權發小廚

營業中

休息中

而家周街都係兩餸飯，甚至成為香港名物，但講到兩餸飯界天花板，相信一定會諗起權記小廚，就算我之前無食過，都聽過佢個朵，而家開咗嚟銅鑼灣當然要去朝聖下！（其實開咗一段時間，但我最近先知）去到見到店面幾大，而且居然有少量堂食座位，一眼望埋去，餸菜選擇超級多，目測應該超過20道餸，我揀咗西蘭花炒蝦仁同香辣乾鍋雞，西蘭花好爽脆鮮甜，蝦就無乜特別，個雞就幾惹味，唔會好辣，蓮藕同木耳都好入味好爽口，整體都係好食嘅兩餸飯～💰價錢參考：- 兩餸飯 $43- 三餸飯 $53

不嬲都聽人講，佢係兩餸飯嘅王者嗰日經開銅鑼灣，已經有好多人排隊，我就叫咗個三餸飯堂食試吓味道都唔錯，而且款式好多，好多人都揀魚，話佢呢個價錢抵！但我嗰日唔想食魚，所以叫咗其他三個餸。招牌黑醋骨，都有五六嚿，醬汁好黏，酸甜度適中，但係個肉有少少難咬。肉碎四季豆，正常，唔算好辣，都惹味嘅豉椒炒鵝腸，呢個有驚喜，用了豐富，醬汁好食，而且鵝腸完全唔So！單買呢個餸返屋企加餸都抵。