檀島咖啡餅店 (海悅豪園)

營業中

休息中

食物質素其實係ok有叫開外賣大份又Keep到水準 黑松露意粉好香咁今次到店落單有個年輕收銀員工真係倒米 欠左佢咁食物幾好食都好見到佢咁態度都要考慮下會唔會再幫襯過左隔離牛奶冰室啲姐姐幾好態度請着個咁嘅員工真係幫手趕客

工作經過附近早餐時段至1130好彩趕得上蕃茄薯仔排骨螺絲粉排骨有5大件薯仔粒煮到粉入口融湯味道非常濃每次食完都唔會口喝煎雙蛋蛋黄少少流心放入湯淥下食配湯剛剛好麵包很厚少少乾不過牛油好香好滑飲品一樣出色奶茶好滑好香

放假早晨諗住食個靚早，去到檀島，諗住叫個吞拿魚芝士豬仔包，廚房一路出餐，但係就完全唔跟order次序出餐，等二十分鐘都冇。另外有人等咗半個鐘都係仲等緊，完全唔掂，冇下次。

奶茶唔夠香冇茶味蛋撻越嚟越細個菠蘿包輕飄飄最緊要班收銀職員保持欠咗佢咁既態度其實佢依家做緊減價,價錢係有優勢但食物質素,人咁差keep住食老本,好多人都轉去隔離牛奶公司都唔幫襯佢

好友相聚嘆早餐，同好友聚少離多，上回見面，其中一個地方喺灣仔檀島，今回就佢近D & 咁啱試用吓D團購。都係要去檀島坑口檀島第一次幫襯，嚟到一睇，面包部好吸引，款式多選擇，唔見有座位出左面包部，轉彎就見到喇。。。感覺好似响商場樓梯低食嘢咁個窄巷得十五個位，快閃食完趕返工個種，轉左兩次枱，唔敢霸住D位，夾到朋友放工嚟到，等對面個男仔走人才要埋個位，跟手點埋朋友份早餐。​想體驗香港人能屈能伸嘅精神，咁迫同不斷翻枱嘅食店就喺香港快靚正，唔駛急至緊要快嘅特式來體驗吓又無妨。牆上畫作都係香港地標特式嘢嚟。公治餐&朋友嘅A9餐，食物&飲品味道都OK。男女職員都幾好今回用左鄰住買團購優惠，覺得抵食，試得過面包&餅食款式多多都吸引，會多多支持，全日都有優惠，好似喺買三送一定買二送一，都抵食呀​

坑口分店外賣只收現金，難以理解。拿回收據，見到收據上顯示堂食。未裝修前，工人買麵包，給她的收據總是白紙一張，上面並沒任何資料，只有手寫銀碼一個。在收銀上未能跟上普遍的商店的處理方法。

朋友帶我黎坑口出名既茶記食TEA,我地坐低左睇左個餐牌好多選擇,呢度必食推介一定要叫自家制拿破崙,好傳統同埋好巧工夫去整既一款甜品,呢度整到每一層都好厚同香脆既餅底加埋d涵好正,勁鬆脆,配埋樽裝奶茶冰鎮既香滑口感,另一杯必叫檀島超牌咖啡,香濃咖啡味入口好香同味道好夾食拿破崙時候飲。

雖然新年人流多，但一個餐等足一個鐘，真係難以接受，催左又話水未滾，睇住走咗兩台客，再催都唔去睇下係咪漏咗單，不聞不問，諗住裝修完有改善，但仍然令人失望，支持執咗佢

前排檀島裝修，有一段時間無食過麵包。附近都有麵包店，但都係日式麵包店多，少有港式茶餐廳式嘅麵包賣，如果真係想食菠蘿包之類嘅港式麵包，就可能買超市麵包部嘅，但味道同風味就另一回事。呢排見裝修完重開，又可以去買包食。裝修後擺設等唔同咗，但大細都差不多。除咗一般港式麵包，例如菠蘿包，雞尾包，仲有pizza包，腸仔包等都鍾意食。仲有香蕉蛋糕，muffins，曲奇等，間中都會買嚟食。以宜家物價嚟講，都算合理甚至係抵食。另外，有時遇到蛋撻出爐，都會幫襯吓。

