 其實呢個價錢無諗住要求乜野 只要整齊就ok個飯都好夠熱 都足料 但係我食落覺得好甜 我要落番d鹽先覺得好味d同埋個飯下午茶價錢 份量都叫可以如果係午市正價 我會覺得有d細不過佢杯凍檸茶幾好飲 幾有茶味呢到for 飽肚ok 但係我暫時都未想再去食

新界冇乜餐廳好食, 傳統特色小店因為近年藥房愈來愈多, 變得少之又少響上水之中, 除了大型連鎖食肆,  小店之中是值得一到餐廳環境尚算寬敞, 干淨企理餐牌既款式都幾多, 但當中也有不少刪去的菜式, 個人建議可以印一份UPDATE少少既餐牌眼見菜式的價格都算抵, 扒餐都係56蚊到80蚊不等, 相對其他餐廳，晚市價算平點了西冷牛扒、香草雞扒、清酒煮蜆扒餐都追加了大蝦 ($18)牛扒好大塊,新鮮熱烘烘的上枱, 煎得香嫩, 切下去不韌, 入口肉汁豐富, 肉味濃郁牛扒伴蛋汁連吃, 更香, 味道更豐富追加的大蝦, 新鮮開邊, 容易入口清酒煮蜆, 蜆肉淡淡的酒香, 酒味令到蜆肉更鮮, 滋味份量唔算特別多, 但32蚊黎講都係抵食服務也相當不錯, 上菜快手, 時常留意執枱

上星期六夜晚過左姑姐度攞月餅，姑姐話買左個新焗爐自己爐月餅，咁正梗係去啦！順便同埋姑姐一齊食晚飯，宜家彩園商場裝修到好靚！成兩年無過黎，變化好大..今晚食豐富西餐~屋邨餐廳比較多人，我地又人多，等左成15分鐘先有位，餐廳冷氣好正好夠，卡位好寬闊~由於雜扒有兩個，我叫左個平既~叫左羅宋湯，足料架！個味甜甜地唔酸。扒有豬扒，雞扒，腸仔，煙肉，蛋，公司飯咁款XD豬扒幾大塊，有豬味唔un播！雞扒正呀！唔會係怪怪入口即融既雞扒，飯煎蛋岩岩好，d蛋漿仲郁架，有水準！煙肉同腸都係一般貨色咁啦！姑姐叫左個香煎雞扒芝士撈天使麵，芝士好多，唔膩，有d d甜甜既味道，份量撈晒成個麵都夠，芝士有d似忌廉，幾滑。雞扒就無乜特別，一般茶餐廳野。野飲叫左凍柑桔蜜，幾甜，夠晒凍！返去食埋個月餅，嘩！飽到上心口呀！

人地話要好好珍惜在上水出來聚會的朋友，今次我特意入到上水同朋友聚會，免得他們舟車勞頓😆二人行的小小聚會，朋友找來火車站附近新開的小店方便搭車，餐廳環境乾淨企理，餐牌亦合大家口味，就決定入去開餐了！芝士焗牛魔王意粉芝士足料不欺場，鴛鴦醬汁可以試盡唔同口味😋😋芝士令白汁更香更濃郁，洋蔥配料亦預先炒香，再配上濃香牛肉，別有一番滋味，好食！👍🏻蕃茄汁亦不輸蝕，蕃茄味很濃，吃入口酸甜之餘亦沾了芝士香，牛肉也算大塊足料，59元的價錢算是抵食！意粉新鮮熱辣即叫即焗，亦是值得一讚！利賓納啫喱梳打餐飲加18元就可以選擇特色飲品，炎炎夏日就點杯清涼一下吧！一上台，飲品份量已經好誇張，是意想不到的大杯😱😱飲品不會太甜，很啱小弟口味，再配上豐富啫喱令飲品更有咬口，而且整支梳打插在杯上亦充滿玩味呢！😎😎脆炸薯絲蝦球伴薯皇薯絲蝦球係重點，薯絲炸得香脆，蝦球亦好大隻，外脆內爽，大飽口福，正！薯角反而很一般，炸完放了很久才供客人享用，而且感覺不似是新鮮油，沒有全部吃完就算了⋯⋯

野食一般，但一定係唔抵食👎🏻👎🏻👎🏻👎🏻👎🏻意大利飯份量少到根本就唔夠飽..落order叫左幾次都無人應，個個待應發緊夢咁，追餐追到九世都未黎，第一次對此餐廳印象完全👎🏻以後唔會再黎😡

這間餐廳我這幾都有去幫襯過，食物質素可以，價錢可以接受，餐廳環境都ok，員工服務質素都可以，我最接受唔到一間新開嘅餐廳比人講到咁唔好，又話等位等得長時間，又話食物等得好久，所講的人要諗清楚，有什麼地方食嘢係唔洗等架，例如去酒樓你都要等位喇，可能一等要等個幾鍾添，入到酒樓坐低都要等叫嘢食，等入單，等攞出嚟，仲有酒樓有一樣嘢都係要等，就係等結賬。我對這餐廳用三個字可以喇