裝修後，價錢貴咗1、2蚊，這點在商言商，無可厚非。但是，冇咗腿蛋包、餐肉蛋包和丹麥條，這些常見的港式麵包是應該保留的！以前我每天返工都會嚟買麵包，以後相信不會多嚟了

我哋叫咗個雞扒早餐 雞扒好似俾人分開咗幾份咁 我嗰份仲要得塊皮 唔會再幫襯 成個早餐裏面最正常已經係一個麵包 因為唔係佢整 但係麵包仲要分開一半 然後佢個沙律係好似隔夜feel 咖啡都可以咁難飲真係服咗佢唔知佢嘅午餐係點但係都應該唔好㗎啦 總之一句講晒真係唔會再幫襯 我哋叫咗兩個餐 要一百幾蚊 但個質素連$20嘅早餐都不如 自己整都冇咁嬲 我見到佢本身好多分店但宜家執淨2間 應該要好好檢討吓點解會冇人幫襯 真係唔關個經濟唔好事 擺明係佢嘅食物質素問題

今天諗住去工展會，食完早餐便去維園工展會。早餐諗緊唔知去邊度食，經過一間叫做檀島餅店，原來有早餐食，便入去試下。我們order咗一個餐肉蛋治配咖啡和另一個英式早餐配熱檸水。餐蛋治個麵包好新鮮軟淋淋，餐肉和蛋治都好厚，係好味嘅。但係個咖啡唔香濃，但有啲苦澀味。個英式早餐包括焗豆、煙肉、腸仔、火腿、炒蛋和多士。份量都好多食完都好飽。個炒蛋唔夠滑囉，但係好厚，多士比較乾爭爭同埋好薄，冇乜口感。環境比較狹窄，舖頭大部分嘅地方係買餅、整餅及廚房做早和午餐，座位大概十個位。整體嚟講，不妨一試，因價錢唔係太貴，食物都ok。

星期六係坑口本來打算食中午成記，但太多人，唯有試一下檀島。檀島出名賣麪包，當然要試埋佢個菠蘿油～👍🏼🤩- 麵包大大個- 麵包剛出爐，配搭埋牛油食，冰火感覺- 菠蘿皮夠脆香👎🏻😕- 咪道偏甜午市套餐J2亦包埋個 排骨蕃茄通粉 ($45) 呢個通粉唔錯😋排骨夠入味，而且夠軟 得黎又有肉味！而且份量都唔少👍🏼好夠食！但杯凍奶茶就偏甜左少少唯一減分係個環境，全自助，無姐姐理你～同埋全部餐具都用曬即棄，唔環保！😕

系食下午茶吾錯既地方，舖頭細細但選擇多多，又有西式意粉，歐陸全餐，西多士，熱狗，可隨意跟套餐配搭😊😊一定要試既就系雞脾同薯蓉👍🏻👍🏻👍🏻👍🏻😍雞脾非常多汁非常嫩又大隻，而家都好小揾到咁好食既雞脾啦，另外，薯蓉亦非常值得一試，又平又好食，我比較鐘意食粟米薯蓉☺️甜甜地再配上佢既沙律醬，十分野味🤤🤤🤤🤤🤤但服務同環境一般，適合快餐！

咁岩今日放假 返去坑口探屋企人 順便去返之前一直去開既檀島咖啡餅店 諗住去食返一直念念不忘既菠蘿蛋糕同熱杏仁露 唔係度度都有得飲杏仁露 所以今次一定要回味一下 😋行左成個圈 都唔見有菠蘿蛋糕 走去問一問收銀姐姐 點知 原來無賣好耐......😭咁是但揀個黑芝麻包啦 因為麵包款式一般 都無咩選擇唔知係咪放學時間定點 好多人排緊隊 心諗：嘩 唔係下話 咪要排好耐？🙂點知又唔係喎 收銀姐姐好快手 唔使好耐就已經到我 仲要數口好精 唔使計數機都可以計得咁精準 呢樣真係要讚一讚 紮馬尾戴眼鏡呢位姐姐 同茶記呀姐一樣 好厲害👍🏻試左黑芝麻包同叫左杯奶茶 首先個黑芝麻包呢 正常 唔會好甜 但個杯奶茶呢 真係不得了 澀到呢...... 又話出名奶茶咖啡既😫😫 希望下次再返黎個陣 麵包款式會多返d選擇 同埋可以試到熱杏仁露啦