星期六 3:00到達餐廳 坐低左見冇下午茶餐牌 就叫左兩份午餐 但落單後先見到待應派下午茶餐牌 餐牌寫下午茶開始時間係2:30等左30分鐘 期間見左右隔離檯都有漏單落錯單 第一份餐長通粉配薯條及沙律到左 份量小到如同兒童餐 味道偏咸 第二份大蝦意大利飯 蝦係冰凍 d飯好濕 水汪汪 可以話係未食過咁難食既意大利飯 埋單$106 順帶一提 餐廳職員態度好差

吉列虾蛋包飯特別，墨汁鲜虾意大利飯夠新鲜，系上水区嚟講叫过得去，門口取飞輪候時間唔系特別太長，比剛开張時已有規律，可能加入咗D有經驗嘅樓面同管理層有关，问題方面亦得在短時间內解決，唯一缺点等餐时間為太耐，耍摧2至3次才有，尼一点乃一間食店致命傷，希望下次光顧会有所改善，而樓面亦大多在客人離開时，有講出“欢送語”……多謝哂拜拜……令客人有亲切感，会有再次惠顧的感覺……

可以再去試多次，係彩園邨唔係太多這些餐廳，食物環境尚可以，不過食物要等耐少少，我都可以接受，新開咗一段時間員工服務都可以，係這舖頭試過食一個牛扒意大利飯，上面的牛扒過熟，我諗牛扒生少少會好食D，员工立刻同經理講客人的要求，盡量滿足客人的要求，抵讚……叻………………客人至上

第二次黎食 餐牌上一半既野都無叫左三樣野 焗飯 意大利飯同蛋包飯焗飯應該焗定所以最快到 吾夠熱又難食意大利飯 好難食 水水地咁最精彩係個蛋包飯! 點解? 因為佢無出現過等左成粒鐘 催單催左4次 個侍應態度衰到爆結果我要淨俾$14飲杯好難飲既阿華田而取消左個蛋包飯裝修到幾靚都無用 廚房手腳又慢好多侍應係度 一係就態度衰 一係就傻下傻下吾知發生咩事 一係就企係度hea........

一連幾日都去左上水陪個親戚,今日就同佢地黎左一間新餐廳食,估唔到7點左右都已經咁多人,要排隊等左陣先入得去個環境都幾靚,d位一格格咁,都幾特別,而且枱都算多,所以唔洗等太耐就入得去睇返d相先知原來上面有咁多個燈膽食扒會有野飲同湯送,我叫左杯特飲凍柑桔蜜,要加6蚊不過佢都真係幾足料,個味道好夠濃個紅湯就一般般啦,雖然個色水好似都唔錯,但飲落好淡,酸酸地但蕃茄味唔重小食叫左脆炸薯絲蝦球伴薯皇,薯絲蝦球有3舊,下面就係一堆薯角,兩樣野都好夠熱,兩樣野黎講薯絲蝦球整得好d,因為薯絲好香脆,好似食緊薯片咁入面隻蝦都幾好食.薯角好脆,但唔知點解覺得個面有少少硬好彩炸得又唔算燶見好多人都有食佢地個鐵板,我地都叫左份紐西蘭西冷牛扒而且加多左隻大蝦,要加多18蚊西冷牛扒叫左5成熟,入面都重係紅紅地,不過放係鐵板到難免會老左少少,所以食落有少少實隻大蝦就開左邊,好彩食落去冇霉嘅感覺,不過就唔算好大隻啦個鐵板入面重有隻太陽蛋,栗米,菜同意粉個汁就揀左蒜汁,88蚊一份其實都算幾抵食,份量真係好多另外重有個芝士焗牛魔王飯59蚊一個嘅焗飯黎講真係算唔錯!上面有好多芝士,左右兩邊有唔同汁,牛肉粒比頭先塊西冷淋,更加

最終發現，食野係唔可以睇門面呢間舖頭新開，正所謂新屎坑三日香，頭幾日多人到行都唔想行過去拎飛今日行過難得見到得幾個人等位，就決定要一試新餐廳最出奇嘅係，新開未夠一個月，餐牌上唔少食物被刪去，成個pizza list都暫停供應扒餐由唔知9定10款刪淨5款由於我食左下午茶，所以唔太餓我同媽咪兩個人淨係叫左個飯同沙律呢碟就係沙律，正正常常咁，沙律醬足但係其實唔洗點煮，算容易整嘅食物，呢個質素係正常呢一個飯份量相當細，一個稍微大食少少嘅女仔都未必夠飽南瓜汁味道足但份量上唔值呢個價眼見格黎台叫左碟炸豬扒意扒，連拌碟都冇正常呢啲西式餐廳係餐具盤會有紙巾，但呢間連紙巾都冇，覺得呢間舖嘅誠意都冇乜作為一間新開嘅舖應該要吸引顧客，但呢間舖令我唔想再光顧

見到咁多人等，諗住試下啦，點知。。。。服務態度差，食物質素低，同我講無可樂，得zero, 但唔知點解後面枱遲過我黎會有可樂飲。。。。叫個焗肉醬飯居然係白飯低。。。仲有叫左三個扒餐，一個黎錯汁，話佢知係蒜蓉唔係黑椒，個侍應姐姐話明明黑椒汁好食啲。。。仲將全部汁倒唒落隻蛋度。。。另外一個扒餐，個太陽蛋變左炒蛋。。。全部人都好忙。。手忙腳亂個忙，完全唔知自己做緊咩。。。。唔會再去！